2 Timoti 4
4
1N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ, 2hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba. 3Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la, 4dɛ́ laa ba deŋne kpɔ kasinteŋ waa la ta, dɛ́ kaa no nyosonwa. 5Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.
6N te, n seo tɔpere telo, n do kɛ sen baa dɔa dɛɛ ta dɛ ɛ saraha tɛ Korowii. 7N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.#Weɛ 20:24 8Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.
Waane Pɔɔl ɡbabir aa bola
9Takapɔ ba n be warane, 10dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.#Kol 4:14 11Luk ɡboo lɔ n be bonɔ. He dɛ ba naa, kpɔ Mak ja he nɛɛ he ne o ba, dɛkalkɛ o ɛ nɛn bɛl waa won n chae n toma nɔ ta ɡa. 12N tomɛ Tichikos#Weɛ 20:4 Ɛfesos. 13Dɛ he dɛ ba naa, kpɔ Kaapus be Troas dɛ lɛ n batakaare dɛɛ baa mɛ. Lɛ n tɔne la ɡe ja dɛɛ baa mɛ. Anɔ la baa kpɔ ol tɔn ɛa la waa dena hiah mɛ kɛrɛdɛ.
14Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.#1Ti 1:20 15Hé ɡe nyiŋi he te kɛrɛdɛ, dɛɛ ke he te o nɛ, dɛkalkɛ o ta yaa sie tɛɛ ya webaɡla ta kwaraa.
16Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ. 17Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken. 18Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.
Kala aa ka mun
19N dɛ na Presela ne Akwela ne nɛra baa lɔ Oniseforɔs dem bwa.#Weɛ 18:2 20Erastos ta lɔ Kɔrent. Trɔfemos bwara dɛ weo nomanta, n ɡelo Maeletus. 21Takapɔ dɛ́ ba mɔɔ alalawo saŋ tel. Yubilus ne Pudens ne Laenos ne Klɔdea dɛ he bala asɔre tena baa kaa la bwa dɛ nae.
22Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.
Právě zvoleno:
2 Timoti 4: mzw
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
2 Timoti 4
4
1N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ, 2hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba. 3Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la, 4dɛ́ laa ba deŋne kpɔ kasinteŋ waa la ta, dɛ́ kaa no nyosonwa. 5Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.
6N te, n seo tɔpere telo, n do kɛ sen baa dɔa dɛɛ ta dɛ ɛ saraha tɛ Korowii. 7N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.#Weɛ 20:24 8Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.
Waane Pɔɔl ɡbabir aa bola
9Takapɔ ba n be warane, 10dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.#Kol 4:14 11Luk ɡboo lɔ n be bonɔ. He dɛ ba naa, kpɔ Mak ja he nɛɛ he ne o ba, dɛkalkɛ o ɛ nɛn bɛl waa won n chae n toma nɔ ta ɡa. 12N tomɛ Tichikos#Weɛ 20:4 Ɛfesos. 13Dɛ he dɛ ba naa, kpɔ Kaapus be Troas dɛ lɛ n batakaare dɛɛ baa mɛ. Lɛ n tɔne la ɡe ja dɛɛ baa mɛ. Anɔ la baa kpɔ ol tɔn ɛa la waa dena hiah mɛ kɛrɛdɛ.
14Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.#1Ti 1:20 15Hé ɡe nyiŋi he te kɛrɛdɛ, dɛɛ ke he te o nɛ, dɛkalkɛ o ta yaa sie tɛɛ ya webaɡla ta kwaraa.
16Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ. 17Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken. 18Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.
Kala aa ka mun
19N dɛ na Presela ne Akwela ne nɛra baa lɔ Oniseforɔs dem bwa.#Weɛ 18:2 20Erastos ta lɔ Kɔrent. Trɔfemos bwara dɛ weo nomanta, n ɡelo Maeletus. 21Takapɔ dɛ́ ba mɔɔ alalawo saŋ tel. Yubilus ne Pudens ne Laenos ne Klɔdea dɛ he bala asɔre tena baa kaa la bwa dɛ nae.
22Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.