BVÜKESHHU 9
9
Asahangthu Keshü
1Apvüwa na Mosa wi kiza, “Kadimiwa wi wa nu Ibri nyithu Nyiza Apvüwa na khiben le ma kizalo, ‘Inyithu ya bvü thsülo, isanu mathu ya hi kinyi thsülo. 2Keujüla no kheneng mathu ya nbvü thsü mvula hhaghe lethu 3hi adhagha nkemehai kesun pi nsahangthu miwi chi nu no metenmesha ben — no goru, gada, sunsiesa, amesüsi, khaghaneni, nu anenithu. 4Hi Israel nyithu sahang nu Ejipt nyithu sahangthu sa pi kepapa sa cüden, nu Israel nyithu sahang kesüla shü nben. 5Hi Apvüwa, dhitsü wi ha sale kesa matsü ssandha.’ ” 6Dhitsüwa wi Apvüwa na ma khi ketheng ti sa, nu Ejipt nyithu sahang tsüdila shü, isala Israel nyithu sahang tsü kesüla nshü. 7Kadimiwa na khati mangwa sadhanu keü, nu Israel nyithu sahang tsü kesüla nshü le kesa nyu na ma kiza. Isala ma leben dhu wa nu anyithu ya nbvü thsüla.
Avünenkesa
8Tsaseng wi Apvüwa na Mosa nu Aaron manyi wi kiza, “Annibhon wi ajuwen akwen pongti whayalo; Mosa na tsü sen wa kadimiwa tuwi atssan wi cügi thsülo. 9Tsüthu na Ejipt yyi tsüdi wi ayyinikhu ti bvü zigheaben, nu tsüthu na apen tsüdi wi anyi nu asahangthu miwi avünen sa nu khuma shhughoaben.” 10#Ccü 16.2.Tsalina manyi na ajuwen pahan khuya nu wa kadimiwa tuwi nganya; Mosa na tsüthu pi atssan wi cügi chi, nu tsüthu na anyi nu asahangthu miwi avünen sa nu khuma shhugho. 11Demathu na Mosa tuwi gho meyala, kepaghenanye mathu la Ejipt nyithu ti avünen pvüya kesalina. 12Isala Apvüwa na kadimiwa sapi ma leben dhu wa thsü, nu Apvüwa na khi ketheng ti kadimiwa na Mosa nu Aaron manyi jüh nkinala.
Aghayikeca
13Apvüwa na tsaseng wi Mosa kiza, “Ghanen wi mitu na wa kadimiwa metu nu Ibri nyithu Nyiza Apvüwa na khiben le ma kizalo, ‘Inyithu ya bvü thsülo, isanu mathu ya wa hi kinyi thsülo. 14Hi khilitsü nkekhu wi kedithu nu n-nyithu ketan nyela no la metenmesha den, isanu no yala ayyi tsüdi wi hi ti kesa thola nmile kesa chüya thsüden. 15Keujüla hi ikwen zanki nu adhagha pi no nu n-nyithu miwi chi cü lethu nthu yasatha sa kesa dhale. 16#Rom 9.17. Isala hi kekhang pi no ccücale kesalina no ya hang thsüben, isanu inyan kemechan ya ayyi tsüdi wila wa thsüden. 17No khilila kinankele nu inyithu ya nbvü thsüla hhagheben. 18Dhitsü wi hi hathansha wi Ejipt wi kheni na gho nansü kecu npi kechü aghayica ntsa gho thsüden. 19Tsalina nsahangthu nu nlli wi no keben tsüdila pi ajjen non wi chiyalo ahza khuchi, kepaghenanye aghayica pi anyi nu asahangthu miwi chi lethu akhemi wi kebenthu tsüdila shüaben.’” 20Kadimi kekhu wi kedithu pahan na Apvüwa kekhi tsü ghena mathu messiya, nu mathu nssümaghathu nu asahangthu ssi wa ajjen non wi chiya. 21Isala kepathu Apvüwa na kitsan kechi jüh tsü nkinala nu mathu nssümaghathu nu asahangthu pi akhemi wi teshi chia.
22Tsaseng wi Apvüwa na Mosa wi kiza, “Nkwen zanki pi atssan wi chilo, isathu Ejipt yyi maben wi aghayica pi anyithu, asahangthu, nu alli wi aghanglani tsüdi miwi chiden.” 23Tsalina Mosa na ma khhatssü zanki pi atssan wi chi, nu Apvüwa na atsankeshigü, aghayi, nu atsanphagha kesun pi ayyi wi chi. Apvüwa na 24#Ccü 8.7; 16.21. aghayica ntsa nu atsancwe kesun chi. Ejipt yyi tsüdi wi caghamo nkemehai ha kheni na hati kesa npi chü. 25Aghayica pi Ejipt yyi tsüdi wi pala akhemi wi keben anyithu nu asahangthu tsüdi wwala kecenthia. Aghayi na aghang nu achan tsüdi kecensa pia. 26Israel nyithu na hang keben Goshen yegu wi ketan aghayi na nkeca sa.
27Kadimiwa na Mosa nu Aaron manyi ci sengho kiza, “Matsü hawa wi hi samidha; Apvüwa na kemeshon wi ben, isala hi nu inyithu na sazzidha. 28Apvüwa wi kekhie salo! Atsanshigü nu aghayica ntsa sadha! Hi nthu ya bvü thsüaben le kesa ijühkhuchi ben, nthu na hewi nbenla mehaidha.” 29Mosa na ma kiza, “Hi anyunuti ha teshi meyi ikwen zanki nu Apvüwa wi kekhie saben. Ciwi atsan-nshigüla nu aghayi la ncalaben, isanu no ayyi hana Apvüwa jile kesa chüyaben. 30Isala no nu nkekhu wi kedithu na Apvüwa Anyiza npi messiya kesa hi chüben.”
31Akhhakhi nu achenthathu yasa pia, kepaghenanye tsü tsüwi achentha na nyün, nu akhhakhi na pvühben. 32Isala awhengsu tsü n-yasa, kepaghenanye tsüna npi nyün.
33Mosa na kadimiwa teshi nu anyunuti na ameiwa shhu nu ma kwen zanki nu Apvüwa wi kekhie sa. Atsankeshigü, aghayi, nu atsankegho la ngan. 34Kadimiwa na mangwa sadha khe mukeya seng wi lela ma kheneng sami wa. Ma nu ma kekhu wi kedithu na kheni ti leben dhu wa, 35nu kadimiwa na Israel nyithu ya bvü thsü nben kesa Apvüwa na Mosa wina khi ketheng ti sa.
Právě zvoleno:
BVÜKESHHU 9: RENGNBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
BVÜKESHHU 9
9
Asahangthu Keshü
1Apvüwa na Mosa wi kiza, “Kadimiwa wi wa nu Ibri nyithu Nyiza Apvüwa na khiben le ma kizalo, ‘Inyithu ya bvü thsülo, isanu mathu ya hi kinyi thsülo. 2Keujüla no kheneng mathu ya nbvü thsü mvula hhaghe lethu 3hi adhagha nkemehai kesun pi nsahangthu miwi chi nu no metenmesha ben — no goru, gada, sunsiesa, amesüsi, khaghaneni, nu anenithu. 4Hi Israel nyithu sahang nu Ejipt nyithu sahangthu sa pi kepapa sa cüden, nu Israel nyithu sahang kesüla shü nben. 5Hi Apvüwa, dhitsü wi ha sale kesa matsü ssandha.’ ” 6Dhitsüwa wi Apvüwa na ma khi ketheng ti sa, nu Ejipt nyithu sahang tsüdila shü, isala Israel nyithu sahang tsü kesüla nshü. 7Kadimiwa na khati mangwa sadhanu keü, nu Israel nyithu sahang tsü kesüla nshü le kesa nyu na ma kiza. Isala ma leben dhu wa nu anyithu ya nbvü thsüla.
Avünenkesa
8Tsaseng wi Apvüwa na Mosa nu Aaron manyi wi kiza, “Annibhon wi ajuwen akwen pongti whayalo; Mosa na tsü sen wa kadimiwa tuwi atssan wi cügi thsülo. 9Tsüthu na Ejipt yyi tsüdi wi ayyinikhu ti bvü zigheaben, nu tsüthu na apen tsüdi wi anyi nu asahangthu miwi avünen sa nu khuma shhughoaben.” 10#Ccü 16.2.Tsalina manyi na ajuwen pahan khuya nu wa kadimiwa tuwi nganya; Mosa na tsüthu pi atssan wi cügi chi, nu tsüthu na anyi nu asahangthu miwi avünen sa nu khuma shhugho. 11Demathu na Mosa tuwi gho meyala, kepaghenanye mathu la Ejipt nyithu ti avünen pvüya kesalina. 12Isala Apvüwa na kadimiwa sapi ma leben dhu wa thsü, nu Apvüwa na khi ketheng ti kadimiwa na Mosa nu Aaron manyi jüh nkinala.
Aghayikeca
13Apvüwa na tsaseng wi Mosa kiza, “Ghanen wi mitu na wa kadimiwa metu nu Ibri nyithu Nyiza Apvüwa na khiben le ma kizalo, ‘Inyithu ya bvü thsülo, isanu mathu ya wa hi kinyi thsülo. 14Hi khilitsü nkekhu wi kedithu nu n-nyithu ketan nyela no la metenmesha den, isanu no yala ayyi tsüdi wi hi ti kesa thola nmile kesa chüya thsüden. 15Keujüla hi ikwen zanki nu adhagha pi no nu n-nyithu miwi chi cü lethu nthu yasatha sa kesa dhale. 16#Rom 9.17. Isala hi kekhang pi no ccücale kesalina no ya hang thsüben, isanu inyan kemechan ya ayyi tsüdi wila wa thsüden. 17No khilila kinankele nu inyithu ya nbvü thsüla hhagheben. 18Dhitsü wi hi hathansha wi Ejipt wi kheni na gho nansü kecu npi kechü aghayica ntsa gho thsüden. 19Tsalina nsahangthu nu nlli wi no keben tsüdila pi ajjen non wi chiyalo ahza khuchi, kepaghenanye aghayica pi anyi nu asahangthu miwi chi lethu akhemi wi kebenthu tsüdila shüaben.’” 20Kadimi kekhu wi kedithu pahan na Apvüwa kekhi tsü ghena mathu messiya, nu mathu nssümaghathu nu asahangthu ssi wa ajjen non wi chiya. 21Isala kepathu Apvüwa na kitsan kechi jüh tsü nkinala nu mathu nssümaghathu nu asahangthu pi akhemi wi teshi chia.
22Tsaseng wi Apvüwa na Mosa wi kiza, “Nkwen zanki pi atssan wi chilo, isathu Ejipt yyi maben wi aghayica pi anyithu, asahangthu, nu alli wi aghanglani tsüdi miwi chiden.” 23Tsalina Mosa na ma khhatssü zanki pi atssan wi chi, nu Apvüwa na atsankeshigü, aghayi, nu atsanphagha kesun pi ayyi wi chi. Apvüwa na 24#Ccü 8.7; 16.21. aghayica ntsa nu atsancwe kesun chi. Ejipt yyi tsüdi wi caghamo nkemehai ha kheni na hati kesa npi chü. 25Aghayica pi Ejipt yyi tsüdi wi pala akhemi wi keben anyithu nu asahangthu tsüdi wwala kecenthia. Aghayi na aghang nu achan tsüdi kecensa pia. 26Israel nyithu na hang keben Goshen yegu wi ketan aghayi na nkeca sa.
27Kadimiwa na Mosa nu Aaron manyi ci sengho kiza, “Matsü hawa wi hi samidha; Apvüwa na kemeshon wi ben, isala hi nu inyithu na sazzidha. 28Apvüwa wi kekhie salo! Atsanshigü nu aghayica ntsa sadha! Hi nthu ya bvü thsüaben le kesa ijühkhuchi ben, nthu na hewi nbenla mehaidha.” 29Mosa na ma kiza, “Hi anyunuti ha teshi meyi ikwen zanki nu Apvüwa wi kekhie saben. Ciwi atsan-nshigüla nu aghayi la ncalaben, isanu no ayyi hana Apvüwa jile kesa chüyaben. 30Isala no nu nkekhu wi kedithu na Apvüwa Anyiza npi messiya kesa hi chüben.”
31Akhhakhi nu achenthathu yasa pia, kepaghenanye tsü tsüwi achentha na nyün, nu akhhakhi na pvühben. 32Isala awhengsu tsü n-yasa, kepaghenanye tsüna npi nyün.
33Mosa na kadimiwa teshi nu anyunuti na ameiwa shhu nu ma kwen zanki nu Apvüwa wi kekhie sa. Atsankeshigü, aghayi, nu atsankegho la ngan. 34Kadimiwa na mangwa sadha khe mukeya seng wi lela ma kheneng sami wa. Ma nu ma kekhu wi kedithu na kheni ti leben dhu wa, 35nu kadimiwa na Israel nyithu ya bvü thsü nben kesa Apvüwa na Mosa wina khi ketheng ti sa.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.