Sam 100
100
Sam Kratrtqki-esz' (100)
Na-awi-ngrbzku Mz Yawe Nzaodu-krde Nigu
Na-angioku Nide
1Nigu leplz amrlx mz nrlc
Na-angrlvzku Yawe!
2Na-angioku x naglqpxku nide
Mz nzelalz-krm drtwrgu!
3Nalxngitiku kx Yawe nide Gct, x nigu leplz nedeng murde wz-ngrde nigu.
X apuku sip ngr nardzng nyzde.
Na-awibzku Bade
4Mz nzvztr-krgu mz naonrx x makoa ngr Mangr-nzangiongr Yawe,
Navz zvz nzawi-krbzku bade x nzangio-kz-krgu nide.
5Murde Yawe mrlz-esz'ngr.
X aodule nigu mz nzatutr-zvz-krde natqde.
Právě zvoleno:
Sam 100: ntu
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2008, Wycliffe Bible Translators, Inc. All rights reserved.