ܡܬܝ 20
20
ܡܲܬܠܵܐ ܕܦܲܠܵܚܹ̈ܐ ܘܟܲܪܡܵܐ
1”ܟܹܐ ܕܵܡܝܵܐ ܡܲܠܟܘܼܬܵܐ ܕܫܡܲܝܵܐ ܠܐ݇ܢܵܫܵܐ ܡܵܪܵܐ ܕܒܲܝܬܵܐ ܕܦܠܝܼܛ ܠܹܗ ܒܩܵܝܕܲܡܬܵܐ ܓ̰ܲܠܕܹܐ ܠܸܕܒ݂ܵܩܵܐ ܦܵܥܠܹ̈ܐ ܩܵܐ ܟܲܪܡܹܗ. 2”ܡ̣ܢ ܒܵܬ݇ܪ ܕܩܛܝܼܥ ܠܹܗ ܥܲܡ ܦܵܥܠܹ̈ܐ ܕܝܼܢܵܪܵܐ ܒܝܵܘܡܵܐ، ܫܘܼܕܪܲܝ ܠܹܗ ܕܦܵܠܚܝܼ ܓܵܘ ܟܲܪܡܹܗ. 3”ܘܦܠܝܼܛ ܠܹܗ ܡܸܢܕܪܸܫ ܒܣܵܥܲܬ ܕܬܫܲܥ ܕܩܵܝܕܲܡܬܵܐ، ܘܚܙܹܐ ܠܹܗ ܐ݇ܚܹܪ̈݇ܢܹܐ ܟܸܠܝܹܐ ܒܫܘܼܩܵܐ ܒܲܛܝܼܠܹ̈ܐ. 4”ܐ݇ܡܝܼܪܹܗ ܐܸܠܲܝܗܝ، ’ܙܹܠ݇ܡܘܼܢ ܐܘܼܦ ܐܲܚܬܘܿܢ ܘܦܠܘܿܚܘܼܢ ܓܵܘ ܟܲܪܡܝܼ، ܘܡܸܢܕܝܼ ܕܘܵܠܹܐ ܝܠܹܗ ܒܸܬ ܦܵܪܥܹܢܵܘܟ݂ܘܿܢ.‘ ܘܐ݇ܙܝܼܠ ܠܗܘܿܢ. 5”ܦܠܝܼܛ ܠܹܗ ܡܸܢܕܪܸܫ ܒܣܵܥܲܬ ܕܬܪܸܥܣܲܪ، ܘܒܣܵܥܲܬ ܕܬܠܵܬ ܡ̣ܢ ܒܵܬ݇ܪ ܟܵܘܸܬܪܵܐ، ܘܥܒ݂ܝܼܕ ܠܹܗ ܗܵܕܵܐ. 6”ܘܡܐܲܝܟ݂ ܣܵܥܲܬ ܕܚܲܡܸܫ ܡ̣ܢ ܒܵܬ݇ܪ ܟܵܘܸܬܪܵܐ، ܦܠܝܼܛ ܠܹܗ ܡܸܢܕܪܸܫ ܘܚܙܹܐ ܠܹܗ ܦܵܥܠܹ̈ܐ ܐ݇ܚܹܪ̈݇ܢܹܐ ܟܸܠܝܹܐ ܒܲܛܝܼܠܹ̈ܐ، ܘܐ݇ܡܝܼܪܹܗ ܐܸܠܲܝܗܝ، ’ܩܵܡܘܿܕܝܼ ܟܸܠܝܹܐ ܝܬܘܿܢ ܠܐܲܟ݂ܵܐ ܒܲܛܝܼܠܹ̈ܐ ܟܠܹܗ ܝܵܘܡܵܐ؟‘ 7”ܘܐܵܢܝܼ ܓ̰ܘܼܘܸܒ ܠܗܘܿܢ ܐܸܠܹܗ، ’ܣܵܒܵܒ ܐ݇ܢܵܫܵܐ ܠܵܐ ܩܲܡ ܡܲܦܠܸܚ ܠܲܢ.‘ ܐ݇ܡܝܼܪܹܗ ܐܸܠܲܝܗܝ، ’ܙܹܠ݇ܡܘܼܢ ܘܦܠܘܿܚܘܼܢ ܓܵܘ ܟܲܪܡܝܼ، ܘܡܸܢܕܝܼ ܕܘܵܠܹܐ ܝܠܹܗ ܒܸܬ ܩܲܒܠܝܼܬܘܿܢ.‘ 8”ܟܲܕ ܗܘܹܐ ܠܹܗ ܪܲܡܫܵܐ، ܐ݇ܡܝܼܪܹܗ ܡܵܪܵܐ ܕܟܲܪܡܵܐ ܠܪܲܒ ܒܲܝܬܹܗ، ’ܩܪܝܼ ܠܦܵܥܠܹ̈ܐ، ܘܦܪܸܥ ܠܹܗ ܗܵܩܲܝܗܝ. ܫܲܪܝܼ ܡ̣ܢ ܐ݇ܚܵܪ̈ܵܝܹܐ ܘܗܲܠ ܩܲܕ݇ܡܵܝܹ̈ܐ.‘#ܬܢܝܢ ܢܡܘܣܐ 24:15 9”ܘܐ݇ܬܹܐ ܠܗܘܿܢ ܐܵܢܝܼ ܕܫܘܼܪܝܹܐ ܝܗ݇ܘܵܘ ܡ̣ܢ ܣܵܥܲܬ ܕܚܲܡܸܫ ܕܒܵܬ݇ܪ ܟܵܘܸܬܪܵܐ، ܘܫܩܝܼܠ ܠܹܗ ܟܠ ܚܲܕ ܡܸܢܲܝܗܝ ܚܲܕ ܕܝܼܢܵܪܵܐ. 10”ܐܝܼܢܵܐ ܐܝܼܡܲܢ ܕܐ݇ܬܹܐ ܠܗܘܿܢ ܐܵܢܝܼ ܩܲܕ݇ܡܵܝܹ̈ܐ، ܚܫܝܼܒ݂ ܠܗܘܿܢ ܒܸܬ ܩܲܒܠܝܼ ܗ݇ܘܵܘ ܗܵܩܵܐ ܙܵܘܕܵܐ. ܐܝܼܢܵܐ ܐܘܼܦ ܐܵܢܝܼ ܫܩܝܼܠ ܠܗܘܿܢ ܟܠ ܡܸܢܲܝܗܝ ܚܲܕ ܕܝܼܢܵܪܵܐ. 11”ܘܟܲܕ ܫܩܝܼܠ ܠܗܘܿܢ، ܛܘܼܪܛܸܡ ܠܗܘܿܢ ܥܲܠ ܡܵܪܵܐ ܕܒܲܝܬܵܐ. 12”ܘܐ݇ܡܝܼܪܗܘܿܢ، ’ܐܲܢܹܐ ܐ݇ܚܵܪ̈ܵܝܹܐ ܦܠܝܼܚ ܠܗܘܿܢ ܚܕܵܐ ܣܵܥܲܬ ܘܚܘܼܫܒܸܢܲܝ ܠܘܼܟ݂ ܡܐܲܝܟ݂ ܕܝܼܲܢ، ܐܲܚܢܲܢ ܕܛܥܝܼܢܲܢ ܝܘܼܩܪܵܐ ܕܝܵܘܡܵܐ ܘܚܸܡܹܗ.‘ 13”ܓ̰ܘܼܘܸܒ ܠܹܗ ܡܵܪܵܐ ܕܟܲܪܡܵܐ ܠܚܲܕ ܡܸܢܲܝܗܝ ܘܐ݇ܡܝܼܪܹܗ، ’ܚܲܒ݂ܪܝܼ، ܠܹܐ ܝܘܸܢ ܒܸܥܒ݂ܵܕܵܐ ܓܢܵܗܵܐ ܒܝܼܘܼܟ݂. ܠܹܐ ܝܗ݇ܘܵܐ ܒܕܝܼܢܵܪܵܐ ܩܛܝܼܥ ܠܘܼܟ݂ ܥܲܡܝܼ؟ 14”’ܫܩܘܿܠ ܗܵܩܘܼܟ݂ ܘܙܹܠ݇. ܒܵܥܹܝܢ ܕܝܵܗ݇ܒܹܢ ܠܐܵܗܵܐ ܐ݇ܚܵܪܵܝܵܐ ܡܐܲܝܟ݂ ܕܝܘܼܗ݇ܒܸܠ ܠܝܼ ܐܸܠܘܼܟ݂. 15”’ܠܲܝܬ ܠܝܼ ܗܵܩܘܼܬܵܐ ܕܥܵܒ݂ܕܹܢ ܒܡܸܢܕܝܼ ܕܓܵܢܝܼ ܐܲܝܟ݂ ܕܒܵܣܡܵܐ ܠܝܼ؟ ܝܲܢ ܒܲܚܘܼܠܹܐ ܝܘܸܬ ܒܝܼܝܼ ܣܵܒܵܒ ܛܵܒ݂ܵܐ ܝܘܸܢ؟‘ 16”ܗܲܕܟ݂ܵܐ، ܐ݇ܚܵܪ̈ܵܝܹܐ ܒܸܬ ܗܵܘܝܼ ܩܲܕ݇ܡܵܝܹ̈ܐ، ܘܩܲܕ݇ܡܵܝܹ̈ܐ ܐ݇ܚܵܪ̈ܵܝܹܐ؛ ܣܵܒܵܒ ܪܵܒܵܐ ܝܢܵܐ ܟ̰ܝܼܕܹܐ ܘܒܵܨܘܿܪܹ̈ܐ ܝܢܵܐ ܓܘܼܒܝܹܐ.“
ܓܵܗܵܐ ܚܲܪܬܵܐ ܝܼܫܘܿܥ ܡܲܚܒܘܼܪܹܐ ܒܘܼܬ ܡܵܘܬܹܗ
ܡܪܩܘܣ 10:32‐34؛ ܠܘܩܐ 18:31‐34
17ܟܲܕ ܒܹܐܣܵܩܵܐ ܝܗ݇ܘܵܐ ܝܼܫܘܿܥ ܠܐܘܿܪܸܫܠܸܡ، ܩܸܪܝܲܝ ܠܹܗ ܬܲܠܡܝܼܕܘܼ̈ܗܝ ܠܚܲܕ ܓܹܒܵܐ ܒܢܲܦ̮ܫܲܝܗܝ ܘܐ݇ܡܝܼܪܹܗ ܐܸܠܲܝܗܝ، 18”ܐܵܕܝܼܵܐ ܒܹܐܣܵܩܵܐ ܝܘܲܚ ܠܐܘܿܪܸܫܠܸܡ، ܘܒܪܘܿܢܵܐ ܕܐ݇ܢܵܫܵܐ ܒܸܬ ܦܵܐܹܫ ܣܘܼܦܝܵܐ ܠܓܘܼܪ̈ܵܢܹܐ ܕܟܵܗܢܹ̈ܐ ܘܠܣܵܦܪܹ̈ܐ، ܘܒܸܬ ܕܵܝܢܝܼ ܠܹܗ ܠܡܵܘܬܵܐ. 19”ܘܒܸܬ ܣܲܦܝܼ ܠܹܗ ܠܐܸܡܘܵܬܹ̈ܐ ܕܡܲܣܚܸܪܝܼ ܒܝܼܹܗ، ܘܡܵܚܝܼ ܠܹܗ ܒܫܵܘܛܹ̈ܐ ܘܡܵܚܝܼ ܠܹܗ ܠܙܩܝܼܦܵܐ، ܘܒܝܵܘܡܵܐ ܕܬܠܵܬܵܐ ܒܸܬ ܩܵܐܹܡ.“
ܒܵܥܘܼܬܵܐ ܕܝܸܡܵܐ ܕܒܢܘܿܢܹ̈ܐ ܕܙܲܒ݂ܕܲܝ
ܡܪܩܘܣ 10:35‐45
20ܗ̇ܝܓܵܗ ܐ݇ܬܹܐ ܠܵܗ̇ ܠܟܸܣ ܠܹܗ ܝܸܡܵܐ ܕܒܢܘܿܢܹ̈ܐ ܕܙܲܒ݂ܕܲܝ ܥܲܡ ܒܢܘܿܢܘܼ̈ܗ̇، ܘܣܓ݂ܝܼܕ ܠܵܗ̇ ܐܸܠܹܗ، ܘܛܠܝܼܒ ܠܵܗ̇ ܡܸܢܹܗ ܚܕܵܐ ܒܵܥܘܼܬܵܐ. 21ܒܘܼܩܸܪܹܗ ܡܸܢܘܼܗ̇ ܝܼܫܘܿܥ، ”ܡܘܿܕܝܼ ܒܵܥܝܲܬܝ؟“ ܘܓ̰ܘܼܘܸܒ ܠܵܗ̇ ܘܐ݇ܡܝܼܪܵܗ̇ ܐܸܠܹܗ، ”ܫܒ݂ܘܿܩ ܐܲܢܹܐ ܬܪܹܝ ܒܢܘܿܢܝܼ̈ ܝܵܬܒ݂ܝܼ ܥܲܡܘܼܟ݂ ܒܡܲܠܟܘܼܬܘܼܟ݂، ܚܲܕ ܡ̣ܢ ܝܲܡܝܼܢܘܼܟ݂ ܘܚܲܕ ܡ̣ܢ ܣܸܡܵܠܘܼܟ݂.“ 22ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ ܐܸܠܘܼܗ̇، ”ܠܹܐ ܝܬܘܿܢ ܒܝܼܕܵܥܵܐ ܡܘܿܕܝܼ ܒܸܛܠܵܒܵܐ ܝܬܘܿܢ. ܡܵܨܹܝܬܘܿܢ ܫܵܬܹܝܬܘܿܢ ܡ̣ܢ ܟܵܣܵܐ ܕܐܵܢܵܐ ܗܕܝܼܪܵܐ ܝܘܸܢ ܠܸܫܬܵܝܹܗ، ܝܲܢ ܕܥܵܡܕܝܼܬܘܿܢ ܒܡܲܥܡܘܿܕܝܼܬܵܐ ܕܒܝܼܘܼܗ̇ ܦܵܝܫܹܢ ܥܡܝܼܕܵܐ؟“ ܘܐܵܢܝܼ ܐ݇ܡܝܼܪܗܘܿܢ، ”ܗܹܐ، ܟܹܐ ܡܵܨܲܚ.“ 23ܓ̰ܘܼܘܸܒ ܠܹܗ ܐܸܠܲܝܗܝ ܝܼܫܘܿܥ، ”ܡ̣ܢ ܟܵܣܝܼ ܗܲܪ ܒܸܬ ܫܵܬܹܝܬܘܿܢ، ܘܡܲܥܡܘܿܕܝܼܬܵܐ ܕܒܝܼܘܼܗ̇ ܦܵܝܫܹܢ ܥܡܝܼܕܵܐ ܒܸܬ ܥܵܡܕܝܼܬܘܿܢ. ܐܝܼܢܵܐ ܝ݇ܬܵܒ݂ܬܵܐ ܡ̣ܢ ܣܸܡܵܠܝܼ ܘܡ̣ܢ ܝܲܡܝܼܢܝܼ ܠܹܐ ܐܵܢܵܐ ܝܵܗ݇ܒܹܢܵܗ̇، ܐܸܠܵܐ ܒܸܬ ܦܵܝܫܵܐ ܝܘܼܗ݇ܒܸܠܬܵܐ ܠܐܵܢܝܼ ܕܗܘܼܕܸܪܬܵܐ ܝܠܵܗ̇ ܐܸܠܲܝܗܝ ܡ̣ܢ ܒܵܒܝܼ.“ 24ܟܲܕ ܫܡܝܼܥ ܠܗܘܿܢ ܥܸܣܪܵܐ ܬܲܠܡܝܼ̈ܕܹܐ، ܟܪܝܼܒ ܠܗܘܿܢ ܥܲܠ ܐܵܢܝܼ ܬܪܹܝ ܐܲܚܘܿܢܘܵܬܹ̈ܐ. 25ܐܝܼܢܵܐ ܝܼܫܘܿܥ ܩܸܪܝܲܝ ܠܹܗ ܘܐ݇ܡܝܼܪܹܗ، ”ܟܹܐ ܝܵܕܥܝܼܬܘܿܢ ܕܓܘܼܪ̈ܵܢܹܐ ܕܐܸܡܘܵܬܹ̈ܐ ܡܵܪ̈ܵܘܵܬܲܝܗܝ ܝܢܵܐ، ܘܓܘܼܪ̈ܵܢܲܝܗܝ ܟܹܐ ܥܵܒ݂ܕܝܼ ܫܘܼܠܛܵܢܵܐ ܥܲܠܲܝܗܝ؟ 26”ܐܝܼܢܵܐ ܐܵܗܵܐ ܡܸܢܕܝܼ ܠܵܐ ܗܵܘܹܐ ܓܵܘܵܘܟ݂ܘܿܢ، ܐܸܠܵܐ ܡ̇ܢ ܕܒܵܥܹܐ ܗܵܘܹܐ ܓܘܼܪܵܐ ܓܵܘܵܘܟ݂ܘܿܢ، ܗܵܘܹܐ ܥܵܒ݂ܕܵܢܵܐ ܕܚܸܠܡܲܬ ܐܸܠܵܘܟ݂ܘܿܢ. 27”ܘܡ̇ܢ ܕܒܵܥܹܐ ܡܸܢܵܘܟ݂ܘܿܢ ܠܸܗܘܵܝܵܐ ܩܵܕ݇ܡܵܝܵܐ، ܗܵܘܹܐ ܐܸܠܵܘܟ݂ܘܿܢ ܥܲܒ݂ܕܵܐ. 28”ܕܵܐܟ݂ܝܼ ܕܒܪܘܿܢܵܐ ܕܐ݇ܢܵܫܵܐ ܠܵܐ ܐ݇ܬܹܐ ܠܹܗ ܕܦܵܐܹܫ ܥܒ݂ܝܼܕܵܐ ܚܸܠܡܲܬ ܡ̣ܢ ܐ݇ܢܵܫܹ̈ܐ، ܐܸܠܵܐ ܕܥܵܒܹܕ ܠܗܘܿܢ ܚܸܠܡܲܬ، ܘܝܲܗ݇ܒܸܠ ܓܵܢܹܗ ܦܘܼܪܩܵܢܵܐ ܡ̣ܢ ܓܹܒܵܐ ܕܪܵܒܵܐ.“
ܒܵܣܲܡܬܵܐ ܕܬܪܹܝ ܣܸܡܝܹ̈ܐ
ܡܪܩܘܣ 10:46‐52؛ ܠܘܩܐ 18:35‐43
29ܟܲܕ ܒܸܦܠܵܛܵܐ ܝܗ݇ܘܵܐ ܝܼܫܘܿܥ ܡ̣ܢ ܐܝܼܪܝܼܚܘܿ، ܐ݇ܬܹܐ ܠܹܗ ܒܵܬ݇ܪܹܗ ܟܸܢܫܵܐ ܪܵܒܵܐ. 30ܘܗܵܐ ܬܪܹܝ ܣܸܡܝܹ̈ܐ ܝ݇ܬܝܼܒܹܐ ܝܗ݇ܘܵܘ ܒܡܲܪܙܵܐ ܕܐܘܼܪܚܵܐ. ܐܝܼܡܲܢ ܕܫܡܝܼܥ ܠܗܘܿܢ ܕܝܼܫܘܿܥ ܒܸܥܒ݂ܵܪܵܐ ܝܗ݇ܘܵܐ ܡ̣ܢ ܬܵܡܵܐ، ܡܘܼܩܘܸܚ ܠܗܘܿܢ، ”ܡܵܪܲܢ، ܒܪܘܿܢܵܐ ܕܕܵܘܝܼܕ، ܪܲܚܸܡ ܥܲܠܲܢ!“ 31ܘܟܸܢܫܵܐ ܢܓ̰ܝܼܘ ܠܹܗ ܒܝܼܲܝܗܝ ܕܫܵܬܩܝܼ. ܐܝܼܢܵܐ ܐܵܢܝܼ ܒܘܼܫ ܙܵܘܕܵܐ ܡܘܼܩܘܸܚ ܠܗܘܿܢ، ”ܡܵܪܲܢ، ܒܪܘܿܢܵܐ ܕܕܵܘܝܼܕ، ܪܲܚܸܡ ܥܲܠܲܢ.“ 32ܘܟܠܹܐ ܠܹܗ ܝܼܫܘܿܥ ܘܩܸܪܝܲܝ ܠܹܗ ܠܟܸܣ ܠܹܗ ܘܐ݇ܡܝܼܪܹܗ، ”ܡܘܿܕܝܼ ܒܵܥܹܝܬܘܿܢ ܕܥܵܒ݂ܕܹܢ ܐܸܠܵܘܟ݂ܘܿܢ؟“ 33ܓ̰ܘܼܘܸܒ ܠܗܘܿܢ ܐܸܠܹܗ، ”ܡܵܪܲܢ، ܒܵܥܲܚ ܕܦܵܬܚܝܼ ܥܲܝܢܲܢ̈.“ 34ܘܪܘܼܚܸܡ ܠܹܗ ܥܲܠܲܝܗܝ ܝܼܫܘܿܥ، ܘܕܩܝܼܪܹܗ ܒܥܲܝܢܲܝ̈ܗܝ، ܘܗܲܪ ܒܗ̇ܝ ܥܕܵܢܵܐ ܚܙܹܐ ܠܗܘܿܢ، ܘܐ݇ܙܝܼܠ ܠܗܘܿܢ ܒܵܬ݇ܪܹܗ.
Právě zvoleno:
ܡܬܝ 20: ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation
ܡܬܝ 20
20
ܡܲܬܠܵܐ ܕܦܲܠܵܚܹ̈ܐ ܘܟܲܪܡܵܐ
1”ܟܹܐ ܕܵܡܝܵܐ ܡܲܠܟܘܼܬܵܐ ܕܫܡܲܝܵܐ ܠܐ݇ܢܵܫܵܐ ܡܵܪܵܐ ܕܒܲܝܬܵܐ ܕܦܠܝܼܛ ܠܹܗ ܒܩܵܝܕܲܡܬܵܐ ܓ̰ܲܠܕܹܐ ܠܸܕܒ݂ܵܩܵܐ ܦܵܥܠܹ̈ܐ ܩܵܐ ܟܲܪܡܹܗ. 2”ܡ̣ܢ ܒܵܬ݇ܪ ܕܩܛܝܼܥ ܠܹܗ ܥܲܡ ܦܵܥܠܹ̈ܐ ܕܝܼܢܵܪܵܐ ܒܝܵܘܡܵܐ، ܫܘܼܕܪܲܝ ܠܹܗ ܕܦܵܠܚܝܼ ܓܵܘ ܟܲܪܡܹܗ. 3”ܘܦܠܝܼܛ ܠܹܗ ܡܸܢܕܪܸܫ ܒܣܵܥܲܬ ܕܬܫܲܥ ܕܩܵܝܕܲܡܬܵܐ، ܘܚܙܹܐ ܠܹܗ ܐ݇ܚܹܪ̈݇ܢܹܐ ܟܸܠܝܹܐ ܒܫܘܼܩܵܐ ܒܲܛܝܼܠܹ̈ܐ. 4”ܐ݇ܡܝܼܪܹܗ ܐܸܠܲܝܗܝ، ’ܙܹܠ݇ܡܘܼܢ ܐܘܼܦ ܐܲܚܬܘܿܢ ܘܦܠܘܿܚܘܼܢ ܓܵܘ ܟܲܪܡܝܼ، ܘܡܸܢܕܝܼ ܕܘܵܠܹܐ ܝܠܹܗ ܒܸܬ ܦܵܪܥܹܢܵܘܟ݂ܘܿܢ.‘ ܘܐ݇ܙܝܼܠ ܠܗܘܿܢ. 5”ܦܠܝܼܛ ܠܹܗ ܡܸܢܕܪܸܫ ܒܣܵܥܲܬ ܕܬܪܸܥܣܲܪ، ܘܒܣܵܥܲܬ ܕܬܠܵܬ ܡ̣ܢ ܒܵܬ݇ܪ ܟܵܘܸܬܪܵܐ، ܘܥܒ݂ܝܼܕ ܠܹܗ ܗܵܕܵܐ. 6”ܘܡܐܲܝܟ݂ ܣܵܥܲܬ ܕܚܲܡܸܫ ܡ̣ܢ ܒܵܬ݇ܪ ܟܵܘܸܬܪܵܐ، ܦܠܝܼܛ ܠܹܗ ܡܸܢܕܪܸܫ ܘܚܙܹܐ ܠܹܗ ܦܵܥܠܹ̈ܐ ܐ݇ܚܹܪ̈݇ܢܹܐ ܟܸܠܝܹܐ ܒܲܛܝܼܠܹ̈ܐ، ܘܐ݇ܡܝܼܪܹܗ ܐܸܠܲܝܗܝ، ’ܩܵܡܘܿܕܝܼ ܟܸܠܝܹܐ ܝܬܘܿܢ ܠܐܲܟ݂ܵܐ ܒܲܛܝܼܠܹ̈ܐ ܟܠܹܗ ܝܵܘܡܵܐ؟‘ 7”ܘܐܵܢܝܼ ܓ̰ܘܼܘܸܒ ܠܗܘܿܢ ܐܸܠܹܗ، ’ܣܵܒܵܒ ܐ݇ܢܵܫܵܐ ܠܵܐ ܩܲܡ ܡܲܦܠܸܚ ܠܲܢ.‘ ܐ݇ܡܝܼܪܹܗ ܐܸܠܲܝܗܝ، ’ܙܹܠ݇ܡܘܼܢ ܘܦܠܘܿܚܘܼܢ ܓܵܘ ܟܲܪܡܝܼ، ܘܡܸܢܕܝܼ ܕܘܵܠܹܐ ܝܠܹܗ ܒܸܬ ܩܲܒܠܝܼܬܘܿܢ.‘ 8”ܟܲܕ ܗܘܹܐ ܠܹܗ ܪܲܡܫܵܐ، ܐ݇ܡܝܼܪܹܗ ܡܵܪܵܐ ܕܟܲܪܡܵܐ ܠܪܲܒ ܒܲܝܬܹܗ، ’ܩܪܝܼ ܠܦܵܥܠܹ̈ܐ، ܘܦܪܸܥ ܠܹܗ ܗܵܩܲܝܗܝ. ܫܲܪܝܼ ܡ̣ܢ ܐ݇ܚܵܪ̈ܵܝܹܐ ܘܗܲܠ ܩܲܕ݇ܡܵܝܹ̈ܐ.‘#ܬܢܝܢ ܢܡܘܣܐ 24:15 9”ܘܐ݇ܬܹܐ ܠܗܘܿܢ ܐܵܢܝܼ ܕܫܘܼܪܝܹܐ ܝܗ݇ܘܵܘ ܡ̣ܢ ܣܵܥܲܬ ܕܚܲܡܸܫ ܕܒܵܬ݇ܪ ܟܵܘܸܬܪܵܐ، ܘܫܩܝܼܠ ܠܹܗ ܟܠ ܚܲܕ ܡܸܢܲܝܗܝ ܚܲܕ ܕܝܼܢܵܪܵܐ. 10”ܐܝܼܢܵܐ ܐܝܼܡܲܢ ܕܐ݇ܬܹܐ ܠܗܘܿܢ ܐܵܢܝܼ ܩܲܕ݇ܡܵܝܹ̈ܐ، ܚܫܝܼܒ݂ ܠܗܘܿܢ ܒܸܬ ܩܲܒܠܝܼ ܗ݇ܘܵܘ ܗܵܩܵܐ ܙܵܘܕܵܐ. ܐܝܼܢܵܐ ܐܘܼܦ ܐܵܢܝܼ ܫܩܝܼܠ ܠܗܘܿܢ ܟܠ ܡܸܢܲܝܗܝ ܚܲܕ ܕܝܼܢܵܪܵܐ. 11”ܘܟܲܕ ܫܩܝܼܠ ܠܗܘܿܢ، ܛܘܼܪܛܸܡ ܠܗܘܿܢ ܥܲܠ ܡܵܪܵܐ ܕܒܲܝܬܵܐ. 12”ܘܐ݇ܡܝܼܪܗܘܿܢ، ’ܐܲܢܹܐ ܐ݇ܚܵܪ̈ܵܝܹܐ ܦܠܝܼܚ ܠܗܘܿܢ ܚܕܵܐ ܣܵܥܲܬ ܘܚܘܼܫܒܸܢܲܝ ܠܘܼܟ݂ ܡܐܲܝܟ݂ ܕܝܼܲܢ، ܐܲܚܢܲܢ ܕܛܥܝܼܢܲܢ ܝܘܼܩܪܵܐ ܕܝܵܘܡܵܐ ܘܚܸܡܹܗ.‘ 13”ܓ̰ܘܼܘܸܒ ܠܹܗ ܡܵܪܵܐ ܕܟܲܪܡܵܐ ܠܚܲܕ ܡܸܢܲܝܗܝ ܘܐ݇ܡܝܼܪܹܗ، ’ܚܲܒ݂ܪܝܼ، ܠܹܐ ܝܘܸܢ ܒܸܥܒ݂ܵܕܵܐ ܓܢܵܗܵܐ ܒܝܼܘܼܟ݂. ܠܹܐ ܝܗ݇ܘܵܐ ܒܕܝܼܢܵܪܵܐ ܩܛܝܼܥ ܠܘܼܟ݂ ܥܲܡܝܼ؟ 14”’ܫܩܘܿܠ ܗܵܩܘܼܟ݂ ܘܙܹܠ݇. ܒܵܥܹܝܢ ܕܝܵܗ݇ܒܹܢ ܠܐܵܗܵܐ ܐ݇ܚܵܪܵܝܵܐ ܡܐܲܝܟ݂ ܕܝܘܼܗ݇ܒܸܠ ܠܝܼ ܐܸܠܘܼܟ݂. 15”’ܠܲܝܬ ܠܝܼ ܗܵܩܘܼܬܵܐ ܕܥܵܒ݂ܕܹܢ ܒܡܸܢܕܝܼ ܕܓܵܢܝܼ ܐܲܝܟ݂ ܕܒܵܣܡܵܐ ܠܝܼ؟ ܝܲܢ ܒܲܚܘܼܠܹܐ ܝܘܸܬ ܒܝܼܝܼ ܣܵܒܵܒ ܛܵܒ݂ܵܐ ܝܘܸܢ؟‘ 16”ܗܲܕܟ݂ܵܐ، ܐ݇ܚܵܪ̈ܵܝܹܐ ܒܸܬ ܗܵܘܝܼ ܩܲܕ݇ܡܵܝܹ̈ܐ، ܘܩܲܕ݇ܡܵܝܹ̈ܐ ܐ݇ܚܵܪ̈ܵܝܹܐ؛ ܣܵܒܵܒ ܪܵܒܵܐ ܝܢܵܐ ܟ̰ܝܼܕܹܐ ܘܒܵܨܘܿܪܹ̈ܐ ܝܢܵܐ ܓܘܼܒܝܹܐ.“
ܓܵܗܵܐ ܚܲܪܬܵܐ ܝܼܫܘܿܥ ܡܲܚܒܘܼܪܹܐ ܒܘܼܬ ܡܵܘܬܹܗ
ܡܪܩܘܣ 10:32‐34؛ ܠܘܩܐ 18:31‐34
17ܟܲܕ ܒܹܐܣܵܩܵܐ ܝܗ݇ܘܵܐ ܝܼܫܘܿܥ ܠܐܘܿܪܸܫܠܸܡ، ܩܸܪܝܲܝ ܠܹܗ ܬܲܠܡܝܼܕܘܼ̈ܗܝ ܠܚܲܕ ܓܹܒܵܐ ܒܢܲܦ̮ܫܲܝܗܝ ܘܐ݇ܡܝܼܪܹܗ ܐܸܠܲܝܗܝ، 18”ܐܵܕܝܼܵܐ ܒܹܐܣܵܩܵܐ ܝܘܲܚ ܠܐܘܿܪܸܫܠܸܡ، ܘܒܪܘܿܢܵܐ ܕܐ݇ܢܵܫܵܐ ܒܸܬ ܦܵܐܹܫ ܣܘܼܦܝܵܐ ܠܓܘܼܪ̈ܵܢܹܐ ܕܟܵܗܢܹ̈ܐ ܘܠܣܵܦܪܹ̈ܐ، ܘܒܸܬ ܕܵܝܢܝܼ ܠܹܗ ܠܡܵܘܬܵܐ. 19”ܘܒܸܬ ܣܲܦܝܼ ܠܹܗ ܠܐܸܡܘܵܬܹ̈ܐ ܕܡܲܣܚܸܪܝܼ ܒܝܼܹܗ، ܘܡܵܚܝܼ ܠܹܗ ܒܫܵܘܛܹ̈ܐ ܘܡܵܚܝܼ ܠܹܗ ܠܙܩܝܼܦܵܐ، ܘܒܝܵܘܡܵܐ ܕܬܠܵܬܵܐ ܒܸܬ ܩܵܐܹܡ.“
ܒܵܥܘܼܬܵܐ ܕܝܸܡܵܐ ܕܒܢܘܿܢܹ̈ܐ ܕܙܲܒ݂ܕܲܝ
ܡܪܩܘܣ 10:35‐45
20ܗ̇ܝܓܵܗ ܐ݇ܬܹܐ ܠܵܗ̇ ܠܟܸܣ ܠܹܗ ܝܸܡܵܐ ܕܒܢܘܿܢܹ̈ܐ ܕܙܲܒ݂ܕܲܝ ܥܲܡ ܒܢܘܿܢܘܼ̈ܗ̇، ܘܣܓ݂ܝܼܕ ܠܵܗ̇ ܐܸܠܹܗ، ܘܛܠܝܼܒ ܠܵܗ̇ ܡܸܢܹܗ ܚܕܵܐ ܒܵܥܘܼܬܵܐ. 21ܒܘܼܩܸܪܹܗ ܡܸܢܘܼܗ̇ ܝܼܫܘܿܥ، ”ܡܘܿܕܝܼ ܒܵܥܝܲܬܝ؟“ ܘܓ̰ܘܼܘܸܒ ܠܵܗ̇ ܘܐ݇ܡܝܼܪܵܗ̇ ܐܸܠܹܗ، ”ܫܒ݂ܘܿܩ ܐܲܢܹܐ ܬܪܹܝ ܒܢܘܿܢܝܼ̈ ܝܵܬܒ݂ܝܼ ܥܲܡܘܼܟ݂ ܒܡܲܠܟܘܼܬܘܼܟ݂، ܚܲܕ ܡ̣ܢ ܝܲܡܝܼܢܘܼܟ݂ ܘܚܲܕ ܡ̣ܢ ܣܸܡܵܠܘܼܟ݂.“ 22ܓ̰ܘܼܘܸܒ ܠܹܗ ܝܼܫܘܿܥ ܘܐ݇ܡܝܼܪܹܗ ܐܸܠܘܼܗ̇، ”ܠܹܐ ܝܬܘܿܢ ܒܝܼܕܵܥܵܐ ܡܘܿܕܝܼ ܒܸܛܠܵܒܵܐ ܝܬܘܿܢ. ܡܵܨܹܝܬܘܿܢ ܫܵܬܹܝܬܘܿܢ ܡ̣ܢ ܟܵܣܵܐ ܕܐܵܢܵܐ ܗܕܝܼܪܵܐ ܝܘܸܢ ܠܸܫܬܵܝܹܗ، ܝܲܢ ܕܥܵܡܕܝܼܬܘܿܢ ܒܡܲܥܡܘܿܕܝܼܬܵܐ ܕܒܝܼܘܼܗ̇ ܦܵܝܫܹܢ ܥܡܝܼܕܵܐ؟“ ܘܐܵܢܝܼ ܐ݇ܡܝܼܪܗܘܿܢ، ”ܗܹܐ، ܟܹܐ ܡܵܨܲܚ.“ 23ܓ̰ܘܼܘܸܒ ܠܹܗ ܐܸܠܲܝܗܝ ܝܼܫܘܿܥ، ”ܡ̣ܢ ܟܵܣܝܼ ܗܲܪ ܒܸܬ ܫܵܬܹܝܬܘܿܢ، ܘܡܲܥܡܘܿܕܝܼܬܵܐ ܕܒܝܼܘܼܗ̇ ܦܵܝܫܹܢ ܥܡܝܼܕܵܐ ܒܸܬ ܥܵܡܕܝܼܬܘܿܢ. ܐܝܼܢܵܐ ܝ݇ܬܵܒ݂ܬܵܐ ܡ̣ܢ ܣܸܡܵܠܝܼ ܘܡ̣ܢ ܝܲܡܝܼܢܝܼ ܠܹܐ ܐܵܢܵܐ ܝܵܗ݇ܒܹܢܵܗ̇، ܐܸܠܵܐ ܒܸܬ ܦܵܝܫܵܐ ܝܘܼܗ݇ܒܸܠܬܵܐ ܠܐܵܢܝܼ ܕܗܘܼܕܸܪܬܵܐ ܝܠܵܗ̇ ܐܸܠܲܝܗܝ ܡ̣ܢ ܒܵܒܝܼ.“ 24ܟܲܕ ܫܡܝܼܥ ܠܗܘܿܢ ܥܸܣܪܵܐ ܬܲܠܡܝܼ̈ܕܹܐ، ܟܪܝܼܒ ܠܗܘܿܢ ܥܲܠ ܐܵܢܝܼ ܬܪܹܝ ܐܲܚܘܿܢܘܵܬܹ̈ܐ. 25ܐܝܼܢܵܐ ܝܼܫܘܿܥ ܩܸܪܝܲܝ ܠܹܗ ܘܐ݇ܡܝܼܪܹܗ، ”ܟܹܐ ܝܵܕܥܝܼܬܘܿܢ ܕܓܘܼܪ̈ܵܢܹܐ ܕܐܸܡܘܵܬܹ̈ܐ ܡܵܪ̈ܵܘܵܬܲܝܗܝ ܝܢܵܐ، ܘܓܘܼܪ̈ܵܢܲܝܗܝ ܟܹܐ ܥܵܒ݂ܕܝܼ ܫܘܼܠܛܵܢܵܐ ܥܲܠܲܝܗܝ؟ 26”ܐܝܼܢܵܐ ܐܵܗܵܐ ܡܸܢܕܝܼ ܠܵܐ ܗܵܘܹܐ ܓܵܘܵܘܟ݂ܘܿܢ، ܐܸܠܵܐ ܡ̇ܢ ܕܒܵܥܹܐ ܗܵܘܹܐ ܓܘܼܪܵܐ ܓܵܘܵܘܟ݂ܘܿܢ، ܗܵܘܹܐ ܥܵܒ݂ܕܵܢܵܐ ܕܚܸܠܡܲܬ ܐܸܠܵܘܟ݂ܘܿܢ. 27”ܘܡ̇ܢ ܕܒܵܥܹܐ ܡܸܢܵܘܟ݂ܘܿܢ ܠܸܗܘܵܝܵܐ ܩܵܕ݇ܡܵܝܵܐ، ܗܵܘܹܐ ܐܸܠܵܘܟ݂ܘܿܢ ܥܲܒ݂ܕܵܐ. 28”ܕܵܐܟ݂ܝܼ ܕܒܪܘܿܢܵܐ ܕܐ݇ܢܵܫܵܐ ܠܵܐ ܐ݇ܬܹܐ ܠܹܗ ܕܦܵܐܹܫ ܥܒ݂ܝܼܕܵܐ ܚܸܠܡܲܬ ܡ̣ܢ ܐ݇ܢܵܫܹ̈ܐ، ܐܸܠܵܐ ܕܥܵܒܹܕ ܠܗܘܿܢ ܚܸܠܡܲܬ، ܘܝܲܗ݇ܒܸܠ ܓܵܢܹܗ ܦܘܼܪܩܵܢܵܐ ܡ̣ܢ ܓܹܒܵܐ ܕܪܵܒܵܐ.“
ܒܵܣܲܡܬܵܐ ܕܬܪܹܝ ܣܸܡܝܹ̈ܐ
ܡܪܩܘܣ 10:46‐52؛ ܠܘܩܐ 18:35‐43
29ܟܲܕ ܒܸܦܠܵܛܵܐ ܝܗ݇ܘܵܐ ܝܼܫܘܿܥ ܡ̣ܢ ܐܝܼܪܝܼܚܘܿ، ܐ݇ܬܹܐ ܠܹܗ ܒܵܬ݇ܪܹܗ ܟܸܢܫܵܐ ܪܵܒܵܐ. 30ܘܗܵܐ ܬܪܹܝ ܣܸܡܝܹ̈ܐ ܝ݇ܬܝܼܒܹܐ ܝܗ݇ܘܵܘ ܒܡܲܪܙܵܐ ܕܐܘܼܪܚܵܐ. ܐܝܼܡܲܢ ܕܫܡܝܼܥ ܠܗܘܿܢ ܕܝܼܫܘܿܥ ܒܸܥܒ݂ܵܪܵܐ ܝܗ݇ܘܵܐ ܡ̣ܢ ܬܵܡܵܐ، ܡܘܼܩܘܸܚ ܠܗܘܿܢ، ”ܡܵܪܲܢ، ܒܪܘܿܢܵܐ ܕܕܵܘܝܼܕ، ܪܲܚܸܡ ܥܲܠܲܢ!“ 31ܘܟܸܢܫܵܐ ܢܓ̰ܝܼܘ ܠܹܗ ܒܝܼܲܝܗܝ ܕܫܵܬܩܝܼ. ܐܝܼܢܵܐ ܐܵܢܝܼ ܒܘܼܫ ܙܵܘܕܵܐ ܡܘܼܩܘܸܚ ܠܗܘܿܢ، ”ܡܵܪܲܢ، ܒܪܘܿܢܵܐ ܕܕܵܘܝܼܕ، ܪܲܚܸܡ ܥܲܠܲܢ.“ 32ܘܟܠܹܐ ܠܹܗ ܝܼܫܘܿܥ ܘܩܸܪܝܲܝ ܠܹܗ ܠܟܸܣ ܠܹܗ ܘܐ݇ܡܝܼܪܹܗ، ”ܡܘܿܕܝܼ ܒܵܥܹܝܬܘܿܢ ܕܥܵܒ݂ܕܹܢ ܐܸܠܵܘܟ݂ܘܿܢ؟“ 33ܓ̰ܘܼܘܸܒ ܠܗܘܿܢ ܐܸܠܹܗ، ”ܡܵܪܲܢ، ܒܵܥܲܚ ܕܦܵܬܚܝܼ ܥܲܝܢܲܢ̈.“ 34ܘܪܘܼܚܸܡ ܠܹܗ ܥܲܠܲܝܗܝ ܝܼܫܘܿܥ، ܘܕܩܝܼܪܹܗ ܒܥܲܝܢܲܝ̈ܗܝ، ܘܗܲܪ ܒܗ̇ܝ ܥܕܵܢܵܐ ܚܙܹܐ ܠܗܘܿܢ، ܘܐ݇ܙܝܼܠ ܠܗܘܿܢ ܒܵܬ݇ܪܹܗ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation