ܩܘܗܠܬ 9
9
ܚܕܵܐ ܬܲܦܩܘܼ ܠܟܠ
1ܣܵܒܵܒ ܠܟܠܹܗ ܐܵܗܵܐ ܡܘܼܬܸܒ݂ ܠܝܼ ܒܠܸܒܝܼ، ܘܠܨܲܚܨܘܼܝܹܐ ܟܠܹܗ ܐܵܗܵܐ، ܕܙܲܕܝܼܩܹ̈ܐ ܘܚܲܟܝܼܡܹ̈ܐ ܘܦܘܼܠܚܵܢܲܝ̈ܗܝ ܒܐܝܼܕܵܐ ܕܐܲܠܵܗܵܐ ܝܢܵܐ؛ ܐܸܢ ܒܸܬ ܩܲܒܸܠ ܚܘܼܒܵܐ ܝܲܢ ܣܢܵܝܬܵܐ ܠܹܐ ܝܵܕܹܥ ܒܲܪܢܵܫܵܐ، ܟܠ ܡܸܢܕܝܼ ܩܵܕ݇ܡ ܕܝܼܹܗ ܝܠܹܗ. 2ܗܲܪ ܚܲܕ ܡܸܢܕܝܼ ܟܹܐ ܩܲܘܸܡ ܠܟܠ ܐ݇ܢܵܫܵܐ، ܚܕܵܐ ܬܲܦܩܘܼ ܠܙܲܕܝܼܩܵܐ ܘܠܪܲܫܝܼܥܵܐ، ܠܛܵܒ݂ܵܐ ܘܠܒܝܼܫܵܐ، ܠܕܸܟ݂ܝܵܐ ܘܠܛܲܡܐܵܐ، ܠܗ̇ܘ ܕܕܵܒܹܚ ܘܠܗ̇ܘ ܕܠܹܐ ܕܵܒܹܚ، ܐܲܝܟ݂ ܕܠܛܵܒ݂ܵܐ ܗܲܕܟ݂ܵܐ ܠܚܲܛܵܝܵܐ، ܠܝܵܡܝܵܢܵܐ ܐܲܝܟ݂ ܕܠܗ̇ܘ ܕܡ̣ܢ ܡܵܘܡܝܼܬܵܐ ܙܵܕܹܥ. 3ܐܵܗܵܐ ܝܠܵܗ̇ ܚܸܪܒܵܐ ܒܟܠ ܕܟܹܐ ܦܵܐܹܫ ܥܒ݂ܝܼܕܵܐ ܬܚܘܿܬ ܫܸܡܫܵܐ، ܕܚܕܵܐ ܬܲܦܩܘܼ ܠܟܠ ܝܼܠܵܗ̇. ܘܐܘܼܦ ܠܸܒܵܐ ܕܒܢܲܝ̈ܢܵܫܵܐ ܡܸܠܝܵܐ ܝܠܹܗ ܒܝܼܫܬܵܐ، ܘܫܹܐܕܵܢܘܼܬܵܐ ܒܠܸܒܲܝܗܝ ܐܝܼܬ ܒܚܲܝܲܝ̈ܗܝ، ܘܒܵܬ݇ܪ ܗܵܕܵܐ ܟܹܐ ܐܵܙܠ݇ܝܼ ܠܡܝܼܬܹ̈ܐ. 4ܣܵܒܵܒ ܡ̇ܢ ܕܝܼܠܹܗ ܥܲܡ ܟܠܲܝܗܝ ܚܵܝܹ̈ܐ ܐܝܼܬ ܠܹܗ ܣܲܒ݂ܪܵܐ، ܣܵܒܵܒ ܟܲܠܒܵܐ ܕܚܵܝܵܐ ܝܠܹܗ ܒܘܼܫ ܨܦܵܝܝܼ ܝܠܹܗ ܡ̣ܢ ܐܲܪܝܵܐ ܡܝܼܬܵܐ. 5ܣܵܒܵܒ ܚܵܝܹ̈ܐ ܟܹܐ ܝܵܕܥܝܼ ܕܒܸܬ ܡܵܝܬܝܼ، ܐܝܼܢܵܐ ܡܝܼܬܹ̈ܐ ܠܹܐ ܝܵܕܥܝܼ ܡܸܢܕܝܼ، ܘܠܲܝܬ ܡܸܢܕܪܸܫ ܐܸܠܲܝܗܝ ܦܘܼܪܥܵܢܵܐ، ܣܵܒܵܒ ܦܝܼܫ ܠܹܗ ܢܸܫܝܵܐ ܕܟ݂ܵܪܲܝܗܝ. 6ܐܘܼܦ ܚܘܼܒܲܝܗܝ ܐܘܼܦ ܣܢܵܝܬܲܝܗܝ ܐܘܼܦ ܛܢܵܢܲܝܗܝ ܡ̣ܢ ܓ̰ܲܠܕܹܐ ܛܠܝܼܩܵܐ ܝܠܹܗ، ܘܐ݇ܚܹܪ݇ܢܵܐ ܣܵܗܡܵܐ ܠܲܝܬ ܠܗܘܿܢ ܠܥܵܠܲܡ ܒܟܠ ܡܸܢܕܝܼ ܕܟܹܐ ܦܵܐܹܫ ܥܒ݂ܝܼܕܵܐ ܬܚܘܿܬ ܫܸܡܫܵܐ.
7ܙܹܠ݇ ܐ݇ܟ݂ܘܿܠ ܒܚܲܕܘܼܬܵܐ ܠܲܚܡܘܼܟ݂، ܘܫܬܝܼ ܒܠܸܒܵܐ ܦܨܝܼܚܵܐ ܚܲܡܪܘܼܟ݂، ܣܵܒܵܒ ܡ̣ܢ ܓ̰ܲܠܕܹܐ ܒܣܝܼܡ ܠܵܗ̇ ܠܹܗ ܐܲܠܵܗܵܐ ܒܦܘܼܠܚܵܢܘܼ̈ܟ݂. 8ܒܟܠ ܙܲܒ݂ܢܵܐ ܗܵܘܝܼ ܓ̰ܘܼܠܘܼ̈ܟ݂ ܚܘܵܪܹ̈ܐ، ܘܡܸܫܚܵܐ ܡܥܲܠ ܪܹܫܘܼܟ݂ ܠܵܐ ܚܵܣܹܪ. 9ܡܲܒܣܸܡ ܒܚܲܝܘܼ̈ܟ݂ ܥܲܡ ܒܲܟ݂ܬܵܐ ܕܡܘܼܚܸܒ ܠܘܼܟ݂، ܟܠܲܝܗܝ ܝܵܘܡܵܢܹ̈ܐ ܕܚܲܝܘܼ̈ܟ݂ ܣܪ̈ܝܼܩܹܐ ܕܝܘܼܗ݇ܒܸܠ ܠܹܗ ܐܸܠܘܼܟ݂ ܐܲܠܵܗܵܐ ܬܚܘܿܬ ܫܸܡܫܵܐ، ܣܵܒܵܒ ܗ̇ܝ ܝܼܠܵܗ̇ ܣܵܗܡܘܼܟ݂ ܒܚܲܝܘܼ̈ܟ݂ ܘܒܥܲܡܠܘܼܟ݂ ܕܐܲܢ݇ܬ ܒܸܥܒ݂ܵܕܵܐ ܝܘܸܬ ܬܚܘܿܬ ܫܸܡܫܵܐ. 10ܟܠ ܕܡܲܫ݇ܟ̰ܚܵܐ ܐܝܼܕܘܼܟ݂ ܠܸܥܒ݂ܵܕܵܐ، ܒܟܠܹܗ ܚܲܝܠܘܼܟ݂ ܥܒ݂ܘܿܕ ܠܹܗ، ܣܵܒܵܒ ܠܲܝܬ ܦܘܼܠܚܵܢܵܐ ܘܚܸܫܒܘܼܢܵܐ ܘܝ݇ܕܲܥܬܵܐ ܘܚܸܟ݂ܡܬܵܐ ܒܫܝܘܿܠ ܐܲܝܟܵܐ ܕܐܲܢ݇ܬ ܒܹܐܙܵܠܵܐ ܝܘܸܬ.
11ܕܝܼܪܝܼ ܘܚܙܹܐ ܠܝܼ ܬܚܘܿܬ ܫܸܡܫܵܐ، ܕܠܹܐ ܝܠܹܗ ܠܩܲܠܘܼ̈ܠܹܐ ܪܲܗܛܵܐ، ܘܠܵܐ ܠܓܲܢ݇ܒܵܪܹ̈ܐ ܦܠܵܫܵܐ، ܘܐܘܼܦ ܠܵܐ ܠܚܲܟܝܼܡܹ̈ܐ ܠܲܚܡܵܐ، ܘܐܘܼܦ ܠܵܐ ܠܦܲܪ̈ܡܝܼܵܢܹܐ ܥܘܼܬܪܵܐ، ܘܐܘܼܦ ܠܵܐ ܠܝܵܕܥܵܢܹ̈ܐ ܫܵܦܵܩܲܬ، ܐܸܠܵܐ ܙܲܒ݂ܢܵܐ ܘܩܵܘܲܡܬܵܐ ܟܹܐ ܬܵܦܹܩ ܒܟܠܲܝܗܝ. 12ܣܵܒܵܒ ܐܘܼܦ ܠܹܐ ܝܵܕܹܥ ܒܲܪܢܵܫܵܐ ܙܲܒ݂ܢܹܗ؛ ܐܲܝܟ݂ ܢܘܼܢܹ̈ܐ ܕܦܵܝܫܝܼ ܕܒ݂ܝܼܩܹܐ ܒܓܲܪܕܵܐ ܣܸܪܝܵܐ، ܘܐܲܝܟ݂ ܛܲܝܪܹ̈ܐ ܕܟܹܐ ܦܵܝܫܝܼ ܕܒ݂ܝܼܩܹܐ ܒܢܸܫܒ݂ܵܐ، ܗܲܕܟ݂ܵܐ ܟܹܐ ܦܵܝܫܝܼ ܕܒ݂ܝܼܩܹܐ ܒܢܲܝ̈ܢܵܫܵܐ ܒܙܲܒ݂ܢܵܐ ܒܝܼܫܵܐ، ܟܲܕ ܢܵܦܹܠ ܥܲܠܲܝܗܝ ܡܸܢܫܸܠܬܵܢܹܐ.
ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܣܲܟ݂ܠܘܼܬܵܐ
13ܐܘܼܦ ܐܵܗܵܐ ܚܙܹܐ ܠܝܼ ܚܸܟ݂ܡܬܵܐ ܬܚܘܿܬ ܫܸܡܫܵܐ، ܘܓܘܼܪܬܵܐ ܝܠܵܗ̇ ܠܟܸܣ ܠܝܼ: 14ܐܝܼܬ ܗ݇ܘܵܐ ܡܕܝܼܢ݇ܬܵܐ ܙܥܘܿܪܬܵܐ، ܘܐ݇ܢܵܫܹ̈ܐ ܓܵܘܘܼܗ̇ ܚܲܕ݇ܟ̰ܵܐ، ܘܐ݇ܬܹܐ ܠܹܗ ܥܲܠܘܼܗ̇ ܡܲܠܟܵܐ ܓܘܼܪܵܐ، ܘܚܘܼܪܕܝܼܵܐ ܠܹܗ، ܘܒܢܹܐ ܠܹܗ ܥܲܠܘܼܗ̇ ܡܗܵܨܲܪܬܵܐ ܓܘܼܪܬܵܐ. 15ܘܡܫ݇ܟ̰ܝܼܚ ܠܹܗ ܓܵܘܘܼܗ̇ ܐ݇ܢܵܫܵܐ ܡܸܣܟܹܢܵܐ ܚܲܟܝܼܡܵܐ، ܘܦܘܼܨܹܐ ܠܹܗ ܗ̇ܘ ܠܡܕܝܼܢ݇ܬܵܐ ܒܚܸܟ݂ܡܬܹܗ، ܐܝܼܢܵܐ ܐ݇ܢܵܫܵܐ ܠܵܐ ܕܟ݂ܝܼܪܹܗ ܠܗ̇ܘ ܐ݇ܢܵܫܵܐ ܡܸܣܟܹܢܵܐ. 16ܘܐ݇ܡܝܼܪܝܼ ܐܵܢܵܐ، ”ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܓܲܢ݇ܒܵܪܘܼܬܵܐ.“ ܐܝܼܢܵܐ ܚܸܟ݂ܡܬܵܐ ܕܡܸܣܟܹܢܵܐ ܡܘܼܣܠܝܼܬܵܐ ܝܠܵܗ̇، ܘܗܹܡܸܙܡܵܢܘܼ̈ܗܝ ܠܹܐ ܦܵܝܫܝܼ ܫܡܝܼܥܹܐ. 17ܗܹܡܸܙܡܵܢܹ̈ܐ ܕܚܲܟܝܼܡܹ̈ܐ ܒܫܸܠܝܘܼܬܵܐ ܒܘܼܫ ܨܦܵܝܝܼ ܝܢܵܐ ܕܦܵܝܫܝܼ ܫܡܝܼܥܹܐ ܡ̣ܢ ܡܲܩܘܲܚܬܵܐ ܕܗ̇ܘ ܕܗܲܟܸܡ ܒܣܲܟ݂ܠܹ̈ܐ. 18ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܙܲܝܢܹ̈ܐ ܕܦܠܵܫܵܐ، ܐܝܼܢܵܐ ܚܲܕ ܚܲܛܵܝܵܐ ܟܹܐ ܛܵܠܹܩ ܪܵܒܵܐ ܛܵܒ݂ܬܵܐ.
Právě zvoleno:
ܩܘܗܠܬ 9: ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation
ܩܘܗܠܬ 9
9
ܚܕܵܐ ܬܲܦܩܘܼ ܠܟܠ
1ܣܵܒܵܒ ܠܟܠܹܗ ܐܵܗܵܐ ܡܘܼܬܸܒ݂ ܠܝܼ ܒܠܸܒܝܼ، ܘܠܨܲܚܨܘܼܝܹܐ ܟܠܹܗ ܐܵܗܵܐ، ܕܙܲܕܝܼܩܹ̈ܐ ܘܚܲܟܝܼܡܹ̈ܐ ܘܦܘܼܠܚܵܢܲܝ̈ܗܝ ܒܐܝܼܕܵܐ ܕܐܲܠܵܗܵܐ ܝܢܵܐ؛ ܐܸܢ ܒܸܬ ܩܲܒܸܠ ܚܘܼܒܵܐ ܝܲܢ ܣܢܵܝܬܵܐ ܠܹܐ ܝܵܕܹܥ ܒܲܪܢܵܫܵܐ، ܟܠ ܡܸܢܕܝܼ ܩܵܕ݇ܡ ܕܝܼܹܗ ܝܠܹܗ. 2ܗܲܪ ܚܲܕ ܡܸܢܕܝܼ ܟܹܐ ܩܲܘܸܡ ܠܟܠ ܐ݇ܢܵܫܵܐ، ܚܕܵܐ ܬܲܦܩܘܼ ܠܙܲܕܝܼܩܵܐ ܘܠܪܲܫܝܼܥܵܐ، ܠܛܵܒ݂ܵܐ ܘܠܒܝܼܫܵܐ، ܠܕܸܟ݂ܝܵܐ ܘܠܛܲܡܐܵܐ، ܠܗ̇ܘ ܕܕܵܒܹܚ ܘܠܗ̇ܘ ܕܠܹܐ ܕܵܒܹܚ، ܐܲܝܟ݂ ܕܠܛܵܒ݂ܵܐ ܗܲܕܟ݂ܵܐ ܠܚܲܛܵܝܵܐ، ܠܝܵܡܝܵܢܵܐ ܐܲܝܟ݂ ܕܠܗ̇ܘ ܕܡ̣ܢ ܡܵܘܡܝܼܬܵܐ ܙܵܕܹܥ. 3ܐܵܗܵܐ ܝܠܵܗ̇ ܚܸܪܒܵܐ ܒܟܠ ܕܟܹܐ ܦܵܐܹܫ ܥܒ݂ܝܼܕܵܐ ܬܚܘܿܬ ܫܸܡܫܵܐ، ܕܚܕܵܐ ܬܲܦܩܘܼ ܠܟܠ ܝܼܠܵܗ̇. ܘܐܘܼܦ ܠܸܒܵܐ ܕܒܢܲܝ̈ܢܵܫܵܐ ܡܸܠܝܵܐ ܝܠܹܗ ܒܝܼܫܬܵܐ، ܘܫܹܐܕܵܢܘܼܬܵܐ ܒܠܸܒܲܝܗܝ ܐܝܼܬ ܒܚܲܝܲܝ̈ܗܝ، ܘܒܵܬ݇ܪ ܗܵܕܵܐ ܟܹܐ ܐܵܙܠ݇ܝܼ ܠܡܝܼܬܹ̈ܐ. 4ܣܵܒܵܒ ܡ̇ܢ ܕܝܼܠܹܗ ܥܲܡ ܟܠܲܝܗܝ ܚܵܝܹ̈ܐ ܐܝܼܬ ܠܹܗ ܣܲܒ݂ܪܵܐ، ܣܵܒܵܒ ܟܲܠܒܵܐ ܕܚܵܝܵܐ ܝܠܹܗ ܒܘܼܫ ܨܦܵܝܝܼ ܝܠܹܗ ܡ̣ܢ ܐܲܪܝܵܐ ܡܝܼܬܵܐ. 5ܣܵܒܵܒ ܚܵܝܹ̈ܐ ܟܹܐ ܝܵܕܥܝܼ ܕܒܸܬ ܡܵܝܬܝܼ، ܐܝܼܢܵܐ ܡܝܼܬܹ̈ܐ ܠܹܐ ܝܵܕܥܝܼ ܡܸܢܕܝܼ، ܘܠܲܝܬ ܡܸܢܕܪܸܫ ܐܸܠܲܝܗܝ ܦܘܼܪܥܵܢܵܐ، ܣܵܒܵܒ ܦܝܼܫ ܠܹܗ ܢܸܫܝܵܐ ܕܟ݂ܵܪܲܝܗܝ. 6ܐܘܼܦ ܚܘܼܒܲܝܗܝ ܐܘܼܦ ܣܢܵܝܬܲܝܗܝ ܐܘܼܦ ܛܢܵܢܲܝܗܝ ܡ̣ܢ ܓ̰ܲܠܕܹܐ ܛܠܝܼܩܵܐ ܝܠܹܗ، ܘܐ݇ܚܹܪ݇ܢܵܐ ܣܵܗܡܵܐ ܠܲܝܬ ܠܗܘܿܢ ܠܥܵܠܲܡ ܒܟܠ ܡܸܢܕܝܼ ܕܟܹܐ ܦܵܐܹܫ ܥܒ݂ܝܼܕܵܐ ܬܚܘܿܬ ܫܸܡܫܵܐ.
7ܙܹܠ݇ ܐ݇ܟ݂ܘܿܠ ܒܚܲܕܘܼܬܵܐ ܠܲܚܡܘܼܟ݂، ܘܫܬܝܼ ܒܠܸܒܵܐ ܦܨܝܼܚܵܐ ܚܲܡܪܘܼܟ݂، ܣܵܒܵܒ ܡ̣ܢ ܓ̰ܲܠܕܹܐ ܒܣܝܼܡ ܠܵܗ̇ ܠܹܗ ܐܲܠܵܗܵܐ ܒܦܘܼܠܚܵܢܘܼ̈ܟ݂. 8ܒܟܠ ܙܲܒ݂ܢܵܐ ܗܵܘܝܼ ܓ̰ܘܼܠܘܼ̈ܟ݂ ܚܘܵܪܹ̈ܐ، ܘܡܸܫܚܵܐ ܡܥܲܠ ܪܹܫܘܼܟ݂ ܠܵܐ ܚܵܣܹܪ. 9ܡܲܒܣܸܡ ܒܚܲܝܘܼ̈ܟ݂ ܥܲܡ ܒܲܟ݂ܬܵܐ ܕܡܘܼܚܸܒ ܠܘܼܟ݂، ܟܠܲܝܗܝ ܝܵܘܡܵܢܹ̈ܐ ܕܚܲܝܘܼ̈ܟ݂ ܣܪ̈ܝܼܩܹܐ ܕܝܘܼܗ݇ܒܸܠ ܠܹܗ ܐܸܠܘܼܟ݂ ܐܲܠܵܗܵܐ ܬܚܘܿܬ ܫܸܡܫܵܐ، ܣܵܒܵܒ ܗ̇ܝ ܝܼܠܵܗ̇ ܣܵܗܡܘܼܟ݂ ܒܚܲܝܘܼ̈ܟ݂ ܘܒܥܲܡܠܘܼܟ݂ ܕܐܲܢ݇ܬ ܒܸܥܒ݂ܵܕܵܐ ܝܘܸܬ ܬܚܘܿܬ ܫܸܡܫܵܐ. 10ܟܠ ܕܡܲܫ݇ܟ̰ܚܵܐ ܐܝܼܕܘܼܟ݂ ܠܸܥܒ݂ܵܕܵܐ، ܒܟܠܹܗ ܚܲܝܠܘܼܟ݂ ܥܒ݂ܘܿܕ ܠܹܗ، ܣܵܒܵܒ ܠܲܝܬ ܦܘܼܠܚܵܢܵܐ ܘܚܸܫܒܘܼܢܵܐ ܘܝ݇ܕܲܥܬܵܐ ܘܚܸܟ݂ܡܬܵܐ ܒܫܝܘܿܠ ܐܲܝܟܵܐ ܕܐܲܢ݇ܬ ܒܹܐܙܵܠܵܐ ܝܘܸܬ.
11ܕܝܼܪܝܼ ܘܚܙܹܐ ܠܝܼ ܬܚܘܿܬ ܫܸܡܫܵܐ، ܕܠܹܐ ܝܠܹܗ ܠܩܲܠܘܼ̈ܠܹܐ ܪܲܗܛܵܐ، ܘܠܵܐ ܠܓܲܢ݇ܒܵܪܹ̈ܐ ܦܠܵܫܵܐ، ܘܐܘܼܦ ܠܵܐ ܠܚܲܟܝܼܡܹ̈ܐ ܠܲܚܡܵܐ، ܘܐܘܼܦ ܠܵܐ ܠܦܲܪ̈ܡܝܼܵܢܹܐ ܥܘܼܬܪܵܐ، ܘܐܘܼܦ ܠܵܐ ܠܝܵܕܥܵܢܹ̈ܐ ܫܵܦܵܩܲܬ، ܐܸܠܵܐ ܙܲܒ݂ܢܵܐ ܘܩܵܘܲܡܬܵܐ ܟܹܐ ܬܵܦܹܩ ܒܟܠܲܝܗܝ. 12ܣܵܒܵܒ ܐܘܼܦ ܠܹܐ ܝܵܕܹܥ ܒܲܪܢܵܫܵܐ ܙܲܒ݂ܢܹܗ؛ ܐܲܝܟ݂ ܢܘܼܢܹ̈ܐ ܕܦܵܝܫܝܼ ܕܒ݂ܝܼܩܹܐ ܒܓܲܪܕܵܐ ܣܸܪܝܵܐ، ܘܐܲܝܟ݂ ܛܲܝܪܹ̈ܐ ܕܟܹܐ ܦܵܝܫܝܼ ܕܒ݂ܝܼܩܹܐ ܒܢܸܫܒ݂ܵܐ، ܗܲܕܟ݂ܵܐ ܟܹܐ ܦܵܝܫܝܼ ܕܒ݂ܝܼܩܹܐ ܒܢܲܝ̈ܢܵܫܵܐ ܒܙܲܒ݂ܢܵܐ ܒܝܼܫܵܐ، ܟܲܕ ܢܵܦܹܠ ܥܲܠܲܝܗܝ ܡܸܢܫܸܠܬܵܢܹܐ.
ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܣܲܟ݂ܠܘܼܬܵܐ
13ܐܘܼܦ ܐܵܗܵܐ ܚܙܹܐ ܠܝܼ ܚܸܟ݂ܡܬܵܐ ܬܚܘܿܬ ܫܸܡܫܵܐ، ܘܓܘܼܪܬܵܐ ܝܠܵܗ̇ ܠܟܸܣ ܠܝܼ: 14ܐܝܼܬ ܗ݇ܘܵܐ ܡܕܝܼܢ݇ܬܵܐ ܙܥܘܿܪܬܵܐ، ܘܐ݇ܢܵܫܹ̈ܐ ܓܵܘܘܼܗ̇ ܚܲܕ݇ܟ̰ܵܐ، ܘܐ݇ܬܹܐ ܠܹܗ ܥܲܠܘܼܗ̇ ܡܲܠܟܵܐ ܓܘܼܪܵܐ، ܘܚܘܼܪܕܝܼܵܐ ܠܹܗ، ܘܒܢܹܐ ܠܹܗ ܥܲܠܘܼܗ̇ ܡܗܵܨܲܪܬܵܐ ܓܘܼܪܬܵܐ. 15ܘܡܫ݇ܟ̰ܝܼܚ ܠܹܗ ܓܵܘܘܼܗ̇ ܐ݇ܢܵܫܵܐ ܡܸܣܟܹܢܵܐ ܚܲܟܝܼܡܵܐ، ܘܦܘܼܨܹܐ ܠܹܗ ܗ̇ܘ ܠܡܕܝܼܢ݇ܬܵܐ ܒܚܸܟ݂ܡܬܹܗ، ܐܝܼܢܵܐ ܐ݇ܢܵܫܵܐ ܠܵܐ ܕܟ݂ܝܼܪܹܗ ܠܗ̇ܘ ܐ݇ܢܵܫܵܐ ܡܸܣܟܹܢܵܐ. 16ܘܐ݇ܡܝܼܪܝܼ ܐܵܢܵܐ، ”ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܓܲܢ݇ܒܵܪܘܼܬܵܐ.“ ܐܝܼܢܵܐ ܚܸܟ݂ܡܬܵܐ ܕܡܸܣܟܹܢܵܐ ܡܘܼܣܠܝܼܬܵܐ ܝܠܵܗ̇، ܘܗܹܡܸܙܡܵܢܘܼ̈ܗܝ ܠܹܐ ܦܵܝܫܝܼ ܫܡܝܼܥܹܐ. 17ܗܹܡܸܙܡܵܢܹ̈ܐ ܕܚܲܟܝܼܡܹ̈ܐ ܒܫܸܠܝܘܼܬܵܐ ܒܘܼܫ ܨܦܵܝܝܼ ܝܢܵܐ ܕܦܵܝܫܝܼ ܫܡܝܼܥܹܐ ܡ̣ܢ ܡܲܩܘܲܚܬܵܐ ܕܗ̇ܘ ܕܗܲܟܸܡ ܒܣܲܟ݂ܠܹ̈ܐ. 18ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܙܲܝܢܹ̈ܐ ܕܦܠܵܫܵܐ، ܐܝܼܢܵܐ ܚܲܕ ܚܲܛܵܝܵܐ ܟܹܐ ܛܵܠܹܩ ܪܵܒܵܐ ܛܵܒ݂ܬܵܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation