ܡܙܡܘܪ̈ܐ 114 (ܩܝܕ)

114 (ܩܝܕ)

1ܟܲܕ ܦܠܝܼܛ ܠܹܗ ܝܼܣܪܵܝܹܠ ܡ̣ܢ ܡܸܨܪܹܝܢ،

ܒܹܝܬ ܝܲܥܩܘܿܒ݂ ܡ̣ܢ ܥܲܡܵܐ ܕܠܸܫܵܢܵܐ ܦܪܝܼܫܵܐ،

2ܗܘܹܐ ܠܹܗ ܝܼܗܘܼܕܵܐ ܩܘܼܕܫܹܗ،

ܝܼܣܪܵܝܹܠ ܫܘܼܠܛܵܢܹܗ.

3ܝܵܡܵܐ ܚܙܹܐ ܠܵܗ̇ ܘܥܪܝܼܩ ܠܵܗ̇،

ܝܘܿܪܕܢܵܢ ܕܝܼܪܹܗ ܠܒܵܬ݇ܪܵܐ.

4ܛܘܼܪ̈ܵܢܹܐ ܪܩܝܼܕ ܠܗܘܿܢ ܐܲܝܟ݂ ܒܲܪ̈ܥܵܢܹܐ،

ܪ̈ܘܼܡܝܵܬܹܐ ܐܲܝܟ݂ ܦܹܐܪܹ̈ܐ ܕܦܸܣܩܵܐ.

5ܡܵܐ ܠܵܟ݂ܝ ܝܵܡܵܐ ܕܥܵܪܩܲܬܝ،

ܝܘܿܪܕܢܵܢ ܕܕܵܝܪܹܬ ܠܒܵܬ݇ܪܵܐ،

6ܛܘܼܪ̈ܵܢܹܐ ܕܪܵܩܕܝܼܬܘܿܢ ܐܲܝܟ݂ ܒܲܪ̈ܥܵܢܹܐ،

ܪ̈ܘܼܡܝܵܬܹܐ ܐܲܝܟ݂ ܦܹܐܪܹ̈ܐ ܕܦܸܣܩܵܐ؟

7ܪܓܘܿܕܝ ܡ̣ܢ ܩܵܕ݇ܡ ܡܵܪܝܵܐ، ܝܵܐ ܐܲܪܥܵܐ،

ܡ̣ܢ ܩܵܕ݇ܡ ܐܲܠܵܗܵܐ ܕܝܲܥܩܘܿܒ݂،

8ܗ̇ܘ ܕܡܘܼܚܕܸܪܹܗ ܩܵܝܵܐ ܠܒܸܪ̈ܟܹܐ ܕܡ̈ܝܼܵܐ،

ܣܸܡܛܵܐ ܠܥܲܝܢܵܐ ܕܡ̈ܝܼܵܐ.

Právě zvoleno:

ܡܙܡܘܪ̈ܐ 114 (ܩܝܕ): ABTAB

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas