Lewi Dea Tena 12
12
Doŋa laa dɛ́ kpɔ haah waa lola nɛ
1Korowii berɔ ŋɔ Mosis be ŋɔ, 2ó ŋɔ Israel tena be ŋɔ, “Haah kpoŋe tea dɛ lolɛ bibaa laa, dɛ o kah doŋa tɔpera anuanɛ ɡɛ tenten o yon kah doŋa o bochɔɡa saŋ la. 3Tɔpenuatoro wee la, bá teŋe bie la pen. 4Doŋa ɛɛ do haah la nɛɛ tɔpera fifraatoro dɛ atoroo mɔɔ ba laa doŋa kpɔ o nɛ. A ta chɛ kɛ ó leɡe komɛlbwa waa do ɡoroŋ, kɛɛ dɛ́ jo Korowii Dea bela ka tel kɛŋɔ doŋa bɛlbwa aa le o nɛɛ mɔɔ.
5Dɛ bihaah ɡee o lolɛ aa, yawanyoa anɛɛ wɛɛ ba doŋa kaeh kɛŋɔ o bochɔɡa saŋ la. Wɛɛ berɔ kah doŋa tɔpera fifraanumɛl dɛ anumɛl mɔɔ ba laa o doŋa la kpɔ o nɛ.
6Tɔpere baa laa doŋa kpɔ o nɛɛ habɔɔ la, dɛ bibaalee kɛɛ bihaahnee yaa, haah la ɛɛ kpɔ pebie waa di benanyoa ba tɛ sɔfo n Dea Cheremibɔr doonyoa bela, ásɛ o kpɔ ɛ saraha baa dɛ fuah tɛ men Korowii, kɛɛ dɛ wechɔɡa kpɔe dɛ kɛ saraha ɡe yaa, ó kpɔ borɔnoma kɛɛ kulukuku ba. 7Sɔfo la ɛɛ kpɔ naate saraha kwaa laanee ba n sie, dɛ́ ba fuah soŋe o wechɔɡa tɛo, ásɛ o chal aa fuɡo doŋa la bwa le o nɛ. Anɔɔ ɛ waa aa chɔ le dɛ tɛ haah bɛlbwa waa lolɛ baa kɛɛ haah la kɛŋɔ o ɛ.
8Dɛ haah la aa won dɔ pebie aa, ó nyin borɔnomare anɛ kɛɛ kulukukure anɛ dɛ́ kpɔ bɛl ɛ saraha baa fuh tɛ mɛ, dɛ́ berɛ kpɔ onɔ la ɡe ɛ wechɔɡa kpɔe dɛ kɛ saraha. Gɛɛ sɔfo la ɛɛ ba ɛɛ dɛ́ soŋe naate wechɔɡa n be, ásɛ o doŋa bwa le o nɛ.”#Luk 2:22-24
Právě zvoleno:
Lewi Dea Tena 12: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Lewi Dea Tena 12
12
Doŋa laa dɛ́ kpɔ haah waa lola nɛ
1Korowii berɔ ŋɔ Mosis be ŋɔ, 2ó ŋɔ Israel tena be ŋɔ, “Haah kpoŋe tea dɛ lolɛ bibaa laa, dɛ o kah doŋa tɔpera anuanɛ ɡɛ tenten o yon kah doŋa o bochɔɡa saŋ la. 3Tɔpenuatoro wee la, bá teŋe bie la pen. 4Doŋa ɛɛ do haah la nɛɛ tɔpera fifraatoro dɛ atoroo mɔɔ ba laa doŋa kpɔ o nɛ. A ta chɛ kɛ ó leɡe komɛlbwa waa do ɡoroŋ, kɛɛ dɛ́ jo Korowii Dea bela ka tel kɛŋɔ doŋa bɛlbwa aa le o nɛɛ mɔɔ.
5Dɛ bihaah ɡee o lolɛ aa, yawanyoa anɛɛ wɛɛ ba doŋa kaeh kɛŋɔ o bochɔɡa saŋ la. Wɛɛ berɔ kah doŋa tɔpera fifraanumɛl dɛ anumɛl mɔɔ ba laa o doŋa la kpɔ o nɛ.
6Tɔpere baa laa doŋa kpɔ o nɛɛ habɔɔ la, dɛ bibaalee kɛɛ bihaahnee yaa, haah la ɛɛ kpɔ pebie waa di benanyoa ba tɛ sɔfo n Dea Cheremibɔr doonyoa bela, ásɛ o kpɔ ɛ saraha baa dɛ fuah tɛ men Korowii, kɛɛ dɛ wechɔɡa kpɔe dɛ kɛ saraha ɡe yaa, ó kpɔ borɔnoma kɛɛ kulukuku ba. 7Sɔfo la ɛɛ kpɔ naate saraha kwaa laanee ba n sie, dɛ́ ba fuah soŋe o wechɔɡa tɛo, ásɛ o chal aa fuɡo doŋa la bwa le o nɛ. Anɔɔ ɛ waa aa chɔ le dɛ tɛ haah bɛlbwa waa lolɛ baa kɛɛ haah la kɛŋɔ o ɛ.
8Dɛ haah la aa won dɔ pebie aa, ó nyin borɔnomare anɛ kɛɛ kulukukure anɛ dɛ́ kpɔ bɛl ɛ saraha baa fuh tɛ mɛ, dɛ́ berɛ kpɔ onɔ la ɡe ɛ wechɔɡa kpɔe dɛ kɛ saraha. Gɛɛ sɔfo la ɛɛ ba ɛɛ dɛ́ soŋe naate wechɔɡa n be, ásɛ o doŋa bwa le o nɛ.”#Luk 2:22-24
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.