Nhelo 25
25
Nhelo zinji za Solomoni
1Azi nazo ndo nhelo zinji za mndewa Solomoni,
zandichigwe na wanhu wa Hesekiya, mndewa wa Yuda.
2Nguluwi kangutogoligwa kwa kuvisa mbuli,
ila mndewa kangutogoligwa kwa kupugajiza mbuli.
3Kota ulanga vyouwele kuchanya na misanga vyojiwele hasi,
ndo vyoziwele nhumbula za wandewa, hazilingupugajizika.
4Wuse wavu kuli sendi,
na mponzi kokugongomanyila chinhu chinojile.
5Uwose wehile hali mndewa,
na undewa wa heye wowa nzinzili hali hachi.
6Uleche kiwika habehi na mndewa,
uleche kidita kota kwa mkulu,
7kwa vila fola kulonjelwa, “Uye kuno kumwando,”
kusinda kuduliswa hali mkulu.
Mbuli zouziwene kwa meho ga hegwe,
8uleche kudita himahima kuzigala kuli chitala,
kwa vila kodita choni aho hamba,
wone mlolezi yunji kogalema ago goulingulonga?
9Ulewele kilewa na myago yaliyeka,
na chila yumwe wa hemwe yaleche kulavya uviso wa myage,
10leka wanhu waleche kuvizela kota hana uviso,
na kuliwifya itagwa lya hegwe mazuwa gose.
11Ulonzi ulingulonjigwa mhela unojile,
ndo kota chinoligo cha zahabu chilingubatililwa na sendi.
12Makanyo ga yawele na luhala kwa munhu yalinguhulichiza,
ndo ganoga kusinda pete ya zahabu ama vinoligo vya zahabu inojile.
13Msenga yalingukundigwa kangumsangalaza mkulu wa heye,
kota mazi gazizime mhela wa ivuche.
14Kota vila ng'hungugu na mbeho ne nhonya,
ndo vyoyawele munhu yalingitutumula kulavya ndolendole, kuno yolemwela.
15Kwa kwimilila mndewa koweza kugalula majesa ga heye,
umyango udeche wangubenaga mizeje.
16Houpata hanombwa ulye chasi cha kuhega,
ileche kukwambuza kudeka.
17Uleche kumjendela chila mhela munhu youlingikalasa habehi,
uleche kumtunya mbaka yakuzudile.
18Munhu yalingulavya ulolezi wa udesi kumuwala myage,
ndo keha kota nyimbati na ipanga ama msale unoleche lukami.
19Kitumbila kuli munhu yohambe yakundigwe mhela wa magazo,
ndo kota izino lihile ama mgulu uvyuduche.
20Kumwimbila munhu yawele na masinzo,
ndo kota kuvula nguwo mhela wa chipute,
ama kujela mwino kuli chilonda.
21Wone mng'honyo wa hegwe kana nzala, umhe chilyo,
wone yawe na ng'halu, umhe mazi yanwe.
22Kwa vila kwa kudita ahyo komdita yone usungu mnhumbula kota makala ga chiluli mchanya muli mutwi wa heye,
naye Mkulu Nguluwi kokupa chonolo.
23Mbeho ya kasikazini yangigalaga nhonya,
na kuhehigwa kwangigalaga kuzudila.
24Fola kikala hafungo mchanya mwa chinduwiko,
kusinda kikala kaye hamwe na mche yalingugana kilewa.
25Kota vila mazi gazizime kwa yawele na ng'halu,
ndo vyoziwele mbuli zinojile kulawa isi ya kutali.
26Yatanganiche yalingukunda kuwinza mbuli za mwihe,
ndo nzasa iwifigwe ama ideho litiguligwe.
27Hainojile kulya hanombwa nyinji ng'hatu,
na kahi hailingutogoligwa kiwikawika kumwando lukami.
28Munhu yawele hambe yaweze kuilemeza ng'halazi ya heye,
ndo kota muji ulihela wamizi houtowigwa.
Právě zvoleno:
Nhelo 25: Chividunda
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators