LOS HECHOS 8
8
1An Saulo ancha ixt'ajun, wa tamcha ixma'k'atsay li tama'nilhcha an Esteban.
An Saulo jach'a'o'ay an yu takiklaka'iy Dios para li kajalhitama'chapulh
Anchunu wilhchan tsukulhcha jach'a'o'akani an yu ixtajakiklaka'inincha an la'acha'an Jerusalén. Ixchuxk'ani tatalaktilh'olh, talak'alhcha an xala'acha'anaxni Judea chi Samaria, pero an yu ixjamala'achata an Jesús yu'uncha jantu. 2Tichi yu'uncha lapanakni yu wachucha ixtajakiklaka'inin tamaknulhcha an Esteban chi stakcha talhi'alhulh. 3Pero an Saulo yucha wa ixjalhitama'chapuyi an yu ixtajakiklaka'inincha chi ixjach'a'o'ayi lakatamincha lakalakcha'a', ixkilaktanuycha, ixjala'xa'axtuycha an lapanakni chi an t'akunin, ixjalhi'ancha lakapulach'in.
Lhichiwinkalhcha an laj'oxi chiwinti an xalakaat'un Samaria
4An yu ixtataxtutacha an la'acha'an Jerusalén ixtalhichiwinicha an laj'oxi chiwinti wa tanchuncha ixta'an. 5An Felipe, yucha la'acha'an Samariaja alh, chi tsukulhcha jalhixa'alayi an Cristo. 6Ixtata'ayxt'o'acha an lapanakni chi ixchuxchak'ani sa' ixta'alha'asmat'a an Felipe, chi ixtala'ts'incha tacha an ixlakmasuy tanlhun yu ixmasuy ix'alhp'asninti Dios. 7Lhuw lapanakni yu wa ixtala'apaxto'ta lakmakxkay'un ixjak'uch'uycha. An lakmakxkay'un akxni ixtamakajuncha xamati lapanak, ixtat'asaycha. Chi ixluwk'an yu wa ixtalaklakalhtukulunta chi yu wa la'ch'anlh'awilin ixtajunita, ixjak'uch'uycha. 8Tacha ani ixtapasay, an la'acha'an, an lapanakni sawalhcha ixtalaj'achan.
9Chi ancha ixt'ajun pumatam lapanak yu ixjunkan Simón, ixlip'ulhnaj jachawana ixjunita, chi stakcha ixjalaj'o'xcho'ota an jamacha'an Samaria. Ixjalhimasuniy li sawalhcha ixlitapalay lapanak. 10Ixchuxk'an lakt'ikt'in chi laj'ajin, sawalhcha ixta'asmatniy, ixtalaknajun:
―Tacha ani masuy yucha an ay ix'alhp'asninti Dios.
11Sawalhcha ixta'asmatniy, mu tacha an ixlima'ancha ixjachawanan wa stakcha ixjapulaj'o'xcho'ota. 12Pero akxni takiklaka'ilhcha an Felipe tacha an ixlichiwiniy laj'oxi chiwinti, ixlakata an ixlich'alhkat Dios chi an Jesucristo, ixtalaj'a'paxacha an lapanakni chi an t'akunin. 13Chi an Simón wachucha kiklaka'ilh, chi akxni a'paxlicha lhilhijcha ixch'a'o'ay an Felipe, sawalhcha ixla'lhi'a'niya tacha an ixla'ts'in ixlaktapasay tanlhun chi tacha an ixtata'oxicha an ta'an'anin.
14Tak'atsaalhcha an yu ixjamala'achata an Jesús an yu ixtat'awnachalh la'acha'an Jerusalén, li an la'acha'an Samaria ta'asmat'acha an ixchiwinti Dios. Tamala'achalhcha an Pedro chi an Juan la'acha'an Samaria. 15Chi akxni tacha'alhcha Samaria, talhitapaynilhcha an yu tajakiklaka'inilhcha an yu ancha jamacha'an, para li katala'a'ilhi an Stalan'a Takuwin. 16Mu jantuka' xamati ixla'a'iy yu yu'uncha. Wa ixtalaj'a'paxtaka la ixta'a'ut an Jamach'alhkat Jesús. 17Wa chuncha an Pedro chi an Juan talaklakpach'apalhcha an lapanakni, chi chuncha tala'a'ilhcha an Stalan'a Takuwin.
18An Simón akxni la'ts'ilhi li an Stalan'a Takuwin ixjala'chincha an lapanakni akxni ixtajalakpach'apaninincha an yu ixjamala'achata Jesús, ixjaxta'niycha tumin. 19Chi jajuniy:
―Wachu akilaxta'niwi an ix'alhp'asninti Dios, para li yu wachu aklakpach'apalh wachu kala'a'ilhi an Stalan'a Takuwin.
20Wa chuncha an Pedro alhtaylh juniy:
―K'at'ats'an'a'o amintumin, mu uxint'i wa laka tumini t'amawp'ut'un an yu xt'a'a Dios. 21Uxint'i jant'u t'ach'ip'ini li k'ala'a'it'i, mu la ix'ukxlakapu an Dios jantu ts'ajwi t'ajun mijalhunut. 22T'ach'a ani jant'uch'a k'is oxi lay, jant'uch'a ch'uni k'alat'i, k'at'ap'ayninini an Dios, kala'ts'inawcha li sna kamala'mixinini t'ach'a ani p'ast'ak'a. 23Mu ikla'ts'inani li wa lhaxk'ayanani li tu'u', ch'i jant'u lay mak'awt'ijlay.
24An Simón ja'alhtayanalh:
―K'at'ap'ayninit'iti an Dios kilakata para li jantu tu'u katapasalh tacha an kilajunaw.
25Ixli'astan akxni talhichiwin'olhcha an ixchiwinti Dios an Pedro chi an Juan, ta'ancho'olhcha la'acha'an Jerusalén, chi talhichiwinilhcha wachu an laj'oxi chiwinti lakalhuw xala'acha'anaxni an xalakaat'un Samaria.
An Felipe chi pumatam xa'ay lapanak jamacha'a Etiopía
26Pumatam ix'angelh an Dios xa'alalh an Felipe, junkan an Felipe:
―K'a'ost'aycha chi k'ap'inchi anu lhitalaktsin, la xatij la'acha'an Jerusalén, an tan la'pusta tij tan lakak'iwin, yu wakcha anta la'acha'an Gaza.
27Pus an Felipe ostayalh chi alhcha, walh an laka tij paxto'lhicha pumatam lapanak jamacha'a Etiopía. Ani lapanak xa'ayi ixjunita, ixtesorero an xarreina Etiopía chi kilalh la'acha'an Jerusalén, kitapayninilh an Dios. 28Chi ixti'ancho'oycha la ixlakaat'un, sa'cha ixtajun la ixcarreta, ixpunawlhi'antacha an yu ists'o'ta an Isaías yu ixlichiwiniy ixchiwinti Dios. 29Pus an ixTakuwin Dios juniy an Felipe:
―Waniya k'ap'inchi an tan la'pust'ajun an carreta.
30Akxni an Felipe cha'alhcha, asmat'acha li an jamacha'a Etiopía ixpunawlhi'anta an yu ists'o'ta an Isaías, pus juniy:
―¿Lhimach'a'xayi an yu p'una'un?
31An lapanak jamacha'a Etiopía ja'alhtayanalh najun:
―¿Tasucha lay aklhimacha'xaya li jantu xamati kijuniy tuchini nawputuncha?
Pus an Felipe, junkan li katajulhcha an laka carreta chi li kapiktutawilhcha an lapanak jamacha'a Etiopía.
32Tan ixpunawt'ajun an ixchiwinti Dios, an tan najunta:
Wa tacha wa la'atamcha jas'at'a borregojo lhi'ankalh tan kama'nikana',
chi wa tacha wa la'atamcha borrego yu jantu k'is t'asay akxni la'asitkan,
jantu k'is ta'elh'a'mix'alh.
33Stakcha tamamaxanilh,
walh chi jantu xamati lhi'a'tayjulh.
An ixjatsukunti ma'osukalhi ani lakaat'un.
Jantu xamati lay katinawlh tichini yu'unchacha yu tapu'a'p'un'alh.
34An jamacha'a Etiopía juniy an Felipe:
―Lamapaynin ak'i'uni tichini yuchacha lhichiwiniy an lapanak an yu ixlichiwiniy ixchiwinti Dios. ¿Wa ix'akstucha lhichiwinkan tacha ani najunta u xamati apumatami lhichiwiniy?
35Pus an Felipe, tsukulhcha lhixa'alayi an tacha ixpunawt'ajun ixchiwinti Dios an jamacha'a Etiopía. Junilhcha an laj'oxi chiwinti yu lhichiwiniy an Jesús. 36Chi wakcha ta'alh, walh tacha'alhcha tan ixwilh xkan, an jamacha'a Etiopía najun:
―Ani wilhi xkan, ¿jantucha layi ani ak'a'paxli?
[37Pus an Felipe juniy:
―Li ixlisawalh chux la mijalhunuti k'iklak'a'iy an Dios, laych'a k'a'a'p'axt'i.
Pus an jamacha'a Etiopía najun:
―Kit'in ijkiklaka'iya li an Jesucristo isTs'alh an Dios.]
38Wa chuncha lhinawlhi li kasa' yawkalhi an carreta, chi an ixt'uyunk'an tata'alhtajulhcha, an Felipe ma'paxalhcha. 39Akxni tatakutlhicha an lakxkan, an ixTakuwin Dios lhi'alhcha an Felipe. Chi an xa'ay lapanak jamacha'a Etiopía jantucha la'ts'incho'olh, pero sawalhcha ix'achani taylhi'alh ixtij. 40An Felipe akxni k'ats'aanalh la'acha'an Azotojcha ixt'awnachalh, chi lakatamj lakatamjcha la'acha'anaxni ix'an lhichiwiniy an laj'oxi chiwinti, sta la'acha'an Cesareajcha cha'alh.
Právě zvoleno:
LOS HECHOS 8: tpp
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2015, Wycliffe Bible Translators, Inc. All rights reserved.
LOS HECHOS 8
8
1An Saulo ancha ixt'ajun, wa tamcha ixma'k'atsay li tama'nilhcha an Esteban.
An Saulo jach'a'o'ay an yu takiklaka'iy Dios para li kajalhitama'chapulh
Anchunu wilhchan tsukulhcha jach'a'o'akani an yu ixtajakiklaka'inincha an la'acha'an Jerusalén. Ixchuxk'ani tatalaktilh'olh, talak'alhcha an xala'acha'anaxni Judea chi Samaria, pero an yu ixjamala'achata an Jesús yu'uncha jantu. 2Tichi yu'uncha lapanakni yu wachucha ixtajakiklaka'inin tamaknulhcha an Esteban chi stakcha talhi'alhulh. 3Pero an Saulo yucha wa ixjalhitama'chapuyi an yu ixtajakiklaka'inincha chi ixjach'a'o'ayi lakatamincha lakalakcha'a', ixkilaktanuycha, ixjala'xa'axtuycha an lapanakni chi an t'akunin, ixjalhi'ancha lakapulach'in.
Lhichiwinkalhcha an laj'oxi chiwinti an xalakaat'un Samaria
4An yu ixtataxtutacha an la'acha'an Jerusalén ixtalhichiwinicha an laj'oxi chiwinti wa tanchuncha ixta'an. 5An Felipe, yucha la'acha'an Samariaja alh, chi tsukulhcha jalhixa'alayi an Cristo. 6Ixtata'ayxt'o'acha an lapanakni chi ixchuxchak'ani sa' ixta'alha'asmat'a an Felipe, chi ixtala'ts'incha tacha an ixlakmasuy tanlhun yu ixmasuy ix'alhp'asninti Dios. 7Lhuw lapanakni yu wa ixtala'apaxto'ta lakmakxkay'un ixjak'uch'uycha. An lakmakxkay'un akxni ixtamakajuncha xamati lapanak, ixtat'asaycha. Chi ixluwk'an yu wa ixtalaklakalhtukulunta chi yu wa la'ch'anlh'awilin ixtajunita, ixjak'uch'uycha. 8Tacha ani ixtapasay, an la'acha'an, an lapanakni sawalhcha ixtalaj'achan.
9Chi ancha ixt'ajun pumatam lapanak yu ixjunkan Simón, ixlip'ulhnaj jachawana ixjunita, chi stakcha ixjalaj'o'xcho'ota an jamacha'an Samaria. Ixjalhimasuniy li sawalhcha ixlitapalay lapanak. 10Ixchuxk'an lakt'ikt'in chi laj'ajin, sawalhcha ixta'asmatniy, ixtalaknajun:
―Tacha ani masuy yucha an ay ix'alhp'asninti Dios.
11Sawalhcha ixta'asmatniy, mu tacha an ixlima'ancha ixjachawanan wa stakcha ixjapulaj'o'xcho'ota. 12Pero akxni takiklaka'ilhcha an Felipe tacha an ixlichiwiniy laj'oxi chiwinti, ixlakata an ixlich'alhkat Dios chi an Jesucristo, ixtalaj'a'paxacha an lapanakni chi an t'akunin. 13Chi an Simón wachucha kiklaka'ilh, chi akxni a'paxlicha lhilhijcha ixch'a'o'ay an Felipe, sawalhcha ixla'lhi'a'niya tacha an ixla'ts'in ixlaktapasay tanlhun chi tacha an ixtata'oxicha an ta'an'anin.
14Tak'atsaalhcha an yu ixjamala'achata an Jesús an yu ixtat'awnachalh la'acha'an Jerusalén, li an la'acha'an Samaria ta'asmat'acha an ixchiwinti Dios. Tamala'achalhcha an Pedro chi an Juan la'acha'an Samaria. 15Chi akxni tacha'alhcha Samaria, talhitapaynilhcha an yu tajakiklaka'inilhcha an yu ancha jamacha'an, para li katala'a'ilhi an Stalan'a Takuwin. 16Mu jantuka' xamati ixla'a'iy yu yu'uncha. Wa ixtalaj'a'paxtaka la ixta'a'ut an Jamach'alhkat Jesús. 17Wa chuncha an Pedro chi an Juan talaklakpach'apalhcha an lapanakni, chi chuncha tala'a'ilhcha an Stalan'a Takuwin.
18An Simón akxni la'ts'ilhi li an Stalan'a Takuwin ixjala'chincha an lapanakni akxni ixtajalakpach'apaninincha an yu ixjamala'achata Jesús, ixjaxta'niycha tumin. 19Chi jajuniy:
―Wachu akilaxta'niwi an ix'alhp'asninti Dios, para li yu wachu aklakpach'apalh wachu kala'a'ilhi an Stalan'a Takuwin.
20Wa chuncha an Pedro alhtaylh juniy:
―K'at'ats'an'a'o amintumin, mu uxint'i wa laka tumini t'amawp'ut'un an yu xt'a'a Dios. 21Uxint'i jant'u t'ach'ip'ini li k'ala'a'it'i, mu la ix'ukxlakapu an Dios jantu ts'ajwi t'ajun mijalhunut. 22T'ach'a ani jant'uch'a k'is oxi lay, jant'uch'a ch'uni k'alat'i, k'at'ap'ayninini an Dios, kala'ts'inawcha li sna kamala'mixinini t'ach'a ani p'ast'ak'a. 23Mu ikla'ts'inani li wa lhaxk'ayanani li tu'u', ch'i jant'u lay mak'awt'ijlay.
24An Simón ja'alhtayanalh:
―K'at'ap'ayninit'iti an Dios kilakata para li jantu tu'u katapasalh tacha an kilajunaw.
25Ixli'astan akxni talhichiwin'olhcha an ixchiwinti Dios an Pedro chi an Juan, ta'ancho'olhcha la'acha'an Jerusalén, chi talhichiwinilhcha wachu an laj'oxi chiwinti lakalhuw xala'acha'anaxni an xalakaat'un Samaria.
An Felipe chi pumatam xa'ay lapanak jamacha'a Etiopía
26Pumatam ix'angelh an Dios xa'alalh an Felipe, junkan an Felipe:
―K'a'ost'aycha chi k'ap'inchi anu lhitalaktsin, la xatij la'acha'an Jerusalén, an tan la'pusta tij tan lakak'iwin, yu wakcha anta la'acha'an Gaza.
27Pus an Felipe ostayalh chi alhcha, walh an laka tij paxto'lhicha pumatam lapanak jamacha'a Etiopía. Ani lapanak xa'ayi ixjunita, ixtesorero an xarreina Etiopía chi kilalh la'acha'an Jerusalén, kitapayninilh an Dios. 28Chi ixti'ancho'oycha la ixlakaat'un, sa'cha ixtajun la ixcarreta, ixpunawlhi'antacha an yu ists'o'ta an Isaías yu ixlichiwiniy ixchiwinti Dios. 29Pus an ixTakuwin Dios juniy an Felipe:
―Waniya k'ap'inchi an tan la'pust'ajun an carreta.
30Akxni an Felipe cha'alhcha, asmat'acha li an jamacha'a Etiopía ixpunawlhi'anta an yu ists'o'ta an Isaías, pus juniy:
―¿Lhimach'a'xayi an yu p'una'un?
31An lapanak jamacha'a Etiopía ja'alhtayanalh najun:
―¿Tasucha lay aklhimacha'xaya li jantu xamati kijuniy tuchini nawputuncha?
Pus an Felipe, junkan li katajulhcha an laka carreta chi li kapiktutawilhcha an lapanak jamacha'a Etiopía.
32Tan ixpunawt'ajun an ixchiwinti Dios, an tan najunta:
Wa tacha wa la'atamcha jas'at'a borregojo lhi'ankalh tan kama'nikana',
chi wa tacha wa la'atamcha borrego yu jantu k'is t'asay akxni la'asitkan,
jantu k'is ta'elh'a'mix'alh.
33Stakcha tamamaxanilh,
walh chi jantu xamati lhi'a'tayjulh.
An ixjatsukunti ma'osukalhi ani lakaat'un.
Jantu xamati lay katinawlh tichini yu'unchacha yu tapu'a'p'un'alh.
34An jamacha'a Etiopía juniy an Felipe:
―Lamapaynin ak'i'uni tichini yuchacha lhichiwiniy an lapanak an yu ixlichiwiniy ixchiwinti Dios. ¿Wa ix'akstucha lhichiwinkan tacha ani najunta u xamati apumatami lhichiwiniy?
35Pus an Felipe, tsukulhcha lhixa'alayi an tacha ixpunawt'ajun ixchiwinti Dios an jamacha'a Etiopía. Junilhcha an laj'oxi chiwinti yu lhichiwiniy an Jesús. 36Chi wakcha ta'alh, walh tacha'alhcha tan ixwilh xkan, an jamacha'a Etiopía najun:
―Ani wilhi xkan, ¿jantucha layi ani ak'a'paxli?
[37Pus an Felipe juniy:
―Li ixlisawalh chux la mijalhunuti k'iklak'a'iy an Dios, laych'a k'a'a'p'axt'i.
Pus an jamacha'a Etiopía najun:
―Kit'in ijkiklaka'iya li an Jesucristo isTs'alh an Dios.]
38Wa chuncha lhinawlhi li kasa' yawkalhi an carreta, chi an ixt'uyunk'an tata'alhtajulhcha, an Felipe ma'paxalhcha. 39Akxni tatakutlhicha an lakxkan, an ixTakuwin Dios lhi'alhcha an Felipe. Chi an xa'ay lapanak jamacha'a Etiopía jantucha la'ts'incho'olh, pero sawalhcha ix'achani taylhi'alh ixtij. 40An Felipe akxni k'ats'aanalh la'acha'an Azotojcha ixt'awnachalh, chi lakatamj lakatamjcha la'acha'anaxni ix'an lhichiwiniy an laj'oxi chiwinti, sta la'acha'an Cesareajcha cha'alh.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2015, Wycliffe Bible Translators, Inc. All rights reserved.