Kolosi 4
4
1He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.
Wejaala ane ɡe wa
2Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo. 3Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.#Ɛfe 6:19 4Hɛ́ɛ soŋo ń won dɛɛ bola kɛrɛdɛ ɡɛ aa chɛ kɛŋɔ ń bol a bwa a bini chaah la. 5Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii. 6Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.
Kala aa ka mun
7Yɔɔ, ya dɔŋ Tichikos yaa dɛ nyinu o waa dɔ kasinteŋ, wɛɛ cha yaa, ya ne o bwa ɛɛ ɛ ya Dɔɔ toma nɔ la, wɛɛ ba baɡle n waa bwa he bee. 8A waa mɛɛ tomɔ he be ó ba bol ya waa bwa, ásɛ he baah sɔɔh heyaa la. 9O ne ya dɔŋ Onisemɔs o wa aa dɔ kasinteŋ yaa nyinu la bwaa mɛɛ tomɛ, ásɛ ba ba bol waa aa dɛ chiɡ bonɔ bwa he be. Onisemɔs#Fae 1:10-16 te ɛ he bwɛɛ te.
10Aristakus#Weɛ 19:29 baa do n ne on dea la, ne Banabas nime Mak#Weɛ 15:37-39 dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne. 11Jeses baa bera dɛɛ yerɔ Jastos la ɡe dɛ na heya. Juu tena baa yarada Yeesu la bini, nɛra batoro nɔ ɡboo dɛɛ cha mɛ, n ne baa ɛ Korowii Kora la toma. Ba dɛ cha mɛ taeh. 12Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa. 13N ɡbabir na ɡɛ Epafras#Kol 1:7 aa dɛ tomɛ he ne banɔ la baa lɔ Laodisia ne Heɛrapɔles la kohona. 14Tɛɛɡa te Luk#2Ti 4:11 ya bwa aa dɛ nyinu la ne Demas#2Ti 4:10 ɡe dɛ na heya. 15Hé ŋɔ yabala baa lɔ Laodisia la ne Nimfa ne asɔre tena baa dɛ cheme Nimfa dem la be ŋɔ n dɛ na ba.
16Dɛ he baa kure tɔn nɔ tonaa, hé ɡel ba ka kuro baɡle asɔre tena baa lɔ Laodisia la. Tɔn maa tɛ ba ɡe la, hé lɛ dɛ́ ka kure.
17Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.
18Men Pɔɔl ɡbaɡbaa chwerɛ bonɔ la, n dɛ na heya. Hɛ́ɛ lii n waa kɛ ba ta aa do mɛ jɔɡrɔre n chɔ dea, dɛ́ soŋe Korowii dɛ́ɛ tɛ mɛ. Kórowii sune he nɛ dɛ́ cha heya.
Právě zvoleno:
Kolosi 4: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Kolosi 4
4
1He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.
Wejaala ane ɡe wa
2Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo. 3Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.#Ɛfe 6:19 4Hɛ́ɛ soŋo ń won dɛɛ bola kɛrɛdɛ ɡɛ aa chɛ kɛŋɔ ń bol a bwa a bini chaah la. 5Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii. 6Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.
Kala aa ka mun
7Yɔɔ, ya dɔŋ Tichikos yaa dɛ nyinu o waa dɔ kasinteŋ, wɛɛ cha yaa, ya ne o bwa ɛɛ ɛ ya Dɔɔ toma nɔ la, wɛɛ ba baɡle n waa bwa he bee. 8A waa mɛɛ tomɔ he be ó ba bol ya waa bwa, ásɛ he baah sɔɔh heyaa la. 9O ne ya dɔŋ Onisemɔs o wa aa dɔ kasinteŋ yaa nyinu la bwaa mɛɛ tomɛ, ásɛ ba ba bol waa aa dɛ chiɡ bonɔ bwa he be. Onisemɔs#Fae 1:10-16 te ɛ he bwɛɛ te.
10Aristakus#Weɛ 19:29 baa do n ne on dea la, ne Banabas nime Mak#Weɛ 15:37-39 dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne. 11Jeses baa bera dɛɛ yerɔ Jastos la ɡe dɛ na heya. Juu tena baa yarada Yeesu la bini, nɛra batoro nɔ ɡboo dɛɛ cha mɛ, n ne baa ɛ Korowii Kora la toma. Ba dɛ cha mɛ taeh. 12Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa. 13N ɡbabir na ɡɛ Epafras#Kol 1:7 aa dɛ tomɛ he ne banɔ la baa lɔ Laodisia ne Heɛrapɔles la kohona. 14Tɛɛɡa te Luk#2Ti 4:11 ya bwa aa dɛ nyinu la ne Demas#2Ti 4:10 ɡe dɛ na heya. 15Hé ŋɔ yabala baa lɔ Laodisia la ne Nimfa ne asɔre tena baa dɛ cheme Nimfa dem la be ŋɔ n dɛ na ba.
16Dɛ he baa kure tɔn nɔ tonaa, hé ɡel ba ka kuro baɡle asɔre tena baa lɔ Laodisia la. Tɔn maa tɛ ba ɡe la, hé lɛ dɛ́ ka kure.
17Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.
18Men Pɔɔl ɡbaɡbaa chwerɛ bonɔ la, n dɛ na heya. Hɛ́ɛ lii n waa kɛ ba ta aa do mɛ jɔɡrɔre n chɔ dea, dɛ́ soŋe Korowii dɛ́ɛ tɛ mɛ. Kórowii sune he nɛ dɛ́ cha heya.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.