2 Kɔrent 9
9
Asɔre tena dɔŋa chae
1A ta hiaih kwaraa kɛŋɔ n chwerɛ heyaa chae asɔre tena aa dɛ cha Korowii nɛra ba wa aa toɡra dɛ do Juda harɛ la wa. 2N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae. 3N dɛ tomɛ yabala nɔ he be. N dɛ nyin kɛ he kpɔ he te dɛ ta suuɡa ɡɛ maa ŋɔa he dɛ ɛ la, ásɛ nɛra maa kpɔ heyaa dɛɛ maŋkura n te ba be la jemɛ kɛŋɔ pɛɛ laa mɛɛ maŋkura n te. 4Makidoonia harɛ tena teŋɛ n nɛɛ ba dɛ ba na kɛŋɔ he ta he te kpɔe mɔɔ naa, dɛ sihiih ta he te kpoe yaa, sihiih ɛɛ kpo ya tenee, dɛ le ɡɛ yaa dɛ maŋkura heyaa la nomanta. 5A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.
6Hé jemɛ kɛŋɔ he du tama aa, tamaa hɛɛ ba koma, he du kohona ɡe aa, kohonaa hɛɛ ba koma.#Sɛɡ 11:24-25 7Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.#1We 29:9 8Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona. 9Anee ba chwerɛ Korowii Tɔn bini la.
“Waa nɔn nyore, o dɛ tɛ nyaara tɛɛ tenten.
O wedɛɛɡa ɛɛ ta jaɡa dɔe.”
10Korowiirii dɛɛ tɛ nɛwɛnyina kondwee baa du, dɛɛ tɛ kondikwa. On dɛ tɛ heyaa kondwee haa dɛ nyin bwa, dɛ́ ɡel a le dɛ́ nɔnɛ kohona, dɛ́ ɡel he wedɛɛɡa ɛɛ ɡe won dɛɛ ja. 11Wɛɛ ɡeloo he dɔ saŋ bɛlbwa dɛ́ won ta tea dɛɛ tɛ Korowii nɛra saŋ bɛlbwa, ásɛ nɛra warɛ pirim dɛ́ jam Korowii he koŋkɛɛla la yaa kpɔa tɛɛ ba la wa.
12Dɛ ya kpɔ he koŋkɛɛla nɔ dɛɛ tɛ Korowii nɛra aa hiah ba aa, dɛ chae ɡbo laa hɛɛ cha ba. Dɛ a cheɡɛ a ta nɛra kpɔ silɛɛ ɡee jam Korowii kohona. 13He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ. 14He waa ɛɛ dɛɛ ɛ a ɡɛ nɛra laanee, ásɛ ba dɛ soŋe Korowii aa, ba soŋe dɛɛ tɛ heya, he bonya Korowii aa ɡela he dɔ la nomanta. 15Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.
Právě zvoleno:
2 Kɔrent 9: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
2 Kɔrent 9
9
Asɔre tena dɔŋa chae
1A ta hiaih kwaraa kɛŋɔ n chwerɛ heyaa chae asɔre tena aa dɛ cha Korowii nɛra ba wa aa toɡra dɛ do Juda harɛ la wa. 2N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae. 3N dɛ tomɛ yabala nɔ he be. N dɛ nyin kɛ he kpɔ he te dɛ ta suuɡa ɡɛ maa ŋɔa he dɛ ɛ la, ásɛ nɛra maa kpɔ heyaa dɛɛ maŋkura n te ba be la jemɛ kɛŋɔ pɛɛ laa mɛɛ maŋkura n te. 4Makidoonia harɛ tena teŋɛ n nɛɛ ba dɛ ba na kɛŋɔ he ta he te kpɔe mɔɔ naa, dɛ sihiih ta he te kpoe yaa, sihiih ɛɛ kpo ya tenee, dɛ le ɡɛ yaa dɛ maŋkura heyaa la nomanta. 5A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.
6Hé jemɛ kɛŋɔ he du tama aa, tamaa hɛɛ ba koma, he du kohona ɡe aa, kohonaa hɛɛ ba koma.#Sɛɡ 11:24-25 7Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.#1We 29:9 8Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona. 9Anee ba chwerɛ Korowii Tɔn bini la.
“Waa nɔn nyore, o dɛ tɛ nyaara tɛɛ tenten.
O wedɛɛɡa ɛɛ ta jaɡa dɔe.”
10Korowiirii dɛɛ tɛ nɛwɛnyina kondwee baa du, dɛɛ tɛ kondikwa. On dɛ tɛ heyaa kondwee haa dɛ nyin bwa, dɛ́ ɡel a le dɛ́ nɔnɛ kohona, dɛ́ ɡel he wedɛɛɡa ɛɛ ɡe won dɛɛ ja. 11Wɛɛ ɡeloo he dɔ saŋ bɛlbwa dɛ́ won ta tea dɛɛ tɛ Korowii nɛra saŋ bɛlbwa, ásɛ nɛra warɛ pirim dɛ́ jam Korowii he koŋkɛɛla la yaa kpɔa tɛɛ ba la wa.
12Dɛ ya kpɔ he koŋkɛɛla nɔ dɛɛ tɛ Korowii nɛra aa hiah ba aa, dɛ chae ɡbo laa hɛɛ cha ba. Dɛ a cheɡɛ a ta nɛra kpɔ silɛɛ ɡee jam Korowii kohona. 13He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ. 14He waa ɛɛ dɛɛ ɛ a ɡɛ nɛra laanee, ásɛ ba dɛ soŋe Korowii aa, ba soŋe dɛɛ tɛ heya, he bonya Korowii aa ɡela he dɔ la nomanta. 15Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.