ڢِلِݠِّعٜنْ 2
2
يَنغْکِنَارٜ اَلْمَسِيحُ عٜ مَنغُ مُوطُمْ
1اَلْمَسِيحُ سٜمْبِطِنِ عٛنْ نَ؟ يِيدٜ مَاکٛ سُوسْطِنِ عٛنْ نَ؟ رُوحُ مَاکٛ حَوْتِ عٛنْ نَ؟ عٛنْ طٛنْ نغِطِنْدِرَ نَ؟ عٛنْ طٛنْ عٜنْطِنْدِرَ نَ؟ 2تٛ نٛنّٛنْ، ندٜنْ کَمْ تِمِّدِنٜ سٜيٛ عَمْ: نجٛوطٛدٜ عٛنْ نَرُّࢡٜ، ندٜرْ يِيدٜ وٛورٜ عٜ ࢡٜرْندٜ وٛورٜ عٜ عَنِّيَ نغٛوتَ؞ 3تَا نغَطٜ کٛو طُمٜ بٜى نُمٛوجِ کَاجُطِ مَلَّ نغَمْ مَنْتٛرَاغٛ کٛعٜ مٛنْ؞ عَمَّا ندٜرْ يَنغْکِنَارٜ، ندَارٜ وٛطْࢡٜ بَنَ ࢡُرْࢡٜ عٛنْ؞ 4تَا غٛطّٛ حَکِّلَنَ کٛ نَڢَتَ حٛورٜ مُمْ، عَمَّا کٛ نَڢَتَ وٛطْࢡٜ؞ 5نُمٛ مٛوطٛنْ لَاتٛ بَنَ نغٛ عِيسَى اَلْمَسِيحُ:
6کَنغْکٛ عٛ اَللَّه،
بٜى نٛنْ ڢُو عٛجٛوطٛرَاکِ دَرْندٜ مَاکٛ،
7عٛعَشِّ کٛ عٛمَرْنٛ ڢُو،
عٛوَرْتِرِ حٛورٜ مَاکٛ مَشُّطٛ،
عٛلَاتِ غٛوتٛ شَکَ يِمْࢡٜ،
يِمْࢡٜ عَنْدِتِمٛ عٛ نٜطّٛ؞
8عٛلٜىٰسْتِنِ حٛورٜ مَاکٛ،
عٛطٛوْتَنِ اَللَّه حَا يٛتِّ مَايْدٜ،
مَايْدٜ دٛوْ لٜغَّلْ غَاڢَانغَلْ؞
9نغَمْ مَنْ اَللَّه ࢡَنغْتِمٛ دٛوْ کٛو طُمٜ،
حٛکِّمٛ عِنْدٜ ࢡُرْندٜ عِنْطٜ ڢُو؞
10ندٜنْ کَمْ بٜى عِنْدٜ عِيسَى کٛو مٛيْ
ندٜرْ عَسَمَ عٜ دٛوْ لٜسْدِ عٜ لٜسْ لٜسْدِ
کٛوڢٛ يٜىٰسٛ مَاکٛ
11عٜ کٛو مٛيْ سٜىٰدَ:
«عِيسَى اَلْمَسِيحُ وٛنِ جَوْمِرَاوٛ» نغَمْ تٜدُّنغَلْ اَللَّه بَابِرَاوٛ#عٜسَايَ 45:23؞؞
جَيْلِ ندٜرْ دُنِيَارُ
12يِطَاࢡٜ عَمْ، سَاعِ مِ طٛنّٛ وٛنْدِ بٜى مٛوطٛنْ، عٛنْ طٛوْتَنِ يَمْ ڢٛرٛيْ؞ کٛو جٛنْتَ ندٜ مِوَلَاطٛنْ بٛو، طٛوْتَنٜىٰطَمْ، مبَنغِنٜ کِسْندَمْ مٛنْ ندٜرْ کُلٛلْ عٜ دِوْنغٛلْ، 13نغَمْ اَللَّه بٜى حٛورٜ مُمْ طٛنْ حُووَ ندٜرْ مُويٛ مٛنْ عٜ ندٜرْ کُوطٜ مٛنْ ڢٛدّٜ عَنِّيَ مُمْ مبٛوطْکَ؞
14ندٜرْ کُوطٜ مٛنْ ڢُو تَا نغُرْنغُرْتٜ، تَا نجٛکِّرٜ، 15نغَمْ حَا عٛنْ لَاتٛ لَاࢡّٜ ࢡٜنغَلَا عَيْبٜ#2:15 عَيْبٜ مَلَّ غَشّٜ؞، عٛنْ ࢡِࢡّٜ اَللَّه تِمُّࢡٜ شَکَ يِمْࢡٜ ڢَاسِکِعٜنْ، وٛنِّيࢡٜ ࢡٜعٜ؞ نجَيْنٜ شَکَ مَࢡّٜ بَنَ جَيْلِ حَا دُنِيَارُ#تٛوکْتَاکِ تَوْرٜىٰتَ 32:5؞؞ 16عَنْدِنٜ ࢡٜ وٛلْدٜ نغٜىٰندَمْ#2:16 عَنْدِنٜ ࢡٜ وٛلْدٜ نغٜىٰندَمْ مَلَّ بٛو نجٛغٜ وٛلْدٜ نغٜىٰندَمْ بٛوطُّمْ؞، حَا مِحٜࢡَ مَنْتٛرَاغٛ عٛنْ ࢩَنْدٜ ندٜ اَلْمَسِيحُ لٛرٛيْتٛ، نغَمْ تَا کُوغَلْ عَمْ عٜ تٛرَّ عَمْ لَاتٛ مٜىٰرٜ؞
17کٛو تٛ ࢨِيࢨَمْ عَمْ لَاتٛتٛ بَنَ دٛکَّلْ دُڢٜتٜىٰنغَلْ دٛوْ کِرْسَاطُمْ عٜ دٜوَلْ مٛنْ ندٜرْ نُطِّنْکِ مٛنْ، مِسٜيٛرْتٛ طُمْ عٜ مِسٜيٛدٛتّٛ بٜى مٛوطٛنْ ڢُو؞ 18بَنَ نٛنْ شٜيٛرٜ طُمْ عٛنٛنْ بٛو، شٜيٛدٜ بٜى عَمْ؞
تِمٛتٜ عٜ عٜݠَڢْرٛدِتْ
19تٛ جَوْمِرَاوٛ عِيسَى مُويِ، مِتَمِّ نٜلُغٛ تِمٛتٜ لَوْ حَا مٛوطٛنْ، نغَمْ حَا عٛدٜعِّتِنَمِّ بٜى کُبَرْ مٛوطٛنْ؞ 20مِوَلَا غٛطّٛ بَنَ مَاکٛ مٛ حَکِّيلٛ مُمْ يَحْدِ بٜى نغٛ عَمْ، مٛ طٛنْ سُکْلَنِ عٛنْ بٜى غٛونغَ؞ 21لُتُّࢡٜ ڢُو طٛنْ شُکْلَنِ کٛ نَڢَتَ کٛعٜ مُوطُمْعٜنْ، نَا کٛ نَڢَتَ عِيسَى اَلْمَسِيحُ؞ 22عٛنٛنْ عٛنْ عَنْدِ نٛ حٛولَارٜ مَاکٛ وَنغِرِ؞ بَنَ ࢡِطّٛ کٛمْبِ بَابَ مُمْ، نٛنْ عٛحُووْدِ بٜى عَمْ نغَمْ لِنْجِيلَ؞ 23نغَمْ مَنْ، مِتَمِّ نٜلُغٛ مٛ حَا مٛوطٛنْ لَوْ، تٛ مِڢَامِ بٜى لَاࢡْطُمْ کٛ لَاتَنْتٛ يَمْ؞ 24مِطٛنْ حٛولِ جَوْمِرَاوٛ بٛو، مِࢡَدَکٜ وَرْغٛ حَا مٛوطٛنْ مِنْ بٜى حٛورٜ عَمْ؞
25مِلَارِ طُمْ کَاندُطُمْ مِلٛرْنَنَ عٛنْ دٜىٰرْطِرَاوٛ عَمْ عٜݠَڢْرٛدِتْ، کُووْدِطِّرَاوٛ عَمْ، بَلُّطٛ يَمْ ندٜرْ حَࢡْرٜ، نٜلَاطٛ مٛ عٛنْ نٜلْنٛ حَا عَمْ نغَمْ حُمْتُغٛ حَاجٜ عَمْ؞ 26عَمَّا عٛطٛنْ يٜنْوَ عٛنْ مَسِنْ، عٛࢡِلَّکٜ جَمُمْ نغَمْ عٛنْ نَنِ عٛࢩَوْطٛنٛ؞ 27ڢَکَتْ عٛࢩَوِنٛ حَا عٛࢡَدَکٜ مَايُغٛ؞ عَمَّا اَللَّه عٜنْطِمٛ، نَا کَنغْکٛ تَنْ، عَمَّا مِنْ بٛو، نغَمْ تَا سُنٛ طُوطَنَمِّ؞ 28نغَمْ مَنْ مِيَاوْطِ لٛرْنُغٛ مٛ حَا مٛوطٛنْ، حَا عٛنْ شٜيٛ يِعُغٛ مٛ ڢَحِنْ، مِنْ بٛو سَکْلٜرٜ عَمْ عُسْتٛ؞ 29نجَࢡّٜ مٛ بٜى سٜيٛ مَنغٛ ندٜرْ جَوْمِرَاوٛ کَدِ؞ تٜدِّنٜ عِرِنْ يِمْࢡٜ ࢡٜعٜ، 30نغَمْ عٛࢡَدِنٛ مَايُغٛ نغَمْ کُوغَلْ اَلْمَسِيحُ؞ عٛحَسْدِ کٛو مَايُغٛ، نغَمْ حَا عٛحٜبِّتِنَ کٛ نغَکِّ حَا بَلَّلْ مٛوطٛنْ نغَمْ عَمْ؞
Právě zvoleno:
ڢِلِݠِّعٜنْ 2: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.