Mak 1
1
Jɔn waa dɛ sɔ nɛra Korowii nee wa
(Mat 3:1-12; Luk 3:1-18; Jɔn 1:19-28)
1N dɛ nyin n baɡle heyaa amanesoma aa le Korowii Bie Yeesu Kristo waa la ta. A mumparee nɔ.
2Korowii keame Aesaya chwerɛ ɡɛ Korowii aa bol nɛn waa dɛ ba Yeesu sie tɔe la waa o Tɔn bini ŋɔ,
“Mɛɛ tomɛ n toromee
ó tɔ he sie dɛ́ kwaa ŋwɛnɛ tɛɛ.”#Mal 3:1
3Dɛ berɛ chwerɛ ŋɔ,
“Nomɛl dɛ bol waa takpeɡ ne
pua hɛŋle ɡbo harɛ ta,
dɛ ŋɔ nɛ́ra ɡel ba we-ɛɛla toɡre,
dɛ́ kpɔ ba te dɛɛ kpa ba Dɔɔ bala.”#Aes 40:3
4Gɛɛ a do Jɔn ir dɛ ba pua hɛŋle ɡbo harɛ la ta, dɛ ba bol Korowii Waa dɛɛ baɡle nɛra, dɛɛ ŋɔ bá charɛ ba liire dɛ́ le ba wechɔɡa ta, ásɛ Korowii kpɔ ba wechɔɡa kɛ ba, ásɛ o ɡe sɔ ba Korowii ne. 5Belaa nɛra baa le Juda harɛ, ne Jerusalam tena bwa le kaa Jɔn be ka no o waa la, dɛ bol ba wechɔɡa dɛɛ baɡlo, asɛ o sɔ ba Korowii nee Jɔɔdan Moo ta. 6Jɔn nɔ yal waa tɔɔ la, nyoɡma pona nee ba sɔɔh, ol tɔn ɡee ɛ o kiriso. Dɛ tontombɛ ne toohnee ɛ o kondikwa. 7O ŋɔ nɛra la be ŋɔ, “Nomɛl dɛ ba n habɔɔ dɛ́ ɡwaa mɛ. Maa o napaa tee kwaraa dɔ. 8Maa sɔ heyaa Korowii nee la, nee ɡbaɡbaa n kpɔ sɔ heya. Kɛ o te ɛɛ kpɔ Korowii Domadɛɛɡe laanee sɔ heya.”
Jɔn sɔ Yeesu Korowii ne, asɛ Bɔnsam ɡe daahno na
(Mat 3:1—4:11; Luk 3:21-22; 4:1-13)
9Belaa Yeesu le Nasarɛt waa lɔ Galilia harɛ ta dɛ ba Jɔn be, asɛ o sɔɔ Korowii nee Jɔɔdan Moo ta. 10Buɡ la ta, Yeesu aa le nee la ta la, o nao kɛŋɔ nyundua pilo, asɛ Korowii Domadɛɛɡe do kɛŋɔ borɔnoma ken dɛ ba so o nɛ.#Aes 11:2-3 11Asɛ o no taa bɛl le nyundua ŋɔ, “Henee n bie maa dɛ nyin he wa, he wa ɛɛ su n siwi.”
12Anee Korowii Doma la den ɡel o kaa pua hɛŋle ɡbo harɛ ta, 13bela kpɔɡ bini olchɔɡa aa lole, asɛ o do bela tɔpera fifraanaarɛ. Dɛ Bɔnsam dɛ ba o be bela dɛ baa daahno dɛɛ na kɛŋɔ o fe charɛ nyoa. Dɛ nyundua toroma ɡe dɛ ba o be dɛ baa chao.
Gɛ Yeesu aa kpɔ o loɡla habɔteŋra
(Mat 4:12-22; Luk 4:14-15; 5:1-11)
14Belaa ba lawɛ Jɔn do dea. A habɔɔ la, Yeesu la Galilia harɛ dɛ ka bol Korowii Amanesoma baɡ ba. 15O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”
16Belaa Yeesu aa dɛ valɛ Galilia Moo la nyoa la, o na nɛra banɛ bane baa dɛ ɛ nee toma dɛɛ ta asau, Seemɔn ne o nime Andriu. 17Anee Yeesu ŋɔ ba be ŋɔ, “Hé ɡel he pɛŋa la nyina dɛ́ ba teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.” 18Buɡ la ta la, ba ɡel ba asauri la dɛ teŋɛ o nɛ.
19Baa le bela dɛ la sie tama ken la, o na baala banɛ bane, Sebedii bii Jems ne o nime Jɔn, baa lɔ ba ɡbera bini dɛɛ tɔɔɡe ba asauri. 20Belaa Yeesu yer ba, asɛ ba ɡel ba mɛɛ Sebedii ne paa tena baa kpɔ ba ja ba nɛɛ la ɡbera la bini dɛ ka teŋɛ o nɛ.
Baa bɛl kwaa aa dɛ ir o nɛɛ wa
(Luk 4:31-37)
21Yeesu ne o habɔteŋra la Kapeeneɔm, asɛ Ona Tɔpere la, o la cheremi dea dɛ ka baɡle wa. 22O webaɡla la ɛɛ ba nyokpoa, dɛkalkɛŋɔ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken. 23Belaa baa bɛl kwaa aa dɛ ir o nɛɛ ba cheremi dea bela dɛ ba nyɛɡ ŋɔ, 24“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”
25Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ.” 26Asɛ a ir o nɛɛ dɛ ɡel o beŋri, a dooɡe lɔŋɔre mɔɔ dɛ le o nɛ. 27Gɛ waa nɔ ɛ nɛra la bwa nyokpoa, asɛ ba bol dɔŋa be ŋɔ, “Bɔkwa waa nɔɔ? A ɡe ɛ webaɡlefala kɛɛ? He ta nae kɛŋɔ o dɔ kpeɡri dɛ bol waa kwaa aa dɛ ir nɛra nɛɛ be a no dɛɛ kaa la aa?” 28Buɡ la ta, Yeesu waa perɛ Galilia harɛ bobɛlbwa.
Gɛ Yeesu aa chah nɛndamanta bane
(Mat 8:14-17; Luk 4:38-41)
29Baa le cheremi dea bela la, ba ne Jems ne Jɔn pa sie kaa Seemɔn ne Andriu dem. 30Dɛ Seemɔn helahaah bwara wɔrɔbɔ o chɔ kalaŋ ta. Yeesu aa bala la, ba bol haah la waa baɡlo. 31Asɛ o la o be dɛ ka lawɔ ir. Belaa a le o nɛ o bwara sɔɔhno, asɛ o ir dɛ daa kwaa tɛɛ ba.
32Wee aa joa la, ba kpɔ weela tena ne nɛra kwaa aa dɛ ir ba nɛɛ bwa ba Yeesu be. 33Asɛ bwɛɛ la tena la bwa ba che dem la doonyoa. 34O chah nɛndamanta weela bwa soo siwi aa lɔ ba nɛ, dɛ doŋi kwaa ɡe le nɛndamanta nɛ. O ta kwaa la ŋwɛnɛ tɛɛ a won bol wa, dɛkalkɛŋɔ a jemɛ o nɛnsoo.
Yeesu Korowii waa bola Galilia harɛ ta
(Luk 4:42-44)
35Tɔ aa pera chɔmbibi la, Yeesu iro le dem bela dɛ kaa bela aa hela, dɛ ka soŋe Korowii. 36Belaa Seemɔn ne o bala la ir dɛ kaa ɡaaɡe o bɔr. 37Baa nao la, ba ŋɔ o be ŋɔ, “Nɛra bwa dɛ nyin he bɔr.”
38Anee Yeesu ŋɔ ba be ŋɔ, “Hé ɡel ya kaa bwɛɛre aa bɛne bonɔ nɔ ta ásɛ n ka bol waa a ɡe ta, dɛkalkɛ a waa n koh ba.” 39Anomanta, o valɛ Galilia harɛ bwa dɛɛ bol waa ba cheremi deene bini dɛɛ doŋi kwaa aa dɛ ir nɛra nɛ.
Yeesu chah baa bɛl weechɔɡa aa ɛ o bwara
(Mat 8:1-4; Luk 5:12-16)
40Asɛ baa bɛl weechɔɡa aa ɛ o bwara ba Yeesu be, dɛ ba ɡuŋi harɛ dɛ soŋo ŋɔ, “Hɛɛ sɛoh waa, hɛɛ wonoo ɡel n bwara kwaa.”
41O waa do Yeesu sum, o tɛr o nɔn leɡo dɛ ŋɔ, “N sɛoh. N ɡelɔ he bwara kwaa.” 42Buɡ la ta la, weela la den le o nɛ, asɛ o bwara kwaa. 43Anee Yeesu kaoh ŋɔ, 44“Bɛ nomɛlbwa be ŋɔ. Pa sie kaa Sɔfo be dɛ́ kpɔ he te ka baɡlo ó pɛne, asɛ hé kpɔ kwaa ka tɛo ó kpo, ɡɛ Mosis aa baɡla la, á baɡle kɛ he weela la toole he nɛɛ kpa.” Waa kaoh tonɛ la, o ɡelɔ o le kaa.#Lew 14:2-32 45Baa la aa lea la, o kpɔ waa la perɛ bobɛlbwa. A ɡelɔ Yeesu ta wone valɛ kɛrɛdɛ ɡɛ waa dɛ nyin kpa. Anomanta, bwɛɛ bɛlbwa waa la o ta la, ɡɛɛ o ka so bwɛɛ la dahara, asɛ nɛra le bobɛlbwa dɛ ba o be.
Právě zvoleno:
Mak 1: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 1
1
Jɔn waa dɛ sɔ nɛra Korowii nee wa
(Mat 3:1-12; Luk 3:1-18; Jɔn 1:19-28)
1N dɛ nyin n baɡle heyaa amanesoma aa le Korowii Bie Yeesu Kristo waa la ta. A mumparee nɔ.
2Korowii keame Aesaya chwerɛ ɡɛ Korowii aa bol nɛn waa dɛ ba Yeesu sie tɔe la waa o Tɔn bini ŋɔ,
“Mɛɛ tomɛ n toromee
ó tɔ he sie dɛ́ kwaa ŋwɛnɛ tɛɛ.”#Mal 3:1
3Dɛ berɛ chwerɛ ŋɔ,
“Nomɛl dɛ bol waa takpeɡ ne
pua hɛŋle ɡbo harɛ ta,
dɛ ŋɔ nɛ́ra ɡel ba we-ɛɛla toɡre,
dɛ́ kpɔ ba te dɛɛ kpa ba Dɔɔ bala.”#Aes 40:3
4Gɛɛ a do Jɔn ir dɛ ba pua hɛŋle ɡbo harɛ la ta, dɛ ba bol Korowii Waa dɛɛ baɡle nɛra, dɛɛ ŋɔ bá charɛ ba liire dɛ́ le ba wechɔɡa ta, ásɛ Korowii kpɔ ba wechɔɡa kɛ ba, ásɛ o ɡe sɔ ba Korowii ne. 5Belaa nɛra baa le Juda harɛ, ne Jerusalam tena bwa le kaa Jɔn be ka no o waa la, dɛ bol ba wechɔɡa dɛɛ baɡlo, asɛ o sɔ ba Korowii nee Jɔɔdan Moo ta. 6Jɔn nɔ yal waa tɔɔ la, nyoɡma pona nee ba sɔɔh, ol tɔn ɡee ɛ o kiriso. Dɛ tontombɛ ne toohnee ɛ o kondikwa. 7O ŋɔ nɛra la be ŋɔ, “Nomɛl dɛ ba n habɔɔ dɛ́ ɡwaa mɛ. Maa o napaa tee kwaraa dɔ. 8Maa sɔ heyaa Korowii nee la, nee ɡbaɡbaa n kpɔ sɔ heya. Kɛ o te ɛɛ kpɔ Korowii Domadɛɛɡe laanee sɔ heya.”
Jɔn sɔ Yeesu Korowii ne, asɛ Bɔnsam ɡe daahno na
(Mat 3:1—4:11; Luk 3:21-22; 4:1-13)
9Belaa Yeesu le Nasarɛt waa lɔ Galilia harɛ ta dɛ ba Jɔn be, asɛ o sɔɔ Korowii nee Jɔɔdan Moo ta. 10Buɡ la ta, Yeesu aa le nee la ta la, o nao kɛŋɔ nyundua pilo, asɛ Korowii Domadɛɛɡe do kɛŋɔ borɔnoma ken dɛ ba so o nɛ.#Aes 11:2-3 11Asɛ o no taa bɛl le nyundua ŋɔ, “Henee n bie maa dɛ nyin he wa, he wa ɛɛ su n siwi.”
12Anee Korowii Doma la den ɡel o kaa pua hɛŋle ɡbo harɛ ta, 13bela kpɔɡ bini olchɔɡa aa lole, asɛ o do bela tɔpera fifraanaarɛ. Dɛ Bɔnsam dɛ ba o be bela dɛ baa daahno dɛɛ na kɛŋɔ o fe charɛ nyoa. Dɛ nyundua toroma ɡe dɛ ba o be dɛ baa chao.
Gɛ Yeesu aa kpɔ o loɡla habɔteŋra
(Mat 4:12-22; Luk 4:14-15; 5:1-11)
14Belaa ba lawɛ Jɔn do dea. A habɔɔ la, Yeesu la Galilia harɛ dɛ ka bol Korowii Amanesoma baɡ ba. 15O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”
16Belaa Yeesu aa dɛ valɛ Galilia Moo la nyoa la, o na nɛra banɛ bane baa dɛ ɛ nee toma dɛɛ ta asau, Seemɔn ne o nime Andriu. 17Anee Yeesu ŋɔ ba be ŋɔ, “Hé ɡel he pɛŋa la nyina dɛ́ ba teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.” 18Buɡ la ta la, ba ɡel ba asauri la dɛ teŋɛ o nɛ.
19Baa le bela dɛ la sie tama ken la, o na baala banɛ bane, Sebedii bii Jems ne o nime Jɔn, baa lɔ ba ɡbera bini dɛɛ tɔɔɡe ba asauri. 20Belaa Yeesu yer ba, asɛ ba ɡel ba mɛɛ Sebedii ne paa tena baa kpɔ ba ja ba nɛɛ la ɡbera la bini dɛ ka teŋɛ o nɛ.
Baa bɛl kwaa aa dɛ ir o nɛɛ wa
(Luk 4:31-37)
21Yeesu ne o habɔteŋra la Kapeeneɔm, asɛ Ona Tɔpere la, o la cheremi dea dɛ ka baɡle wa. 22O webaɡla la ɛɛ ba nyokpoa, dɛkalkɛŋɔ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken. 23Belaa baa bɛl kwaa aa dɛ ir o nɛɛ ba cheremi dea bela dɛ ba nyɛɡ ŋɔ, 24“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”
25Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ.” 26Asɛ a ir o nɛɛ dɛ ɡel o beŋri, a dooɡe lɔŋɔre mɔɔ dɛ le o nɛ. 27Gɛ waa nɔ ɛ nɛra la bwa nyokpoa, asɛ ba bol dɔŋa be ŋɔ, “Bɔkwa waa nɔɔ? A ɡe ɛ webaɡlefala kɛɛ? He ta nae kɛŋɔ o dɔ kpeɡri dɛ bol waa kwaa aa dɛ ir nɛra nɛɛ be a no dɛɛ kaa la aa?” 28Buɡ la ta, Yeesu waa perɛ Galilia harɛ bobɛlbwa.
Gɛ Yeesu aa chah nɛndamanta bane
(Mat 8:14-17; Luk 4:38-41)
29Baa le cheremi dea bela la, ba ne Jems ne Jɔn pa sie kaa Seemɔn ne Andriu dem. 30Dɛ Seemɔn helahaah bwara wɔrɔbɔ o chɔ kalaŋ ta. Yeesu aa bala la, ba bol haah la waa baɡlo. 31Asɛ o la o be dɛ ka lawɔ ir. Belaa a le o nɛ o bwara sɔɔhno, asɛ o ir dɛ daa kwaa tɛɛ ba.
32Wee aa joa la, ba kpɔ weela tena ne nɛra kwaa aa dɛ ir ba nɛɛ bwa ba Yeesu be. 33Asɛ bwɛɛ la tena la bwa ba che dem la doonyoa. 34O chah nɛndamanta weela bwa soo siwi aa lɔ ba nɛ, dɛ doŋi kwaa ɡe le nɛndamanta nɛ. O ta kwaa la ŋwɛnɛ tɛɛ a won bol wa, dɛkalkɛŋɔ a jemɛ o nɛnsoo.
Yeesu Korowii waa bola Galilia harɛ ta
(Luk 4:42-44)
35Tɔ aa pera chɔmbibi la, Yeesu iro le dem bela dɛ kaa bela aa hela, dɛ ka soŋe Korowii. 36Belaa Seemɔn ne o bala la ir dɛ kaa ɡaaɡe o bɔr. 37Baa nao la, ba ŋɔ o be ŋɔ, “Nɛra bwa dɛ nyin he bɔr.”
38Anee Yeesu ŋɔ ba be ŋɔ, “Hé ɡel ya kaa bwɛɛre aa bɛne bonɔ nɔ ta ásɛ n ka bol waa a ɡe ta, dɛkalkɛ a waa n koh ba.” 39Anomanta, o valɛ Galilia harɛ bwa dɛɛ bol waa ba cheremi deene bini dɛɛ doŋi kwaa aa dɛ ir nɛra nɛ.
Yeesu chah baa bɛl weechɔɡa aa ɛ o bwara
(Mat 8:1-4; Luk 5:12-16)
40Asɛ baa bɛl weechɔɡa aa ɛ o bwara ba Yeesu be, dɛ ba ɡuŋi harɛ dɛ soŋo ŋɔ, “Hɛɛ sɛoh waa, hɛɛ wonoo ɡel n bwara kwaa.”
41O waa do Yeesu sum, o tɛr o nɔn leɡo dɛ ŋɔ, “N sɛoh. N ɡelɔ he bwara kwaa.” 42Buɡ la ta la, weela la den le o nɛ, asɛ o bwara kwaa. 43Anee Yeesu kaoh ŋɔ, 44“Bɛ nomɛlbwa be ŋɔ. Pa sie kaa Sɔfo be dɛ́ kpɔ he te ka baɡlo ó pɛne, asɛ hé kpɔ kwaa ka tɛo ó kpo, ɡɛ Mosis aa baɡla la, á baɡle kɛ he weela la toole he nɛɛ kpa.” Waa kaoh tonɛ la, o ɡelɔ o le kaa.#Lew 14:2-32 45Baa la aa lea la, o kpɔ waa la perɛ bobɛlbwa. A ɡelɔ Yeesu ta wone valɛ kɛrɛdɛ ɡɛ waa dɛ nyin kpa. Anomanta, bwɛɛ bɛlbwa waa la o ta la, ɡɛɛ o ka so bwɛɛ la dahara, asɛ nɛra le bobɛlbwa dɛ ba o be.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.