Bl 3
3
Kon bơngai huŏng lăm tơdrong yoch
1Âu, lăm lu kon sem brem mă đêl Kră Yang 'Bok Kei-Dei pơjing, 'bih boih mă adrĕch hơlĕnh kơnê̆. 'Bih sư pơma hăm bơngai drŏ-kăn khan: “Kră Yang 'Bok Kei-Dei đei khan tơtă ưh kơ ăn kơ măr iĕm sa plei 'long lăm pơgar âu dah kiơ?”
2Bơngai drŏ-kăn tơl khan: “Nhi gơh sa plei 'long lăm pơgar. 3Mă-lei gah plei 'long tơnơm mă chăt tŏk-bŏk pơgar, Kră Yang 'Bok Kei-Dei pơkă khan: Măr iĕm 'nĕ kơ sa păng kư̆m 'nĕ kơ hơtŭt 'bơm, kơnh măr iĕm lôch.”
4'Bih khan kơ bơngai drŏ-kăn dơ̆ng: “Măr iĕm huay kơ lôch; 5Mă-lei Kră Yang 'Bok Kei-Dei băt layơ măr iĕm sa plei 'long noh, măr iĕm gô hlôh thoi Kră Yang 'Bok Kei-Dei, băt tơdrong 'lơ̆ng păng tơdrong kơnê̆.”a
6Bơngai drŏ-kăn lăng 'bôh plei 'long noh rŏ kơ sa 'lơ̆ng nham, na kư̆m lăp măt păng gĭtb yua kơ wă pơih kơ̆l 'ngok hơgei na phĕ sa; đơ̆ng noh na ăn kơ klo sư sa, mă oei jê̆ sư. Klo sư kư̆m sa mơ̆n. 7Đơ̆ng noh na măt măr sư lar, băt kơdih tơlŭnh akâu hoh, na năm gơ̆ hla 'long hơra sĭt pĕng akâu.
8Hiưp 'năr glơh, kơtơ̆ng Kră Yang 'Bok Kei-Dei yak năm lăm pơgar. Ađam păng akăn sư ôn akâu bre sư tŏk-bŏk hơmŭl 'long, wă weh đơ̆ng muh măt Kră Yang 'Bok Kei-Dei. 9Kră Yang 'Bok Kei-Dei krao Ađam păng jet: “Ih tơ yơ?”
10Ađam tơl: “Inh đei kơtơ̆ng Ih yak lăm pơgar, na inh hli yua kơ inh akâu hoh, na inh ôn akâu.”
11Kră Yang 'Bok Kei-Dei jet khan: “Bu đei tơ'bôh kơ ih băt ih akâu hoh?” Hăm trŏ kơ ih đei sa plei 'long Inh đei khă ưh kơ ăn ih sa?”
12Sư tơl: “Bơngai drŏ-kăn mă Ih ăn kơ sư oei jê̆ inh noh sư ăn kơ inh sa plei 'long noh păng inh đei sa boih.”
13Kră Yang 'Bok Kei-Dei jet bơngai drŏ-kăn thoi âu: “Ih pơm kiơ thoi noh?”
Bơngai drŏ-kăn tơl khan: “'Bih sư pơhlŭ inh na inh sa boih.”
14Kră Yang 'Bok Kei-Dei đei pơma kơ 'bih thoi âu: “Yua kơ e đei pơm tơdrong thoi âu.
E gô pŭ hơngiap hloh lăm khŭl sem brem păng sem bri.
E gô ah an klak păng sa 'mui teh đĭ chăl arih e.
15Inh gô ăn kơ e păng bơngai drŏ-kăn,
adrĕch adrung bơngai drŏ-kăn
hăm adrĕch adrung e gô ayăt dih băl.
Kon bơngai gô juăc bơhlơ̆r kơ̆l e,
na e gô choh kơnơl jơ̆ng Sư.”
16Kră Yang 'Bok Kei-Dei khan kơ bơngai drŏ-kăn thoi âu:
“Inh gô ăn tơdrong gleh pơmat lăm tơdrong anăp;
ih gô jĭ pơmat lăm năr hơiơch.
Gah tơdrong hưch wă ih gô mơ̆ng kơ klo ih,
păng klo ih gô pơgơ̆r ih.”
17Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’
lăm chăl arih ih athei chu gleh lap na đei tơmam sa kơ ih lĕch đơ̆ng teh.
18Teh gô chăt lu jơla păng 'long bơmrôm,
păng ih gô sa tơmam chăt đơ̆ng lăm mir pơgar;
19Ih athei jang lĕch đak bơuh bơang tơ klĕng ih 'mơ̆i na đei sa,d
dĭng truh tơ năr ih brŏk tơ teh dơ̆ng,
teh mă đêl man ih sơ̆,
yua kơ ih đơ̆ng 'mui teh,
ih gô brŏk tơ 'mui teh.”
20Ađam krao anăn akăn sư Ewơ,e
21Kră Yang 'Bok Kei-Dei iŏk akar sem brem pơm ao tai ăn kơ bre klo kăn Ađam hrŭk. 22Kră Yang 'Bok Kei-Dei khan thoi âu: “Âu gah băt kơ tơdrong 'lơ̆ng păng tơdrong kơnê̆, kon bơngai băt kư̆m thoi lĕ kơ bơ̆n, na dang ei bơ̆n athei kơchăng kơnh hli kơ kon bơngai yơ̆r ti sư phĕ sa plei 'long tơdrong arih, na gơh arih ling-lang.” 23Na Kră Yang 'Bok Kei-Dei puh tơlĕch kon bơngai đơ̆ng pơgar Êđen wă kơ choh jang sa teh mă đêl pơjing lu sư sơ̆. 24Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.
Právě zvoleno:
Bl 3: bdq
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Bahnar Bible Association. All rights reserved.