Yela 126
126
Korowii nɛra lɛɛ wesoŋa
1Korowii aa bera lawɛ yaa
ba Jerusalam la,
dɛ a do kɛŋɔ deera ken
ya be.
2Ya sie lɛo kohona,
ya mamɛ dɛɛ ɡo yela,
asɛ harɛre nɛra bwa
bol ya waa ŋɔ,
“Korowii ɛ wejena tɛɛ ba.”
3Kasinteŋ, ya sie lɛo kohona,
dɛkalkɛŋɔ Korowii ɛ
wejena tɛ yaa.
4N Naa Korowii,
ɡel ya wobɛlbwa berɛ
do wer tɛ yaa kɛŋɔ,
bwaala yon nɛ do
nenabɔɔne aa hola ta
á suuɡi la ken.
5Nɛra baa kpɔ siniire du
kwaa la, baa koma
silɛɛ nee dɛɛ ɡo yela.
6Nɛra baa kpɔ siniire
dɛ che ba kondwee le
ka du la,
baa komaa dɛ chea
ba silɛɛ yela ne.
Právě zvoleno:
Yela 126: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.