ܕܢܝܐܝܠ 8
8
ܚܸܙܘܵܐ ܕܒܲܪܥܵܢܵܐ ܘܢܹܐܪܝܼܵܐ ܕܥܸܙܹ̈ܐ
1ܒܫܹܢ݇ܬܵܐ ܕܬܠܵܬ ܕܡܲܠܟܘܼܬܵܐ ܕܒܸܠܫܵܨܲܪ ܡܲܠܟܵܐ، ܚܸܙܘܵܐ ܦܝܼܫ ܠܹܗ ܚܸܙܝܵܐ ܐܸܠܝܼ، ܐܵܢܵܐ ܕܵܢܝܼܐܹܝܠ، ܡܒܵܬ݇ܪ ܕܗ̇ܘ ܕܦܝܼܫ ܠܹܗ ܚܸܙܝܵܐ ܐܸܠܝܼ ܒܩܵܕ݇ܡܵܝܬܵܐ. 2ܘܚܙܹܐ ܠܝܼ ܒܚܸܙܘܵܐ، ܘܗܘܹܐ ܠܵܗ̇ ܒܚܙܵܝܬܝܼ، ܘܐܵܢܵܐ ܓܵܘ ܫܘܿܫܲܢ ܒܝܼܪܬܵܐ، ܕܒܥܝܼܠܵܡ ܐܘܼܚܕܵܢܵܐ. ܘܚܙܹܐ ܠܝܼ ܒܚܸܙܘܵܐ، ܘܐܵܢܵܐ ܟܸܠܝܵܐ ܝܘܸܢ ܗ݇ܘܵܐ ܥܲܠ ܡܲܪܙܵܐ ܕܢܲܗܪܵܐ ܕܥܘܿܠܲܝ. 3ܘܡܘܼܪܸܡ ܠܝܼ ܥܲܝܢܝܼ̈ ܘܚܙܹܐ ܠܝܼ، ܘܗܵܐ، ܚܲܕ ܒܲܪܥܵܢܵܐ ܟܸܠܝܵܐ ܩܵܕ݇ܡ ܢܲܗܪܵܐ، ܘܐܸܠܹܗ ܬܲܪܬܹܝ ܩܵܪ̈݇ܢܵܢܹܐ ܪ̈ܵܡܹܐ، ܐܝܼܢܵܐ ܚܕܵܐ ܒܘܼܫ ܪܵܡܬܵܐ ܡ̣ܢ ܕܗ̇ܝ ܐ݇ܚܹܪ݇ܬܵܐ، ܘܗ̇ܝ ܪܵܡܬܵܐ ܐ݇ܣܝܼܩ ܠܵܗ̇ ܒܐ݇ܚܵܪܵܝܬܵܐ. 4ܚܙܹܐ ܠܝܼ ܒܲܪܥܵܢܵܐ ܒܸܡܚܵܝܵܐ ܕܸܩܪܹ̈ܐ ܠܡܲܥܪܒ݂ܵܐ ܘܠܓܲܪܒܝܵܐ ܘܠܬܲܝܡܢܵܐ، ܘܗܸܟ̃ ܚܲܝܘܬܵܐ ܠܹܐ ܟܵܠܝܵܐ ܗ݇ܘܵܘ ܩܵܕ݇ܡܘܼܗܝ، ܘܠܲܝܬ ܗ݇ܘܵܐ ܕܦܲܨܹܐ ܗ݇ܘܵܐ ܡ̣ܢ ܐܝܼܕܹܗ، ܘܥܒ݂ܝܼܕ ܠܹܗ ܐܲܝܟ݂ ܨܸܒ݂ܝܵܢܹܗ ܘܓܘܼܪܘܸܣܵܐ ܠܹܗ ܓܵܢܹܗ.
5ܘܐܵܢܵܐ ܗܘܹܐ ܠܝܼ ܬܲܚܡܘܼܢܹܐ، ܘܗܵܐ ܢܹܐܪܝܼܵܐ ܕܥܸܙܹ̈ܐ ܐ݇ܬܹܐ ܠܹܗ ܡ̣ܢ ܡܲܥܪܒ݂ܵܐ ܥܲܠ ܦܵܬܵܐ ܕܟܠܵܗ̇ ܐܲܪܥܵܐ، ܘܠܵܐ ܒܸܕܩܵܪܵܐ ܒܐܲܪܥܵܐ؛ ܘܢܹܐܪܝܼܵܐ ܐܝܼܬ ܗ݇ܘܵܐ ܠܹܗ ܩܵܪ݇ܢܵܐ ܡܸܬܚܲܙܝܵܢܬܵܐ ܒܹܝܠ ܥܲܝܢܘܼ̈ܗܝ. 6ܘܐ݇ܬܹܐ ܠܹܗ ܗܲܠ ܒܲܪܥܵܢܵܐ ܡܵܪܹܐ ܬܲܪܬܹܝ ܩܵܪ̈݇ܢܵܢܹܐ ܕܚܙܹܐ ܠܝܼ ܟܸܠܝܵܐ ܩܵܕ݇ܡ ܢܲܗܪܵܐ، ܘܪܚܝܼܛ ܠܹܗ ܥܲܠܘܼܗܝ ܒܚܸܡܬܵܐ ܕܚܲܝܠܹܗ. 7ܘܩܲܡ ܚܵܙܹܝܢܹܗ ܒܸܡܛܵܝܵܐ ܠܟܸܣ ܒܲܪܥܵܢܵܐ، ܘܡܘܼܪܡܸܪܹܗ ܥܲܠܘܼܗܝ، ܘܡܚܹܐ ܠܹܗ ܠܒܲܪܥܵܢܵܐ، ܘܬܒ݂ܝܼܪܹܗ ܠܬܸܪܘܲܝܗܝ ܩܵܪ̈݇ܢܵܢܘܼܗܝ، ܘܠܵܐ ܗܘܹܐ ܠܹܗ ܚܲܝܠܵܐ ܒܒܲܪܥܵܢܵܐ ܠܸܟܠܵܝܵܐ ܩܵܕ݇ܡܘܼܗܝ، ܘܩܲܡ ܚܲܪܙܸܦ ܠܹܗ ܠܐܲܪܥܵܐ، ܘܩܲܡ ܕܲܫܕܸܫ ܠܹܗ، ܘܠܵܐ ܗܘܹܐ ܠܹܗ ܦܲܨܝܵܢܵܐ ܠܒܲܪܥܵܢܵܐ ܡ̣ܢ ܐܝܼܕܹܗ. 8ܘܢܹܐܪܝܼܵܐ ܕܥܸܙܹ̈ܐ ܓܘܼܪܘܸܣܵܐ ܠܹܗ ܓܵܢܹܗ ܪܵܒܵܐ ܪܵܒܵܐ. ܐܝܼܢܵܐ ܟܲܕ ܙܘܼܪܒܸܢܹܗ، ܦܝܼܫ ܠܵܗ̇ ܬܒ݂ܝܼܪܬܵܐ ܩܵܪ݇ܢܹܗ ܓܘܼܪܬܵܐ، ܘܐ݇ܣܝܼܩ ܠܗܘܿܢ ܐܲܪܒܲܥ ܐ݇ܚܹܪ̈݇ܢܹܐ ܡܸܬܚܲܙܝܵܢܹ̈ܐ ܒܕܘܼܟܬܘܼܗ̇، ܠܐܲܪܒܥܵܐ ܦܵܘܚܹ̈ܐ ܕܫܡܲܝܵܐ. 9ܘܡ̣ܢ ܚܕܵܐ ܡܸܢܲܝܗܝ ܦܠܝܼܛ ܠܵܗ̇ ܚܕܵܐ ܩܵܪ݇ܢܵܐ ܙܥܘܿܪܬܵܐ، ܘܓܘܼܪܘܸܣ ܠܵܗ̇ ܙܵܘܕܵܐ ܠܵܬܲܝܡܢܵܐ، ܘܠܵܡܲܕܢܚܵܐ، ܘܠܵܐܲܪܥܵܐ ܕܚܸܩܪܵܐ. 10ܘܓܘܼܪܘܸܣ ܠܵܗ̇ ܗܲܠ ܚܲܝܠܵܘܵܬܹ̈ܐ ܕܫܡܲܝܵܐ، ܘܡܘܼܢܦܸܠ ܠܵܗ̇ ܠܐܲܪܥܵܐ ܡ̣ܢ ܚܲܝܠܵܘܵܬܹ̈ܐ ܘܡ̣ܢ ܟܵܘܟ݂ܒܹ̈ܐ، ܘܕܘܼܫܕܸܫܲܝ ܠܵܗ̇. 11ܘܗܲܠ ܪܲܒ ܚܲܝܠܵܘܵܬܹ̈ܐ ܓܘܼܪܘܸܣܵܐ ܠܹܗ ܓܵܢܹܗ، ܘܡ̣ܢ ܪܲܒ ܚܲܝܠܵܘܵܬܹ̈ܐ ܒܘܼܛܸܠ ܠܹܗ ܕܸܒ݂ܚܵܐ ܐܲܡܝܼܢܵܐ، ܘܫܪܹܐ ܠܹܗ ܕܘܼܟܬܵܐ ܕܡܲܩܕܫܹܗ. 12ܘܚܲܝܠܵܘܵܬܹ̈ܐ ܦܝܼܫ ܠܗܘܿܢ ܣܘܼܦܝܹܐ ܠܩܵܪ݇ܢܵܐ ܥܲܡ ܕܸܒ݂ܚܵܐ ܐܲܡܝܼܢܵܐ ܒܘܼܬ ܓܢܵܗܵܐ، ܘܪܘܼܦܹܐ ܠܵܗ̇ ܫܲܪܝܼܪܘܼܬܵܐ ܠܐܲܪܥܵܐ، ܘܒܡܸܢܕܝܼ ܕܥܒ݂ܝܼܕ ܠܵܗ̇، ܡܘܼܢܬܹܐ ܠܵܗ̇.
13ܘܫܡܝܼܥ ܠܝܼ ܚܲܕ ܩܲܕܝܼܫܵܐ ܗܲܡܙܘܼܡܹܐ، ܘܐ݇ܡܝܼܪܹܗ ܚܲܕ ܩܲܕܝܼܫܵܐ ܐ݇ܚܹܪ݇ܢܵܐ ܠܦܸܠܵܢ ܕܗܲܡܙܘܼܡܹܐ ܝܗ݇ܘܵܐ، ”ܟܡܵܐ ܒܸܬ ܗܵܘܹܐ ܡܸܬܚܵܐ ܕܩܵܘܲܡܝܵܬܹ̈ܐ ܕܚܸܙܘܵܐ ܒܘܼܬ ܕܸܒ݂ܚܵܐ ܐܲܡܝܼܢܵܐ، ܘܒܘܼܬ ܓܢܵܗܵܐ ܥܵܒ݂ܕܵܢܬܵܐ ܕܡܘܼܫܲܡܸܪ، ܠܝܼܵܗ݇ܒ݂ܵܐ ܒܹܝܬ ܩܘܼܕܫܵܐ ܘܐܘܼܦ ܚܲܝܠܵܘܵܬܹ̈ܐ ܠܕܲܫܕܲܫܬܵܐ؟“ 14ܘܐ݇ܡܝܼܪܹܗ ܐܸܠܝܼ، ”ܗܲܠ ܬܪܹܝ ܐܲܠܦܹ̈ܐ ܘܬܠܵܬܡܵܐܐ ܪ̈ܲܡܫܹܐ ܘܨܲܦܪܹ̈ܐ، ܗ̇ܝܓܵܗ ܒܸܬ ܦܵܐܹܫ ܕܘܼܟ݂ܝܵܐ ܒܹܝܬ ܩܘܼܕܫܵܐ.“
ܓܲܒ݂ܪܝܼܹܠ ܡܲܦܪܘܼܡܹܐ ܠܚܸܙܘܵܐ
15ܘܗܘܹܐ ܠܵܗ̇ ܟܲܕ ܐܵܢܵܐ ܕܵܢܝܼܐܹܝܠ ܚܙܹܐ ܠܝܼ ܚܸܙܘܵܐ، ܗ̇ܝܓܵܗ ܛܥܹܐ ܠܝܼ ܠܦܲܪܡܵܝܬܹܗ، ܘܗܵܐ، ܟܸܠܝܵܐ ܠܒܲܠܩܘܼܒ݂ܠܝܼ ܚܲܕ ܐܲܝܟ݂ ܕܡܘܼܬܵܐ ܕܓܲܒ݂ܪܵܐ. 16ܘܫܡܝܼܥ ܠܝܼ ܩܵܠܵܐ ܕܒܲܪܢܵܫܵܐ ܒܹܝܠ ܫܵܩܝܼܬܵܐ ܕܐܘܿܠܲܝ، ܘܩܪܹܐ ܠܹܗ ܘܐ݇ܡܝܼܪܹܗ، ”ܝܵܐ ܓܲܒ݂ܪܝܼܹܠ، ܡܲܦܪܸܡ ܠܐܵܗܵܐ ܠܚܸܙܘܵܐ.“ 17ܘܐ݇ܬܹܐ ܠܹܗ ܠܟܸܣ ܕܘܼܟܬܵܐ ܕܒܸܟܠܵܝܵܐ ܝܘܸܢ ܗ݇ܘܵܐ. ܘܟܲܕ ܐ݇ܬܹܐ ܠܹܗ، ܙܕܝܼܥ ܠܝܼ، ܘܢܦܝܼܠ ܠܝܼ ܥܲܠ ܦܵܬܝܼ، ܘܐ݇ܡܝܼܪܹܗ ܐܸܠܝܼ، ”ܦܲܪܡܝܼ، ܝܵܐ ܒܲܪܢܵܫܵܐ، ܕܠܚܲܪܬܵܐ ܕܙܲܒ݂ܢܹ̈ܐ ܝܠܹܗ ܚܸܙܘܵܐ.“
18ܘܟܲܕ ܗܘܼܡܙܸܡ ܠܹܗ ܥܲܡܝܼ، ܛܠܝܼܥ ܠܝܼ ܟܲܕ ܦܵܬܝܼ ܠܐܲܪܥܵܐ، ܐܝܼܢܵܐ ܕܩܝܼܪܹܗ ܒܝܼܝܼ، ܘܡܘܼܟܠܝܼܸܢܹܗ ܥܲܠ ܐܲܩܠܝܼ̈. 19ܘܐ݇ܡܝܼܪܹܗ، ”ܗܵܐ، ܡܲܕܘܼܥܘܼܟ݂ ܝܼܘܸܢ ܡܸܢܕܝܼ ܕܒܸܬ ܗܵܘܹܐ ܒܚܲܪܬܵܐ ܕܟܲܪܒܵܐ، ܣܵܒܵܒ ܠܥܕܵܢܵܐ ܪܫܝܼܡܬܵܐ ܕܚܲܪܬܵܐ ܕܙܲܒ݂ܢܹ̈ܐ ܝܠܹܗ. 20ܒܲܪܥܵܢܵܐ ܡܵܪܹܐ ܬܲܪܬܹܝ ܩܵܪ̈݇ܢܵܢܹܐ ܕܚܙܹܐ ܠܘܼܟ݂، ܡܲܠܟܹ̈ܐ ܕܡܵܕܵܝ ܘܦܵܪܸܣ ܝܼܢܵܐ. 21ܘܢܹܐܪܝܼܵܐ ܣܲܥܪܵܢܵܐ، ܡܲܠܟܵܐ ܕܝܵܘܵܢ ܝܼܠܹܗ، ܘܩܵܪ݇ܢܵܐ ܓܘܼܪܬܵܐ ܕܒܹܝܠ ܥܲܝܢܘܼ̈ܗܝ، ܗ̇ܘ ܝܼܠܹܗ ܡܲܠܟܵܐ ܩܵܕ݇ܡܵܝܵܐ. 22ܘܟܲܕ ܦܝܼܫ ܠܵܗ̇ ܬܒ݂ܝܼܪܬܵܐ، ܘܩܝܼܡ ܠܗܘܿܢ ܐܲܪܒܲܥ ܒܕܘܼܟܬܘܼܗ̇، ܐܲܪܒܲܥ ܡܲܠܟܘܵܬܹ̈ܐ ܡ̣ܢ ܐܘܼܡܬܹܗ ܒܸܬ ܩܵܝܡܝܼ، ܐܝܼܢܵܐ ܠܵܐ ܒܚܲܝܠܹܗ.
23ܘܒܚܲܪܬܵܐ ܕܡܲܠܟܘܼܬܲܝܗܝ،
ܟܲܕ ܬܲܡܸܡܝܼ ܥܵܒ݂ܕܵܢܹ̈ܐ ܕܓܢܵܗܵܐ،
ܒܸܬ ܩܵܐܹܡ ܡܲܠܟܵܐ ܦܵܬܹܗ ܩܫܝܼܬܵܐ،
ܘܦܲܪܡܝܼܵܢܵܐ ܕܩܸܨܸܡܝܵܬܹ̈ܐ.
24ܘܒܸܬ ܙܲܪܒܸܢ ܚܲܝܠܹܗ، ܐܝܼܢܵܐ ܠܵܐ ܒܚܲܝܠܵܐ ܕܓܵܢܹܗ،
ܘܒܥܵܓ̰ܸܒܘܼܬܵܐ ܒܸܬ ܡܲܚܪܸܒ݂،
ܘܒܸܬ ܡܲܢܬܹܐ، ܘܒܸܬ ܬܲܡܸܡ،
ܘܒܸܬ ܡܲܚܪܸܒ݂ ܙܲܪ̈ܒܵܢܹܐ
ܘܥܲܡܵܐ ܕܩܲܕܝܼܫܹ̈ܐ.
25ܘܒܨܢܝܼܥܘܼܬܹܗ
ܒܸܬ ܥܵܒܹܕ ܕܡܲܢܬܹܐ ܦܸܠܡܵܐ ܒܐܝܼܕܹܗ،
ܘܒܠܸܒܹܗ ܒܸܬ ܓܲܪܘܸܣ ܠܵܗ̇ ܓܵܢܹܗ،
ܘܓܵܘ ܫܸܠܝܘܼܬܵܐ ܒܸܬ ܡܲܚܪܸܒ݂ ܪܵܒܵܐ،
ܘܥܲܠ ܪܹܫܵܐ ܕܪܹ̈ܫܵܢܹܐ ܒܸܬ ܩܵܐܹܡ،
ܐܝܼܢܵܐ ܒܠܵܐ ܕܩܵܪܬܵܐ ܕܐܝܼܕܵܐ ܒܸܬ ܦܵܐܹܫ ܬܒ݂ܝܼܪܵܐ.
26ܘܚܸܙܘܵܐ ܕܪܲܡܫܵܐ ܘܨܲܦܪܵܐ
ܕܦܝܼܫ ܠܹܗ ܐ݇ܡܝܼܪܵܐ ܫܲܪܝܼܪܵܐ ܝܠܹܗ،
ܐܝܼܢܵܐ ܐܲܢ݇ܬ ܟܲܣܝܼ ܠܹܗ ܚܸܙܘܵܐ،
ܣܵܒܵܒ ܩܵܐ ܕܲܥܬܝܼܕ ܪܲܚܝܼܩܵܐ ܝܠܹܗ.“
27ܘܐܵܢܵܐ ܕܵܢܝܼܐܹܝܠ ܕܘܼܪܕܸܫ̃ ܠܝܼ ܘܡܪܝܼܥ ܠܝܼ ܟܡܵܐ ܝܵܘܡܵܢܹ̈ܐ. ܒܵܬ݇ܪ ܗܵܕܵܐ ܩܝܼܡ ܠܝܼ ܘܥܒ݂ܝܼܕ ܠܝܼ ܫܘܼܠܵܐ ܕܡܲܠܟܵܐ، ܐܝܼܢܵܐ ܦܝܼܫ ܠܝܼ ܬܡܝܼܗܵܐ ܥܲܠ ܚܸܙܘܵܐ، ܘܠܲܝܬ ܗ݇ܘܵܐ ܦܲܪܡܝܼܵܢܵܐ.
Právě zvoleno:
ܕܢܝܐܝܠ 8: ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation
ܕܢܝܐܝܠ 8
8
ܚܸܙܘܵܐ ܕܒܲܪܥܵܢܵܐ ܘܢܹܐܪܝܼܵܐ ܕܥܸܙܹ̈ܐ
1ܒܫܹܢ݇ܬܵܐ ܕܬܠܵܬ ܕܡܲܠܟܘܼܬܵܐ ܕܒܸܠܫܵܨܲܪ ܡܲܠܟܵܐ، ܚܸܙܘܵܐ ܦܝܼܫ ܠܹܗ ܚܸܙܝܵܐ ܐܸܠܝܼ، ܐܵܢܵܐ ܕܵܢܝܼܐܹܝܠ، ܡܒܵܬ݇ܪ ܕܗ̇ܘ ܕܦܝܼܫ ܠܹܗ ܚܸܙܝܵܐ ܐܸܠܝܼ ܒܩܵܕ݇ܡܵܝܬܵܐ. 2ܘܚܙܹܐ ܠܝܼ ܒܚܸܙܘܵܐ، ܘܗܘܹܐ ܠܵܗ̇ ܒܚܙܵܝܬܝܼ، ܘܐܵܢܵܐ ܓܵܘ ܫܘܿܫܲܢ ܒܝܼܪܬܵܐ، ܕܒܥܝܼܠܵܡ ܐܘܼܚܕܵܢܵܐ. ܘܚܙܹܐ ܠܝܼ ܒܚܸܙܘܵܐ، ܘܐܵܢܵܐ ܟܸܠܝܵܐ ܝܘܸܢ ܗ݇ܘܵܐ ܥܲܠ ܡܲܪܙܵܐ ܕܢܲܗܪܵܐ ܕܥܘܿܠܲܝ. 3ܘܡܘܼܪܸܡ ܠܝܼ ܥܲܝܢܝܼ̈ ܘܚܙܹܐ ܠܝܼ، ܘܗܵܐ، ܚܲܕ ܒܲܪܥܵܢܵܐ ܟܸܠܝܵܐ ܩܵܕ݇ܡ ܢܲܗܪܵܐ، ܘܐܸܠܹܗ ܬܲܪܬܹܝ ܩܵܪ̈݇ܢܵܢܹܐ ܪ̈ܵܡܹܐ، ܐܝܼܢܵܐ ܚܕܵܐ ܒܘܼܫ ܪܵܡܬܵܐ ܡ̣ܢ ܕܗ̇ܝ ܐ݇ܚܹܪ݇ܬܵܐ، ܘܗ̇ܝ ܪܵܡܬܵܐ ܐ݇ܣܝܼܩ ܠܵܗ̇ ܒܐ݇ܚܵܪܵܝܬܵܐ. 4ܚܙܹܐ ܠܝܼ ܒܲܪܥܵܢܵܐ ܒܸܡܚܵܝܵܐ ܕܸܩܪܹ̈ܐ ܠܡܲܥܪܒ݂ܵܐ ܘܠܓܲܪܒܝܵܐ ܘܠܬܲܝܡܢܵܐ، ܘܗܸܟ̃ ܚܲܝܘܬܵܐ ܠܹܐ ܟܵܠܝܵܐ ܗ݇ܘܵܘ ܩܵܕ݇ܡܘܼܗܝ، ܘܠܲܝܬ ܗ݇ܘܵܐ ܕܦܲܨܹܐ ܗ݇ܘܵܐ ܡ̣ܢ ܐܝܼܕܹܗ، ܘܥܒ݂ܝܼܕ ܠܹܗ ܐܲܝܟ݂ ܨܸܒ݂ܝܵܢܹܗ ܘܓܘܼܪܘܸܣܵܐ ܠܹܗ ܓܵܢܹܗ.
5ܘܐܵܢܵܐ ܗܘܹܐ ܠܝܼ ܬܲܚܡܘܼܢܹܐ، ܘܗܵܐ ܢܹܐܪܝܼܵܐ ܕܥܸܙܹ̈ܐ ܐ݇ܬܹܐ ܠܹܗ ܡ̣ܢ ܡܲܥܪܒ݂ܵܐ ܥܲܠ ܦܵܬܵܐ ܕܟܠܵܗ̇ ܐܲܪܥܵܐ، ܘܠܵܐ ܒܸܕܩܵܪܵܐ ܒܐܲܪܥܵܐ؛ ܘܢܹܐܪܝܼܵܐ ܐܝܼܬ ܗ݇ܘܵܐ ܠܹܗ ܩܵܪ݇ܢܵܐ ܡܸܬܚܲܙܝܵܢܬܵܐ ܒܹܝܠ ܥܲܝܢܘܼ̈ܗܝ. 6ܘܐ݇ܬܹܐ ܠܹܗ ܗܲܠ ܒܲܪܥܵܢܵܐ ܡܵܪܹܐ ܬܲܪܬܹܝ ܩܵܪ̈݇ܢܵܢܹܐ ܕܚܙܹܐ ܠܝܼ ܟܸܠܝܵܐ ܩܵܕ݇ܡ ܢܲܗܪܵܐ، ܘܪܚܝܼܛ ܠܹܗ ܥܲܠܘܼܗܝ ܒܚܸܡܬܵܐ ܕܚܲܝܠܹܗ. 7ܘܩܲܡ ܚܵܙܹܝܢܹܗ ܒܸܡܛܵܝܵܐ ܠܟܸܣ ܒܲܪܥܵܢܵܐ، ܘܡܘܼܪܡܸܪܹܗ ܥܲܠܘܼܗܝ، ܘܡܚܹܐ ܠܹܗ ܠܒܲܪܥܵܢܵܐ، ܘܬܒ݂ܝܼܪܹܗ ܠܬܸܪܘܲܝܗܝ ܩܵܪ̈݇ܢܵܢܘܼܗܝ، ܘܠܵܐ ܗܘܹܐ ܠܹܗ ܚܲܝܠܵܐ ܒܒܲܪܥܵܢܵܐ ܠܸܟܠܵܝܵܐ ܩܵܕ݇ܡܘܼܗܝ، ܘܩܲܡ ܚܲܪܙܸܦ ܠܹܗ ܠܐܲܪܥܵܐ، ܘܩܲܡ ܕܲܫܕܸܫ ܠܹܗ، ܘܠܵܐ ܗܘܹܐ ܠܹܗ ܦܲܨܝܵܢܵܐ ܠܒܲܪܥܵܢܵܐ ܡ̣ܢ ܐܝܼܕܹܗ. 8ܘܢܹܐܪܝܼܵܐ ܕܥܸܙܹ̈ܐ ܓܘܼܪܘܸܣܵܐ ܠܹܗ ܓܵܢܹܗ ܪܵܒܵܐ ܪܵܒܵܐ. ܐܝܼܢܵܐ ܟܲܕ ܙܘܼܪܒܸܢܹܗ، ܦܝܼܫ ܠܵܗ̇ ܬܒ݂ܝܼܪܬܵܐ ܩܵܪ݇ܢܹܗ ܓܘܼܪܬܵܐ، ܘܐ݇ܣܝܼܩ ܠܗܘܿܢ ܐܲܪܒܲܥ ܐ݇ܚܹܪ̈݇ܢܹܐ ܡܸܬܚܲܙܝܵܢܹ̈ܐ ܒܕܘܼܟܬܘܼܗ̇، ܠܐܲܪܒܥܵܐ ܦܵܘܚܹ̈ܐ ܕܫܡܲܝܵܐ. 9ܘܡ̣ܢ ܚܕܵܐ ܡܸܢܲܝܗܝ ܦܠܝܼܛ ܠܵܗ̇ ܚܕܵܐ ܩܵܪ݇ܢܵܐ ܙܥܘܿܪܬܵܐ، ܘܓܘܼܪܘܸܣ ܠܵܗ̇ ܙܵܘܕܵܐ ܠܵܬܲܝܡܢܵܐ، ܘܠܵܡܲܕܢܚܵܐ، ܘܠܵܐܲܪܥܵܐ ܕܚܸܩܪܵܐ. 10ܘܓܘܼܪܘܸܣ ܠܵܗ̇ ܗܲܠ ܚܲܝܠܵܘܵܬܹ̈ܐ ܕܫܡܲܝܵܐ، ܘܡܘܼܢܦܸܠ ܠܵܗ̇ ܠܐܲܪܥܵܐ ܡ̣ܢ ܚܲܝܠܵܘܵܬܹ̈ܐ ܘܡ̣ܢ ܟܵܘܟ݂ܒܹ̈ܐ، ܘܕܘܼܫܕܸܫܲܝ ܠܵܗ̇. 11ܘܗܲܠ ܪܲܒ ܚܲܝܠܵܘܵܬܹ̈ܐ ܓܘܼܪܘܸܣܵܐ ܠܹܗ ܓܵܢܹܗ، ܘܡ̣ܢ ܪܲܒ ܚܲܝܠܵܘܵܬܹ̈ܐ ܒܘܼܛܸܠ ܠܹܗ ܕܸܒ݂ܚܵܐ ܐܲܡܝܼܢܵܐ، ܘܫܪܹܐ ܠܹܗ ܕܘܼܟܬܵܐ ܕܡܲܩܕܫܹܗ. 12ܘܚܲܝܠܵܘܵܬܹ̈ܐ ܦܝܼܫ ܠܗܘܿܢ ܣܘܼܦܝܹܐ ܠܩܵܪ݇ܢܵܐ ܥܲܡ ܕܸܒ݂ܚܵܐ ܐܲܡܝܼܢܵܐ ܒܘܼܬ ܓܢܵܗܵܐ، ܘܪܘܼܦܹܐ ܠܵܗ̇ ܫܲܪܝܼܪܘܼܬܵܐ ܠܐܲܪܥܵܐ، ܘܒܡܸܢܕܝܼ ܕܥܒ݂ܝܼܕ ܠܵܗ̇، ܡܘܼܢܬܹܐ ܠܵܗ̇.
13ܘܫܡܝܼܥ ܠܝܼ ܚܲܕ ܩܲܕܝܼܫܵܐ ܗܲܡܙܘܼܡܹܐ، ܘܐ݇ܡܝܼܪܹܗ ܚܲܕ ܩܲܕܝܼܫܵܐ ܐ݇ܚܹܪ݇ܢܵܐ ܠܦܸܠܵܢ ܕܗܲܡܙܘܼܡܹܐ ܝܗ݇ܘܵܐ، ”ܟܡܵܐ ܒܸܬ ܗܵܘܹܐ ܡܸܬܚܵܐ ܕܩܵܘܲܡܝܵܬܹ̈ܐ ܕܚܸܙܘܵܐ ܒܘܼܬ ܕܸܒ݂ܚܵܐ ܐܲܡܝܼܢܵܐ، ܘܒܘܼܬ ܓܢܵܗܵܐ ܥܵܒ݂ܕܵܢܬܵܐ ܕܡܘܼܫܲܡܸܪ، ܠܝܼܵܗ݇ܒ݂ܵܐ ܒܹܝܬ ܩܘܼܕܫܵܐ ܘܐܘܼܦ ܚܲܝܠܵܘܵܬܹ̈ܐ ܠܕܲܫܕܲܫܬܵܐ؟“ 14ܘܐ݇ܡܝܼܪܹܗ ܐܸܠܝܼ، ”ܗܲܠ ܬܪܹܝ ܐܲܠܦܹ̈ܐ ܘܬܠܵܬܡܵܐܐ ܪ̈ܲܡܫܹܐ ܘܨܲܦܪܹ̈ܐ، ܗ̇ܝܓܵܗ ܒܸܬ ܦܵܐܹܫ ܕܘܼܟ݂ܝܵܐ ܒܹܝܬ ܩܘܼܕܫܵܐ.“
ܓܲܒ݂ܪܝܼܹܠ ܡܲܦܪܘܼܡܹܐ ܠܚܸܙܘܵܐ
15ܘܗܘܹܐ ܠܵܗ̇ ܟܲܕ ܐܵܢܵܐ ܕܵܢܝܼܐܹܝܠ ܚܙܹܐ ܠܝܼ ܚܸܙܘܵܐ، ܗ̇ܝܓܵܗ ܛܥܹܐ ܠܝܼ ܠܦܲܪܡܵܝܬܹܗ، ܘܗܵܐ، ܟܸܠܝܵܐ ܠܒܲܠܩܘܼܒ݂ܠܝܼ ܚܲܕ ܐܲܝܟ݂ ܕܡܘܼܬܵܐ ܕܓܲܒ݂ܪܵܐ. 16ܘܫܡܝܼܥ ܠܝܼ ܩܵܠܵܐ ܕܒܲܪܢܵܫܵܐ ܒܹܝܠ ܫܵܩܝܼܬܵܐ ܕܐܘܿܠܲܝ، ܘܩܪܹܐ ܠܹܗ ܘܐ݇ܡܝܼܪܹܗ، ”ܝܵܐ ܓܲܒ݂ܪܝܼܹܠ، ܡܲܦܪܸܡ ܠܐܵܗܵܐ ܠܚܸܙܘܵܐ.“ 17ܘܐ݇ܬܹܐ ܠܹܗ ܠܟܸܣ ܕܘܼܟܬܵܐ ܕܒܸܟܠܵܝܵܐ ܝܘܸܢ ܗ݇ܘܵܐ. ܘܟܲܕ ܐ݇ܬܹܐ ܠܹܗ، ܙܕܝܼܥ ܠܝܼ، ܘܢܦܝܼܠ ܠܝܼ ܥܲܠ ܦܵܬܝܼ، ܘܐ݇ܡܝܼܪܹܗ ܐܸܠܝܼ، ”ܦܲܪܡܝܼ، ܝܵܐ ܒܲܪܢܵܫܵܐ، ܕܠܚܲܪܬܵܐ ܕܙܲܒ݂ܢܹ̈ܐ ܝܠܹܗ ܚܸܙܘܵܐ.“
18ܘܟܲܕ ܗܘܼܡܙܸܡ ܠܹܗ ܥܲܡܝܼ، ܛܠܝܼܥ ܠܝܼ ܟܲܕ ܦܵܬܝܼ ܠܐܲܪܥܵܐ، ܐܝܼܢܵܐ ܕܩܝܼܪܹܗ ܒܝܼܝܼ، ܘܡܘܼܟܠܝܼܸܢܹܗ ܥܲܠ ܐܲܩܠܝܼ̈. 19ܘܐ݇ܡܝܼܪܹܗ، ”ܗܵܐ، ܡܲܕܘܼܥܘܼܟ݂ ܝܼܘܸܢ ܡܸܢܕܝܼ ܕܒܸܬ ܗܵܘܹܐ ܒܚܲܪܬܵܐ ܕܟܲܪܒܵܐ، ܣܵܒܵܒ ܠܥܕܵܢܵܐ ܪܫܝܼܡܬܵܐ ܕܚܲܪܬܵܐ ܕܙܲܒ݂ܢܹ̈ܐ ܝܠܹܗ. 20ܒܲܪܥܵܢܵܐ ܡܵܪܹܐ ܬܲܪܬܹܝ ܩܵܪ̈݇ܢܵܢܹܐ ܕܚܙܹܐ ܠܘܼܟ݂، ܡܲܠܟܹ̈ܐ ܕܡܵܕܵܝ ܘܦܵܪܸܣ ܝܼܢܵܐ. 21ܘܢܹܐܪܝܼܵܐ ܣܲܥܪܵܢܵܐ، ܡܲܠܟܵܐ ܕܝܵܘܵܢ ܝܼܠܹܗ، ܘܩܵܪ݇ܢܵܐ ܓܘܼܪܬܵܐ ܕܒܹܝܠ ܥܲܝܢܘܼ̈ܗܝ، ܗ̇ܘ ܝܼܠܹܗ ܡܲܠܟܵܐ ܩܵܕ݇ܡܵܝܵܐ. 22ܘܟܲܕ ܦܝܼܫ ܠܵܗ̇ ܬܒ݂ܝܼܪܬܵܐ، ܘܩܝܼܡ ܠܗܘܿܢ ܐܲܪܒܲܥ ܒܕܘܼܟܬܘܼܗ̇، ܐܲܪܒܲܥ ܡܲܠܟܘܵܬܹ̈ܐ ܡ̣ܢ ܐܘܼܡܬܹܗ ܒܸܬ ܩܵܝܡܝܼ، ܐܝܼܢܵܐ ܠܵܐ ܒܚܲܝܠܹܗ.
23ܘܒܚܲܪܬܵܐ ܕܡܲܠܟܘܼܬܲܝܗܝ،
ܟܲܕ ܬܲܡܸܡܝܼ ܥܵܒ݂ܕܵܢܹ̈ܐ ܕܓܢܵܗܵܐ،
ܒܸܬ ܩܵܐܹܡ ܡܲܠܟܵܐ ܦܵܬܹܗ ܩܫܝܼܬܵܐ،
ܘܦܲܪܡܝܼܵܢܵܐ ܕܩܸܨܸܡܝܵܬܹ̈ܐ.
24ܘܒܸܬ ܙܲܪܒܸܢ ܚܲܝܠܹܗ، ܐܝܼܢܵܐ ܠܵܐ ܒܚܲܝܠܵܐ ܕܓܵܢܹܗ،
ܘܒܥܵܓ̰ܸܒܘܼܬܵܐ ܒܸܬ ܡܲܚܪܸܒ݂،
ܘܒܸܬ ܡܲܢܬܹܐ، ܘܒܸܬ ܬܲܡܸܡ،
ܘܒܸܬ ܡܲܚܪܸܒ݂ ܙܲܪ̈ܒܵܢܹܐ
ܘܥܲܡܵܐ ܕܩܲܕܝܼܫܹ̈ܐ.
25ܘܒܨܢܝܼܥܘܼܬܹܗ
ܒܸܬ ܥܵܒܹܕ ܕܡܲܢܬܹܐ ܦܸܠܡܵܐ ܒܐܝܼܕܹܗ،
ܘܒܠܸܒܹܗ ܒܸܬ ܓܲܪܘܸܣ ܠܵܗ̇ ܓܵܢܹܗ،
ܘܓܵܘ ܫܸܠܝܘܼܬܵܐ ܒܸܬ ܡܲܚܪܸܒ݂ ܪܵܒܵܐ،
ܘܥܲܠ ܪܹܫܵܐ ܕܪܹ̈ܫܵܢܹܐ ܒܸܬ ܩܵܐܹܡ،
ܐܝܼܢܵܐ ܒܠܵܐ ܕܩܵܪܬܵܐ ܕܐܝܼܕܵܐ ܒܸܬ ܦܵܐܹܫ ܬܒ݂ܝܼܪܵܐ.
26ܘܚܸܙܘܵܐ ܕܪܲܡܫܵܐ ܘܨܲܦܪܵܐ
ܕܦܝܼܫ ܠܹܗ ܐ݇ܡܝܼܪܵܐ ܫܲܪܝܼܪܵܐ ܝܠܹܗ،
ܐܝܼܢܵܐ ܐܲܢ݇ܬ ܟܲܣܝܼ ܠܹܗ ܚܸܙܘܵܐ،
ܣܵܒܵܒ ܩܵܐ ܕܲܥܬܝܼܕ ܪܲܚܝܼܩܵܐ ܝܠܹܗ.“
27ܘܐܵܢܵܐ ܕܵܢܝܼܐܹܝܠ ܕܘܼܪܕܸܫ̃ ܠܝܼ ܘܡܪܝܼܥ ܠܝܼ ܟܡܵܐ ܝܵܘܡܵܢܹ̈ܐ. ܒܵܬ݇ܪ ܗܵܕܵܐ ܩܝܼܡ ܠܝܼ ܘܥܒ݂ܝܼܕ ܠܝܼ ܫܘܼܠܵܐ ܕܡܲܠܟܵܐ، ܐܝܼܢܵܐ ܦܝܼܫ ܠܝܼ ܬܡܝܼܗܵܐ ܥܲܠ ܚܸܙܘܵܐ، ܘܠܲܝܬ ܗ݇ܘܵܐ ܦܲܪܡܝܼܵܢܵܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation