Chivkeeb 24
24
1Lub sijhawm no Anplahas laus heev lawm, thiab tus TSWV tau foom koobhmoov rau txhua yam uas Anplahaas tau ua los lawm. 2Nws hais rau nws tus tubtxib uas laus dua lwmtus, uas yog tus saib tagnrho nws lub cuabtam hais tias, “Muab koj txhais tes los tso rau hauv kuv ceg puabtais#24:2: Muab … ceg puabtais: Qhov no yog txoj kev coglus uas yeej hloov tsis tau hlo li. thiab coglus rau kuv. 3Kuv xav kom koj coglus rau kuv ntawm tus TSWV lub npe, uas yog Vajtswv tus kav lub ntuj thiab lub ntiajteb, hais tias koj yuav tsis xaiv cov ntxhais hauv tebchaws Kana-as no los rau kuv tus tub yuav ua pojniam. 4Koj yuavtsum rov mus rau hauv lub tebchaws uas kuv yug thiab mus yuav kuv cov kwvtij ib tug ntxhais los rau kuv tus tub Ixaj ua pojniam.”
5Tiamsis tus tubtxib nug hais tias, “Yog tias tus ntxhais tsis kam nrog kuv los rau lub tebchaws no, kuv yuav ua licas? Yuav cia kuv coj koj tus tub rov mus nyob rau tim koj lub qub teb qub chaw lov?”
6Anplahas teb tias, “Koj ncontsoov tsis txhob coj kuv tus tub mus nyob rau tid nawb! 7Tus TSWV uas yog Vajtswv tus uas kav lub ntuj, yog tus coj kuv tawm hauv kuv txiv lub tsev thiab hauv kuv cov kwvtij lub tebchaws los, Nws tau coglus tseg rau kuv lawm hais tias Nws yuav muab lub tebchaws no pub rau kuv cajces. Nws yuav tso Nws tus timtswv ua koj ntej mus, kom koj mus nrhiav tau pojniam rau kuv tus tub. 8Yog tus ntxhais ntawd tsis kam nrog koj los, koj thiaj dim ntawm kuv tej lus cogtseg no. Tiamsis txwv tunrho tsis pub koj coj kuv tus tub mus tid li.” 9Yogli ntawd, tus tubtxib thiaj muab nws txhais tes tso rau hauv Anplahas, uas yog nws tus tswv ob sab ceg puabtais, thiab coglus ua rawsli Anplahas tau hais rau nws lawm.
10Tus tubtxib uas yog tus saib tagnrho Anplahas lub cuabtam, thiaj cab nws tus tswv kaum tus ntxhuav thauj tej khoom muajnqis, thiab mus rau pem lub nroog Alas Nahalayees#24:10: Alas Nahalayees: Lub nroog no nyob rau sab qaumteb hnubpoob ntawm tebchaws Mexuputamias. uas Nahaus nyob. 11Thaum nws mus txog ped lawm, nws kom cov ntxhuav txhoscaug rau ntawm lub qhovdej uas nyob rau sabnraum ntug nroog. Thaum ntawd twb yuav tsausntuj, tabtom yog lub caij uas cov pojniam tawm tuaj nqa dej. 12Nws txawm thov Vajtswv hais tias, “Tus TSWV uas yog kuv tus tswv Anplahas tus Vajtswv, thov Koj pab kom kuv tes haujlwm hnubno tiav mus rau qhov zoo, thiab ua rawsli tej lus uas Koj tau cogtseg rau kuv tus tswv lawm. 13Kuv tabtom nyob ntawm lub qhovdej uas yog qhov chaw cov hluasnkauj hauv lub nroog no tseem yuav tuaj nqa dej. 14Kuv yuav hais rau cov hluasnkauj ntawd ib tug hais tias, ‘Thov txo koj lub hub dej thiab pub mentsis dej rau kuv haus.’ Yog nws teb tias, ‘Haus mas, kuv tseem yuav ntaus dej rau koj cov ntxhuav txhua tus haus thiab,’ ces thov kom tus ntawd yog tus uas Koj twb xaiv tseg cia rau Koj tus tubtxib Ixaj lawm. Yog qhov no tshwmsim, kuv thiaj yuav paub tias Koj ua rawsli Koj tau coglus tseg rau kuv tus tswv lawm tiag.”
15Thaum uas tus tubtxib thov Vajtswv tsis tau xaus, Lenpekas txawm kwv ib lub hub dej saum xubpwg tuaj txog ntua ntawd. Nws yog Npethuyees tus ntxhais; Npethuyees yog Anplahas tus kwv Nahaus thiab nws tus pojniam Milekas nkawd tus tub. 16Lenpekas yog ib tug ntxhais uas zoonkauj heev, thiab nws tseem yog nkaujxwb. Nws nqis mus rau nram lub qhovdej, ntaus dej puvnkaus rau hauv nws lub hub thiab rovqab los. 17Tus tubtxib thiaj khiav loo mus cuag nws thiab hais tias, “Thov koj pub mentsis dej ntawm koj lub hub rau kuv haus.”
18Lenpekas teb tias, “Kuv tus tswv, haus tau mas,” ces nws thiaj txo kiag lub hub saum nws xubpwg los tuav rau tus tubtxib ntawd haus. 19Thaum nws haus tag lawm, Lenpekas hais tias, “Kuv yuav ntaus dej los rau koj cov ntxhuav haus kom txaus thiab.” 20Nws muab nws lub hub dej hliv tsuag-tsuag tagnrho rau hauv dab dej rau cov tsiaj ntawd haus thiab rov loo mus ntaus dej los ntxiv rau; nws ua li ntawd rau tus tubtxib cov ntxhuav tau dej haus txhua tus. 21Anplahas tus tubtxib sawv twjywm ntsia tus ntxhais ntawd seb puas yog tus TSWV ua kom nws tes haujlwm tiav rawsli nws xav los tsis yog.
22Thaum uas Lenpekas ntaus dej rau cov ntxhuav haus txaus lawm, tus tubtxib thiaj muab tau ib lub khawb kub hnyav 2 txiaj uas ntaus nqi ntau heev los khawm rau Lenpekas qhovntswg thiab muab ob lub kaujtoog npab kub hnyav 10 txiaj rau Lenpekas coj ntawm tes. 23Tus tubtxib txawm nug hais tias, “Thov qhia rau kuv seb koj txiv yog leejtwg. Hauv nws lub tsev puas muaj chaw txaus rau kuv thiab kuv cov neeg mus so hmo no?”
24Lenpekas teb tias, “Kuv txiv yog Npethuyees uas yog Nahaus thiab Milekas nkawd tus tub. 25Tom peb tsev muaj quavnyab thiab nyom qhuav ntau, thiab yeej muaj chaw rau nej so huv tibsi.”
26Ces tus tubtxib ntawd txawm txhoscaug ntua thiab pehawm tus TSWV. 27Nws hais tias, “Ua tus TSWV uas yog kuv tus tswv Anplahas tus Vajtswv tsaug. Nws yog tus ncajncees thiab Nws yeej ua rawsli Nws tau coglus tseg rau kuv tus tswv. Tus TSWV yeej coj kuv kev ncajnraim tuaj rau ntawm kuv tus tswv cov kwvtij.”
28Tus ntxhais ntawd thiaj khiav rovqab mus tom nws niam lub tsev thiab piav zaj no rau sawvdaws mloog. 29Lenpekas muaj ib tug nus hu ua Lanpas; ces Lanpas txawm tawm plaws rau nraumzoov thiab khiav tiajlias mus rau tom lub qhovdej uas Anplahas tus tubtxib nyob. 30Thaum Lanpas pom lub khawb kub thiab ob lub kaujtoog npab uas nws tus muam coj thiab hnov tej lus uas Lenpekas piav txog tej uas tus txivneej ntawd hais rau nws, Lanpas thiajli mus cuag Anplahas tus tubtxib uas tabtom sawv nrog nws cov ntxhuav ntawm lub qhovdej, 31thiab hais tias, “Koj ciali nrog kuv mus tom tsev. Koj yog tus uas tau txais tus TSWV txoj koobhmoov lawm. Koj tseem yuav sawv ntawm no ua dabtsi? Kuv twb npaj tau txaj chaw rau koj so tom kuv tsev lawm, thiab nyob tod yeej muaj chaw rau koj cov ntxhuav huv tibsi.”
32Yogli ntawd, tus tubtxib thiaj mus rau tom Lanpas tsev, thiab Lanpas thiaj muab cov ntxhuav tej nra tsaws cia thiab muab quavnyab thiab nyom qhuav rau cov ntxhuav noj. Ces nws thiaj nqa dej los rau Anplahas tus tubtxib thiab nws cov neeg tau ntxuav taw. 33Thaum rau tau hmo lawm, tus tubtxib ntawd hais tias, “Kuv yuav tsis noj pluas hmo no mus txog thaum kuv hais tag tej lus uas kuv yuav hais rau koj tso.”
Lanpas teb tias, “Koj muaj lus dabtsi los hais tau.”
34Nws txawm pib hais tias, “Kuv yog Anplahas tus tubtxib. 35Tus TSWV foom koobhmoov ntau kawg nkaus rau kuv tus tswv, thiaj ua rau nws dhau mus ua ib tug neeg npluanuj. Tus TSWV pub rau kuv tus tswv muaj yaj, muaj tshis, muaj nyuj, muaj nyiaj, muaj kub, muaj tubqhe thiab ntxhais qhev, muaj ntxhuav thiab muaj neesluav coob kawg li. 36Xalas uas yog kuv tus tswv tus pojniam twb laus heev lawm los nws tseem yug tau ib tug tub rau kuv tus tswv thiab, mas kuv tus tswv tau muab tagnrho nws lub cuabtam rau tus tub ntawd. 37Kuv tus tswv kom kuv coglus hais tias kuv yuavtsum mloog nws tej lus xaaj tseg. Nws hais tias, ‘Koj tsis txhob mus yuav cov neeg uas nyob hauv tebchaws Kana-as tej ntxhais los rau kuv tus tub ua pojniam. 38Tiamsis koj ciali mus lawm tim kuv txiv tsev neeg, mus cuag kuv cov kwvtij, thiab xaiv ib tug pojniam los rau kuv tus tub Ixaj.’
39“Kuv thiaj nug kuv tus tswv hais tias, ‘Yog tus ntxhais tsis kam nrog kuv los no, kuv yuav ua licas?’ 40Nws teb tias, ‘Tus TSWV uas kuv yeej ibtxwm mloog Nws lus, yuav tso Nws tus timtswv nrog koj mus thiab yuav ua kom koj tes haujlwm tiav. Koj yuav mus yuav tau kuv txiv tsev neeg ib tug ntxhais los rau kuv tus tub ua pojniam. 41Tsuas yog muaj tibqho ua rau koj dim ntawm kuv lolus cogtseg xwb: yog koj mus hais es kuv cov kwvtij tsis kam, ces koj thiaj yuav dim ntawm kuv cov lus cogtseg.’
42“Hnubno thaum kuv tuaj txog rau ntawm lub qhovdej, kuv thov Vajtswv hais tias, ‘Tus TSWV uas yog kuv tus tswv Anplahas tus Vajtswv, thov Koj pab kom tes haujlwm uas kuv tuaj ua no tiav mus rau qhov zoo. 43Kuv nyob ntawm lub qhovdej no. Thaum ib tug hluasnkauj tawm tuaj nqa dej, kuv yuav thov kom nws muab dej hauv nws lub hub pub rau kuv haus. 44Yog nws txaussiab muab rau kuv haus thiab tseem mus ntaus dej los pub rau kuv cov ntxhuav haus huv tibsi, ces thov kom nws yog tus uas Koj xaiv rau kuv tus tswv tus tub yuav ua pojniam ntag.’
45“Thaum kuv tseem thov Vajtswv twjywm hauv kuv lub siab tsis tau xaus, Lenpekas txawmsiv kwv ib lub hub saum nws xubpwg thiab nqis mus ntaus dej hauv lub qhovdej lawm. Kuv thiaj hais rau nws tias, ‘Thov koj pub mentsis dej rau kuv haus.’ 46Nws thiaj txo kiag nws lub hub saum xubpwg los thiab hais tias, ‘Haus tau mas, kuv tseem yuav ntaus dej rau koj cov ntxhuav haus huv tibsi thiab.’ Yogli ntawd, kuv thiaj tau haus, thiab nws ntaus dej pub rau kuv cov ntxhuav haus huv tibsi.
47“Kuv nug nws hais tias, ‘Koj txiv yog leejtwg?’ Nws teb tias, ‘Kuv txiv yog Npethuyees uas yog Nahaus thiab Milekas nkawd tus tub.’ Kuv thiaj muab lub kauj ntswg kub khawm nws qhovntswg thiab muab ob lub kaujtoog npab rau nws coj ntawm nws cajnpab. 48Kuv thiaj txhoscaug ntua thiab pehawm tus TSWV. Kuv ua tus TSWV uas yog kuv tus tswv Anplahas tus Vajtswv tsaug, Nws yog tus uas coj kuv kev ncajnraim tuaj rau ntawm kuv tus tswv cov kwvtij, uas yog qhov chaw kuv tuaj nrhiav tau nws tus ntxhais mus rau kuv tus tswv tus tub. 49Zaumno yog nej zoosiab thiab ua ncaj rau kuv tus tswv, ces thov qhia rau kuv paub; yog ho tsis tau los thov qhia rau kuv paub, kom kuv paub txiavtxim siab hais tias yuav ua licas ntxiv.”
50Lanpas thiab Npethuyees teb tias, “Qhov no yeej yog Vajtswv pomzoo lawm, ces peb tsis pom qab yuav hais tau licas rau koj. 51Lenpekas nyob ntawm no, koj ciali coj nws mus. Cia nws mus ua koj tus tswv tus tub tus pojniam rawsli tus TSWV tau hais tseg cia lawm.” 52Thaum Anplahas tus tubtxib hnov tej los no lawm, nws khoov ntshis rau hauv pemteb thiab pehawm tus TSWV. 53Ces nws txawm rho tej khaubncaws thiab tej saw nyiaj saw kub los rau Lenpekas. Thiab nws tseem muab tau tej khoomplig uas muajnqis heev rau Lenpekas tus nus thiab nws niam.
54Ces Anplahas tus tubtxib thiab cov neeg uas nrog nws tuaj txawm nojhaus thiab pw ib hmos qhov ntawd. Thaum tagkis sawvntxov uas lawv sawv, tus tubtxib hais tias, “Thov tso kuv rovqab mus cuag kuv tus tswv lau.”
55Tiamsis Lenpekas tus nus thiab nws niam teb tias, “Thov cia Lenpekas nrog peb nyob li ib lub limtiam lossis kaum hnub ntxiv tso, nws mam nrog nej mus.”
56Tiamsis tus tubtxib teb tias, “Thov tsis txhob cheem kuv nyob. Tus TSWV twb ua rau kuv tes haujlwm uas kuv taug kev tuaj no tiav tag mus rau qhov zoo lawm, thov cia kuv rov mus cuag kuv tus tswv.”
57Nkawd teb tias, “Cia peb hu tus ntxhais los nug seb nws hais licas.” 58Yogli ntawd, nkawd txawm hu Lenpekas los thiab nug hais tias, “Koj puas txaussiab nrog tus txivneej no mus?”
Lenpekas teb tias, “Kuv txaussiab.”
59Yogli ntawd, nkawd thiajli tso Lenpekas thiab nws tus ntxhais qhev uas ibtxwm tu nws nrog Anplahas tus tubtxib thiab nws cov tibneeg mus. 60Ces lawv txawm foom koobhmoov rau Lenpekas li no:
“Tus muam, thov kom koj muaj tub muaj ki ntau txhiab ntau vam leej!
Thov kom koj cov xeebntxwv txeeb tau lawv cov yeebncuab tej nroog!”
61Ces Lenpekas thiab nws cov ntxhais qhev thiaj caij ntxhuav nrog Anplahas tus tubtxib, sawvkev mus tsev lawm.
62Ixaj tuaj ntawm Npe-aws Lahais Lau-is#24:62: Npe-aws Lahais Lau-is txhais hais tias “Lub Qhovdej ntawm Tus Muaj Sia Nyob Uas Pom Kuv.” Saib 16:14. tuaj thiab nws tuaj nyob rau hauv tebchaws Kana-as sab qabteb. 63Thaum yuav tsausntuj Ixaj txawm tawm mus ncig uasi tom teb thiab nws pom ib pab ntxhuav taug kev los. 64Thaum Lenpekas pom dheev Ixaj, nws txawm nqis kiag saum nws tus ntxhuav los 65thiab nug Anplahas tus tubtxib hais tias, “Tus txivneej uas tabtom taug kev tuaj rau ntawm peb no yog leejtwg?”
Tus tubtxib teb tias, “Nws yog kuv tus tswv ntag.” Yogli ntawd, Lenpekas txawm muab nws txoj phuam los npog kiag nws lub ntsejmuag.
66Tus tubtxib thiaj qhia txhua yam uas nws tau mus ua tiav tag lawm rau Ixaj mloog. 67Ces Ixaj thiaj coj Lenpekas mus rau hauv lub tsevntaub uas thaum ub Xalas uas yog nws niam txeev nyob los, thiab Lenpekas tau los ua Ixaj tus pojniam. Ixaj hlub Lenpekas heev, thiab Lenpekas kuj yog ib qho kev txhawbzog kawg li rau Ixaj vim nws niam tau tuag lawm.
Právě zvoleno:
Chivkeeb 24: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 24
24
1Lub sijhawm no Anplahas laus heev lawm, thiab tus TSWV tau foom koobhmoov rau txhua yam uas Anplahaas tau ua los lawm. 2Nws hais rau nws tus tubtxib uas laus dua lwmtus, uas yog tus saib tagnrho nws lub cuabtam hais tias, “Muab koj txhais tes los tso rau hauv kuv ceg puabtais#24:2: Muab … ceg puabtais: Qhov no yog txoj kev coglus uas yeej hloov tsis tau hlo li. thiab coglus rau kuv. 3Kuv xav kom koj coglus rau kuv ntawm tus TSWV lub npe, uas yog Vajtswv tus kav lub ntuj thiab lub ntiajteb, hais tias koj yuav tsis xaiv cov ntxhais hauv tebchaws Kana-as no los rau kuv tus tub yuav ua pojniam. 4Koj yuavtsum rov mus rau hauv lub tebchaws uas kuv yug thiab mus yuav kuv cov kwvtij ib tug ntxhais los rau kuv tus tub Ixaj ua pojniam.”
5Tiamsis tus tubtxib nug hais tias, “Yog tias tus ntxhais tsis kam nrog kuv los rau lub tebchaws no, kuv yuav ua licas? Yuav cia kuv coj koj tus tub rov mus nyob rau tim koj lub qub teb qub chaw lov?”
6Anplahas teb tias, “Koj ncontsoov tsis txhob coj kuv tus tub mus nyob rau tid nawb! 7Tus TSWV uas yog Vajtswv tus uas kav lub ntuj, yog tus coj kuv tawm hauv kuv txiv lub tsev thiab hauv kuv cov kwvtij lub tebchaws los, Nws tau coglus tseg rau kuv lawm hais tias Nws yuav muab lub tebchaws no pub rau kuv cajces. Nws yuav tso Nws tus timtswv ua koj ntej mus, kom koj mus nrhiav tau pojniam rau kuv tus tub. 8Yog tus ntxhais ntawd tsis kam nrog koj los, koj thiaj dim ntawm kuv tej lus cogtseg no. Tiamsis txwv tunrho tsis pub koj coj kuv tus tub mus tid li.” 9Yogli ntawd, tus tubtxib thiaj muab nws txhais tes tso rau hauv Anplahas, uas yog nws tus tswv ob sab ceg puabtais, thiab coglus ua rawsli Anplahas tau hais rau nws lawm.
10Tus tubtxib uas yog tus saib tagnrho Anplahas lub cuabtam, thiaj cab nws tus tswv kaum tus ntxhuav thauj tej khoom muajnqis, thiab mus rau pem lub nroog Alas Nahalayees#24:10: Alas Nahalayees: Lub nroog no nyob rau sab qaumteb hnubpoob ntawm tebchaws Mexuputamias. uas Nahaus nyob. 11Thaum nws mus txog ped lawm, nws kom cov ntxhuav txhoscaug rau ntawm lub qhovdej uas nyob rau sabnraum ntug nroog. Thaum ntawd twb yuav tsausntuj, tabtom yog lub caij uas cov pojniam tawm tuaj nqa dej. 12Nws txawm thov Vajtswv hais tias, “Tus TSWV uas yog kuv tus tswv Anplahas tus Vajtswv, thov Koj pab kom kuv tes haujlwm hnubno tiav mus rau qhov zoo, thiab ua rawsli tej lus uas Koj tau cogtseg rau kuv tus tswv lawm. 13Kuv tabtom nyob ntawm lub qhovdej uas yog qhov chaw cov hluasnkauj hauv lub nroog no tseem yuav tuaj nqa dej. 14Kuv yuav hais rau cov hluasnkauj ntawd ib tug hais tias, ‘Thov txo koj lub hub dej thiab pub mentsis dej rau kuv haus.’ Yog nws teb tias, ‘Haus mas, kuv tseem yuav ntaus dej rau koj cov ntxhuav txhua tus haus thiab,’ ces thov kom tus ntawd yog tus uas Koj twb xaiv tseg cia rau Koj tus tubtxib Ixaj lawm. Yog qhov no tshwmsim, kuv thiaj yuav paub tias Koj ua rawsli Koj tau coglus tseg rau kuv tus tswv lawm tiag.”
15Thaum uas tus tubtxib thov Vajtswv tsis tau xaus, Lenpekas txawm kwv ib lub hub dej saum xubpwg tuaj txog ntua ntawd. Nws yog Npethuyees tus ntxhais; Npethuyees yog Anplahas tus kwv Nahaus thiab nws tus pojniam Milekas nkawd tus tub. 16Lenpekas yog ib tug ntxhais uas zoonkauj heev, thiab nws tseem yog nkaujxwb. Nws nqis mus rau nram lub qhovdej, ntaus dej puvnkaus rau hauv nws lub hub thiab rovqab los. 17Tus tubtxib thiaj khiav loo mus cuag nws thiab hais tias, “Thov koj pub mentsis dej ntawm koj lub hub rau kuv haus.”
18Lenpekas teb tias, “Kuv tus tswv, haus tau mas,” ces nws thiaj txo kiag lub hub saum nws xubpwg los tuav rau tus tubtxib ntawd haus. 19Thaum nws haus tag lawm, Lenpekas hais tias, “Kuv yuav ntaus dej los rau koj cov ntxhuav haus kom txaus thiab.” 20Nws muab nws lub hub dej hliv tsuag-tsuag tagnrho rau hauv dab dej rau cov tsiaj ntawd haus thiab rov loo mus ntaus dej los ntxiv rau; nws ua li ntawd rau tus tubtxib cov ntxhuav tau dej haus txhua tus. 21Anplahas tus tubtxib sawv twjywm ntsia tus ntxhais ntawd seb puas yog tus TSWV ua kom nws tes haujlwm tiav rawsli nws xav los tsis yog.
22Thaum uas Lenpekas ntaus dej rau cov ntxhuav haus txaus lawm, tus tubtxib thiaj muab tau ib lub khawb kub hnyav 2 txiaj uas ntaus nqi ntau heev los khawm rau Lenpekas qhovntswg thiab muab ob lub kaujtoog npab kub hnyav 10 txiaj rau Lenpekas coj ntawm tes. 23Tus tubtxib txawm nug hais tias, “Thov qhia rau kuv seb koj txiv yog leejtwg. Hauv nws lub tsev puas muaj chaw txaus rau kuv thiab kuv cov neeg mus so hmo no?”
24Lenpekas teb tias, “Kuv txiv yog Npethuyees uas yog Nahaus thiab Milekas nkawd tus tub. 25Tom peb tsev muaj quavnyab thiab nyom qhuav ntau, thiab yeej muaj chaw rau nej so huv tibsi.”
26Ces tus tubtxib ntawd txawm txhoscaug ntua thiab pehawm tus TSWV. 27Nws hais tias, “Ua tus TSWV uas yog kuv tus tswv Anplahas tus Vajtswv tsaug. Nws yog tus ncajncees thiab Nws yeej ua rawsli Nws tau coglus tseg rau kuv tus tswv. Tus TSWV yeej coj kuv kev ncajnraim tuaj rau ntawm kuv tus tswv cov kwvtij.”
28Tus ntxhais ntawd thiaj khiav rovqab mus tom nws niam lub tsev thiab piav zaj no rau sawvdaws mloog. 29Lenpekas muaj ib tug nus hu ua Lanpas; ces Lanpas txawm tawm plaws rau nraumzoov thiab khiav tiajlias mus rau tom lub qhovdej uas Anplahas tus tubtxib nyob. 30Thaum Lanpas pom lub khawb kub thiab ob lub kaujtoog npab uas nws tus muam coj thiab hnov tej lus uas Lenpekas piav txog tej uas tus txivneej ntawd hais rau nws, Lanpas thiajli mus cuag Anplahas tus tubtxib uas tabtom sawv nrog nws cov ntxhuav ntawm lub qhovdej, 31thiab hais tias, “Koj ciali nrog kuv mus tom tsev. Koj yog tus uas tau txais tus TSWV txoj koobhmoov lawm. Koj tseem yuav sawv ntawm no ua dabtsi? Kuv twb npaj tau txaj chaw rau koj so tom kuv tsev lawm, thiab nyob tod yeej muaj chaw rau koj cov ntxhuav huv tibsi.”
32Yogli ntawd, tus tubtxib thiaj mus rau tom Lanpas tsev, thiab Lanpas thiaj muab cov ntxhuav tej nra tsaws cia thiab muab quavnyab thiab nyom qhuav rau cov ntxhuav noj. Ces nws thiaj nqa dej los rau Anplahas tus tubtxib thiab nws cov neeg tau ntxuav taw. 33Thaum rau tau hmo lawm, tus tubtxib ntawd hais tias, “Kuv yuav tsis noj pluas hmo no mus txog thaum kuv hais tag tej lus uas kuv yuav hais rau koj tso.”
Lanpas teb tias, “Koj muaj lus dabtsi los hais tau.”
34Nws txawm pib hais tias, “Kuv yog Anplahas tus tubtxib. 35Tus TSWV foom koobhmoov ntau kawg nkaus rau kuv tus tswv, thiaj ua rau nws dhau mus ua ib tug neeg npluanuj. Tus TSWV pub rau kuv tus tswv muaj yaj, muaj tshis, muaj nyuj, muaj nyiaj, muaj kub, muaj tubqhe thiab ntxhais qhev, muaj ntxhuav thiab muaj neesluav coob kawg li. 36Xalas uas yog kuv tus tswv tus pojniam twb laus heev lawm los nws tseem yug tau ib tug tub rau kuv tus tswv thiab, mas kuv tus tswv tau muab tagnrho nws lub cuabtam rau tus tub ntawd. 37Kuv tus tswv kom kuv coglus hais tias kuv yuavtsum mloog nws tej lus xaaj tseg. Nws hais tias, ‘Koj tsis txhob mus yuav cov neeg uas nyob hauv tebchaws Kana-as tej ntxhais los rau kuv tus tub ua pojniam. 38Tiamsis koj ciali mus lawm tim kuv txiv tsev neeg, mus cuag kuv cov kwvtij, thiab xaiv ib tug pojniam los rau kuv tus tub Ixaj.’
39“Kuv thiaj nug kuv tus tswv hais tias, ‘Yog tus ntxhais tsis kam nrog kuv los no, kuv yuav ua licas?’ 40Nws teb tias, ‘Tus TSWV uas kuv yeej ibtxwm mloog Nws lus, yuav tso Nws tus timtswv nrog koj mus thiab yuav ua kom koj tes haujlwm tiav. Koj yuav mus yuav tau kuv txiv tsev neeg ib tug ntxhais los rau kuv tus tub ua pojniam. 41Tsuas yog muaj tibqho ua rau koj dim ntawm kuv lolus cogtseg xwb: yog koj mus hais es kuv cov kwvtij tsis kam, ces koj thiaj yuav dim ntawm kuv cov lus cogtseg.’
42“Hnubno thaum kuv tuaj txog rau ntawm lub qhovdej, kuv thov Vajtswv hais tias, ‘Tus TSWV uas yog kuv tus tswv Anplahas tus Vajtswv, thov Koj pab kom tes haujlwm uas kuv tuaj ua no tiav mus rau qhov zoo. 43Kuv nyob ntawm lub qhovdej no. Thaum ib tug hluasnkauj tawm tuaj nqa dej, kuv yuav thov kom nws muab dej hauv nws lub hub pub rau kuv haus. 44Yog nws txaussiab muab rau kuv haus thiab tseem mus ntaus dej los pub rau kuv cov ntxhuav haus huv tibsi, ces thov kom nws yog tus uas Koj xaiv rau kuv tus tswv tus tub yuav ua pojniam ntag.’
45“Thaum kuv tseem thov Vajtswv twjywm hauv kuv lub siab tsis tau xaus, Lenpekas txawmsiv kwv ib lub hub saum nws xubpwg thiab nqis mus ntaus dej hauv lub qhovdej lawm. Kuv thiaj hais rau nws tias, ‘Thov koj pub mentsis dej rau kuv haus.’ 46Nws thiaj txo kiag nws lub hub saum xubpwg los thiab hais tias, ‘Haus tau mas, kuv tseem yuav ntaus dej rau koj cov ntxhuav haus huv tibsi thiab.’ Yogli ntawd, kuv thiaj tau haus, thiab nws ntaus dej pub rau kuv cov ntxhuav haus huv tibsi.
47“Kuv nug nws hais tias, ‘Koj txiv yog leejtwg?’ Nws teb tias, ‘Kuv txiv yog Npethuyees uas yog Nahaus thiab Milekas nkawd tus tub.’ Kuv thiaj muab lub kauj ntswg kub khawm nws qhovntswg thiab muab ob lub kaujtoog npab rau nws coj ntawm nws cajnpab. 48Kuv thiaj txhoscaug ntua thiab pehawm tus TSWV. Kuv ua tus TSWV uas yog kuv tus tswv Anplahas tus Vajtswv tsaug, Nws yog tus uas coj kuv kev ncajnraim tuaj rau ntawm kuv tus tswv cov kwvtij, uas yog qhov chaw kuv tuaj nrhiav tau nws tus ntxhais mus rau kuv tus tswv tus tub. 49Zaumno yog nej zoosiab thiab ua ncaj rau kuv tus tswv, ces thov qhia rau kuv paub; yog ho tsis tau los thov qhia rau kuv paub, kom kuv paub txiavtxim siab hais tias yuav ua licas ntxiv.”
50Lanpas thiab Npethuyees teb tias, “Qhov no yeej yog Vajtswv pomzoo lawm, ces peb tsis pom qab yuav hais tau licas rau koj. 51Lenpekas nyob ntawm no, koj ciali coj nws mus. Cia nws mus ua koj tus tswv tus tub tus pojniam rawsli tus TSWV tau hais tseg cia lawm.” 52Thaum Anplahas tus tubtxib hnov tej los no lawm, nws khoov ntshis rau hauv pemteb thiab pehawm tus TSWV. 53Ces nws txawm rho tej khaubncaws thiab tej saw nyiaj saw kub los rau Lenpekas. Thiab nws tseem muab tau tej khoomplig uas muajnqis heev rau Lenpekas tus nus thiab nws niam.
54Ces Anplahas tus tubtxib thiab cov neeg uas nrog nws tuaj txawm nojhaus thiab pw ib hmos qhov ntawd. Thaum tagkis sawvntxov uas lawv sawv, tus tubtxib hais tias, “Thov tso kuv rovqab mus cuag kuv tus tswv lau.”
55Tiamsis Lenpekas tus nus thiab nws niam teb tias, “Thov cia Lenpekas nrog peb nyob li ib lub limtiam lossis kaum hnub ntxiv tso, nws mam nrog nej mus.”
56Tiamsis tus tubtxib teb tias, “Thov tsis txhob cheem kuv nyob. Tus TSWV twb ua rau kuv tes haujlwm uas kuv taug kev tuaj no tiav tag mus rau qhov zoo lawm, thov cia kuv rov mus cuag kuv tus tswv.”
57Nkawd teb tias, “Cia peb hu tus ntxhais los nug seb nws hais licas.” 58Yogli ntawd, nkawd txawm hu Lenpekas los thiab nug hais tias, “Koj puas txaussiab nrog tus txivneej no mus?”
Lenpekas teb tias, “Kuv txaussiab.”
59Yogli ntawd, nkawd thiajli tso Lenpekas thiab nws tus ntxhais qhev uas ibtxwm tu nws nrog Anplahas tus tubtxib thiab nws cov tibneeg mus. 60Ces lawv txawm foom koobhmoov rau Lenpekas li no:
“Tus muam, thov kom koj muaj tub muaj ki ntau txhiab ntau vam leej!
Thov kom koj cov xeebntxwv txeeb tau lawv cov yeebncuab tej nroog!”
61Ces Lenpekas thiab nws cov ntxhais qhev thiaj caij ntxhuav nrog Anplahas tus tubtxib, sawvkev mus tsev lawm.
62Ixaj tuaj ntawm Npe-aws Lahais Lau-is#24:62: Npe-aws Lahais Lau-is txhais hais tias “Lub Qhovdej ntawm Tus Muaj Sia Nyob Uas Pom Kuv.” Saib 16:14. tuaj thiab nws tuaj nyob rau hauv tebchaws Kana-as sab qabteb. 63Thaum yuav tsausntuj Ixaj txawm tawm mus ncig uasi tom teb thiab nws pom ib pab ntxhuav taug kev los. 64Thaum Lenpekas pom dheev Ixaj, nws txawm nqis kiag saum nws tus ntxhuav los 65thiab nug Anplahas tus tubtxib hais tias, “Tus txivneej uas tabtom taug kev tuaj rau ntawm peb no yog leejtwg?”
Tus tubtxib teb tias, “Nws yog kuv tus tswv ntag.” Yogli ntawd, Lenpekas txawm muab nws txoj phuam los npog kiag nws lub ntsejmuag.
66Tus tubtxib thiaj qhia txhua yam uas nws tau mus ua tiav tag lawm rau Ixaj mloog. 67Ces Ixaj thiaj coj Lenpekas mus rau hauv lub tsevntaub uas thaum ub Xalas uas yog nws niam txeev nyob los, thiab Lenpekas tau los ua Ixaj tus pojniam. Ixaj hlub Lenpekas heev, thiab Lenpekas kuj yog ib qho kev txhawbzog kawg li rau Ixaj vim nws niam tau tuag lawm.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.