Luk 3
3
Jɔn waa dɛ sɔ nɛra Korowii nee wa
(Mat 3:1-12; Mak 1:1-8; Jɔn 1:19-28)
1Gɛ saŋ Siisa Tibeereɔs aa di Rom kora bene fi dɛ anue la, dɛ Pɔnteɔs Paelet ɛ Juda harɛ nomoa, asɛ Hɛrɔd ɛ Galilia harɛ kooro, asɛ o dɔɔ Felep ɛ Ituria ne Trakonaetes harɛre kooro. Dɛ Laiseenias ɛ Abilini harɛ kooro, 2asɛ Anas ne Kaefas ɛ Sɔfonomonome Jerusalam. Gɛ saŋee Korowii kpɔ o waa do Jɔn waa ɛ Sekaria bie la nyoa pua hɛŋle ɡbo harɛ ta la, 3asɛ o ir dɛ bol Korowii Waa la bwɛɛre aa bar Jɔɔdan Moo la bwa ta, dɛɛ ŋɔ nómɛlbwa charɛ o liire dɛ́ le o wechɔɡa ta, ásɛ ba sɔɔ Korowii nee ásɛ Korowii kpɔ o wechɔɡa kɛo. 4Gɛ waa nɔɔ Korowii keame Aesaya chwerɛ o tɔn bini ŋɔ,
“Nomɛl dɛ bol waa takpeɡ ne pua
hɛŋle ɡbo harɛ ta dɛ ŋɔ,
nɛ́ra ɡel ba we-ɛɛla toɡre, dɛ́ kpɔ ba te
dɛɛ kpa ba Dɔɔ bala.#Aes 40:3-5
5Fɛlembɔɔ te bɛlbwa chɛ kɛŋɔ hé tɔɔ,
dɛ́ bur deŋɡare ne bwe te bɛlbwa.
Ŋwɛnɛ bɛlbwa waa ɡola la chɛ kɛŋɔ hé toɡro,
dɛ́ kwaa ŋwɛnɛ bɛlbwa bɔɔne bɔɔnere
aa lɔ o ta ó chɔ kpalantaŋ.
6Nɛwɛnyina bwa ɛɛ nao ɡɛ lɛɛ
Korowii aa dɛ ba yaa lɛɛ la aa doa.”
7Belaa Jɔn ŋɔ nɛnlaa baa lea ba o be ŋɔ ó sɔ ba nee la be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa! Umee ŋɔ he be ŋɔ hɛɛ wonoo chwa le Korowii bandia ta nɔ? 8Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta kpela. He bɛ he hwɛɡa kpɔ do Abraham nɛɛ kɛ o ɛ he nabaa nomanta, hɛɛ wonoo chwa Korowii bandia. Hé ɡel n ŋɔ he be ŋɔ, Korowii ɛɛ wonoo ɡel bwea nɔ beɡre Abraham naanar. 9He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.”
10Anee nɛnlaa la aa baro cheme la bɔɔro ŋɔ, “Aah, ɛrɛɛ yá ɛɔ?”
11Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”
12Belaa toɔ lɛɛra baa dɛ bɔ apoo bane ba ŋɔ ó sɔ ba Korowii ne, dɛ bɔɔro ŋɔ, “Nomoa, ɛrɛɛ chɛ kɛŋɔ yá ɛɔ?”
13Anee o chaŋ ba ŋɔ, “He bɛ suuɡa lɛ dɛɛ ɡwaa ɡɛ aa chɛ kɛŋɔ hɛ́ɛ lɛ.” 14Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?”
Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”
15Nɛnlaa la hɛɡra den ir waa aa dɛ ba bala la ta, baa lii ba nyu bini kɛŋɔ Jɔnee ken ɛ Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la. 16Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.#Weɛ 1:5 17O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”#Mal 4:1 18Amanesoma Jɔn aa bola dɛ kpɔ ja nɛra la te ta nyoa dɔe.
19Jɔn ŋɔ Galilia Kooro Hɛrɔd be ŋɔ moe waa mo o nime haah Hɛrɔdeas la, ne wechɔɡa bwa waa ɛa ja la ta maɡrɛ.#Mat 14:3-4 20Gɛ waa nɔ Jɔn aa bol o be la nomanta, o ɡelɔ ba lawɔ do dea dɛ den do anam kwara.
Yeesu Korowii nee sɔe wa
(Mat 3:13-17; Mak 1:9-11)
21Gɛ saŋ Jɔn fa aa dɛ sɔ nɛra la bwa Korowii nee la, o sɔ Yeesu ɡe. Yeesu nee sɔe ta, waa dɛ soŋe Korowii la, nyundua pilo, 22asɛ Korowii Domadɛɛɡe do kɛŋɔ borɔnoma ken dɛ ba so o nɛ, asɛ ba no taa bɛl nyundua kɛŋɔ, “Henee n bie maa dɛ nyin he wa, he waa ɛɛ su n siwi.”#Aes 11:2-3; Luk 9:35
Gɛ Yeesu Kristo nabaala aa teŋɛ dɔŋa nɛ
(Mat 1:1-17)
23Gɛ saŋ Yeesu aa pa mun dɛɛ ɛ o toma la, dɛ o di bene dɛ ɛ fifraatoro, dɛ nɛra dɛ lii kɛŋɔ Josef biee.
Josef ɡe mɛɛɛ Heli, 24Heli ɡe mɛɛɛ Matat,
Matat ɡe mɛɛɛ Lewi, Lewi ɡe mɛɛɛ Mɛlke,
Mɛlke ɡe mɛɛɛ Janai, asɛ Janai la ɡe mɛɛɛ Josef.
25Josef ɡe mɛɛɛ Matateas,
Matateas ɡe mɛɛɛ Emɔs,
Emɔs ɡe mɛɛɛ Neehum, Neehum ɡe mɛɛɛ Ɛsle,
Ɛsle ɡe mɛɛɛ Naɡae, 26asɛ Naɡae la ɡe mɛɛɛ Mat
Maat ɡe mɛɛɛ Matateas, Matateas ɡe mɛɛɛ Semein,
Semein ɡe mɛɛɛ Josek, Josek ɡe mɛɛɛ Jɔda,
27Jɔda ɡe mɛɛɛ Jɔhanan, asɛ Jɔhanan la ɡe mɛɛɛ Resa.
Resa ɡe mɛɛɛ Sɛrobabɛl, Sɛrobabɛl ɡe mɛɛɛ Sealteɛl,
Sealteɛl ɡe mɛɛɛ Nɛre, 28Nɛre ɡe mɛɛɛ Mɛlke,
Mɛlke ɡe mɛɛɛ Adi, asɛ Adi la ɡe mɛɛɛ Kosam.
Kosam ɡe mɛɛɛ Ɛlmadam, Ɛlmadam ɡe mɛɛɛ Er,
29Er ɡe mɛɛɛ Josua, Josua ɡe mɛɛɛ Eliesa,
Eliesa ɡe mɛɛɛ Jorim, asɛ Jorim la ɡe mɛɛɛ Matat.
Matat ɡe mɛɛɛ Lewi, 30Lewi ɡe mɛɛɛ Simeon,
Simeon ɡe mɛɛɛ Juda, Juda ɡe mɛɛɛ Josef,
Josef ɡe mɛɛɛ Jonam, asɛ Jonam la ɡe mɛɛɛ Eliakim.
31Eliakim ɡe mɛɛɛ Mɛlea, Mɛlea ɡe mɛɛɛ Mɛna,
Mɛna ɡe mɛɛɛ Matata, Matata ɡe mɛɛɛ Netan,
Netan ɡe mɛɛɛ Devid, 32asɛ Devid la ɡe mɛɛɛ Jese.
Jese ɡe mɛɛɛ Ɔbɛd, Ɔbɛd ɡe mɛɛɛ Boas,#Rut 4:17
Boas ɡe mɛɛɛ Salmon, Salmon ɡe mɛɛɛ Naasɔn,
33Naasɔn ɡe mɛɛɛ Aminadab, asɛ Aminadab la ɡe mɛɛɛ Admin.
Admin ɡe mɛɛɛ Aani, Aani ɡe mɛɛɛ Hɛsrɔn,
Hɛsrɔn ɡe mɛɛɛ Pɛrɛs, Pɛrɛs ɡe mɛɛɛ Juda,
34Juda ɡe mɛɛɛ Jekɔb, asɛ Jekɔb la ɡe mɛɛɛ Aesek.
Aesek ɡe mɛɛɛ Abraham, Abraham ɡe mɛɛɛ Tɛɛra,
Tɛɛra ɡe mɛɛɛ Neehɔ,#Mum 11:10-26
35Neehɔ ɡe mɛɛɛ Sɛrɔɡ,
Sɛrɔɡ ɡe mɛɛɛ Reu, asɛ Reu la ɡe mɛɛɛ Pɛlɛɡ.
Pɛlɛɡ ɡe mɛɛɛ Iba,#Mum 10:25 Iba ɡe mɛɛɛ Seela,
36Seela ɡe mɛɛɛ Keinan, Keinan ɡe mɛɛɛ Aafaksad,
Aafaksad ɡe mɛɛɛ Sɛm, asɛ Sɛm la ɡe mɛɛɛ Nowa.
Nowa ɡe mɛɛɛ Lamɛk,
37Lamɛk ɡe mɛɛɛ Mɛtusala,
Mɛtusala ɡe mɛɛɛ Enɔk, Enɔk ɡe mɛɛɛ Jarɛd,
Jarɛd ɡe mɛɛɛ Mahalalel, asɛ Mahalalel la ɡe mɛɛɛ Keinan.
38Keinan ɡe mɛɛɛ Enɔs, Enɔs ɡe mɛɛɛ Sɛt,
Sɛt ɡe mɛɛɛ Adam,
asɛ Korowiirii ta Adam.
Právě zvoleno:
Luk 3: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Luk 3
3
Jɔn waa dɛ sɔ nɛra Korowii nee wa
(Mat 3:1-12; Mak 1:1-8; Jɔn 1:19-28)
1Gɛ saŋ Siisa Tibeereɔs aa di Rom kora bene fi dɛ anue la, dɛ Pɔnteɔs Paelet ɛ Juda harɛ nomoa, asɛ Hɛrɔd ɛ Galilia harɛ kooro, asɛ o dɔɔ Felep ɛ Ituria ne Trakonaetes harɛre kooro. Dɛ Laiseenias ɛ Abilini harɛ kooro, 2asɛ Anas ne Kaefas ɛ Sɔfonomonome Jerusalam. Gɛ saŋee Korowii kpɔ o waa do Jɔn waa ɛ Sekaria bie la nyoa pua hɛŋle ɡbo harɛ ta la, 3asɛ o ir dɛ bol Korowii Waa la bwɛɛre aa bar Jɔɔdan Moo la bwa ta, dɛɛ ŋɔ nómɛlbwa charɛ o liire dɛ́ le o wechɔɡa ta, ásɛ ba sɔɔ Korowii nee ásɛ Korowii kpɔ o wechɔɡa kɛo. 4Gɛ waa nɔɔ Korowii keame Aesaya chwerɛ o tɔn bini ŋɔ,
“Nomɛl dɛ bol waa takpeɡ ne pua
hɛŋle ɡbo harɛ ta dɛ ŋɔ,
nɛ́ra ɡel ba we-ɛɛla toɡre, dɛ́ kpɔ ba te
dɛɛ kpa ba Dɔɔ bala.#Aes 40:3-5
5Fɛlembɔɔ te bɛlbwa chɛ kɛŋɔ hé tɔɔ,
dɛ́ bur deŋɡare ne bwe te bɛlbwa.
Ŋwɛnɛ bɛlbwa waa ɡola la chɛ kɛŋɔ hé toɡro,
dɛ́ kwaa ŋwɛnɛ bɛlbwa bɔɔne bɔɔnere
aa lɔ o ta ó chɔ kpalantaŋ.
6Nɛwɛnyina bwa ɛɛ nao ɡɛ lɛɛ
Korowii aa dɛ ba yaa lɛɛ la aa doa.”
7Belaa Jɔn ŋɔ nɛnlaa baa lea ba o be ŋɔ ó sɔ ba nee la be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa! Umee ŋɔ he be ŋɔ hɛɛ wonoo chwa le Korowii bandia ta nɔ? 8Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta kpela. He bɛ he hwɛɡa kpɔ do Abraham nɛɛ kɛ o ɛ he nabaa nomanta, hɛɛ wonoo chwa Korowii bandia. Hé ɡel n ŋɔ he be ŋɔ, Korowii ɛɛ wonoo ɡel bwea nɔ beɡre Abraham naanar. 9He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.”
10Anee nɛnlaa la aa baro cheme la bɔɔro ŋɔ, “Aah, ɛrɛɛ yá ɛɔ?”
11Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”
12Belaa toɔ lɛɛra baa dɛ bɔ apoo bane ba ŋɔ ó sɔ ba Korowii ne, dɛ bɔɔro ŋɔ, “Nomoa, ɛrɛɛ chɛ kɛŋɔ yá ɛɔ?”
13Anee o chaŋ ba ŋɔ, “He bɛ suuɡa lɛ dɛɛ ɡwaa ɡɛ aa chɛ kɛŋɔ hɛ́ɛ lɛ.” 14Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?”
Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”
15Nɛnlaa la hɛɡra den ir waa aa dɛ ba bala la ta, baa lii ba nyu bini kɛŋɔ Jɔnee ken ɛ Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la. 16Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.#Weɛ 1:5 17O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”#Mal 4:1 18Amanesoma Jɔn aa bola dɛ kpɔ ja nɛra la te ta nyoa dɔe.
19Jɔn ŋɔ Galilia Kooro Hɛrɔd be ŋɔ moe waa mo o nime haah Hɛrɔdeas la, ne wechɔɡa bwa waa ɛa ja la ta maɡrɛ.#Mat 14:3-4 20Gɛ waa nɔ Jɔn aa bol o be la nomanta, o ɡelɔ ba lawɔ do dea dɛ den do anam kwara.
Yeesu Korowii nee sɔe wa
(Mat 3:13-17; Mak 1:9-11)
21Gɛ saŋ Jɔn fa aa dɛ sɔ nɛra la bwa Korowii nee la, o sɔ Yeesu ɡe. Yeesu nee sɔe ta, waa dɛ soŋe Korowii la, nyundua pilo, 22asɛ Korowii Domadɛɛɡe do kɛŋɔ borɔnoma ken dɛ ba so o nɛ, asɛ ba no taa bɛl nyundua kɛŋɔ, “Henee n bie maa dɛ nyin he wa, he waa ɛɛ su n siwi.”#Aes 11:2-3; Luk 9:35
Gɛ Yeesu Kristo nabaala aa teŋɛ dɔŋa nɛ
(Mat 1:1-17)
23Gɛ saŋ Yeesu aa pa mun dɛɛ ɛ o toma la, dɛ o di bene dɛ ɛ fifraatoro, dɛ nɛra dɛ lii kɛŋɔ Josef biee.
Josef ɡe mɛɛɛ Heli, 24Heli ɡe mɛɛɛ Matat,
Matat ɡe mɛɛɛ Lewi, Lewi ɡe mɛɛɛ Mɛlke,
Mɛlke ɡe mɛɛɛ Janai, asɛ Janai la ɡe mɛɛɛ Josef.
25Josef ɡe mɛɛɛ Matateas,
Matateas ɡe mɛɛɛ Emɔs,
Emɔs ɡe mɛɛɛ Neehum, Neehum ɡe mɛɛɛ Ɛsle,
Ɛsle ɡe mɛɛɛ Naɡae, 26asɛ Naɡae la ɡe mɛɛɛ Mat
Maat ɡe mɛɛɛ Matateas, Matateas ɡe mɛɛɛ Semein,
Semein ɡe mɛɛɛ Josek, Josek ɡe mɛɛɛ Jɔda,
27Jɔda ɡe mɛɛɛ Jɔhanan, asɛ Jɔhanan la ɡe mɛɛɛ Resa.
Resa ɡe mɛɛɛ Sɛrobabɛl, Sɛrobabɛl ɡe mɛɛɛ Sealteɛl,
Sealteɛl ɡe mɛɛɛ Nɛre, 28Nɛre ɡe mɛɛɛ Mɛlke,
Mɛlke ɡe mɛɛɛ Adi, asɛ Adi la ɡe mɛɛɛ Kosam.
Kosam ɡe mɛɛɛ Ɛlmadam, Ɛlmadam ɡe mɛɛɛ Er,
29Er ɡe mɛɛɛ Josua, Josua ɡe mɛɛɛ Eliesa,
Eliesa ɡe mɛɛɛ Jorim, asɛ Jorim la ɡe mɛɛɛ Matat.
Matat ɡe mɛɛɛ Lewi, 30Lewi ɡe mɛɛɛ Simeon,
Simeon ɡe mɛɛɛ Juda, Juda ɡe mɛɛɛ Josef,
Josef ɡe mɛɛɛ Jonam, asɛ Jonam la ɡe mɛɛɛ Eliakim.
31Eliakim ɡe mɛɛɛ Mɛlea, Mɛlea ɡe mɛɛɛ Mɛna,
Mɛna ɡe mɛɛɛ Matata, Matata ɡe mɛɛɛ Netan,
Netan ɡe mɛɛɛ Devid, 32asɛ Devid la ɡe mɛɛɛ Jese.
Jese ɡe mɛɛɛ Ɔbɛd, Ɔbɛd ɡe mɛɛɛ Boas,#Rut 4:17
Boas ɡe mɛɛɛ Salmon, Salmon ɡe mɛɛɛ Naasɔn,
33Naasɔn ɡe mɛɛɛ Aminadab, asɛ Aminadab la ɡe mɛɛɛ Admin.
Admin ɡe mɛɛɛ Aani, Aani ɡe mɛɛɛ Hɛsrɔn,
Hɛsrɔn ɡe mɛɛɛ Pɛrɛs, Pɛrɛs ɡe mɛɛɛ Juda,
34Juda ɡe mɛɛɛ Jekɔb, asɛ Jekɔb la ɡe mɛɛɛ Aesek.
Aesek ɡe mɛɛɛ Abraham, Abraham ɡe mɛɛɛ Tɛɛra,
Tɛɛra ɡe mɛɛɛ Neehɔ,#Mum 11:10-26
35Neehɔ ɡe mɛɛɛ Sɛrɔɡ,
Sɛrɔɡ ɡe mɛɛɛ Reu, asɛ Reu la ɡe mɛɛɛ Pɛlɛɡ.
Pɛlɛɡ ɡe mɛɛɛ Iba,#Mum 10:25 Iba ɡe mɛɛɛ Seela,
36Seela ɡe mɛɛɛ Keinan, Keinan ɡe mɛɛɛ Aafaksad,
Aafaksad ɡe mɛɛɛ Sɛm, asɛ Sɛm la ɡe mɛɛɛ Nowa.
Nowa ɡe mɛɛɛ Lamɛk,
37Lamɛk ɡe mɛɛɛ Mɛtusala,
Mɛtusala ɡe mɛɛɛ Enɔk, Enɔk ɡe mɛɛɛ Jarɛd,
Jarɛd ɡe mɛɛɛ Mahalalel, asɛ Mahalalel la ɡe mɛɛɛ Keinan.
38Keinan ɡe mɛɛɛ Enɔs, Enɔs ɡe mɛɛɛ Sɛt,
Sɛt ɡe mɛɛɛ Adam,
asɛ Korowiirii ta Adam.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.