Matiu 28
28
Yeesu seo ta ira wa
(Mak 16:1-10; Luk 24:1-12; Jɔn 20:1-10)
1Ona Tɔpere la aa ɡara, asɛ tɔɔ ɛɛ ba pera Kwasiara waa ɛ tɔpeloɡle la, Mɛɛre waa le Maɡdala la ne o dɔŋ Mɛɛre la iro ŋɔ ba dɛ la ka nyiŋi bela baa huɡe Yeesu la.
2Kerabeŋkpoŋ dɛ Korowii nyundua torome bɛl le nyundua tu harɛ, asɛ harɛ jiɡri kohona. O la bɔɔ la ta dɛ ka ɡbili bwejen la le o nyoa, dɛ so o ta. 3Dɛ he nao waa, o dɛ jajare sie kɛŋɔ bwaala aa nyɛɡla ken, asɛ o laala waa doa la ɡe to kpelkpel kɛŋɔ yabii ken. 4Soojare baa dɛ daah bela la aa nao la, ba ɔmɔ taeh, ba bwara ɛɛ sa, ba bwa chɔɔɡe kɛŋɔ nɛra baa serewa ken.
5Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin. 6O toole bonɔ kpa. O iro ɡɛ o fa aa ŋɔ he be la. Hé ba na bela baa huɡo la, 7ásɛ dɛ ɛ warane dɛ́ la ka baɡle o habɔteŋra be kɛŋɔ o ir seo ta, dɛ́ berɛ ŋɔ o tɔ ba sie dɛɛ kaa Galilia harɛ ta. Belaa baa ba o nae. Waa maa dɔa dɛ bol he be laanee la.”
8Asɛ haahna la chwa le bɔɔ la bɔr bela. Ɔmee laɡ ba, ba sie ɡe ɡarɛ lɛ taeh. Ba lawɛ ŋwɛnɛ dɛ chwa la ka taa waa la baɡle Yeesu habɔteŋra la. 9Buɡ la ta, Yeesu chem ba ŋwɛnɛ ta dɛ chɔɔ ba, asɛ ba tel o be dɛ ɡuŋi lawɛ o napaala dɛɛ duuru. 10Belaa Yeesu ŋɔ ba be ŋɔ, “He bɛ ɔmɛ. Hé la ka ŋɔ n nimanar la be kɛ bá kaa Galilia harɛ. Belaa baa ba n nae.”
Nɛra baa dɛ daah Yeesu lalbɔɔ nyoa wobol
11Haahna la ta aa lɔ ŋwɛnɛ ta dɛɛ kaa la, soojare la baa dɛ daah lalbɔɔ la bane chwao kaa bwɛjen Jerusalam dɛ taa waa aa chiɡa la bwa baɡle Sɔfonomonome. 12Sɔfonomonome la ne bwɛɛ nomonome chemo dɛ vɔrɔwe, dɛ nyin suuɡa damanta tɛ soojare la, 13dɛ lɔ ba nyoa ŋɔ, “He ɛo waa, hé ŋɔ dɛ he chɔɔɡe doromi harambaŋa, asɛ o habɔteŋra la ba ŋwɛo kaa, 14asɛ dɛ Paelet noɔ kɛ dɛ doromii he chɔ dɛ ɡel ba won ba ŋwɛ Yeesu chɔɔ la, dɛ ɡel ba la he ne kɔɔto aa, yá bol tɛ heyaa ásɛ he kon do som.” 15Soojare la aa lɛ suuɡa la, ɡɛ Sɔfonomonome la aa do ba ŋɔ bá bol laanee ba taa baɡle nɛra bwa. Hale kpoŋe ba le fini, ɡɛ waa laanee Juu tena ta kpoŋe dɛɛ bol.
Yeesu kpɔ o te chaɡle o habɔteŋra
(Mak 16:14-18; Luk 24:36-49; Jɔn 20:19-23; Weɛ 1:6-8)
16Yeesu habɔteŋra fi dɛ beŋkpoŋ la Galilia harɛ ta ka chemo bwe bɛl o fa aa ŋɔ ba be ŋɔ o baa ir seo ta naa bá chemo bela la.#Mat 26:32 17Baa nao la, ba duuru, kɛ dɛ bane dɛ tɔŋle ŋɔ Yeesu laa ba na la. 18Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.#Aes 9:6; Dan 7:13-14 19Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta, 20ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”
Právě zvoleno:
Matiu 28: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Matiu 28
28
Yeesu seo ta ira wa
(Mak 16:1-10; Luk 24:1-12; Jɔn 20:1-10)
1Ona Tɔpere la aa ɡara, asɛ tɔɔ ɛɛ ba pera Kwasiara waa ɛ tɔpeloɡle la, Mɛɛre waa le Maɡdala la ne o dɔŋ Mɛɛre la iro ŋɔ ba dɛ la ka nyiŋi bela baa huɡe Yeesu la.
2Kerabeŋkpoŋ dɛ Korowii nyundua torome bɛl le nyundua tu harɛ, asɛ harɛ jiɡri kohona. O la bɔɔ la ta dɛ ka ɡbili bwejen la le o nyoa, dɛ so o ta. 3Dɛ he nao waa, o dɛ jajare sie kɛŋɔ bwaala aa nyɛɡla ken, asɛ o laala waa doa la ɡe to kpelkpel kɛŋɔ yabii ken. 4Soojare baa dɛ daah bela la aa nao la, ba ɔmɔ taeh, ba bwara ɛɛ sa, ba bwa chɔɔɡe kɛŋɔ nɛra baa serewa ken.
5Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin. 6O toole bonɔ kpa. O iro ɡɛ o fa aa ŋɔ he be la. Hé ba na bela baa huɡo la, 7ásɛ dɛ ɛ warane dɛ́ la ka baɡle o habɔteŋra be kɛŋɔ o ir seo ta, dɛ́ berɛ ŋɔ o tɔ ba sie dɛɛ kaa Galilia harɛ ta. Belaa baa ba o nae. Waa maa dɔa dɛ bol he be laanee la.”
8Asɛ haahna la chwa le bɔɔ la bɔr bela. Ɔmee laɡ ba, ba sie ɡe ɡarɛ lɛ taeh. Ba lawɛ ŋwɛnɛ dɛ chwa la ka taa waa la baɡle Yeesu habɔteŋra la. 9Buɡ la ta, Yeesu chem ba ŋwɛnɛ ta dɛ chɔɔ ba, asɛ ba tel o be dɛ ɡuŋi lawɛ o napaala dɛɛ duuru. 10Belaa Yeesu ŋɔ ba be ŋɔ, “He bɛ ɔmɛ. Hé la ka ŋɔ n nimanar la be kɛ bá kaa Galilia harɛ. Belaa baa ba n nae.”
Nɛra baa dɛ daah Yeesu lalbɔɔ nyoa wobol
11Haahna la ta aa lɔ ŋwɛnɛ ta dɛɛ kaa la, soojare la baa dɛ daah lalbɔɔ la bane chwao kaa bwɛjen Jerusalam dɛ taa waa aa chiɡa la bwa baɡle Sɔfonomonome. 12Sɔfonomonome la ne bwɛɛ nomonome chemo dɛ vɔrɔwe, dɛ nyin suuɡa damanta tɛ soojare la, 13dɛ lɔ ba nyoa ŋɔ, “He ɛo waa, hé ŋɔ dɛ he chɔɔɡe doromi harambaŋa, asɛ o habɔteŋra la ba ŋwɛo kaa, 14asɛ dɛ Paelet noɔ kɛ dɛ doromii he chɔ dɛ ɡel ba won ba ŋwɛ Yeesu chɔɔ la, dɛ ɡel ba la he ne kɔɔto aa, yá bol tɛ heyaa ásɛ he kon do som.” 15Soojare la aa lɛ suuɡa la, ɡɛ Sɔfonomonome la aa do ba ŋɔ bá bol laanee ba taa baɡle nɛra bwa. Hale kpoŋe ba le fini, ɡɛ waa laanee Juu tena ta kpoŋe dɛɛ bol.
Yeesu kpɔ o te chaɡle o habɔteŋra
(Mak 16:14-18; Luk 24:36-49; Jɔn 20:19-23; Weɛ 1:6-8)
16Yeesu habɔteŋra fi dɛ beŋkpoŋ la Galilia harɛ ta ka chemo bwe bɛl o fa aa ŋɔ ba be ŋɔ o baa ir seo ta naa bá chemo bela la.#Mat 26:32 17Baa nao la, ba duuru, kɛ dɛ bane dɛ tɔŋle ŋɔ Yeesu laa ba na la. 18Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.#Aes 9:6; Dan 7:13-14 19Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta, 20ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.