1 کٛرِنْتُعٜنْ 5
5
شٜمْتِنِيطُمْ شَکَ نُطِّنْࢡٜ
1طُمْ طٛنْ نَنٜ کٛو تٛيْ وٛودِ حَالَ دَاکَارٜىٰکُ شَکَ مٛوطٛنْ؞ عِرِنْ دَاکَارٜىٰکُ مَاجُمْ تَوَتَاکٜ کٛو حَا حٜىٰڢٜىٰرْࢡٜ مَا؞ نغَمْ غٛوتٛ مٛوطٛنْ طٛنْ وٛنْدَ بٜى دٜبّٛ بَابَ مُوطُمْ#تٛوکْتَاکِ تَوْرٜىٰتَ 23:1؞؞ 2بٜى مَنْ ڢُو عٛنْ طٛنْ مَوْنِتٛ! حَانِ نٛ عٛنْ شُنٛ، عٛنْ نغُرْتِنَ کُووْطٛ عِرِنْ طُعُمْ شَکَ مٛوطٛنْ! 3نغَمْ عَمْ کَمْ، کٛو مِطٛنْ دَايِ بٜى مٛوطٛنْ، نُمٛوجِ عَمْ ندَايَاکِ بٜى مٛوطٛنْ؞ مِحِيتِ کُووْطٛ طُعُمْ تِمِّ بَنَ مِتَوَاطٛنٛ شَکَ مٛوطٛنْ؞ 4نغَمْ تٛ عٛنْ طٛنْ مٛوࢡِ ندٜرْ عِنْدٜ جَوْمِرَاوٛ مٜىٰطٜنْ عِيسَى، عَنْدٜ نُمٛوجِ عَمْ بٛو طٛنْ نغٛنْدِ بٜى طِ مٛوطٛنْ؞ ندٜنْ، بٜى بَاوْطٜ جَوْمِرَاوٛ مٜىٰطٜنْ عِيسَى، 5ندٛکّٜ غٛطّٛ عٛو حَا جُنغٛ سَيْطَانُ! نغَمْ حَا ࢡَنْدُ مَاکٛ حَلْکَ، عَمَّا رُوحُ مَاکٛ حِسَ ࢩَلَادٜ جَوْمِرَاوٛ لٛرٛيْتٛ؞
6جُرٛ مٛوطٛنْ يَحَايْ سَمْ! عٛنْ عَنْدَا عُڢْنِرْطُمْ سٜطَّ عُڢْنَنْ کُلُّ ڢُو نَ#غَلَاتِيَعٜنْ 5:9؞؟ 7لَࢡِّنٜ کٛعٜ مٛوطٛنْ دِغَ عُڢْنِرْطُمْ کِيطُّمْ طُعُمْ، حَا لَاتٛوطٛنْ کُلُّ کٜسَ بِلَا عُڢْنِرْطُمْ؞ نٛنْ لَاتِيطٛنْ بٜى غٛونغَ بٛو، نغَمْ اَلْمَسِيحُ، جَوْغٜلْ ݠَسْکَ مٜىٰطٜنْ حِرْسَامَ#غُرْتَاکِ 12:5؞؞ 8نٛنْ کَدِ نغَطٜنْ جُولْدٜ، نَا بٜى عُڢْنِرْطُمْ کِيطُّمْ، نَا بٜى عُڢْنِرْطُمْ حَلّٜىٰندٜ عٜ زُنُوبَ، عَمَّا بٜى تَمْسٜىٰرٜ ندٜ عُڢْنَاکَا، وَاتٛ تَمْسٜىٰرٜ لَاࢡٜىٰنغَ عٜ غٛونغَ#غُرْتَاکِ 13:7؛ تٛوکْتَاکِ تَوْرٜىٰتَ 16:3؞؞
9مِ بِنْدَنْطٛ عٛنْ ندٜرْ بَتَاکٜوٛلْ عَمْ عَارْتُنغٛلْ تَا عٛنْ کَوْتَ بٜى دَاکَارٜعٜنْ؞ 10مِوٛلْوَايْ دٛوْ دَاکَارٜعٜنْ شَکَ يِمْࢡٜ دُنِيَارُ ندُعُ مَلَّ سُونَاࢡٜ مَلَّ وُيْࢡٜ مَلَّ رٜوٛوࢡٜ لَبِّ؞ تٛ نٛنْ طُمْ لَاتِنٛ کَمْ، دٛولٜ عٛنْ نغُرْتٛنٛ دُنِيَارُ! 11ندَا کٛ مِوِنْدَنِ عٛنْ جٛنْتَ: تَا کَوْتٜ بٜى غٛطّٛ بِعَنْطٛ عٛ مَسِيحِنغْکٜىٰجٛ، عَمَّا عٛ دَاکَارٜىٰجٛ مَلَّ شُونَاطٛ شٜىٰدٜ مَلَّ دٜوٛووٛ لَبِّ مَلَّ بَطٛووٛ تُڢْلٜ مَلَّ غُيْکٛووٛ مَلَّ غُجّٛ؞ تَا ࢩَامْدٜ مَا بٜى عِرِنْ غٛطّٛ عٛو! 12کٛ يَالِ يَمْ بٜى حِيتَاغٛ يِمْࢡٜ يَاسِ؟ نَا عٛنْ يٛوَنَاࢡٜ حِيتَاغٛ وٛنْࢡٜ ندٜرْ مٛوࢡْتٛرْدٜ مٛوطٛنْ؟ 13اَللَّه بٜى حٛورٜ مُمْ حِيتٛتٛ يِمْࢡٜ يَاسِ؞ عَمَّا بَنَ کٛ وِنْدَ: «نغُرْتِنٜ کَلُّطٛ شَکَ مٛوطٛنْ#تٛوکْتَاکِ تَوْرٜىٰتَ 13:6؛ 17:7؞؞»
Právě zvoleno:
1 کٛرِنْتُعٜنْ 5: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.