ꠁꠘ꠆ꠎꠤꠟ ৬: ꠞꠥꠝꠣꠘ 16:25-27

ꠀꠟꠢꠣꠝꠖꠥꠟꠤꠟ꠆ꠟꠣ, ꠀꠝꠤ ꠙꠣꠃꠟꠥꠍꠦ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ, ꠀꠟ꠆ꠟꠣ ꠙꠣꠇꠞ ꠈꠦꠝꠔꠣ ꠀꠍꠦ ꠅꠃ ꠈꠥꠡ-ꠈꠛꠞꠤꠞ ꠃꠍꠤꠟ꠆ꠟꠣꠄ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠣ। ꠝꠘꠅ ꠞꠣꠈꠤꠅ, ꠛꠃꠔ ꠎꠝꠣꠘꠣ ꠗꠞꠤ ꠀꠟ꠆ꠟꠣꠄ ꠔꠣꠘ ꠁ ꠛꠣꠔꠥꠘꠤ ꠝꠥꠘꠡꠣꠞ ꠇꠕꠣ ꠟꠥꠇꠣꠁ ꠞꠣꠈꠍꠤꠟꠣ, ꠅꠁꠟꠦ ꠅꠈꠘ ꠁꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠉꠦꠍꠦ ꠎꠣꠁꠞ ꠅꠞ। ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠢꠥꠇꠥꠝꠦ, ꠀꠉꠞ ꠎꠝꠣꠘꠣꠞ ꠘꠛꠤ ꠅꠇꠟꠦ ꠎꠦꠔꠣ ꠟꠦꠈꠤꠀ ꠞꠣꠈꠍꠤꠟꠣ, ꠅꠔꠣ ꠎꠣꠁꠞ ꠅꠞ, ꠎꠣꠔꠦ ꠔꠣꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣ ꠙꠣꠇꠞ ꠛꠣꠁꠖ꠆ꠖ ꠅꠁꠘ। ꠄꠞꠟꠣꠉꠤ ꠅꠃ ꠈꠥꠡ-ꠈꠛꠞꠤ ꠅꠈꠘ ꠔꠛꠟꠤꠉ ꠇꠞꠣ ꠅꠞ। ꠔꠣꠁꠘꠃ ꠄꠇꠝꠣꠔ꠆ꠞ ꠀꠟ꠆ꠟꠣ, ꠔꠣꠁꠘꠃ ꠀꠈꠟꠖꠣꠞ, ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ॥