1 Kɔrent 10
10
Voɡa toma jae wa
1Yabala, n dɛ nyin kɛ ń lii heya, ya naawa bwa nɛɛ Korowii bam la faa tɔ. Moo la aa teŋa la, ba bwaa kpɔ o baah kaa.#Kaa 13:21-22; 14:22-29 2A kaa ɛ kɛŋɔ ba fa aa sɔ ba bwa Korowii nee bam la ne mpo la ta, asɛ ba ne Mosis pɛ. 3Ba bwa dɔ kondikwaa le Korowii kpeɡri ta dɛ di. 4A berɔ che Korowii kpeɡri ta ba dɔ nee dɛ nyɔ. Bwe taa ba dɔ nee la le. Kristoo bwe la, dɛ faa teŋɛ ba nɛɛ ba kaa.#Kaa 17:6; Kur 20:11 5Kɛ Korowii sie ta ba ɡalɡa nɛɛ lɛɛ, asɛ ba serewe perɛ kpɔɡ la baah bobɛla.
6A ɡɛ waa nɔ bwa ɛo dɛ ɡel ya jemɛ wa, ásɛ wechɔɡa pɛla bɛ yaa dɔ ɡɛ a pɛla fa aa dɔɔ ba la. 7Ya bɛ voɡa dɛɛ tomɛ ɡɛ ba bini bane fa aa dɛ ɛ la. Mosis chwerɔ ŋɔ, “Nɛra la soɡo dɛ kwaa ba voɡa, dɛ di kwa, dɛ nyɔ sen, dɛ ir sa sachɔɡa.” 8Ya bɛ jwamane bɔ ɡɛ nɛra la bane fa aa ɛa asɛ Korowii kpoo ba bini kaɡboŋa fifraanɛ dɛ batoro tɔpebeŋkpoŋ la.#Kur 25:1-13 9Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la. 10Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.
11Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa. 12Anomanta, nomɛlbwa waa dɛ lii kɛŋɔ o cheɡɛ kiŋkiŋ Yeesu Kristo waa nɔ ta la, wɛ́ɛ nyiŋi kɛrɛdɛ dɛ bɛ naa ba lɔ. 13Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.
Kondikwaa baa dia dɛ kpɔ dɛɛ lii Yeesu
14Anomanta, n daamanar, hé laa he te kpɔ voɡa waa ta. 15He ɛ wejerema, anomanta, hé nyiŋi waa nɔ maa bola nɔ bini dɛ́ na. 16Saŋ bɛlbwa yaa pɛ so dɛɛ di kwaa dɛɛ lii Yeesu Kristo seo la, sen la yaa dɛ kpɛɛ Korowii dɛɛ nyɔ la ɡelɔ ya ne Yeesu Kristo pɛ o chal la waa ta. Paanoo yaa mɔna dɛɛ di la ɡelɔ ya ne o pɛ o bwadabii waa ta.#Mat 26:26-28 17Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.
18Hé ta sie dɛ́ na Juu tena wa. Nɛra baa dɛ di kwaa baa kpoora dɛɛ tɛ Korowii la, ba ta ɡɛ we-ɛɛla la ta jae yaa? 19N dɛ baɡle kɛ kwaa baa kpoora dɛɛ tɛ voɡa la, a ne voɡa ɡbaɡba ɛ kwaane kɛɛ? Akai! 20N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa. 21Haa won nyɔ sen la yaa dɛ nyɔ dɛɛ lii ya Dɔɔ waa la, dɛ́ berɛ ka nyɔ Bɔnsam toroma la kwa. He ne ya Dɔɔ aa won pɛ nɔn di kwa, ásɛ he ne Bɔnsam toroma la ɡe berɛ pɛ nɔn di kwa. Aa ɡɛɛ maɡre! 22Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?
23Nomɛl te kompɛɛ, “N dɔ ŋwɛnɛ kɛ ń ɛ wobɛlbwa,” kɛ a bwa laa wera tɛ mɛ, a bwa ɡe laa dɛɛ cha mɛ. 24Aa were kɛŋɔ nɛn ɡel o ɡbo waa hiaoh. A chɛ kɛ ó ɡel o dɔŋ ɡe kɛrɛdɛ doe waa hiaoh.
25Dɛ ba dɛ yoɡ ola ol yoɡribɔr aa, yawɛ dɛ́ di. Bɛ dɛɛ lii kɛŋɔ ane ken aa were. Hé yawɛ di, 26dɛkalkɛŋɔ “Korowiirii dɔ harɛ ne komɛlbwa aa lɔ o ta.”
27Dɛ nɛn waa wola asɔre te ɛɛ yerɛ ŋɔ hé ba di kwaa he sɛh aa, kondikwaa bɛlbwa waa tɛɛ la, bɛ dɛɛ lii ŋɔ a ken aa were kɛŋɔ he di. Lɛ dɛ di. 28Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa. 29A ta wechɔɡa ɛɛ tɛɛ. Naate la waa n ŋɔ he bɛ di la, ásɛ o liire bɛ on aahna-aahna ɛ. Ɛrɛɛ mɛɛ ba nomɛl nyu bini liire waa koeh dɛ́ ɡel waa maa dɛ ɛɔ? 30Dɛ n jam Korowii kondikwaa maa dɛ ba dii wa aa, nomɛlbwa bɛ men pwah kɛ maa di a ɡɛ kwaa la.
31Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii. 32He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ. 33Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.
Právě zvoleno:
1 Kɔrent 10: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
1 Kɔrent 10
10
Voɡa toma jae wa
1Yabala, n dɛ nyin kɛ ń lii heya, ya naawa bwa nɛɛ Korowii bam la faa tɔ. Moo la aa teŋa la, ba bwaa kpɔ o baah kaa.#Kaa 13:21-22; 14:22-29 2A kaa ɛ kɛŋɔ ba fa aa sɔ ba bwa Korowii nee bam la ne mpo la ta, asɛ ba ne Mosis pɛ. 3Ba bwa dɔ kondikwaa le Korowii kpeɡri ta dɛ di. 4A berɔ che Korowii kpeɡri ta ba dɔ nee dɛ nyɔ. Bwe taa ba dɔ nee la le. Kristoo bwe la, dɛ faa teŋɛ ba nɛɛ ba kaa.#Kaa 17:6; Kur 20:11 5Kɛ Korowii sie ta ba ɡalɡa nɛɛ lɛɛ, asɛ ba serewe perɛ kpɔɡ la baah bobɛla.
6A ɡɛ waa nɔ bwa ɛo dɛ ɡel ya jemɛ wa, ásɛ wechɔɡa pɛla bɛ yaa dɔ ɡɛ a pɛla fa aa dɔɔ ba la. 7Ya bɛ voɡa dɛɛ tomɛ ɡɛ ba bini bane fa aa dɛ ɛ la. Mosis chwerɔ ŋɔ, “Nɛra la soɡo dɛ kwaa ba voɡa, dɛ di kwa, dɛ nyɔ sen, dɛ ir sa sachɔɡa.” 8Ya bɛ jwamane bɔ ɡɛ nɛra la bane fa aa ɛa asɛ Korowii kpoo ba bini kaɡboŋa fifraanɛ dɛ batoro tɔpebeŋkpoŋ la.#Kur 25:1-13 9Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la. 10Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.
11Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa. 12Anomanta, nomɛlbwa waa dɛ lii kɛŋɔ o cheɡɛ kiŋkiŋ Yeesu Kristo waa nɔ ta la, wɛ́ɛ nyiŋi kɛrɛdɛ dɛ bɛ naa ba lɔ. 13Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.
Kondikwaa baa dia dɛ kpɔ dɛɛ lii Yeesu
14Anomanta, n daamanar, hé laa he te kpɔ voɡa waa ta. 15He ɛ wejerema, anomanta, hé nyiŋi waa nɔ maa bola nɔ bini dɛ́ na. 16Saŋ bɛlbwa yaa pɛ so dɛɛ di kwaa dɛɛ lii Yeesu Kristo seo la, sen la yaa dɛ kpɛɛ Korowii dɛɛ nyɔ la ɡelɔ ya ne Yeesu Kristo pɛ o chal la waa ta. Paanoo yaa mɔna dɛɛ di la ɡelɔ ya ne o pɛ o bwadabii waa ta.#Mat 26:26-28 17Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.
18Hé ta sie dɛ́ na Juu tena wa. Nɛra baa dɛ di kwaa baa kpoora dɛɛ tɛ Korowii la, ba ta ɡɛ we-ɛɛla la ta jae yaa? 19N dɛ baɡle kɛ kwaa baa kpoora dɛɛ tɛ voɡa la, a ne voɡa ɡbaɡba ɛ kwaane kɛɛ? Akai! 20N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa. 21Haa won nyɔ sen la yaa dɛ nyɔ dɛɛ lii ya Dɔɔ waa la, dɛ́ berɛ ka nyɔ Bɔnsam toroma la kwa. He ne ya Dɔɔ aa won pɛ nɔn di kwa, ásɛ he ne Bɔnsam toroma la ɡe berɛ pɛ nɔn di kwa. Aa ɡɛɛ maɡre! 22Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?
23Nomɛl te kompɛɛ, “N dɔ ŋwɛnɛ kɛ ń ɛ wobɛlbwa,” kɛ a bwa laa wera tɛ mɛ, a bwa ɡe laa dɛɛ cha mɛ. 24Aa were kɛŋɔ nɛn ɡel o ɡbo waa hiaoh. A chɛ kɛ ó ɡel o dɔŋ ɡe kɛrɛdɛ doe waa hiaoh.
25Dɛ ba dɛ yoɡ ola ol yoɡribɔr aa, yawɛ dɛ́ di. Bɛ dɛɛ lii kɛŋɔ ane ken aa were. Hé yawɛ di, 26dɛkalkɛŋɔ “Korowiirii dɔ harɛ ne komɛlbwa aa lɔ o ta.”
27Dɛ nɛn waa wola asɔre te ɛɛ yerɛ ŋɔ hé ba di kwaa he sɛh aa, kondikwaa bɛlbwa waa tɛɛ la, bɛ dɛɛ lii ŋɔ a ken aa were kɛŋɔ he di. Lɛ dɛ di. 28Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa. 29A ta wechɔɡa ɛɛ tɛɛ. Naate la waa n ŋɔ he bɛ di la, ásɛ o liire bɛ on aahna-aahna ɛ. Ɛrɛɛ mɛɛ ba nomɛl nyu bini liire waa koeh dɛ́ ɡel waa maa dɛ ɛɔ? 30Dɛ n jam Korowii kondikwaa maa dɛ ba dii wa aa, nomɛlbwa bɛ men pwah kɛ maa di a ɡɛ kwaa la.
31Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii. 32He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ. 33Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.