1 Kɔrent 12
12
Koŋkɛɛla Korowii Domadɛɛɡe aa dɛ tɛ
1Yabala, n dɛ nyin kɛŋɔ hé jemɛ kpeɡri Korowii Domadɛɛɡe aa dɛ cha yaa ya dɔ la bini kɛrɛdɛ. 2He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma. 3Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.
4Kpeɡri Korowii Domadɛɛɡe la aa cha nɛra ba dɔ la koɡrɔ, kɛ Doma beŋkpoŋ laanee tɛ a bwa.#Rom 12:6-8 5Toma ya Dɔɔ aa bɔna tɛ yaa la koɡrɔ, kɛ Dɔɔ beŋkpoŋ tomaa yaa ɛ. 6Wejema Korowii aa bɔna tɛ yaa la koɡrɔ, kɛ Korowii beŋkpoŋii cheɡɛ ya bwa nɛɛ dɛɛ ɛ wobɛlbwa.
7Korowii Domadɛɛɡee tɛ nomɛlbwa kpeɡri ŋɔ ó kpɔ dɛɛ cha o bala. 8O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra, 9dɛ ɡel bane che o kpeɡri la ta dɛ dɔ yarada kɛrɛdɛ, asɛ dɛ tɛ bane ɡe kpeɡri weela chaeh ta. 10O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra. 11A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.
Yeesu bwadabii aa ɛ kombir kɛ dɛ dɔ peɡra wa
12Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do. 13Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.#Ɛfe 2:18; Gal 3:28
14Nɛwɛnyini bwadabii ta konsiwi beŋkpoŋ ɛɛ. O peɡra warɔ. 15Dɛ he nakpala ŋɔ o ta nɔn ɛɛ nomanta, o ta bwara ta jae yaa, dɛ nyosonee. O ta nɔn ɛɛ te, kɛ o ɡe ja bwadabii ta. 16Dɛ deŋne ɡe ŋɔ o ta siwi ɛɛ nomanta, o ta bwadabii ta jae yaa, dɛ nyosonee. O ta siwi ɛɛ, kɛ o ja bwadabii ta. 17Dɛ bwadabii fe dɔ siwi ɡbo, deŋne ta jae yaa, ɛrɛɛ o fe ɛɛ ba waa noe yɔ? Dɛ bwadabii fe ɛ deŋne ɡbo o ta mee dɔe yaa, ɛrɛɛ o fe ɛɛ ba sɔɔh noe yɔ? 18Gɛ laa Korowii ta yaa. O do bwadabii peɡra nɔ bwa, bɛlbwa ne o dobɔr. Onee saahna ɛa ɡɛ. 19Dɛ bwadabii fe ɛ konsiwi beŋkpoŋ ɡbo, peɡra bɛlbwa toole o ta naa, o fe ɛ bwadabii aa? Akai. 20Ya bwadabii peɡra la koɡrɔ, kɛ bwadabii la te ɛ kombeŋkpoŋ.
21Siwi aa won ŋɔ nɔn be ŋɔ, “He ta n nɛɛ jae yaa, n ɡbo ɛɛ wonoo ɛ toma.” Gɛɛ nyu ɡe aa wola won ŋɔ nakpala be ŋɔ, “He ta n nɛɛ jae yaa, n ɡbo ɛɛ wonoo ɛ toma.” 22Bwadabii bobɛla yaa dɛ lii kɛŋɔ aa kpeɡe la dɔ tɔnɔ. 23Bwadabii bobɛla yaa wola lii kɛŋɔ a wer laanee yaa nyiŋi kɛrɛdɛ. Anɔ la sihiih aa dɛ kpo yaa a waa yaa wola nyin kɛŋɔ nɛn na la, anee yaa tɔ a ta kɛrɛdɛ. 24Anɔ la aa wera te, a ta hiaih kɛŋɔ ya nyiŋi a ta kpa. Gɛɛ Korowii ɛ ya bwadabii ásɛ yaa heeh a ɡɛ bɔra yaa wola lii kɛŋɔ a waa hiaoh la. 25Korowii ɛa ɡɛ ásɛ bwadabii la bini bɛ peɡri, ásɛ a bwa ɛɛ cha dɔŋa. 26Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.
27He bwa ɛ beŋkpoŋ Yeesu Kristo bwadabii ta. He bwa pɛo dɛ ɛ o bwadabi. 28Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.#Ɛfe 4:11 29He bwaa ɛ Yeesu toroma aa? He bwaa won Korowii kpeɡri la ta cheɡa dɛ́ bol wa aa? He bwaa won Korowii waa la baɡla aa? He bwaa won nyokpowaa ɛɛ yaa? 30He bwaa won weela tena chaeh yaa? He bwaa won wobofala bola aa? He bwaa won wobofala mun baɡla aa? 31Hé ɡel he sie beɡre, ásɛ hɛɛ nyin kpeɡri Korowii Domadɛɛɡe be, ásɛ dɛ won cha nɛra ŋwɛnɛre aa wera kohona la ta.
Mɛɛ baɡle heyaa ŋwɛnɛ waa wera ɡwaa a bwa.
Právě zvoleno:
1 Kɔrent 12: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
1 Kɔrent 12
12
Koŋkɛɛla Korowii Domadɛɛɡe aa dɛ tɛ
1Yabala, n dɛ nyin kɛŋɔ hé jemɛ kpeɡri Korowii Domadɛɛɡe aa dɛ cha yaa ya dɔ la bini kɛrɛdɛ. 2He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma. 3Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.
4Kpeɡri Korowii Domadɛɛɡe la aa cha nɛra ba dɔ la koɡrɔ, kɛ Doma beŋkpoŋ laanee tɛ a bwa.#Rom 12:6-8 5Toma ya Dɔɔ aa bɔna tɛ yaa la koɡrɔ, kɛ Dɔɔ beŋkpoŋ tomaa yaa ɛ. 6Wejema Korowii aa bɔna tɛ yaa la koɡrɔ, kɛ Korowii beŋkpoŋii cheɡɛ ya bwa nɛɛ dɛɛ ɛ wobɛlbwa.
7Korowii Domadɛɛɡee tɛ nomɛlbwa kpeɡri ŋɔ ó kpɔ dɛɛ cha o bala. 8O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra, 9dɛ ɡel bane che o kpeɡri la ta dɛ dɔ yarada kɛrɛdɛ, asɛ dɛ tɛ bane ɡe kpeɡri weela chaeh ta. 10O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra. 11A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.
Yeesu bwadabii aa ɛ kombir kɛ dɛ dɔ peɡra wa
12Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do. 13Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.#Ɛfe 2:18; Gal 3:28
14Nɛwɛnyini bwadabii ta konsiwi beŋkpoŋ ɛɛ. O peɡra warɔ. 15Dɛ he nakpala ŋɔ o ta nɔn ɛɛ nomanta, o ta bwara ta jae yaa, dɛ nyosonee. O ta nɔn ɛɛ te, kɛ o ɡe ja bwadabii ta. 16Dɛ deŋne ɡe ŋɔ o ta siwi ɛɛ nomanta, o ta bwadabii ta jae yaa, dɛ nyosonee. O ta siwi ɛɛ, kɛ o ja bwadabii ta. 17Dɛ bwadabii fe dɔ siwi ɡbo, deŋne ta jae yaa, ɛrɛɛ o fe ɛɛ ba waa noe yɔ? Dɛ bwadabii fe ɛ deŋne ɡbo o ta mee dɔe yaa, ɛrɛɛ o fe ɛɛ ba sɔɔh noe yɔ? 18Gɛ laa Korowii ta yaa. O do bwadabii peɡra nɔ bwa, bɛlbwa ne o dobɔr. Onee saahna ɛa ɡɛ. 19Dɛ bwadabii fe ɛ konsiwi beŋkpoŋ ɡbo, peɡra bɛlbwa toole o ta naa, o fe ɛ bwadabii aa? Akai. 20Ya bwadabii peɡra la koɡrɔ, kɛ bwadabii la te ɛ kombeŋkpoŋ.
21Siwi aa won ŋɔ nɔn be ŋɔ, “He ta n nɛɛ jae yaa, n ɡbo ɛɛ wonoo ɛ toma.” Gɛɛ nyu ɡe aa wola won ŋɔ nakpala be ŋɔ, “He ta n nɛɛ jae yaa, n ɡbo ɛɛ wonoo ɛ toma.” 22Bwadabii bobɛla yaa dɛ lii kɛŋɔ aa kpeɡe la dɔ tɔnɔ. 23Bwadabii bobɛla yaa wola lii kɛŋɔ a wer laanee yaa nyiŋi kɛrɛdɛ. Anɔ la sihiih aa dɛ kpo yaa a waa yaa wola nyin kɛŋɔ nɛn na la, anee yaa tɔ a ta kɛrɛdɛ. 24Anɔ la aa wera te, a ta hiaih kɛŋɔ ya nyiŋi a ta kpa. Gɛɛ Korowii ɛ ya bwadabii ásɛ yaa heeh a ɡɛ bɔra yaa wola lii kɛŋɔ a waa hiaoh la. 25Korowii ɛa ɡɛ ásɛ bwadabii la bini bɛ peɡri, ásɛ a bwa ɛɛ cha dɔŋa. 26Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.
27He bwa ɛ beŋkpoŋ Yeesu Kristo bwadabii ta. He bwa pɛo dɛ ɛ o bwadabi. 28Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.#Ɛfe 4:11 29He bwaa ɛ Yeesu toroma aa? He bwaa won Korowii kpeɡri la ta cheɡa dɛ́ bol wa aa? He bwaa won Korowii waa la baɡla aa? He bwaa won nyokpowaa ɛɛ yaa? 30He bwaa won weela tena chaeh yaa? He bwaa won wobofala bola aa? He bwaa won wobofala mun baɡla aa? 31Hé ɡel he sie beɡre, ásɛ hɛɛ nyin kpeɡri Korowii Domadɛɛɡe be, ásɛ dɛ won cha nɛra ŋwɛnɛre aa wera kohona la ta.
Mɛɛ baɡle heyaa ŋwɛnɛ waa wera ɡwaa a bwa.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.