Mumpar 2
2
1Gɛɛ a do Korowii ta nyundua ne harɛ, ne komɛlbwa aa lɔ a ta dɛ tonɛ. 2Tɔpenuanɛ te ne tela la, dɛ o tonɛ o toma bwa. Anomanta, o onɔ tɔpenuanɛ te la ta.#Kaa 20:11 3Anomanta, o le tɔpenuanɛ la cheɡ tɛ o te, o do ɡoroŋ dɛ sweero andɛɛɡa, dɛkalkɛŋɔ o taa o ɡel toma ɛɛ kwaa waa taa la bwa ta.
Baa ne haah Korowii aa kpɔ ba do Eden bodɛɛɡe wa
4Kenii Korowii ta nyundua ne harɛ.
Korowii aa ta nyundua ne harɛ la, 5dɛ konduula ne kpɔɡa ta harɛ la ta leɛ, dɛkalkɛŋɔ dɛ o ta ɡelɛ bwaala nɛ o ta mɔɔ. Dɛ nomɛlbwa ɡe toole dɛ́ parɛ harɛ la. 6Nee yon le harɛ bini dɛɛ sɔɔh harɛ la. 7Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.#1Kɔ 15:45
8A habɔɔ la, Korowii du daa bodɛɛɡe bobɛl baa yerɔ Eden wee leebɔr, dɛ kpɔ baa waa tao la ka so bela. 9O ɡelɔ daa bwa soo siwi le bela dɛ do wer siwi ta a nɔna dɔ pɛla kɛŋɔ nɛn di. Daa anɛ ane cheɡɛ konduula la baah ta. Bɛl dɛ tɛ mkpa, bɛl ɡe ɡel nɛn ɛɛ jemɛ wedɛɛɡa ne anchɔɡa.
10Moo bɛl nyu le Eden bodɛɛɡe bela dɛ palɛ dɛɛ kpɔ daa la baah dɛɛ sɔɔh harɛ la. Waa le bela la, o peɡri bɔre anaarɛ. 11O kpale waa tɔ sie la sɔne Pesɔn Moo. O palɔ dɛ ɡoli kpɔ Havila harɛ ta bela suuɡaswɛm aa lole. 12Suuɡaswɛm tenten ne bwedɛɛɡa a yoɡ aa kpeɡa, ne konsɔɔhsoma a sɔɔh aa soma lɔ bela. 13O kpal nɛɛte la sɔne Gehɔn Moo. O palɔ dɛ ɡoli kpɔ Kus#2:13 Kus sɔn bɛl ɡee Itiopia. harɛ ta. 14O kpal toorote la sɔne Tiɡris Moo. O palɔ dɛɛ kaa Asiiria harɛ wee leebɔr pera. Asɛ naarɛte la sɔne Yufretis Moo.
15Korowii kpɔ baa waa tao la ka so Eden bodɛɛɡe bela waa du daa la dɛ ŋɔ, wɛ́ɛ parɛ o ta dɛɛ nyiŋi bela, 16asɛ dɛ jao ŋɔ, “Hɛɛ wonoo di daa la bɛlbwa sese nɔn. 17Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”
18Asɛ Korowii ŋɔ, “Aa were kɛŋɔ baa la ɡbo so. Mɛɛ kwaa o dɔŋee ja o nɛ, ásɛ wɛɛ chao.” 19Ate, o kpɔ teera dɛ ma ola ne jumbii. Asɛ dɛ kpɔ a bwa ba baa la be dɛ ŋɔ ó paa sɔna. Gɛ waa yerɛ kon la bɛlbwa la, o sɔnee. 20Baa la pa kpɔɡ bini ola, kondɛɛra ne jumbii bwa sɔna. Kɛ dɛ o te ta o dɔŋ waa chao dɔe ja o nɛ.
21Anomanta, o ɡelɔ baa la chɔ dom ka ɡarɛ, o laa o kuɡlambi beŋkpoŋ kpɔ dɛ kpɔ ol tɔ bela. 22O kuɡlambi la waa kpɔa la, o kpɔɔ ka kwaa haah dɛ kpɔ ba tɛ baa la. 23Asɛ baa la ŋɔ,
“Yɔɔ! Taraken te,
n ɡbaɡba hoɡ ne n bo-ol tentenee nɔ.
O sɔne ‘haah’.#2:23 Hibru tena wobol ta te haah ne baaa bwa yera le dɔŋa. Baa binii o le.”
24A waa ɡela baa yon ɡel o nya ne mɛɛ, dɛ́ ka kpɔ haah ba yon pɛ so, dɛ́ ɛ beŋkpoŋ la.#Mat 19:4-6
25Dɛ baa la ne o haah la bwa dɛ valɛ mumɡbal, kɛ dɛ sihiih aa ban kpo.
Právě zvoleno:
Mumpar 2: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 2
2
1Gɛɛ a do Korowii ta nyundua ne harɛ, ne komɛlbwa aa lɔ a ta dɛ tonɛ. 2Tɔpenuanɛ te ne tela la, dɛ o tonɛ o toma bwa. Anomanta, o onɔ tɔpenuanɛ te la ta.#Kaa 20:11 3Anomanta, o le tɔpenuanɛ la cheɡ tɛ o te, o do ɡoroŋ dɛ sweero andɛɛɡa, dɛkalkɛŋɔ o taa o ɡel toma ɛɛ kwaa waa taa la bwa ta.
Baa ne haah Korowii aa kpɔ ba do Eden bodɛɛɡe wa
4Kenii Korowii ta nyundua ne harɛ.
Korowii aa ta nyundua ne harɛ la, 5dɛ konduula ne kpɔɡa ta harɛ la ta leɛ, dɛkalkɛŋɔ dɛ o ta ɡelɛ bwaala nɛ o ta mɔɔ. Dɛ nomɛlbwa ɡe toole dɛ́ parɛ harɛ la. 6Nee yon le harɛ bini dɛɛ sɔɔh harɛ la. 7Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.#1Kɔ 15:45
8A habɔɔ la, Korowii du daa bodɛɛɡe bobɛl baa yerɔ Eden wee leebɔr, dɛ kpɔ baa waa tao la ka so bela. 9O ɡelɔ daa bwa soo siwi le bela dɛ do wer siwi ta a nɔna dɔ pɛla kɛŋɔ nɛn di. Daa anɛ ane cheɡɛ konduula la baah ta. Bɛl dɛ tɛ mkpa, bɛl ɡe ɡel nɛn ɛɛ jemɛ wedɛɛɡa ne anchɔɡa.
10Moo bɛl nyu le Eden bodɛɛɡe bela dɛ palɛ dɛɛ kpɔ daa la baah dɛɛ sɔɔh harɛ la. Waa le bela la, o peɡri bɔre anaarɛ. 11O kpale waa tɔ sie la sɔne Pesɔn Moo. O palɔ dɛ ɡoli kpɔ Havila harɛ ta bela suuɡaswɛm aa lole. 12Suuɡaswɛm tenten ne bwedɛɛɡa a yoɡ aa kpeɡa, ne konsɔɔhsoma a sɔɔh aa soma lɔ bela. 13O kpal nɛɛte la sɔne Gehɔn Moo. O palɔ dɛ ɡoli kpɔ Kus#2:13 Kus sɔn bɛl ɡee Itiopia. harɛ ta. 14O kpal toorote la sɔne Tiɡris Moo. O palɔ dɛɛ kaa Asiiria harɛ wee leebɔr pera. Asɛ naarɛte la sɔne Yufretis Moo.
15Korowii kpɔ baa waa tao la ka so Eden bodɛɛɡe bela waa du daa la dɛ ŋɔ, wɛ́ɛ parɛ o ta dɛɛ nyiŋi bela, 16asɛ dɛ jao ŋɔ, “Hɛɛ wonoo di daa la bɛlbwa sese nɔn. 17Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”
18Asɛ Korowii ŋɔ, “Aa were kɛŋɔ baa la ɡbo so. Mɛɛ kwaa o dɔŋee ja o nɛ, ásɛ wɛɛ chao.” 19Ate, o kpɔ teera dɛ ma ola ne jumbii. Asɛ dɛ kpɔ a bwa ba baa la be dɛ ŋɔ ó paa sɔna. Gɛ waa yerɛ kon la bɛlbwa la, o sɔnee. 20Baa la pa kpɔɡ bini ola, kondɛɛra ne jumbii bwa sɔna. Kɛ dɛ o te ta o dɔŋ waa chao dɔe ja o nɛ.
21Anomanta, o ɡelɔ baa la chɔ dom ka ɡarɛ, o laa o kuɡlambi beŋkpoŋ kpɔ dɛ kpɔ ol tɔ bela. 22O kuɡlambi la waa kpɔa la, o kpɔɔ ka kwaa haah dɛ kpɔ ba tɛ baa la. 23Asɛ baa la ŋɔ,
“Yɔɔ! Taraken te,
n ɡbaɡba hoɡ ne n bo-ol tentenee nɔ.
O sɔne ‘haah’.#2:23 Hibru tena wobol ta te haah ne baaa bwa yera le dɔŋa. Baa binii o le.”
24A waa ɡela baa yon ɡel o nya ne mɛɛ, dɛ́ ka kpɔ haah ba yon pɛ so, dɛ́ ɛ beŋkpoŋ la.#Mat 19:4-6
25Dɛ baa la ne o haah la bwa dɛ valɛ mumɡbal, kɛ dɛ sihiih aa ban kpo.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.