1 کٛرِنْتُعٜنْ 2
2
ݠٛلْ وَازِنِ حَا کٛرِنْتُ
1دٜىٰرْطِرَاࢡٜ عَمْ، سَاعِ مِوَرِنٛ وَازِنغٛ عٛنْ غٛونغَ اَللَّه سِرِّيحَ، مِوَطَايْ طُمْ بٜى بٛلّٜ مَوْطٜ عٜ حِکْمَ لُغُّکَ؞ 2مِتٜڢَايْ عَنْدُغٛ کٛو طُمٜ شَکَ مٛوطٛنْ، سٛنَا عِيسَى اَلْمَسِيحُ، وَاتٛ عِيسَى اَلْمَسِيحُ ࢡِلَاطٛ دٛوْ لٜغَّلْ غَاڢَانغَلْ؞ 3مِوَرِ حَا مٛوطٛنْ ندٜرْ تَمْݠٜرٜ، ندٜرْ کُلٛلْ عٜ ندٜرْ دِوْنغٛلْ طُوطْنغٛلْ#کُوطٜ نٜلَاࢡٜ 18:9؞؞ 4وٛلْدٜ عَمْ عٜ وَازُ عَمْ لَاتَاکِ بٜى بَاوَلْ بٛلّٜ ڢٛدّٜ حِکْمَ يِمْࢡٜ، عَمَّا طُمْ بَنغِنْکِ رُوحُ اَللَّه عٜ بَاوْطٜ مُمْ، 5نغَمْ تَا نُطِّنْکِ مٛوطٛنْ دَرٛ دٛوْ حِکْمَ يِمْࢡٜ، عَمَّا کِ دَرٛ دٛوْ بَاوْطٜ اَللَّه؞
رُوحُ عَنْدِ سِرِّيجِ اَللَّه
6بٜى نٛنْ ڢُو مِنْ طٛنْ نغَازِنَ حِکْمَ حَا نُطِّنْࢡٜ تِمُّࢡٜ؞ حِکْمَ کَعَ لَاتَاکِ کَ زَمَنُورُ ندُعُ مَلَّ کَ مَوْࢡٜ زَمَنُورُ ندُعُ، نغَمْ بَاوْطٜ مَࢡّٜ تَمِّ نَتِّنٜىٰغٛ؞ 7مِنْ طٛنْ نغَازِنَ حِکْمَ اَللَّه سِرِّيحَ، کَ عٛسُوطِنٛ، عَمَّا عٛعَنِّنِ حٛکُّغٛ عٜنْ دِغَ زَمَنُوجِ شِوَا نغَمْ تٜدُّنغَلْ مٜىٰطٜنْ؞ 8وَلَا کٛو غٛوتٛ ندٜرْ مَوْࢡٜ دُنِيَارُ ندُعُ عَنْدُنٛ نغَلْ؞ تٛ نَا نٛنْ، ࢡٜࢡِلَتَانٛ جَوْمِرَاوٛ مَرْطٛ تٜدُّنغَلْ حَا لٜغَّلْ غَاڢَانغَلْ؞ 9عَمَّا بَنَ کٛ وِنْدَ:
«کٛ غٛطّٛ مٜىٰطَايْ يِعُغٛ مَلَّ نَنُغٛ،
کٛ غٛطّٛ مٜىٰطَايْ نُمُغٛ بٛو،
کَنْجُمْ اَللَّه تَاسْکِتِنَنِ يِطْࢡٜ مٛ#عٜسَايَ 64:4؞؞»
10حَا مٜىٰطٜنْ کَمْ، اَللَّه وَنغِنِرِ طُمْ بٜى رُوحُ؞ نغَمْ رُوحُ طٛنْ لِࢩَ کٛو طُمٜ ڢُو، کٛو نُڢَيٜىٰجٜ اَللَّه لُغُّطٜ بٛو؞ 11مٛيْ عَنْدِ کٛ وٛنِ ندٜرْ غٛطّٛ؟ سٜيْ رُوحُ غٛطّٛ مَنْ؞ بَنَ نٛنْ بٛو وَلَا عَنْدُطٛ نُمٛوجِ اَللَّه، سٜيْ رُوحُ اَللَّه تَنْ؞ 12نغَمْ عٜنٜنْ کَمْ، عٜنْ کٜࢡَايْ رُوحُ عِوْنغُ حَا دُنِيَارُ ندُعُ، عَمَّا رُوحُ عِوْطٛ حَا اَللَّه کٜࢡْطٜنْ، نغَمْ عَنْدُغٛ کٛ اَللَّه مٛعَّنِ عٜنْ؞
13مِنْ مبٛلْوِرَايْ حَالَ مَنْ بٜى بٛلّٜ عِوْطٜ حَا حِکْمَ يِمْࢡٜ، عَمَّا بٜى کٛ رُوحُ اَللَّه عٜکِّتِنْتَ، حَا مِنْ ݠَامْتِنَ حٜࢡّٜ رُوحُ کٛ رُوحُ عَنْدِنْتَ؞ 14کٛو مٛيْ تٛکِّ حَکِّيلٛ مُمْ جَࢡَتَا کٛ عِوِ حَا رُوحُ اَللَّه، نغَمْ طُمْ ڢَاتَارٜ حَا مَاکٛ؞ عٛڢَامَتَا طُمْ سَمْ، نغَمْ سٜيْ بٜى بَلَّلْ رُوحُ طُمْ ڢَامٛرْتٛ؞ 15کٜࢡْطٛ رُوحُ اَللَّه طٛنْ ڢَامَ کٛو طُمٜ ڢُو، عَمَّا کَنغْکٛ بٜى حٛورٜ مَاکٛ، وَلَا ݠَامَنْطٛ مٛ؞ 16نغَمْ دٜڢْتٜرٜ طٛنْ وِعَ: «مٛيْ عَنْدِ نُمٛ جَوْمِرَاوٛ؟ مٛيْ وَاوَتَ حٛکُّغٛ مٛ سَوَرِ؟» عَمَّا عٜنٜنْ عٜنْ نغٛودِ نُمٛ اَلْمَسِيحُ#عٜسَايَ 40:13؞؞
Právě zvoleno:
1 کٛرِنْتُعٜنْ 2: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.