ܡܙܡܘܪ̈ܐ 112 (ܩܝܒ)

112 (ܩܝܒ)

ܗܲܠܸܠܘܼܝܵܐ.

1ܛܘܼܒ݂ܵܐ ܠܐ݇ܢܵܫܵܐ ܕܙܵܕܹܥ ܡ̣ܢ ܡܵܪܝܵܐ،

ܒܦܘܼܩܕܵܢܘܼ̈ܗܝ ܒܵܣܡܵܐ ܠܹܗ ܪܵܒܵܐ.

2ܓܲܢ݇ܒܵܪܵܐ ܒܐܲܪܥܵܐ ܒܸܬ ܗܵܘܹܐ ܙܲܪܥܹܗ،

ܕܵܘܪܵܐ ܕܬܪ̈ܘܼܨܹܐ ܒܸܬ ܦܵܐܹܫ ܒܘܼܪܟ݂ܵܐ.

3ܕܵܘܸܠܬܵܐ ܘܥܘܼܬܪܵܐ ܓܵܘ ܒܲܝܬܹܗ ܝܢܵܐ،

ܘܙܲܕܝܼܩܘܼܬܹܗ ܦܵܝܫܵܢܬܵܐ ܝܠܵܗ̇ ܠܥܵܠܲܡ.

4ܙܪܝܼܩ ܠܹܗ ܒܲܗܪܵܐ ܓܵܘ ܚܸܫܟܵܐ ܠܬܪܘܼܨܵܐ،

ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܘܙܲܕܝܼܩܵܐ.

5ܛܘܼܒ݂ܵܢܵܐ ܝܠܹܗ ܐ݇ܢܵܫܵܐ ܚܲܢܵܢܵܐ ܘܕܟܹܐ ܝܲܗ݇ܒܸܠ ܕܲܝܢܵܐ،

ܕܟܹܐ ܥܵܒܹܕ ܨܒ݂ܘܼܝܵܬܹ̈ܗ ܒܗܵܩܘܼܬܵܐ،

6ܘܠܥܵܠܲܡ ܠܹܐ ܫܵܥܹܫ،

ܕܟ݂ܵܪܵܐ ܕܙܲܕܝܼܩܵܐ ܒܸܬ ܗܵܘܹܐ ܠܥܵܠܲܡ.

7ܡ̣ܢ ܚܲܒܪܵܐ ܚܸܪܒܵܐ، ܠܹܐ ܙܵܕܹܥ،

ܡܩܵܘܝܵܢܵܐ ܝܠܹܗ ܠܸܒܹܗ ܒܣܲܒ݂ܪܵܐ ܠܡܵܪܝܵܐ.

8ܣܢܝܼܕܵܐ ܝܠܹܗ ܠܸܒܹܗ ܠܹܐ ܙܵܕܹܥ،

ܗܲܠ ܕܚܵܙܹܐ ܙܵܟ݂ܘܼܬܵܐ ܠܕܸܫܡܸܢܘܼ̈ܗܝ.

9ܒܘܼܪܒܸܙ ܠܹܗ ܘܝܘܼܗ݇ܒܸܠ ܠܹܗ ܠܣܢܝܼܩܹ̈ܐ،

ܙܲܕܝܼܩܘܼܬܹܗ ܦܵܝܫܵܢܬܵܐ ܝܠܵܗ̇ ܠܥܵܠܲܡ،

ܪܹܫܹܗ ܒܸܬ ܪܵܐܹܡ ܒܐܝܼܩܵܪܵܐ.

10ܪܲܫܝܼܥܵܐ ܒܸܬ ܚܵܙܹܐ ܘܒܸܬ ܟܵܪܹܒ،

ܟܹܟܘܼ̈ܗܝ ܒܸܬ ܚܲܪܚܸܟ̃ ܘܒܸܬ ܦܵܫܹܪ،

ܫܲܗܘܲܬܬܵܐ ܕܪ̈ܲܫܝܼܥܹܐ ܒܸܬ ܛܵܠܩܵܐ.

Právě zvoleno:

ܡܙܡܘܪ̈ܐ 112 (ܩܝܒ): ABTAB

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ