ܡܙܡܘܪ̈ܐ 125 (ܩܟܗ)

125 (ܩܟܗ)

ܙܡܵܪܬܵܐ ܕܐ݇ܣܵܩܬܵܐ.

1ܐܵܢܝܼ ܕܣܵܒܪܝܼ ܒܡܵܪܝܵܐ،

ܐܲܝܟ݂ ܛܘܼܪܵܐ ܕܨܸܗܝܘܿܢ ܝܼܢܵܐ ܕܠܹܐ ܫܵܥܹܫ، ܐܸܠܵܐ ܠܥܵܠܲܡ ܟܹܐ ܡܩܵܘܹܐ.

2ܐܲܝܟ݂ ܕܝܼܢܵܐ ܛܘܼܪ̈ܵܢܹܐ ܚܵܕܸܪ̈ܘܵܢܹܐ ܕܐܘܿܪܸܫܠܸܡ،

ܗܲܕܟ݂ܵܐ ܡܵܪܝܵܐ ܠܚܵܕܸܪ̈ܘܵܢܹܐ ܕܥܲܡܹܗ ܝܠܹܗ،

ܡ̣ܢ ܐܵܕܝܼܵܐ ܘܗܲܠ ܥܵܠܲܡ.

3ܣܵܒܵܒ ܠܹܐ ܫܵܪܹܐ ܚܘܼܛܪܵܐ ܕܪܲܫܝܼܥܵܐ ܥܲܠ ܝܵܪܬܘܼܬܵܐ ܕܙܲܕܝܼܩܹ̈ܐ،

ܩܵܐ ܕܠܵܐ ܦܲܫܛܝܼ ܙܲܕܝܼܩܹ̈ܐ ܐܝܼܕܵܬܲܝ̈ܗܝ ܠܥܵܘܠܵܐ.

4ܥܒ݂ܘܿܕ ܛܵܒ݂ܬܵܐ، ܝܵܐ ܡܵܪܝܵܐ، ܠܛܵܒܹ̈ܐ،

ܘܠܬܪ̈ܘܼܨܹܐ ܒܠܸܒܵܘܵܬܲܝ̈ܗܝ.

5ܐܝܼܢܵܐ ܐܵܢܝܼ ܕܩܵܠܒܝܼ ܠܐܘܼܪ̈ܚܵܬܲܝܗܝ ܦܟ̰ܝܼܠܹ̈ܐ،

ܒܸܬ ܠܲܒܸܠ ܠܗܘܿܢ ܡܵܪܝܵܐ ܥܲܡ ܦܵܠܚܵܢܹ̈ܐ ܕܥܵܘܠܵܐ،

ܫܠܵܡܵܐ ܥܲܠ ܝܼܣܪܵܝܹܠ.

Právě zvoleno:

ܡܙܡܘܪ̈ܐ 125 (ܩܟܗ): ABTAB

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas