2 کٛرِنْتُعٜنْ 12
12
کَايٜىٰڢِيجِ غِعَاطِ عٜ وَحَيُوجِ
1حَانِ مِجُرٛ نَ؟ طُمْ نَڢَتَا بٛو؞ عَمَّا مِوٛلْوَنْ حَالَ وَحَيُوجِ عٜ کَايٜىٰڢِيجِ طِ جَوْمِرَاوٛ يِعْنِ يَمْ؞ 2مِعَنْدِ مَسِيحِنغْکٜىٰجٛ غٛطّٛ، وَطِ دُوࢡِ سَݠّٛ عٜ نَيِ جٛنْتَ؞ عٛعٜىٰنغِنَامَ حَا عَسَمَاوُ تَتَࢡُ؞ عٛطٛنّٛ ندٜرْ ࢡَنْدُ نَ مَلَّ حَا يَاسِ ࢡَنْدُ نَ! مِعَنْدَا؞ سٜيْ اَللَّه تَنْ عَنْدِ؞ 3مِعَنْدِ غٛطّٛ عٛو – عٛطٛنّٛ ندٜرْ ࢡَنْدُ نَ مَلَّ يَاسِ ࢡَنْدُ؟ مِعَنْدَا؞ سٜيْ اَللَّه تَنْ عَنْدِ؞ 4عٛعٜىٰنغِنَامَ حَا عَلْجَنَّ؞ تٛنْ عٛنَنِ بٛلّٜ سِرِّيجٜ طٜ نٜطّٛ ڢٛتَايْ وٛلْوُغٛ؞ 5مِجُرٛرْتٛ غٛطّٛ عٛو؞ عَمَّا مِنْ بٜى حٛورٜ عَمْ، مِجُرَتَاکٛ، سٛنَا تَمْݠٜرٜ عَمْ تَنْ نجُرٛرْتٛومِ؞ 6کٛو تٛ مِيِطِ جُرَاغٛ، نَا مِ ݠَاتَاطٛ، نغَمْ غٛونغَ مبِعَنْمِ؞ عَمَّا مِيِطَا جُرَاغٛ، نغَمْ تَا غٛطّٛ ࢡُرْنَمِّ دٛوْ کٛ عٛيِعِ حَا عَمْ مَلَّ کٛ عٛنَنِ حَا عَمْ؞
7نغَمْ تَا مِمَوْنِتٛ دَلِيلَ وَحَيُوجِ کَايٜىٰڢِيجِ طِ نغِعْمِ، اَللَّه حٛکِّ يَمْ کٛ نَاوْنِ يَمْ بَنَ غِعَلْ ندٜرْ ࢡَنْدُ عَمْ، طُمْ نٜلَاطٛ سَيْطَانُ مٛ ࢡِلِّ يَمْ نغَمْ تَا مِمَوْنِتٛ؞ 8ندٜ تَتِ تٛرِيمِ جَوْمِرَاوٛ حَا عٛعِتَّنَمِّ طُمْ؞ 9عَمَّا عٛجَابِ يَمْ: «مٛعّٜرٜ عَمْ حٜعِ مَ؞ نغَمْ بَاوْطٜ عَمْ ࢡُرَنْ حُووُغٛ ندٜرْ مَاطَ يَاکٜ عَ تَمْݠُطٛ؞» نغَمْ مَاجُمْ مِجُرٛرْتٛ تَمْݠٜ عَمْ بٜى سٜيٛ، نغَمْ حَا بَاوْطٜ اَلْمَسِيحُ نغٛنْدَ بٜى عَمْ؞ 10نغَمْ مَاجُمْ مِطٛنْ سٜيٛرٛ تَمْݠٜ عَمْ، مِطٛنْ سٜيٛرٛ کُودِ يِمْࢡٜ، شَکْلٜ، تٛوࢩَانغٜىٰجِ عٜ ࢡِلَّاجٜ نغَمْ دَلِيلَ اَلْمَسِيحُ؞ نغَمْ يَاکٜ مِ تَمْݠُطٛ، يَاکٜ مَنْ ندٜنْ مِ شٜمْبِطّٛ؞
نُمٛوجِ ݠٛلْ دٛوْ کٛرِنْتُعٜنْ
11عٛنْ ندٛولِ يَمْ، مِوَرْتِ مِطٛنْ وٛلْوَ بَنَ ݠَاتَاطٛ نغَمْ حَانِ عٛنٛنْ شٜىٰدَنْتَمِّنٛ؞ کٛو تٛ مِلَاتَاکِ کٛو طُمٜ، مِڢَمْطَنَايْ نٜلَاࢡٜ مَوْࢡٜ ࢡٜعٜ سَمْ؞ 12عَلَامَاجِ طِ کٛلَّتَ مِلَاتِ نٜلَاطٛ مبَنغِ شَکَ مٛوطٛنْ: مِحٛلِّ عٛنْ مُࢩَلْ تِمُّنغَلْ، مِوَطِ کَايٜىٰڢِيجِ عٜ کُوطٜ بَاوْطٜ بٛو شَکَ مٛوطٛنْ؞ 13وٛودِ کٛ مِوَطَنِ جَمَعَاجٜ نُطِّنْࢡٜ غٛطّٜ، ندٜنْ مِوَطَنَايْ عٛنْ طُمْ نَ؟ طُمْ حُوندٜ وٛورٜ تَنْ: مِࢨَمَايْ عٛنْ کُمْتَنَمِّ حَاجٜ عَمْ؞ نجَاڢَنٜىٰطَمْ عَيْبٜوٛلْ نغٛعٛلْ کَدِ!
14ندَا، مِ تَاسْکِيطٛ وَرْغٛ حَا مٛوطٛنْ ندٜ تَتَࢡْرٜ؞ ندٜنْ بٛو مِتٜدَّنْتَا عٛنْ، نغَمْ نَا جَوْدِ مٛوطٛنْ نغِطْمِ، عَمَّا عٛنٛنْ؞ ڢَکَتْ، نَا ࢡِکّٛيْ ݠَغَّنْتٛ سَارٛعٜنْ مُوطُمْعٜنْ، عَمَّا طُمْ سَارٛعٜنْ ݠَغَّنْتٛ ࢡِکّٛيْ؞ 15نغَمْ عَمْ کَمْ، بٜى سٜيٛ ندٛکَّنْمِ نغَمْ مٛوطٛنْ کٛ مَرْمِ ڢُو، کٛو حٛورٜ عَمْ بٛو؞ کَدِ عٛنْ ݠَمْطِتِنَنْ يِطُغٛ يَمْ نغَمْ مِࢡُرِ يِطُغٛ عٛنْ نَ؟
16عٛنْ تَبِتِنِ نٛ مِتٜدَّنَايْ عٛنْ؞ عَمَّا وٛطْࢡٜ طٛنْ مبِعَ مِࢨٛيْرِ عٛنْ، مِنَڢْتٛرِ عٛنْ بٜى دَبَرٜ؞ 17وٛودِ غٛوتٛ شَکَ نٜلَاࢡٜ عَمْ ࢡٜنٜلْمِ، مِࢨٛيْرِ عٛنْ بٜى مَاکٛ نَ؟ 18مِتٛرِ تِتُسْ عٛيَحْدَ بٜى دٜىٰرْطِرَاوٛ غٛطّٛ حَا مٛوطٛنْ؞ کَدِ تِتُسْ ࢨٛيْرِ عٛنْ، جَࢡْتِ عٛنْ حُوندٜ نَ؟ نَا مِنْ طِطٛ ڢُو، مِنْ کُووِ بٜى عَنِّيَ نغٛوتَ، بٜى تٛکَّاغٛ لَاوٛلْ غٛوتٛلْ نَ؟
19تٜىٰمَ عٛنْ طٛنْ نُمَ دِغَ ࢡٛويْمَ، مِنْ نغِطِ غٛونغْطِنْغٛ کٛعٜ عَمِنْ يٜىٰسٛ مٛوطٛنْ؞ نَا نٛنْ سَمْ! مِنْ طٛنْ مبٛلْوَ يٜىٰسٛ اَللَّه بَنَ نٛ اَلْمَسِيحُ يِطِ؞ دٜىٰرْطِرَاࢡٜ يِطَاࢡٜ، مِنْ طٛنْ مبِعَ طُمْ ڢُو نغَمْ حَا مِنْ شٜمْبِطِنَ عٛنْ ندٜرْ نُطِّنْکِ؞ 20مِطٛنْ حُلَ، سَاعِ نغَرَنْمِ حَا مٛوطٛنْ مِتَوْرَتَا عٛنْ بَنَ نٛ نغِطْمِ، عٛنٛنْ بٛو عٛنْ تَوْرَتَا يَمْ بَنَ نٛ نغِطّٛنْ؞ مِطٛنْ حُلَ مِتَوَنْ جٛکِّرْلِ عٜ ࢡٜرْنُکِ عٜ حَلِّنْغٛ وٛطْࢡٜ عٜ بٛلّٜ کَلُّطٜ عٜ تُڢْلٜ عٜ مَوْنِتَارٜ عٜ ڢِتِنَاجِ حَا مٛوطٛنْ؞ 21مِطٛنْ حُلَ تٛ مِوَرِ کَدِبٛو حَا مٛوطٛنْ، اَللَّه عَمْ لٜىٰسْنَمِّ، حَا مِوٛيَ دٛوْ طُوطْࢡٜ تٛکّٛتٛوࢡٜ وَطُغٛ حَکّٜ بَنَ نَانٜ، سَلِيࢡٜ عَشُّغٛ کُوطٜ مُوطُمْعٜنْ شٜمْتِنِيطٜ عٜ دَاکَارٜىٰکُ؞
Právě zvoleno:
2 کٛرِنْتُعٜنْ 12: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.