Ekihsatahs 25
25
Pakitinaahsowinan Ke'aapatahkin Anami'epakwaanekamikonk
(Exodus 35.4-9)
1Miitahsh o'o Moosihs (Moses) kaa'ikotc kaaTipencikenitc, 2Kanoosh Isriyalak (Israel) cipakitinamawiwaatc. Wekonen itahsh iko kemiinihkwaa eshi mihsawentamowaatc kika otaahpinaan. 3Miiwan itahsh ono tino pakitinikewinan keotaahpinaman, osaawi shooniyaa waapihk, waapaapihko shooniyaa waapihk, osaawaapihk (bronze), 4Senipaawekin, piihsweyiikin tino kaaosaawashkwaak, kaamahkate miskwekahk, kaamiskwekahk kaye, ishiikin kaye maanatihkopiiwayink kaaonci oshihcikaatek, 5kaamiskwatihtek kaye ayaape maanahcaanihshiwi pashkwekin, wenishihshik kaye pashkwekin, akesha (acacia) tinowaahtik kaye, 6Aalip tino pimite (olive oil) kaye keaapatahk waahsahkonencikanink, takosikan kaye kaatakonikaatek pimite awiya kaaonakimintc ketakonikaatek kaye ahpii minaahsikenk, 7Aanikihs (Onyx) tinowahsiniik, kotak kaa‑akinsowaatc ahsiniik kaye ciakoshimintwaa ohkaahkikani naapishkikanink#25.7 Ohkaahkikani naapishkikan: Mii 'owe tino kaakii kikishkank anami'ewikimaa, i'imaa kaakii onci oshihcikaatek maawac kaaonishihshink ishiikin, i'i kaye mashkimotenhs i'imaa kiionci akwahpite, niishin kekoonan mii 'imaa kaaishi piintekin cionci kihkencikaatek enentaminitc Kishemanitoon. kihci anami'ewikimaa tino kaakikishkank, i'iwe kaye wakiic ohkaahkikani naapishkikan i'imaa kiionci akwahpite. 8Miitahsh keshi oshihtoowaatc keshi kihtentaakosiwak, miihsh ciwiici'ayaamakwaa mekweya'ii eshi'ayaawaatc. 9Mayaa tahsh iko kika ishihtoon kihci anami'e pakwaanekamik keshi kihkino'amawinaan, ini kaye ketako oshihcikaatekin keaapatahkin.
Ahshotamaakemahkahk
10Onci oshihtoon mahkahk Akesha (Acacia) tinowaahtikonk niimitanashinaanominintc (45) ciahkwaak, niishtanashiniishwaahsominintc (27) cianikohkwateyaak, niishtanashiniishwaahsominintc (27) ciahpiihtaak. 11Kika aapaci'aa tahsh osaawi shooniyaa waapihk cimisiweshink piincimahkahk, saakicaya'ii kaye. Kika ahtoon kaye kishipaayaaminohcikan ciosaawi shooniyaa waapihkowank. 12Kaye itahsh niiwin kika oshihtoonan kaawawiimpaakahkin ciosaawi shooniyaa waapihkowankin, pehpeshik ciakootekin ciikaya'ii kaaishi kakiihkeyaak ohpime'aya'iink i'i mahkahk. 13Kika onci oshihtoonan kaye pimiwicikanaahkoon akesha tinowaahtikonk, kaye tahsh osaawi shooniyaa waapihk ciwiwahkwehsitooyan ini mihtikoon. 14Ini tahsh pimiwicikanaahkoon, shiipaayaahkohsitoon i'imaa kaawawiimpaakahkin ekootekin eshi ohpime mahkahkonk. 15Ini tahsh mihtikoon mii 'imaa keshi shiipaayaahkosinkin kaashiwawiimpaakahkin, kaawiin wiihkaa taotaahpinikaatehsinoonan. 16I'imaa tahsh mahkahkonk kika ishi piina'aan i'i tipaacimowin kaawii miininaan.
17 #
Heb 9.5. Oshihtoon itahsh ciosaawi shooniyaa waapihkowank akwanaapowe'ikan kaashi poonencikaatekin macitootamowinan niimitanashinaanominintc (45) ciahkwaak, niishtanashiniishwaahsominintc (27) cianikohkwateyaak. 18Niishin itahsh cerapiihkaanak (cherubim) kika onci oshi'aak pakamaakanink keonci onaapahkakanaasowaatc osaawi shooniyaa waapihkonk. Iitaweya'ii akwanaapowe'ikanink ciahsatwaa. 19Miihsh eyiitaweya'ii ci‑ishi oshi'intwaa akwanaapowe'ikanink ci‑ishi maamawi peshikwentaakosiwaatc. 20Iki tahsh cerapiihkaanak tawewentaahsamii ayaawak ayiitaweya'ii akwanaapowe'ikanink, citehsininkwiikanehtaawaatc ciakwanishkamowaatc. 21Miihsh i'imaa keshi piina'aman tipaacimowin kemiininaan mahkahkonk, miihsh kaye keshi akwanaapowe'aman. 22Miitahsh i'imaa keshi nakishkawinaan ishi ishpimink akwanaapowe'ikanink ishi nahsawaya'ii eshi'ayaawaatc iki cerapiihkaanak. Miihsh cimiininaan kahkina inaahkonikewinan cionci kihkentamowaatc Isriyalak.
Atoohpowinaahk Keshipakitinamawintc Pahkweshikanan Kishemanitoo
23Onci oshihtoon atoohpowinaahk akesha tinowaahtikonk nihsimitanashininkotwaahsominintc (36) ciahkwaak, mitaahshinihshwaasominintc (18) cianikohkwateyaak, niishtanashiniishwaahsominintc (27) ciahpiihtaak. 24Osaawishoniyaawaapihk itahsh ta‑aapatisi cimisiweshink atoohpowinaahkonk. Kika ishihtoon ihsa kaye kishipaayaaminohcikan ciosaawi shooniyaa waapihkowank. 25Miihsh keshi oshihtooyan ciaancihcikaatek waahkaa'aya'ii nihsominintc ciahpiihtaak kaye ciminohcikaatek ciikaahkwaya'ii osaawi shooniyaa waapihk ciaapatisitc. 26Miihsh kaye keshi oshihtooyan niiwin kaawawiimpaakahkin osaawi shooniyaa waapihkonk keonci pimiwicikaatek atoohpowinaahk. Pehpeshik ciayakootekin eshi kakiihkeyaak, eshi ayohkaatimakahk i'i atoohpowinaahk. 27Ini tahsh kaawawiimpaakahkin keshi mincimihsinkin pimiwicikanaahkoon kika ishi ahtoonan ciikaya'ii i'imaa kaaishi aacihcikaatek. 28Ini tahsh pimiwicikanaahkoon akesha tinowaahtikonk kika onci oshihtoonan, osaawi shooniyaa waapihk tamisiwehshin. 29Kika oshihtoom itahsh onaakanan, minihkwaakanan, omootayaapihkoon, kihci onaakanan kaye wiinke piko misiwe ciosaawi shooniyaa waapihkahkin keshi ahtooyek shoominaapo kesiikinikaatek pakitinikenk. 30Mooshak itahsh i'imaa atoohpowinaahkonk ta‑api pahkweshikan pekitinamaakooyaan enaahsamiyaan.
Waahsahkonencikanaahk
31I'imaa tahsh kaye wencitoo piko osaawi shooniyaa waapihkonk taonci onaapihkakanaante waahsahkonencikanaahk. Kaaonci kihtihtawahkitek, kaapatahkitek kaye mii peshikwan keonci ishihcikaatekin. Ini tahsh kaatahso pihkwaahkwahkin eishinaakwahkin taapishkoo kaapi saakiipakaak kaye waapikwaniin, waahsahkonencikanaahkonk i'imaa peshikwanonk osaawi shooniyaa waapihkonk taonci oshihcikaatewan. 32I'imaa tahsh waahsahkonencikanaahkonk ninkotwaahso (6) watihkwanihkaanan onci saakahkitewan, ishpimink inahke einahkitekin, enenihsinkin neniitawaya'ii. 33I'imaa tahsh entahso watihkwanihkaanink ta‑ahcikaatewan mansini waapikwaniihkaanan ci‑ishinaakwahkin taapishkoo almaant (almond) tinowaahtik kaashi waapikwaniiwitc citako pihkwaakohcikaatek kaye tahsh cianiipiishiwiihcikaatek. Miitahsh kahkina keishihcikaatekin watihkwanihkaanan. 34I'imaa tahsh waahsahkonencikanaahkonk taishihcikaate ciayaakin niiwin mansini waapikwaniihkaanan almaant tinowaahtik kaashi waapikwaniiwitc citako pihkwaakohcikaatek kaye tahsh cianiipiishiwihcikaatek. 35I'i tahsh kaapiihkwaahkohcikaatek ta‑ayaa ishi naashaya'ii eshi'ayaakin ini kaanihsinkin watihkwanihkaanan. 36Ini hsa piihkwaahkohcikaanan, watihkwanihkaanan, i'i kaye waahsahkonencikanaahk wencitoo piko osaawi shooniyaa waapihkonk taonci onaapihkakanaantewan. 37Oshihtoon itahsh niishwaahso waahsahkonencikanan cishi patahkitekin i'imaa waahsahkonencikanaahkonk. Miihsh keshi patahkihtooyan niikaanaya'ii inahke cishi saakaahtekin. 38I'i hsa waahsahkonencikani miinoshikan waahsahkonencikani onaakanenhsan osaawi shooniyaa waapihkonk taonci oshihcikaatewan. 39Niishwaahsimitanashinaanan (75) tahso tipaapiishkoocikan ihsa kika aapaci'aa wencitoo piko osaawi shooniyaa waapihk cioshihtooyan waahsahkonencikanaahk, kahkina kaye kekoon i'imaa kaashi aapatahk. 40#Act 7.44; Heb 8.5. Weweni tahsh ishihciken kehcinaac iko mayaa ci‑ishi maaciiyan kaakii ishi kihkino'amawinaan weti kihci waciink.
Právě zvoleno:
Ekihsatahs 25: OJBR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society
Ekihsatahs 25
25
Pakitinaahsowinan Ke'aapatahkin Anami'epakwaanekamikonk
(Exodus 35.4-9)
1Miitahsh o'o Moosihs (Moses) kaa'ikotc kaaTipencikenitc, 2Kanoosh Isriyalak (Israel) cipakitinamawiwaatc. Wekonen itahsh iko kemiinihkwaa eshi mihsawentamowaatc kika otaahpinaan. 3Miiwan itahsh ono tino pakitinikewinan keotaahpinaman, osaawi shooniyaa waapihk, waapaapihko shooniyaa waapihk, osaawaapihk (bronze), 4Senipaawekin, piihsweyiikin tino kaaosaawashkwaak, kaamahkate miskwekahk, kaamiskwekahk kaye, ishiikin kaye maanatihkopiiwayink kaaonci oshihcikaatek, 5kaamiskwatihtek kaye ayaape maanahcaanihshiwi pashkwekin, wenishihshik kaye pashkwekin, akesha (acacia) tinowaahtik kaye, 6Aalip tino pimite (olive oil) kaye keaapatahk waahsahkonencikanink, takosikan kaye kaatakonikaatek pimite awiya kaaonakimintc ketakonikaatek kaye ahpii minaahsikenk, 7Aanikihs (Onyx) tinowahsiniik, kotak kaa‑akinsowaatc ahsiniik kaye ciakoshimintwaa ohkaahkikani naapishkikanink#25.7 Ohkaahkikani naapishkikan: Mii 'owe tino kaakii kikishkank anami'ewikimaa, i'imaa kaakii onci oshihcikaatek maawac kaaonishihshink ishiikin, i'i kaye mashkimotenhs i'imaa kiionci akwahpite, niishin kekoonan mii 'imaa kaaishi piintekin cionci kihkencikaatek enentaminitc Kishemanitoon. kihci anami'ewikimaa tino kaakikishkank, i'iwe kaye wakiic ohkaahkikani naapishkikan i'imaa kiionci akwahpite. 8Miitahsh keshi oshihtoowaatc keshi kihtentaakosiwak, miihsh ciwiici'ayaamakwaa mekweya'ii eshi'ayaawaatc. 9Mayaa tahsh iko kika ishihtoon kihci anami'e pakwaanekamik keshi kihkino'amawinaan, ini kaye ketako oshihcikaatekin keaapatahkin.
Ahshotamaakemahkahk
10Onci oshihtoon mahkahk Akesha (Acacia) tinowaahtikonk niimitanashinaanominintc (45) ciahkwaak, niishtanashiniishwaahsominintc (27) cianikohkwateyaak, niishtanashiniishwaahsominintc (27) ciahpiihtaak. 11Kika aapaci'aa tahsh osaawi shooniyaa waapihk cimisiweshink piincimahkahk, saakicaya'ii kaye. Kika ahtoon kaye kishipaayaaminohcikan ciosaawi shooniyaa waapihkowank. 12Kaye itahsh niiwin kika oshihtoonan kaawawiimpaakahkin ciosaawi shooniyaa waapihkowankin, pehpeshik ciakootekin ciikaya'ii kaaishi kakiihkeyaak ohpime'aya'iink i'i mahkahk. 13Kika onci oshihtoonan kaye pimiwicikanaahkoon akesha tinowaahtikonk, kaye tahsh osaawi shooniyaa waapihk ciwiwahkwehsitooyan ini mihtikoon. 14Ini tahsh pimiwicikanaahkoon, shiipaayaahkohsitoon i'imaa kaawawiimpaakahkin ekootekin eshi ohpime mahkahkonk. 15Ini tahsh mihtikoon mii 'imaa keshi shiipaayaahkosinkin kaashiwawiimpaakahkin, kaawiin wiihkaa taotaahpinikaatehsinoonan. 16I'imaa tahsh mahkahkonk kika ishi piina'aan i'i tipaacimowin kaawii miininaan.
17 #
Heb 9.5. Oshihtoon itahsh ciosaawi shooniyaa waapihkowank akwanaapowe'ikan kaashi poonencikaatekin macitootamowinan niimitanashinaanominintc (45) ciahkwaak, niishtanashiniishwaahsominintc (27) cianikohkwateyaak. 18Niishin itahsh cerapiihkaanak (cherubim) kika onci oshi'aak pakamaakanink keonci onaapahkakanaasowaatc osaawi shooniyaa waapihkonk. Iitaweya'ii akwanaapowe'ikanink ciahsatwaa. 19Miihsh eyiitaweya'ii ci‑ishi oshi'intwaa akwanaapowe'ikanink ci‑ishi maamawi peshikwentaakosiwaatc. 20Iki tahsh cerapiihkaanak tawewentaahsamii ayaawak ayiitaweya'ii akwanaapowe'ikanink, citehsininkwiikanehtaawaatc ciakwanishkamowaatc. 21Miihsh i'imaa keshi piina'aman tipaacimowin kemiininaan mahkahkonk, miihsh kaye keshi akwanaapowe'aman. 22Miitahsh i'imaa keshi nakishkawinaan ishi ishpimink akwanaapowe'ikanink ishi nahsawaya'ii eshi'ayaawaatc iki cerapiihkaanak. Miihsh cimiininaan kahkina inaahkonikewinan cionci kihkentamowaatc Isriyalak.
Atoohpowinaahk Keshipakitinamawintc Pahkweshikanan Kishemanitoo
23Onci oshihtoon atoohpowinaahk akesha tinowaahtikonk nihsimitanashininkotwaahsominintc (36) ciahkwaak, mitaahshinihshwaasominintc (18) cianikohkwateyaak, niishtanashiniishwaahsominintc (27) ciahpiihtaak. 24Osaawishoniyaawaapihk itahsh ta‑aapatisi cimisiweshink atoohpowinaahkonk. Kika ishihtoon ihsa kaye kishipaayaaminohcikan ciosaawi shooniyaa waapihkowank. 25Miihsh keshi oshihtooyan ciaancihcikaatek waahkaa'aya'ii nihsominintc ciahpiihtaak kaye ciminohcikaatek ciikaahkwaya'ii osaawi shooniyaa waapihk ciaapatisitc. 26Miihsh kaye keshi oshihtooyan niiwin kaawawiimpaakahkin osaawi shooniyaa waapihkonk keonci pimiwicikaatek atoohpowinaahk. Pehpeshik ciayakootekin eshi kakiihkeyaak, eshi ayohkaatimakahk i'i atoohpowinaahk. 27Ini tahsh kaawawiimpaakahkin keshi mincimihsinkin pimiwicikanaahkoon kika ishi ahtoonan ciikaya'ii i'imaa kaaishi aacihcikaatek. 28Ini tahsh pimiwicikanaahkoon akesha tinowaahtikonk kika onci oshihtoonan, osaawi shooniyaa waapihk tamisiwehshin. 29Kika oshihtoom itahsh onaakanan, minihkwaakanan, omootayaapihkoon, kihci onaakanan kaye wiinke piko misiwe ciosaawi shooniyaa waapihkahkin keshi ahtooyek shoominaapo kesiikinikaatek pakitinikenk. 30Mooshak itahsh i'imaa atoohpowinaahkonk ta‑api pahkweshikan pekitinamaakooyaan enaahsamiyaan.
Waahsahkonencikanaahk
31I'imaa tahsh kaye wencitoo piko osaawi shooniyaa waapihkonk taonci onaapihkakanaante waahsahkonencikanaahk. Kaaonci kihtihtawahkitek, kaapatahkitek kaye mii peshikwan keonci ishihcikaatekin. Ini tahsh kaatahso pihkwaahkwahkin eishinaakwahkin taapishkoo kaapi saakiipakaak kaye waapikwaniin, waahsahkonencikanaahkonk i'imaa peshikwanonk osaawi shooniyaa waapihkonk taonci oshihcikaatewan. 32I'imaa tahsh waahsahkonencikanaahkonk ninkotwaahso (6) watihkwanihkaanan onci saakahkitewan, ishpimink inahke einahkitekin, enenihsinkin neniitawaya'ii. 33I'imaa tahsh entahso watihkwanihkaanink ta‑ahcikaatewan mansini waapikwaniihkaanan ci‑ishinaakwahkin taapishkoo almaant (almond) tinowaahtik kaashi waapikwaniiwitc citako pihkwaakohcikaatek kaye tahsh cianiipiishiwiihcikaatek. Miitahsh kahkina keishihcikaatekin watihkwanihkaanan. 34I'imaa tahsh waahsahkonencikanaahkonk taishihcikaate ciayaakin niiwin mansini waapikwaniihkaanan almaant tinowaahtik kaashi waapikwaniiwitc citako pihkwaakohcikaatek kaye tahsh cianiipiishiwihcikaatek. 35I'i tahsh kaapiihkwaahkohcikaatek ta‑ayaa ishi naashaya'ii eshi'ayaakin ini kaanihsinkin watihkwanihkaanan. 36Ini hsa piihkwaahkohcikaanan, watihkwanihkaanan, i'i kaye waahsahkonencikanaahk wencitoo piko osaawi shooniyaa waapihkonk taonci onaapihkakanaantewan. 37Oshihtoon itahsh niishwaahso waahsahkonencikanan cishi patahkitekin i'imaa waahsahkonencikanaahkonk. Miihsh keshi patahkihtooyan niikaanaya'ii inahke cishi saakaahtekin. 38I'i hsa waahsahkonencikani miinoshikan waahsahkonencikani onaakanenhsan osaawi shooniyaa waapihkonk taonci oshihcikaatewan. 39Niishwaahsimitanashinaanan (75) tahso tipaapiishkoocikan ihsa kika aapaci'aa wencitoo piko osaawi shooniyaa waapihk cioshihtooyan waahsahkonencikanaahk, kahkina kaye kekoon i'imaa kaashi aapatahk. 40#Act 7.44; Heb 8.5. Weweni tahsh ishihciken kehcinaac iko mayaa ci‑ishi maaciiyan kaakii ishi kihkino'amawinaan weti kihci waciink.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society