1 کٛرِنْتُعٜنْ 9
9
کٛ لَاتَنِ نٜلَاطٛ
1مِلَاتَاکِ دِمٛ نَ؟ مِلَاتَاکِ نٜلَاطٛ نَ؟ مِيِعَايْ عِيسَى، جَوْمِرَاوٛ مٜىٰطٜنْ نَ؟ عٛنٛنْ بٛو، عٛنْ لَاتَاکِ نَڢُودَ کُوغَلْ عَمْ نغَلْ کُووَنَنْمِ جَوْمِرَاوٛ نَ؟ 2کٛو تٛ وٛطْࢡٜ نجَࢡَايْ يَمْ بَنَ نٜلَاطٛ، حَا مٛوطٛنْ کَمْ مِ نٜلَاطٛ ڢَکَتْ؞ ندٜ نِي عٛنْ لَاتَکٜ نُطِّنْࢡٜ جَوْمِرَاوٛ، کَنْجُمْ سٜىٰدٛتٛ مِ نٜلَاطٛ مَاکٛ؞
3ندَا کٛ نجَابٛتٛومِ يِطْࢡٜ حِيتَاغٛ يَمْ: 4مِنْ ندُنغَنَاکَ جَࢡُغٛ ࢩَامْدُ عٜ نجَرَمْ نغَمْ کُوغَلْ عَمِنْ نَ؟ 5تٛ مِنْ نغٛودِنٛ مِنِنْ بٛو رٜوْࢡٜ مَسِيحِنغْکٜعٜنْ، مِنْ نغَلَانٛ دُنغَيٜىٰرٜ يَحْدُغٛ بٜى مَࢡّٜ بَنَ نٜلَاࢡٜ وٛطْࢡٜ عٜ دٜىٰرْطِرَاࢡٜ جَوْمِرَاوٛ عٜ ݠِيٜرْ مبَطَتَ نَ؟ 6مَلَّ سٜيْ مِنْ عٜ بَرْنَبَسْ تَنْ کُووَتَ نغَمْ وُورْنُغٛ کٛعٜ عَمِنْ نَ؟ 7سٛوجٜىٰجٛ مٛيٜ ࢩَامْنَتَ حٛورٜ مُمْ؟ مٛيْ جُبٛتٛ عِنَبٛوجٜ، ندٜنْ عٛࢩَامَتَا ࢡِࢡّٜ مَاجٜ؟ مٛيْ دُرَتَ تٛکّٜرٜ، ندٜنْ عٛيَرَتَا کٛسَمْ دَبَّاجِ مَنْ؟
8کٛ مبِعْمِ طٛ لَاتَاکِ طَبِيَ يِمْࢡٜ تَنْ، کٛو عُمْرٛورٜ اَللَّه بٛو وِعِ طُمْ؞ 9ندَا کٛ وِنْدَ ندٜرْ تَوْرٜىٰتَ مُوسَى: «تَا مبَطَنٜ نغَارِ شٛرْࢡٛورِ سَبَکَارٜ؞» کَدِ، طُمْ نغَارِ اَللَّه سُکْلَنْتٛ نَ#تٛوکْتَاکِ تَوْرٜىٰتَ 25:4؛ 1 تِمٛتٜ 5:18؞؟ 10عٛوِعَايْ طُمْ نغَمْ عَمِنْ نَ؟ ڢَکَتْ طُمْ وِنْدَامَ نغَمْ عَمِنْ؞ سٜيْ دٜمٛووٛ رٜمَ بٜى تَمّٛرَاغٛ غٜطَلْ مُوطُمْ، نٛنْ بٛو شٛدٛووٛ تَمّٛرٛ غٜطَلْ مُوطُمْ يَاکٜ شٛدٛلْ؞ 11مِنْ عَاوِ بَرْکَاجِ رُوحُ ندٜرْ مٛوطٛنْ؞ طُمْ حُوندٜ مَوْندٜ تٛ مِنْ شٛدِ غٜطَلْ سٜطَّ حَا ندٜرْ کُوجٜ مٛوطٛنْ طٜ دُنِيَارُ نَ#رٛمَعٜنْ 15:27؞؟ 12تٛ وٛطْࢡٜ مَرِ دُنغَيٜىٰرٜ جَࢡُغٛ غٜطَلْ نغَعَلْ حَا مٛوطٛنْ، مِنِنْ مِنْ ࢡُرَتَا ࢡٜ نَ؟
عَمَّا مِنِنْ مِنْ نَڢْتٛرَايْ طُمْ؞ مِنْ مُࢩَنِ کٛو طُمٜ ڢُو نغَمْ تَا مِنْ کَطَ لِنْجِيلَ اَلْمَسِيحُ لَاوٛلْ؞ 13عٛنْ عَنْدِ بٛوطُّمْ نٛ حُووٛوࢡٜ ندٜرْ حَيْکَلِيرُ طٛنْ کٜࢡَ نغُورٜ مُوطُمْعٜنْ ندٜرْ حَيْکَلِيرُ، لِيعَنْتٛوࢡٜ يِمْࢡٜ کِرْسٜتٜىٰطِ دٛوْ حِرْسِرْدٜ بٛو طٛنْ کٜࢡَ غٜطَلْ مُوطُمْعٜنْ حَا کِرْسٜتٜىٰطِ مَنْ#تٛوکْتَاکِ تَوْرٜىٰتَ 18:1؞؞ 14بَنَ نٛنْ بٛو جَوْمِرَاوٛ عُمْرِ حَا وَازٛوࢡٜ لِنْجِيلَ نغُورْدَ بٜى کُوغَلْ وَازُ مَࢡّٜ#مَتَّ 10:10؛ لُکَ 10:7؞؞
15عَمَّا مِنْ مِمٜىٰطَايْ نَڢْتٛرَاغٛ طُمْ ڢُو؞ مِوِنْدَايْ طُمْ بٛو نغَمْ حَا مِحٜࢡَ طُمْ جٛنْتَ؞ ندِکَّنَمِّ مَايُغٛ! وَلَا مٛ عِتَّتَ دَلِيلَ کَ جُرٛرْتٛومِ؞ 16مِمَنْتٛرْتَاکٛ وَازُ لِنْجِيلَ؞ دٛولٜ مِوَازِنَ کَ؞ بٛنٜ لَاتَنٛ يَمْ تٛ مِوَازِنَايْ لِنْجِيلَ؞ 17تٛ مِنْ سُࢡَنِنٛ حٛورٜ عَمْ کُوغَلْ نغَعَلْ، مِنَڢْتٛرَنّٛ مبَرْجَارِ؞ عَمَّا ندٜ نِي مِيٛوَنَامَ کُوغَلْ مَنْ، مِطٛنْ حُووَ کَلِيڢَاکُ نغُ مِحَلْڢِنَ تَنْ؞ 18کَدِ، طُمٜ مبَرْجَارِ عَمْ؟ طُمْ وَازِنغٛ لِنْجِيلَ شَاحُ، بِلَا نَڢْتٛرَاغٛ دُنغَيٜىٰرٜ ندٜ کُوغَلْ وَازُ مَنْ حٛکَّتَمِّ؞
19مِ دِمٛ، وَلَا نٜطّٛ مَرِ يَمْ؞ عَمَّا مِوَطِ حٛورٜ عَمْ مَشُّطٛ يِمْࢡٜ ڢُو نغَمْ حَا مِحٜࢡَنَ اَلْمَسِيحُ طُوطْࢡٜ مَࢡّٜ تٛ حٜࢡٛتٛ؞ 20تٛ مِطٛنْ شَکَ يَحُودُعٜنْ، مِيٜىٰطَنْ کَلْ-کَلْ بَنَ يَحُودُوجٛ، حَا مِحٜࢡَنَ اَلْمَسِيحُ يَحُودُعٜنْ؞ کٛو ندٜ مِنْ بٜى حٛورٜ عَمْ مِلَاتَاکِ جٛوَاطٛ تَوْرٜىٰتَ مُوسَى، تٛ مِطٛنْ وٛنْدِ بٜى طٛوْتَنْتٛوࢡٜ تَوْرٜىٰتَ، مِطٛوْتَنْتٛ کَ، نغَمْ حَا مِحٜࢡَ ࢡٜ؞ 21بَنَ نٛنْ بٛو تٛ مِطٛنْ وٛنْدِ بٜى يِمْࢡٜ ࢡٜعَنْدَا تَوْرٜىٰتَ، مِيٜىٰطَنْ کَلْ-کَلْ بَنَ مَࢡّٜ بِلَا تَوْرٜىٰتَ کَعَ نغَمْ حَا مِحٜࢡَنَ اَلْمَسِيحُ ࢡٜعَنْدَا تَوْرٜىٰتَ؞ طُمْ وِعَاکَ نِي مِطٛوْتَنْتَاکٛ عُمْرٛورٜ اَللَّه، نغَمْ مِطٛنْ طٛوْتَنٛ عُمْرٛورٜ اَلْمَسِيحُ؞ 22تٛ مِطٛنْ وٛنْدِ بٜى تَمْݠُࢡٜ ندٜرْ نُطِّنْکِ، مِيٜىٰطَنْ بَنَ مِنْ بٛو مِ تَمْݠُطٛ، نغَمْ حَا مِحٜࢡَنَ اَلْمَسِيحُ تَمْݠُࢡٜ مَنْ ندٜرْ نُطِّنْکِ؞ وَاتٛ مِلَاتَنْتٛ کٛو ࢡٜيٜ ڢُو بَنَ ࢡٜمبَعِ، حَا مِحِسْنَ وٛطْࢡٜ مَࢡّٜ کٛو نٛيْ ڢُو؞
23طُمْ ڢُو مِطٛنْ وَطَ طُمْ نغَمْ لِنْجِيلَ، حَا مِحٜࢡَ غٜطَلْ عَمْ حَا بَرْکَاجِ مَاکَ؞ 24عٛنْ عَنْدِ حَا دَلْدَلْ طُوطْࢡٜ ندٛغَّنْ ندٜرْ دَطَ-دَطَ، عَمَّا غٛوتٛ مَࢡّٜ تَنْ حٜࢡَتَ کٜࢡَلْ دَطْکِ؞ ندٛغِّرٜ نٛنْ حَا کٜࢡٛنْ کٜࢡَلْ دَطْکِ؞ 25غِطّٛ دَطُغٛ ڢُو عٜلْتَنْ حٛورٜ مُمْ بٜى شَاتَلْ؞ عٛطٛنْ وَطَ طُمْ نغَمْ حَا عٛحٜࢡَ مٜىٰتَلٜىٰوٛلْ حَاکٛوجِ طَيْلَنْطِ؞ عَمَّا عٜنٜنْ عٜنْ طٛنْ نغَطَ طُمْ حَا کٜࢡٜنْ مٜىٰتَلٜىٰوٛلْ نغٛلْ جِنَّتَا؞ 26نغَمْ مَاجُمْ مِطٛنْ دٛغَّ، غِتٜ عَمْ طٛنْ تِيتِ تِمِّتِرْدٜ دَطَ-دَطَ؞ مِلَاتِ بَنَ لُکّٛووٛ مٛ لُکَّتَا مٜىٰرٜ ندٜرْ حٜنْدُ؞ 27مِطٛنْ عٜلْتَ ࢡَنْدُ عَمْ بٜى شَاتَلْ حَا ندُ طٛوْتَنٛ يَمْ؞ نغَمْ تَا مِنْ غَازِنْطٛ وٛطْࢡٜ مِوُرْتِنٜ بَنَ مٛ حٜعَايْ؞
Právě zvoleno:
1 کٛرِنْتُعٜنْ 9: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.