ܕܢܝܐܝܠ 11
11
1”ܘܐܵܢܵܐ، ܒܫܹܢ݇ܬܵܐ ܕܚܕܵܐ ܠܕܲܪܝܵܘܵܫ ܡܵܕܵܝܵܐ، ܟܠܹܐ ܠܝܼ ܠܚܲܠܘܼܢܹܐ ܘܠܙܲܪܒܘܼܢܹܐ ܠܡܝܼܟ݂ܵܐܹܝܠ.
ܡܲܠܟܹ̈ܐ ܕܬܲܝܡܢܵܐ ܘܓܲܪܒܝܵܐ
2ܘܐܵܕܝܼܵܐ ܫܪܵܪܵܐ ܒܸܬ ܡܲܕܥܸܢܘܼܟ݂. ܗܵܐ، ܗܹܫ ܬܠܵܬܵܐ ܡܲܠܟܹ̈ܐ ܒܸܬ ܩܵܝܡܝܼ ܒܦܵܪܸܣ، ܘܕܐܲܪܒܥܵܐ ܒܸܬ ܡܲܙܝܸܕ ܥܘܼܬܪܵܐ ܓܘܼܪܵܐ ܒܘܼܫ ܡ̣ܢ ܟܠܲܝܗܝ. ܘܟܲܕ ܚܲܠܸܢ ܒܥܘܼܬܪܹܗ ܒܸܬ ܡܲܪܥܸܫ ܟܠܲܝܗܝ ܕܲܠܩܘܼܒ݂ܠ ܕܡܲܠܟܘܼܬܵܐ ܕܝܵܘܵܢ.
3ܘܒܸܬ ܩܵܐܹܡ ܡܲܠܟܵܐ ܓܲܢ݇ܒܵܪܵܐ، ܘܒܸܬ ܥܵܒܹܕ ܫܘܼܠܛܵܢܵܐ ܓܘܼܪܵܐ، ܘܒܸܬ ܥܵܒܹܕ ܐܲܝܟ݂ ܨܸܒ݂ܝܵܢܹܗ. 4ܐܝܼܢܵܐ ܟܲܕ ܩܵܐܹܡ، ܒܸܬ ܦܵܝܫܵܐ ܬܒ݂ܝܼܪܬܵܐ ܡܲܠܟܘܼܬܹܗ، ܘܒܸܬ ܦܵܝܫܵܐ ܦܘܼܠܸܥܬܵܐ ܠܐܲܪܒܥܵܐ ܦܵܘܚܹ̈ܐ ܕܫܡܲܝܵܐ، ܐܸܠܵܐ ܠܵܐ ܠܝܘܼܒܵܠܹܗ، ܘܠܵܐ ܐܲܝܟ݂ ܫܘܼܠܛܵܢܹܗ ܕܥܒ݂ܝܼܕ ܠܹܗ، ܣܵܒܵܒ ܒܸܬ ܦܵܝܫܵܐ ܢܟ̰ܝܼܠܬܵܐ ܡܲܠܟܘܼܬܹܗ، ܘܠܐ݇ܚܹܪ̈݇ܢܹܐ ܠܒܲܕܲܪ ܡ̣ܢ ܝܘܼܒܵܠܹܗ ܒܸܬ ܦܵܝܫܵܐ ܝܘܼܗ݇ܒܸܠܬܵܐ.
5ܗ̇ܝܓܵܗ ܒܸܬ ܚܲܠܸܢ ܡܲܠܟܵܐ ܕܬܲܝܡܢܵܐ، ܐܝܼܢܵܐ ܚܲܕ ܡ̣ܢ ܓܘܼܪ̈ܵܢܘܼܗܝ ܒܸܬ ܚܲܠܸܢ ܥܲܠܘܼܗܝ، ܘܒܸܬ ܥܵܒܹܕ ܫܘܼܠܛܵܢܵܐ ܓܘܼܪܵܐ. 6ܘܒܚܲܪܬܵܐ ܕܫܸܢܹ̈ܐ ܒܸܬ ܥܵܒ݂ܕܝܼ ܚܲܒ݂ܪܘܼܬܵܐ، ܘܒܪܵܬܵܐ ܕܡܲܠܟܵܐ ܕܬܲܝܡܢܵܐ ܒܸܬ ܐܵܬܝܵܐ ܠܟܸܣ ܡܲܠܟܵܐ ܕܓܲܪܒܝܵܐ ܠܸܥܒ݂ܵܕܵܐ ܫܲܝܢܵܐ، ܐܝܼܢܵܐ ܠܹܐ ܡܵܨܝܵܐ ܠܚܲܡܘܼܝܹܐ ܚܲܝܠܵܐ ܕܫܘܼܠܛܵܢܘܼܗ̇، ܘܠܹܐ ܟܵܠܹܐ ܡܲܠܟܵܐ ܕܬܲܝܡܢܵܐ، ܐܘܼܦ ܠܵܐ ܫܘܼܠܛܵܢܹܗ. ܘܒܸܬ ܦܵܝܫܵܐ ܣܘܼܦܝܼܬܵܐ ܗ̇ܝ ܘܡܲܝܬܝܵܢܘܼ̈ܗ̇، ܘܡܵܘܠܕܵܢܘܼ̈ܗ̇، ܘܚܲܠܸܢܵܢܘܼܗ̇ ܒܗ̇ܘ ܙܲܒ݂ܢܵܐ. 7ܘܒܸܬ ܩܵܐܹܡ ܚܲܕ ܢܘܼܪ݇ܒ݂ܵܐ ܡ̣ܢ ܫܸܪܫܘܼܗ̇ ܒܕܘܼܟܬܹܗ، ܘܒܸܬ ܐܵܬܹܐ ܒܚܲܝܠܵܘܵܬܹ̈ܐ، ܘܒܸܬ ܥܵܒܹܪ ܓܵܘ ܩܲܠܥܵܐ ܕܡܲܠܟܵܐ ܕܓܲܪܒܝܵܐ، ܘܒܸܬ ܥܵܒܹܕ ܒܝܼܲܝܗܝ ܟܠ ܡܸܢܕܝܼ ܕܒܵܥܹܐ، ܘܒܸܬ ܡܲܚܙܹܐ ܚܲܝܠܹܗ. 8ܘܐܘܼܦ ܐܲܠܵܗܲܝ̈ܗܝ، ܥܲܡ ܨܲܠܡܲܝ̈ܗܝ ܪܸ̈ܡܝܹܐ، ܥܲܡ ܡܵܐܢܹ̈ܐ ܕܫܲܗܘܲܬܬܲܝܗܝ، ܣܹܐܡܵܐ ܘܕܲܗܒ݂ܵܐ، ܒܓܵܠܘܼܬܵܐ ܒܸܬ ܡܲܝܬܹܐ ܠܡܸܨܪܹܝܢ، ܘܗ̇ܘ ܒܘܼܫ ܙܵܘܕܵܐ ܫܸܢܹ̈ܐ ܒܸܬ ܩܵܐܹܡ ܡ̣ܢ ܡܲܠܟܵܐ ܕܓܲܪܒܝܵܐ. 9ܘܒܸܬ ܐܵܬܹܐ ܡܲܠܟܵܐ ܕܓܲܪܒܝܵܐ ܒܡܲܠܟܘܼܬܵܐ ܕܡܲܠܟܵܐ ܕܬܲܝܡܢܵܐ، ܐܝܼܢܵܐ ܒܸܬ ܕܵܐܹܪ ܠܐܲܪܥܹܗ. 10ܘܒܢܘܿܢܘܼ̈ܗܝ ܒܸܬ ܦܵܝܫܝܼ ܚܘܼܦܛܹܐ، ܘܒܸܬ ܓ̰ܲܡܥܝܼ ܟܸܢܫܵܐ ܕܚܲܝܠܵܘܵܬܹ̈ܐ ܪܵܒܵܐ، ܘܐ݇ܬܵܝܵܐ ܒܸܬ ܐܵܬܝܼ ܘܫܵܦܟ݂ܝܼ، ܘܥܵܒ݂ܪܝܼ. ܘܒܸܬ ܕܵܝܪܝܼ ܡܸܢܕܪܸܫ، ܘܒܸܬ ܦܵܝܫܝܼ ܚܘܼܦܛܹܐ ܗܲܠ ܩܲܠܥܹܗ. 11ܘܒܸܬ ܡܲܪܡܸܪ ܡܲܠܟܵܐ ܕܬܲܝܡܢܵܐ، ܘܒܸܬ ܦܵܠܹܛ، ܘܒܸܬ ܦܵܠܹܫ ܥܲܡ ܡܲܠܟܵܐ ܕܓܲܪܒܝܵܐ، ܘܒܸܬ ܡܲܩܸܡ ܡܲܠܟܵܐ ܕܓܲܪܒܝܵܐ ܟܸܢܫܵܐ ܓܘܼܪܵܐ، ܐܝܼܢܵܐ ܒܸܬ ܦܵܐܹܫ ܣܘܼܦܝܵܐ ܟܸܢܫܵܐ ܒܐܝܼܕܵܐ ܕܡܲܠܟܵܐ ܕܬܲܝܡܢܵܐ. 12ܟܲܕ ܛܲܠܸܩ ܠܟܸܢܫܵܐ، ܒܸܬ ܪܵܐܹܡ ܠܸܒܹܗ، ܘܒܸܬ ܡܲܢܦܸܠ ܪܸ̈ܒܘܵܬܹܐ، ܐܝܼܢܵܐ ܠܹܐ ܙܲܪܒܸܢ. 13ܣܵܒܵܒ ܒܸܬ ܕܵܐܹܪ ܡܲܠܟܵܐ ܕܓܲܪܒܝܵܐ، ܘܒܸܬ ܡܲܩܸܡ ܟܸܢܫܵܐ ܒܘܼܫ ܓܘܼܪܵܐ ܡ̣ܢ ܩܵܕ݇ܡܵܝܵܐ، ܘܒܵܬ݇ܪ ܡܸܬܚܵܐ ܕܟܡܵܐ ܫܸܢܹ̈ܐ، ܐ݇ܬܵܝܵܐ ܒܸܬ ܐܵܬܹܐ ܒܚܲܝܠܵܘܵܬܹ̈ܐ ܓܘܼܪܹ̈ܐ، ܘܒܡܸܢܕܝܼ ܪܵܒܵܐ.
14ܘܒܐܵܢܝܼ ܙܲܒ݂ܢܹ̈ܐ ܪܵܒܵܐ ܒܸܬ ܟܵܠܝܼ ܕܲܠܩܘܼܒ݂ܠ ܡܲܠܟܵܐ ܕܬܲܝܡܢܵܐ، ܘܒܢܘܿܢܹ̈ܐ ܚܵܛܘܿܦܹ̈ܐ ܕܥܲܡܵܐ ܕܝܼܘܼܟ݂ ܒܸܬ ܡܲܪܡܝܼ ܓܵܢܲܝܗܝ ܠܬܲܡܘܼܡܹܐ ܚܸܙܘܵܐ، ܐܝܼܢܵܐ ܒܸܬ ܢܵܦܠܝܼ. 15ܘܒܸܬ ܐܵܬܹܐ ܡܲܠܟܵܐ ܕܓܲܪܒܝܵܐ، ܘܕܵܪܹܐ ܣܲܢܓܵܪ، ܘܫܵܩܹܠ ܡܕܝܼܢ݇ܬܵܐ ܡܵܪܹܐ ܩܲܠܥܵܐ، ܘܚܲܝܠܵܘܵܬܹ̈ܐ ܕܬܲܝܡܢܵܐ ܠܹܐ ܟܵܠܝܼ ܡܩܵܘܝܵܢܹ̈ܐ، ܐܵܦܠܵܐ ܓܘܼܒܝܹ̈ܐ ܕܥܲܡܵܐ، ܘܠܹܐ ܗܵܘܹܐ ܚܲܝܠܵܐ ܒܝܼܲܝܗܝ ܠܸܟܠܵܝܵܐ. 16ܘܒܸܬ ܥܵܒܹܕ ܗ̇ܘ ܕܐܵܬܹܐ ܥܲܠܘܼܗܝ ܐܲܝܟ݂ ܨܸܒ݂ܝܵܢܹܗ، ܘܠܲܝܬ ܕܟܵܠܹܐ ܩܵܕ݇ܡܘܼܗܝ، ܘܒܸܬ ܥܲܪܩܸܠ ܒܐܲܪܥܵܐ ܕܫܘܼܒ݂ܚܵܐ، ܟܲܕ ܬܝܵܡܵܐ ܒܐܝܼܕܹܗ. 17ܘܒܸܬ ܡܲܬܸܒ݂ ܒܵܠܹܗ ܠܸܥܒ݂ܵܪܵܐ ܒܥܘܼܫܢܵܐ ܕܟܠܵܗ̇ ܡܲܠܟܘܼܬܹܗ، ܘܫܲܝܢܵܐ ܥܲܡ ܡܲܠܟܵܐ ܕܬܲܝܡܢܵܐ ܒܸܬ ܥܵܒܹܕ، ܘܒܪܵܬܹܗ ܒܸܬ ܝܲܗ݇ܒܸܠ ܐܸܠܹܗ ܠܡܲܚܪܘܼܒ݂ܘܼܗ̇ ܡܲܠܟܘܼܬܵܐ، ܐܝܼܢܵܐ ܠܹܐ ܟܵܠܝܵܐ، ܘܠܵܐ ܐܸܠܹܗ ܗܵܘܝܵܐ. 18ܘܒܸܬ ܡܲܕܸܪ ܒܵܠܹܗ ܠܓܵܙܪ̈ܵܬܹܐ، ܘܒܸܬ ܕܵܒܹܩ ܪܵܒܵܐ ܡܸܢܲܝܗܝ، ܐܝܼܢܵܐ ܚܲܕ ܫܲܠܝܼܛܵܐ ܒܸܬ ܒܲܛܸܠ ܠܵܘܡܵܐ ܕܡܲܬܘܼܒܹܐ ܝܠܹܗ، ܘܠܵܘܡܹܗ ܒܸܬ ܡܲܕܸܪ ܐܸܠܹܗ. 19ܘܒܸܬ ܡܲܕܸܪ ܒܵܠܹܗ ܠܩܲܠܥܵܬܹ̈ܐ ܕܐܲܪܥܹܗ، ܐܝܼܢܵܐ ܒܸܬ ܬܲܪܩܸܠ، ܘܢܵܦܹܠ، ܘܠܹܐ ܦܵܐܹܫ ܡܘܼܫ݇ܟ̰ܚܵܐ.
20ܘܒܸܬ ܩܵܐܹܡ ܒܕܘܼܟܬܹܗ ܚܲܕ ܕܒܸܬ ܫܲܕܸܪ ܫܵܩܠܵܢܵܐ ܕܡܲܕܲܐܬܵܐ ܩܵܐ ܣܸܩܠܵܐ ܕܡܲܠܟܘܼܬܵܐ، ܘܒܝܵܘܡܵܢܹ̈ܐ ܚܲܕ݇ܟ̰ܵܐ ܒܸܬ ܦܵܐܹܫ ܬܒ݂ܝܼܪܵܐ، ܐܸܠܵܐ ܠܵܐ ܒܚܸܡܬܵܐ، ܘܠܵܐ ܒܦܠܵܫܵܐ. 21ܘܒܸܬ ܩܵܐܹܡ ܒܕܘܼܟܬܹܗ ܚܲܕ ܕܝܼܠܹܗ ܡܘܼܣܠܝܼܵܐ، ܘܠܹܐ ܝܵܗ݇ܒ݂ܝܼ ܐܸܠܹܗ ܚܸܩܪܵܐ ܕܡܲܠܟܘܼܬܵܐ، ܘܒܸܬ ܐܵܬܹܐ ܒܫܸܠܝܘܼܬܵܐ، ܘܒܸܬ ܕܵܒܹܩ ܡܲܠܟܘܼܬܵܐ ܒܡܲܫܦܲܪ̈ܝܵܬܹܐ. 22ܘܚܲܝܠܵܘܵܬܹ̈ܐ ܓܪܵܦܵܐ ܒܸܬ ܦܵܝܫܝܼ ܓܪܝܼܦܹܐ ܡ̣ܢ ܩܵܕ݇ܡܘܼܗܝ، ܘܒܸܬ ܦܵܝܫܝܼ ܬܒ݂ܝܼܪܹܐ ܐܵܢܝܼ ܘܐܘܼܦ ܡܗܲܕܝܵܢܵܐ ܕܩܵܘܠܵܐ. 23ܘܒܵܬ݇ܪ ܕܥܵܒ݂ܕܝܼ ܚܲܒ݂ܪܘܼܬܵܐ ܐܸܠܹܗ، ܒܸܬ ܥܵܒܹܕ ܦܸܠܡܵܐ، ܘܒܸܬ ܐܵܣܹܩ ܘܒܸܬ ܙܲܪܒܸܢ ܒܐܘܼܡܬܵܐ ܙܥܘܿܪܬܵܐ. 24ܒܫܸܠܝܘܼܬܵܐ ܒܸܬ ܥܵܒܹܪ ܓܵܘ ܫܲܡܝܼܢܘܼܝܵܬܹ̈ܐ ܕܐܲܬܪܵܐ، ܘܒܸܬ ܥܵܒܹܕ ܡܸܢܕܝܼ ܕܠܵܐ ܥܒ݂ܝܼܕ ܠܗܘܿܢ ܒܵܒܵܘܵܬܹ̈ܗ ܝܲܢ ܒܵܒܵܘܵܬܹ̈ܐ ܕܒܵܒܵܘܵܬܹ̈ܗ، ܣܠܵܒܬܵܐ ܘܚܛܘܼܦܝܵܐ ܘܡܸܢܕܝܼ ܩܵܬܲܝܗܝ ܒܸܬ ܦܵܠܹܥ، ܘܥܲܠ ܩܲܠܥܵܬܹ̈ܐ ܒܸܬ ܚܵܫܹܒ݂ ܚܫܵܒ݂ܝܵܬܹ̈ܗ، ܘܗܲܠ ܙܲܒ݂ܢܵܐ. 25ܒܸܬ ܡܲܪܥܸܫ ܚܲܝܠܹܗ ܘܠܸܒܹܗ ܕܲܠܩܘܼܒ݂ܠ ܕܡܲܠܟܵܐ ܕܬܲܝܡܢܵܐ ܒܚܲܝܠܵܘܵܬܹ̈ܐ ܓܘܼܪܹ̈ܐ، ܘܡܲܠܟܵܐ ܕܬܲܝܡܢܵܐ ܒܸܬ ܦܵܐܹܫ ܚܘܼܦܛܵܐ ܠܦܠܵܫܵܐ ܒܚܲܝܠܵܘܵܬܹ̈ܐ ܓܘܼܪܹ̈ܐ ܘܙܲܪ̈ܒܵܢܹܐ ܪܵܒܵܐ ܪܵܒܵܐ، ܐܝܼܢܵܐ ܠܹܐ ܟܵܠܹܐ، ܣܵܒܵܒ ܒܸܬ ܚܵܫܒ݂ܝܼ ܥܲܠܘܼܗܝ ܚܫܵܒ݂ܝܵܬܹ̈ܐ، 26ܘܐܵܟ݂ܠܵܢܹ̈ܐ ܕܛܲܥܡܵܬܹ̈ܗ ܒܸܬ ܬܵܒ݂ܪܝܼ ܠܹܗ، ܘܚܲܝܠܵܘܵܬܹ̈ܗ ܒܸܬ ܦܵܝܫܝܼ ܓܪܝܼܦܹܐ، ܘܒܸܬ ܢܵܦܠܝܼ ܩܛܝܼܠܹ̈ܐ ܪܵܒܵܐ. 27ܘܬܸܪܘܲܝܗܝ ܡܲܠܟܹ̈ܐ ܠܸܒܲܝܗܝ ܒܸܬ ܗܵܘܹܐ ܠܸܥܒ݂ܵܕܵܐ ܒܝܼܫܬܵܐ، ܘܥܲܠ ܚܲܕ ܨܘܼܦܪܵܐ ܒܸܬ ܗܲܡܙܸܡܝܼ ܕܘܼܓܠܵܐ، ܐܝܼܢܵܐ ܒܠܵܐ ܡܲܢܬܵܝܬܵܐ، ܣܵܒܵܒ ܗܹܫ ܚܲܪܬܵܐ ܒܸܬ ܐܵܬܝܵܐ ܒܥܕܵܢܵܐ ܪܫܝܼܡܬܵܐ. 28ܘܒܸܬ ܕܵܐܹܪ ܠܐܲܪܥܹܗ ܒܡܸܢܕܝܼ ܪܵܒܵܐ، ܘܠܸܒܹܗ ܒܸܬ ܗܵܘܹܐ ܕܲܠܩܘܼܒ݂ܠ ܕܩܵܘܠܵܐ ܩܲܕܝܼܫܵܐ، ܘܒܸܬ ܥܵܒܹܕ ܐܲܝܟ݂ ܕܒܵܣܡܵܐ ܠܹܗ ܘܕܵܐܹܪ ܠܐܲܪܥܹܗ.
29ܒܥܕܵܢܵܐ ܪܫܝܼܡܬܵܐ ܒܸܬ ܕܵܐܹܪ، ܘܒܸܬ ܐܵܬܹܐ ܒܬܲܝܡܢܵܐ، ܐܸܠܵܐ ܠܹܐ ܗܵܘܝܵܐ ܐܲܝܟ݂ ܓܵܗܵܐ ܩܵܕ݇ܡܵܝܬܵܐ ܓܵܗܵܐ ܐ݇ܚܹܪ݇ܬܵܐ. 30ܣܵܒܵܒ ܒܸܬ ܐܵܬܝܼ ܥܲܠܘܼܗܝ ܓܵܡܝܼܹ̈ܐ ܕܟܵܬܝܼܡ، ܘܒܸܬ ܓܵܪܹܫ ܠܒܵܬ݇ܪܵܐ، ܘܒܸܬ ܕܵܐܹܪ ܘܟܵܪܹܒ ܥܲܠ ܩܵܘܠܵܐ ܕܩܘܼܕܫܵܐ، ܘܒܸܬ ܥܵܒܹܕ. ܘܒܸܬ ܕܵܐܹܪ ܘܒܸܬ ܡܲܣܸܡ ܒܵܠܵܐ ܥܲܠ ܐܵܢܝܼ ܕܫܵܒ݂ܩܝܼ ܩܵܘܠܵܐ ܩܲܕܝܼܫܵܐ. 31ܘܚܲܝܠܵܘܵܬܹ̈ܐ ܡܸܢܹܗ ܒܸܬ ܩܵܝܡܝܼ، ܘܒܸܬ ܫܵܚܡܝܼ ܡܲܩܕܫܵܐ ܕܥܘܼܫܢܵܐ، ܘܒܸܬ ܡܲܟܠܝܼ ܕܸܒ݂ܚܵܐ ܕܐܲܡܝܼܢܵܐ، ܘܒܸܬ ܡܲܬܒ݂ܝܼ ܛܲܢܦܘܼܬܵܐ ܡܲܚܪܸܒ݂ܵܢܬܵܐ. 32ܘܠܐܵܢܝܼ ܕܥܵܒ݂ܕܝܼ ܪܲܫܝܼܥܘܼܬܵܐ ܥܲܠ ܩܵܘܠܵܐ ܒܸܬ ܡܲܩܠܸܒ ܠܛܲܡܐܘܼܬܵܐ ܒܚܲܒܪܹ̈ܐ ܟ̰ܘܼܥܝܹ̈ܐ، ܐܝܼܢܵܐ ܥܲܡܵܐ ܝܵܕܥܵܢܹ̈ܐ ܕܐܲܠܵܗܹܗ ܒܸܬ ܚܲܠܸܢܝܼ ܘܒܸܬ ܥܵܒ݂ܕܝܼ ܐܲܝܟ݂ ܕܒܵܣܡܵܐ ܠܲܝܗܝ. 33ܘܚܲܟܝܼܡܹ̈ܐ ܕܥܲܡܵܐ ܒܸܬ ܡܲܦܪܸܡܝܼ ܠܪܵܒܵܐ، ܘܒܸܬ ܢܵܦܠܝܼ ܒܣܲܝܦܵܐ ܘܒܠܵܗܵܐ، ܒܓܵܠܘܼܬܵܐ ܘܒܣܠܵܒܬܵܐ، ܩܵܐ ܝܵܘܡܵܢܹ̈ܐ. 34ܘܟܲܕ ܢܵܦܠܝܼ ܒܸܬ ܦܵܝܫܝܼ ܗܘܼܝܸܪܹܐ ܗܵܝܲܪܬܵܐ ܚܲܕ݇ܟ̰ܵܐ، ܘܒܸܬ ܦܵܝܫܝܼ ܙܘܼܘܸܓܹܐ ܥܲܠܲܝܗܝ ܪܵܒܵܐ ܒܡܲܫܦܲܪ̈ܝܵܬܹܐ. 35ܘܡ̣ܢ ܦܲܪ̈ܡܝܼܵܢܹܐ ܒܸܬ ܢܵܦܠܝܼ، ܕܦܵܝܫܝܼ ܨܘܼܪܸܦܹܐ، ܘܕܘܼܟ݂ܝܹܐ، ܘܡܘܼܚܘܸܪܹܐ ܗܲܠ ܚܲܪܬܵܐ ܕܙܲܒ݂ܢܹ̈ܐ، ܣܵܒܵܒ ܗܹܫ ܒܸܬ ܐܵܬܝܵܐ ܒܥܕܵܢܵܐ ܪܫܝܼܡܬܵܐ.
36ܘܒܸܬ ܥܵܒܹܕ ܐܲܝܟ݂ ܨܸܒ݂ܝܵܢܹܗ ܡܲܠܟܵܐ، ܘܒܸܬ ܡܲܪܸܡ ܠܵܗ̇ ܓܵܢܹܗ، ܘܒܸܬ ܓܲܪܘܸܣ ܠܵܗ̇ ܓܵܢܹܗ ܥܲܠ ܟܠ ܐܲܠܵܗܵܐ، ܘܥܲܠ ܐܲܠܵܗܵܐ ܕܐܲܠܵܗܹ̈ܐ ܒܸܬ ܗܲܡܙܸܡ ܡܸܢܕܝܼܵܢܹ̈ܐ ܥܓ̰ܝܼܒܹ̈ܐ، ܘܒܸܬ ܡܲܢܬܹܐ ܗܲܠ ܕܬܵܝܡܵܐ ܟܲܪܒܵܐ، ܣܵܒܵܒ ܡܘܿܕܝܼ ܕܩܛܝܼܥܬܵܐ ܝܠܵܗ̇ ܒܸܬ ܦܵܝܫܵܐ ܥܒ݂ܝܼܕܬܵܐ. 37ܘܥܲܠ ܐܲܠܵܗܹ̈ܐ ܕܒܵܒܵܘܵܬܹ̈ܗ ܠܹܐ ܬܲܚܡܸܢ، ܝܲܢ ܥܲܠ ܫܲܗܘܲܬܬܵܐ ܕܒܲܟ݂ܬܵܬܹ̈ܐ، ܝܲܢ ܥܲܠ ܟܠܲܝܗܝ ܐܲܠܵܗܹ̈ܐ ܠܹܐ ܬܲܚܡܸܢ، ܣܵܒܵܒ ܥܲܠ ܟܠ ܒܸܬ ܓܲܪܘܸܣ ܠܵܗ̇ ܓܵܢܹܗ. 38ܘܠܐܲܠܵܗܵܐ ܕܩܲܠܥܵܬܹ̈ܐ ܒܕܘܼܟܬܲܝܗܝ ܒܸܬ ܡܝܲܩܸܪ، ܘܠܐܲܠܵܗܵܐ ܕܠܵܐ ܩܲܡ ܝܵܕܥܝܼ ܠܹܗ ܒܵܒܵܘܵܬܹ̈ܗ ܒܸܬ ܥܵܒܹܕ ܐܝܼܩܵܪܵܐ، ܒܕܲܗܒ݂ܵܐ ܘܒܣܹܐܡܵܐ ܘܒܟܹܐܦܹ̈ܐ ܡܵܪܹܐ ܛܝܼܡܵܐ، ܘܒܡܸܢܕܝܼܵܢܹ̈ܐ ܫܲܗܘܸܬܵܢܹ̈ܐ. 39ܘܒܸܬ ܡܵܚܹܐ ܠܗܲܨܵܪܹ̈ܐ ܥܲܫܝܼܢܹ̈ܐ ܒܗܵܝܲܪܬܵܐ ܕܐܲܠܵܗܵܐ ܢܘܼܟ݂ܪܵܝܵܐ. ܡ̇ܢ ܕܡܲܕܸܥ ܐܸܠܹܗ ܒܸܬ ܡܲܙܝܸܕ ܐܸܠܹܗ ܐܝܼܩܵܪܵܐ، ܘܒܸܬ ܝܲܗ݇ܒܸܠ ܠܹܗ ܫܘܼܠܛܵܢܵܐ ܥܲܠ ܪܵܒܵܐ، ܘܐܲܪܥܵܐ ܒܸܬ ܦܲܠܸܥ ܐܸܠܹܗ ܒܛܝܼܡܵܐ.
40ܘܒܚܲܪܬܵܐ ܕܙܲܒ݂ܢܹ̈ܐ ܒܸܬ ܢܵܩܹܥ ܥܲܡܹܗ ܡܲܠܟܵܐ ܕܬܲܝܡܢܵܐ، ܘܒܸܬ ܐܵܬܹܐ ܐܲܝܟ݂ ܥܲܠܥܵܠܵܐ ܥܲܠܘܼܗܝ ܡܲܠܟܵܐ ܕܓܲܪܒܝܵܐ، ܒܡܲܪ̈ܟܒ݂ܵܬܹܐ، ܘܒܪ̈ܲܟܵܒܹܐ، ܘܒܓܵܡܝܼܹ̈ܐ ܪܵܒܵܐ، ܘܒܸܬ ܥܵܒܹܪ ܒܐܲܪ̈ܥܵܬܹܐ، ܘܒܸܬ ܫܵܦܹܟ݂ ܘܒܸܬ ܥܵܒܹܪ. 41ܘܒܸܬ ܥܵܒܹܪ ܒܐܲܪܥܵܐ ܕܫܘܼܒ݂ܚܵܐ، ܘܪܵܒܵܐ ܐܲܪ̈ܥܵܬܹܐ ܒܸܬ ܢܵܦܠܝܼ، ܐܝܼܢܵܐ ܐܲܢܹܐ ܒܸܬ ܦܵܝܫܝܼ ܦܘܼܨܝܹܐ ܡ̣ܢ ܐܝܼܕܹܗ: ܐܲܕܘܿܡ، ܘܡܘܼܐܵܒ݂، ܘܪܹܫܝܼܬܵܐ ܕܒܢܲܝ̈ ܥܲܡܘܿܢ. 42ܘܒܸܬ ܦܲܫܸܛ ܐܝܼܕܹܗ ܒܐܲܪ̈ܥܵܬܹܐ، ܘܐܲܪܥܵܐ ܕܡܸܨܪܹܝܢ ܠܹܐ ܦܵܝܫܵܐ ܦܘܼܨܝܼܬܵܐ. 43ܘܒܸܬ ܥܵܒܹܕ ܫܘܼܠܛܵܢܵܐ ܥܲܠ ܒܵܬܲܝ̈ ܓܲܙܵܐ ܕܕܲܗܒ݂ܵܐ ܘܣܹܐܡܵܐ، ܘܒܟܠܲܝܗܝ ܡܸܢܕܝܼܵܢܹ̈ܐ ܫܲܗܘܸܬܵܢܹ̈ܐ ܕܡܸܨܪܹܝܢ، ܘܠܹܘܒܵܝܹ̈ܐ ܘܟܘܼܫܵܝܹ̈ܐ ܒܸܬ ܬܵܒܥܝܼ ܐܸܠܹܗ. 44ܘܛܸܒܹ̈ܐ ܡ̣ܢ ܡܲܕܢܚܵܐ ܘܡ̣ܢ ܓܲܪܒܝܵܐ ܒܸܬ ܚܵܒ݂ܛܝܼ ܠܵܗ̇ ܥܲܠܘܼܗܝ، ܘܒܸܬ ܦܵܠܹܛ ܒܚܸܡܬܵܐ ܓܘܼܪܬܵܐ ܠܦܲܢܘܼܝܹܐ ܘܠܸܥܒ݂ܵܕܵܐ ܚܸܪܡܵܐ ܪܵܒܵܐ. 45ܘܒܸܬ ܢܵܨܹܒ݂ ܡܲܫܟܢܹ̈ܐ ܕܒܹܝܬ ܡܲܠܟܘܼܬܹܗ ܒܹܝܠ ܝܵܡܵܬܹ̈ܐ ܘܛܘܼܪܵܐ ܕܫܘܼܒ݂ܚܵܐ ܕܩܘܼܕܫܵܐ، ܘܒܸܬ ܐܵܬܹܐ ܗܲܠ ܚܲܪܬܹܗ، ܘܠܹܐ ܗܵܘܹܐ ܗܲܝܸܪܵܢܵܐ ܐܸܠܹܗ.
Právě zvoleno:
ܕܢܝܐܝܠ 11: ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation
ܕܢܝܐܝܠ 11
11
1”ܘܐܵܢܵܐ، ܒܫܹܢ݇ܬܵܐ ܕܚܕܵܐ ܠܕܲܪܝܵܘܵܫ ܡܵܕܵܝܵܐ، ܟܠܹܐ ܠܝܼ ܠܚܲܠܘܼܢܹܐ ܘܠܙܲܪܒܘܼܢܹܐ ܠܡܝܼܟ݂ܵܐܹܝܠ.
ܡܲܠܟܹ̈ܐ ܕܬܲܝܡܢܵܐ ܘܓܲܪܒܝܵܐ
2ܘܐܵܕܝܼܵܐ ܫܪܵܪܵܐ ܒܸܬ ܡܲܕܥܸܢܘܼܟ݂. ܗܵܐ، ܗܹܫ ܬܠܵܬܵܐ ܡܲܠܟܹ̈ܐ ܒܸܬ ܩܵܝܡܝܼ ܒܦܵܪܸܣ، ܘܕܐܲܪܒܥܵܐ ܒܸܬ ܡܲܙܝܸܕ ܥܘܼܬܪܵܐ ܓܘܼܪܵܐ ܒܘܼܫ ܡ̣ܢ ܟܠܲܝܗܝ. ܘܟܲܕ ܚܲܠܸܢ ܒܥܘܼܬܪܹܗ ܒܸܬ ܡܲܪܥܸܫ ܟܠܲܝܗܝ ܕܲܠܩܘܼܒ݂ܠ ܕܡܲܠܟܘܼܬܵܐ ܕܝܵܘܵܢ.
3ܘܒܸܬ ܩܵܐܹܡ ܡܲܠܟܵܐ ܓܲܢ݇ܒܵܪܵܐ، ܘܒܸܬ ܥܵܒܹܕ ܫܘܼܠܛܵܢܵܐ ܓܘܼܪܵܐ، ܘܒܸܬ ܥܵܒܹܕ ܐܲܝܟ݂ ܨܸܒ݂ܝܵܢܹܗ. 4ܐܝܼܢܵܐ ܟܲܕ ܩܵܐܹܡ، ܒܸܬ ܦܵܝܫܵܐ ܬܒ݂ܝܼܪܬܵܐ ܡܲܠܟܘܼܬܹܗ، ܘܒܸܬ ܦܵܝܫܵܐ ܦܘܼܠܸܥܬܵܐ ܠܐܲܪܒܥܵܐ ܦܵܘܚܹ̈ܐ ܕܫܡܲܝܵܐ، ܐܸܠܵܐ ܠܵܐ ܠܝܘܼܒܵܠܹܗ، ܘܠܵܐ ܐܲܝܟ݂ ܫܘܼܠܛܵܢܹܗ ܕܥܒ݂ܝܼܕ ܠܹܗ، ܣܵܒܵܒ ܒܸܬ ܦܵܝܫܵܐ ܢܟ̰ܝܼܠܬܵܐ ܡܲܠܟܘܼܬܹܗ، ܘܠܐ݇ܚܹܪ̈݇ܢܹܐ ܠܒܲܕܲܪ ܡ̣ܢ ܝܘܼܒܵܠܹܗ ܒܸܬ ܦܵܝܫܵܐ ܝܘܼܗ݇ܒܸܠܬܵܐ.
5ܗ̇ܝܓܵܗ ܒܸܬ ܚܲܠܸܢ ܡܲܠܟܵܐ ܕܬܲܝܡܢܵܐ، ܐܝܼܢܵܐ ܚܲܕ ܡ̣ܢ ܓܘܼܪ̈ܵܢܘܼܗܝ ܒܸܬ ܚܲܠܸܢ ܥܲܠܘܼܗܝ، ܘܒܸܬ ܥܵܒܹܕ ܫܘܼܠܛܵܢܵܐ ܓܘܼܪܵܐ. 6ܘܒܚܲܪܬܵܐ ܕܫܸܢܹ̈ܐ ܒܸܬ ܥܵܒ݂ܕܝܼ ܚܲܒ݂ܪܘܼܬܵܐ، ܘܒܪܵܬܵܐ ܕܡܲܠܟܵܐ ܕܬܲܝܡܢܵܐ ܒܸܬ ܐܵܬܝܵܐ ܠܟܸܣ ܡܲܠܟܵܐ ܕܓܲܪܒܝܵܐ ܠܸܥܒ݂ܵܕܵܐ ܫܲܝܢܵܐ، ܐܝܼܢܵܐ ܠܹܐ ܡܵܨܝܵܐ ܠܚܲܡܘܼܝܹܐ ܚܲܝܠܵܐ ܕܫܘܼܠܛܵܢܘܼܗ̇، ܘܠܹܐ ܟܵܠܹܐ ܡܲܠܟܵܐ ܕܬܲܝܡܢܵܐ، ܐܘܼܦ ܠܵܐ ܫܘܼܠܛܵܢܹܗ. ܘܒܸܬ ܦܵܝܫܵܐ ܣܘܼܦܝܼܬܵܐ ܗ̇ܝ ܘܡܲܝܬܝܵܢܘܼ̈ܗ̇، ܘܡܵܘܠܕܵܢܘܼ̈ܗ̇، ܘܚܲܠܸܢܵܢܘܼܗ̇ ܒܗ̇ܘ ܙܲܒ݂ܢܵܐ. 7ܘܒܸܬ ܩܵܐܹܡ ܚܲܕ ܢܘܼܪ݇ܒ݂ܵܐ ܡ̣ܢ ܫܸܪܫܘܼܗ̇ ܒܕܘܼܟܬܹܗ، ܘܒܸܬ ܐܵܬܹܐ ܒܚܲܝܠܵܘܵܬܹ̈ܐ، ܘܒܸܬ ܥܵܒܹܪ ܓܵܘ ܩܲܠܥܵܐ ܕܡܲܠܟܵܐ ܕܓܲܪܒܝܵܐ، ܘܒܸܬ ܥܵܒܹܕ ܒܝܼܲܝܗܝ ܟܠ ܡܸܢܕܝܼ ܕܒܵܥܹܐ، ܘܒܸܬ ܡܲܚܙܹܐ ܚܲܝܠܹܗ. 8ܘܐܘܼܦ ܐܲܠܵܗܲܝ̈ܗܝ، ܥܲܡ ܨܲܠܡܲܝ̈ܗܝ ܪܸ̈ܡܝܹܐ، ܥܲܡ ܡܵܐܢܹ̈ܐ ܕܫܲܗܘܲܬܬܲܝܗܝ، ܣܹܐܡܵܐ ܘܕܲܗܒ݂ܵܐ، ܒܓܵܠܘܼܬܵܐ ܒܸܬ ܡܲܝܬܹܐ ܠܡܸܨܪܹܝܢ، ܘܗ̇ܘ ܒܘܼܫ ܙܵܘܕܵܐ ܫܸܢܹ̈ܐ ܒܸܬ ܩܵܐܹܡ ܡ̣ܢ ܡܲܠܟܵܐ ܕܓܲܪܒܝܵܐ. 9ܘܒܸܬ ܐܵܬܹܐ ܡܲܠܟܵܐ ܕܓܲܪܒܝܵܐ ܒܡܲܠܟܘܼܬܵܐ ܕܡܲܠܟܵܐ ܕܬܲܝܡܢܵܐ، ܐܝܼܢܵܐ ܒܸܬ ܕܵܐܹܪ ܠܐܲܪܥܹܗ. 10ܘܒܢܘܿܢܘܼ̈ܗܝ ܒܸܬ ܦܵܝܫܝܼ ܚܘܼܦܛܹܐ، ܘܒܸܬ ܓ̰ܲܡܥܝܼ ܟܸܢܫܵܐ ܕܚܲܝܠܵܘܵܬܹ̈ܐ ܪܵܒܵܐ، ܘܐ݇ܬܵܝܵܐ ܒܸܬ ܐܵܬܝܼ ܘܫܵܦܟ݂ܝܼ، ܘܥܵܒ݂ܪܝܼ. ܘܒܸܬ ܕܵܝܪܝܼ ܡܸܢܕܪܸܫ، ܘܒܸܬ ܦܵܝܫܝܼ ܚܘܼܦܛܹܐ ܗܲܠ ܩܲܠܥܹܗ. 11ܘܒܸܬ ܡܲܪܡܸܪ ܡܲܠܟܵܐ ܕܬܲܝܡܢܵܐ، ܘܒܸܬ ܦܵܠܹܛ، ܘܒܸܬ ܦܵܠܹܫ ܥܲܡ ܡܲܠܟܵܐ ܕܓܲܪܒܝܵܐ، ܘܒܸܬ ܡܲܩܸܡ ܡܲܠܟܵܐ ܕܓܲܪܒܝܵܐ ܟܸܢܫܵܐ ܓܘܼܪܵܐ، ܐܝܼܢܵܐ ܒܸܬ ܦܵܐܹܫ ܣܘܼܦܝܵܐ ܟܸܢܫܵܐ ܒܐܝܼܕܵܐ ܕܡܲܠܟܵܐ ܕܬܲܝܡܢܵܐ. 12ܟܲܕ ܛܲܠܸܩ ܠܟܸܢܫܵܐ، ܒܸܬ ܪܵܐܹܡ ܠܸܒܹܗ، ܘܒܸܬ ܡܲܢܦܸܠ ܪܸ̈ܒܘܵܬܹܐ، ܐܝܼܢܵܐ ܠܹܐ ܙܲܪܒܸܢ. 13ܣܵܒܵܒ ܒܸܬ ܕܵܐܹܪ ܡܲܠܟܵܐ ܕܓܲܪܒܝܵܐ، ܘܒܸܬ ܡܲܩܸܡ ܟܸܢܫܵܐ ܒܘܼܫ ܓܘܼܪܵܐ ܡ̣ܢ ܩܵܕ݇ܡܵܝܵܐ، ܘܒܵܬ݇ܪ ܡܸܬܚܵܐ ܕܟܡܵܐ ܫܸܢܹ̈ܐ، ܐ݇ܬܵܝܵܐ ܒܸܬ ܐܵܬܹܐ ܒܚܲܝܠܵܘܵܬܹ̈ܐ ܓܘܼܪܹ̈ܐ، ܘܒܡܸܢܕܝܼ ܪܵܒܵܐ.
14ܘܒܐܵܢܝܼ ܙܲܒ݂ܢܹ̈ܐ ܪܵܒܵܐ ܒܸܬ ܟܵܠܝܼ ܕܲܠܩܘܼܒ݂ܠ ܡܲܠܟܵܐ ܕܬܲܝܡܢܵܐ، ܘܒܢܘܿܢܹ̈ܐ ܚܵܛܘܿܦܹ̈ܐ ܕܥܲܡܵܐ ܕܝܼܘܼܟ݂ ܒܸܬ ܡܲܪܡܝܼ ܓܵܢܲܝܗܝ ܠܬܲܡܘܼܡܹܐ ܚܸܙܘܵܐ، ܐܝܼܢܵܐ ܒܸܬ ܢܵܦܠܝܼ. 15ܘܒܸܬ ܐܵܬܹܐ ܡܲܠܟܵܐ ܕܓܲܪܒܝܵܐ، ܘܕܵܪܹܐ ܣܲܢܓܵܪ، ܘܫܵܩܹܠ ܡܕܝܼܢ݇ܬܵܐ ܡܵܪܹܐ ܩܲܠܥܵܐ، ܘܚܲܝܠܵܘܵܬܹ̈ܐ ܕܬܲܝܡܢܵܐ ܠܹܐ ܟܵܠܝܼ ܡܩܵܘܝܵܢܹ̈ܐ، ܐܵܦܠܵܐ ܓܘܼܒܝܹ̈ܐ ܕܥܲܡܵܐ، ܘܠܹܐ ܗܵܘܹܐ ܚܲܝܠܵܐ ܒܝܼܲܝܗܝ ܠܸܟܠܵܝܵܐ. 16ܘܒܸܬ ܥܵܒܹܕ ܗ̇ܘ ܕܐܵܬܹܐ ܥܲܠܘܼܗܝ ܐܲܝܟ݂ ܨܸܒ݂ܝܵܢܹܗ، ܘܠܲܝܬ ܕܟܵܠܹܐ ܩܵܕ݇ܡܘܼܗܝ، ܘܒܸܬ ܥܲܪܩܸܠ ܒܐܲܪܥܵܐ ܕܫܘܼܒ݂ܚܵܐ، ܟܲܕ ܬܝܵܡܵܐ ܒܐܝܼܕܹܗ. 17ܘܒܸܬ ܡܲܬܸܒ݂ ܒܵܠܹܗ ܠܸܥܒ݂ܵܪܵܐ ܒܥܘܼܫܢܵܐ ܕܟܠܵܗ̇ ܡܲܠܟܘܼܬܹܗ، ܘܫܲܝܢܵܐ ܥܲܡ ܡܲܠܟܵܐ ܕܬܲܝܡܢܵܐ ܒܸܬ ܥܵܒܹܕ، ܘܒܪܵܬܹܗ ܒܸܬ ܝܲܗ݇ܒܸܠ ܐܸܠܹܗ ܠܡܲܚܪܘܼܒ݂ܘܼܗ̇ ܡܲܠܟܘܼܬܵܐ، ܐܝܼܢܵܐ ܠܹܐ ܟܵܠܝܵܐ، ܘܠܵܐ ܐܸܠܹܗ ܗܵܘܝܵܐ. 18ܘܒܸܬ ܡܲܕܸܪ ܒܵܠܹܗ ܠܓܵܙܪ̈ܵܬܹܐ، ܘܒܸܬ ܕܵܒܹܩ ܪܵܒܵܐ ܡܸܢܲܝܗܝ، ܐܝܼܢܵܐ ܚܲܕ ܫܲܠܝܼܛܵܐ ܒܸܬ ܒܲܛܸܠ ܠܵܘܡܵܐ ܕܡܲܬܘܼܒܹܐ ܝܠܹܗ، ܘܠܵܘܡܹܗ ܒܸܬ ܡܲܕܸܪ ܐܸܠܹܗ. 19ܘܒܸܬ ܡܲܕܸܪ ܒܵܠܹܗ ܠܩܲܠܥܵܬܹ̈ܐ ܕܐܲܪܥܹܗ، ܐܝܼܢܵܐ ܒܸܬ ܬܲܪܩܸܠ، ܘܢܵܦܹܠ، ܘܠܹܐ ܦܵܐܹܫ ܡܘܼܫ݇ܟ̰ܚܵܐ.
20ܘܒܸܬ ܩܵܐܹܡ ܒܕܘܼܟܬܹܗ ܚܲܕ ܕܒܸܬ ܫܲܕܸܪ ܫܵܩܠܵܢܵܐ ܕܡܲܕܲܐܬܵܐ ܩܵܐ ܣܸܩܠܵܐ ܕܡܲܠܟܘܼܬܵܐ، ܘܒܝܵܘܡܵܢܹ̈ܐ ܚܲܕ݇ܟ̰ܵܐ ܒܸܬ ܦܵܐܹܫ ܬܒ݂ܝܼܪܵܐ، ܐܸܠܵܐ ܠܵܐ ܒܚܸܡܬܵܐ، ܘܠܵܐ ܒܦܠܵܫܵܐ. 21ܘܒܸܬ ܩܵܐܹܡ ܒܕܘܼܟܬܹܗ ܚܲܕ ܕܝܼܠܹܗ ܡܘܼܣܠܝܼܵܐ، ܘܠܹܐ ܝܵܗ݇ܒ݂ܝܼ ܐܸܠܹܗ ܚܸܩܪܵܐ ܕܡܲܠܟܘܼܬܵܐ، ܘܒܸܬ ܐܵܬܹܐ ܒܫܸܠܝܘܼܬܵܐ، ܘܒܸܬ ܕܵܒܹܩ ܡܲܠܟܘܼܬܵܐ ܒܡܲܫܦܲܪ̈ܝܵܬܹܐ. 22ܘܚܲܝܠܵܘܵܬܹ̈ܐ ܓܪܵܦܵܐ ܒܸܬ ܦܵܝܫܝܼ ܓܪܝܼܦܹܐ ܡ̣ܢ ܩܵܕ݇ܡܘܼܗܝ، ܘܒܸܬ ܦܵܝܫܝܼ ܬܒ݂ܝܼܪܹܐ ܐܵܢܝܼ ܘܐܘܼܦ ܡܗܲܕܝܵܢܵܐ ܕܩܵܘܠܵܐ. 23ܘܒܵܬ݇ܪ ܕܥܵܒ݂ܕܝܼ ܚܲܒ݂ܪܘܼܬܵܐ ܐܸܠܹܗ، ܒܸܬ ܥܵܒܹܕ ܦܸܠܡܵܐ، ܘܒܸܬ ܐܵܣܹܩ ܘܒܸܬ ܙܲܪܒܸܢ ܒܐܘܼܡܬܵܐ ܙܥܘܿܪܬܵܐ. 24ܒܫܸܠܝܘܼܬܵܐ ܒܸܬ ܥܵܒܹܪ ܓܵܘ ܫܲܡܝܼܢܘܼܝܵܬܹ̈ܐ ܕܐܲܬܪܵܐ، ܘܒܸܬ ܥܵܒܹܕ ܡܸܢܕܝܼ ܕܠܵܐ ܥܒ݂ܝܼܕ ܠܗܘܿܢ ܒܵܒܵܘܵܬܹ̈ܗ ܝܲܢ ܒܵܒܵܘܵܬܹ̈ܐ ܕܒܵܒܵܘܵܬܹ̈ܗ، ܣܠܵܒܬܵܐ ܘܚܛܘܼܦܝܵܐ ܘܡܸܢܕܝܼ ܩܵܬܲܝܗܝ ܒܸܬ ܦܵܠܹܥ، ܘܥܲܠ ܩܲܠܥܵܬܹ̈ܐ ܒܸܬ ܚܵܫܹܒ݂ ܚܫܵܒ݂ܝܵܬܹ̈ܗ، ܘܗܲܠ ܙܲܒ݂ܢܵܐ. 25ܒܸܬ ܡܲܪܥܸܫ ܚܲܝܠܹܗ ܘܠܸܒܹܗ ܕܲܠܩܘܼܒ݂ܠ ܕܡܲܠܟܵܐ ܕܬܲܝܡܢܵܐ ܒܚܲܝܠܵܘܵܬܹ̈ܐ ܓܘܼܪܹ̈ܐ، ܘܡܲܠܟܵܐ ܕܬܲܝܡܢܵܐ ܒܸܬ ܦܵܐܹܫ ܚܘܼܦܛܵܐ ܠܦܠܵܫܵܐ ܒܚܲܝܠܵܘܵܬܹ̈ܐ ܓܘܼܪܹ̈ܐ ܘܙܲܪ̈ܒܵܢܹܐ ܪܵܒܵܐ ܪܵܒܵܐ، ܐܝܼܢܵܐ ܠܹܐ ܟܵܠܹܐ، ܣܵܒܵܒ ܒܸܬ ܚܵܫܒ݂ܝܼ ܥܲܠܘܼܗܝ ܚܫܵܒ݂ܝܵܬܹ̈ܐ، 26ܘܐܵܟ݂ܠܵܢܹ̈ܐ ܕܛܲܥܡܵܬܹ̈ܗ ܒܸܬ ܬܵܒ݂ܪܝܼ ܠܹܗ، ܘܚܲܝܠܵܘܵܬܹ̈ܗ ܒܸܬ ܦܵܝܫܝܼ ܓܪܝܼܦܹܐ، ܘܒܸܬ ܢܵܦܠܝܼ ܩܛܝܼܠܹ̈ܐ ܪܵܒܵܐ. 27ܘܬܸܪܘܲܝܗܝ ܡܲܠܟܹ̈ܐ ܠܸܒܲܝܗܝ ܒܸܬ ܗܵܘܹܐ ܠܸܥܒ݂ܵܕܵܐ ܒܝܼܫܬܵܐ، ܘܥܲܠ ܚܲܕ ܨܘܼܦܪܵܐ ܒܸܬ ܗܲܡܙܸܡܝܼ ܕܘܼܓܠܵܐ، ܐܝܼܢܵܐ ܒܠܵܐ ܡܲܢܬܵܝܬܵܐ، ܣܵܒܵܒ ܗܹܫ ܚܲܪܬܵܐ ܒܸܬ ܐܵܬܝܵܐ ܒܥܕܵܢܵܐ ܪܫܝܼܡܬܵܐ. 28ܘܒܸܬ ܕܵܐܹܪ ܠܐܲܪܥܹܗ ܒܡܸܢܕܝܼ ܪܵܒܵܐ، ܘܠܸܒܹܗ ܒܸܬ ܗܵܘܹܐ ܕܲܠܩܘܼܒ݂ܠ ܕܩܵܘܠܵܐ ܩܲܕܝܼܫܵܐ، ܘܒܸܬ ܥܵܒܹܕ ܐܲܝܟ݂ ܕܒܵܣܡܵܐ ܠܹܗ ܘܕܵܐܹܪ ܠܐܲܪܥܹܗ.
29ܒܥܕܵܢܵܐ ܪܫܝܼܡܬܵܐ ܒܸܬ ܕܵܐܹܪ، ܘܒܸܬ ܐܵܬܹܐ ܒܬܲܝܡܢܵܐ، ܐܸܠܵܐ ܠܹܐ ܗܵܘܝܵܐ ܐܲܝܟ݂ ܓܵܗܵܐ ܩܵܕ݇ܡܵܝܬܵܐ ܓܵܗܵܐ ܐ݇ܚܹܪ݇ܬܵܐ. 30ܣܵܒܵܒ ܒܸܬ ܐܵܬܝܼ ܥܲܠܘܼܗܝ ܓܵܡܝܼܹ̈ܐ ܕܟܵܬܝܼܡ، ܘܒܸܬ ܓܵܪܹܫ ܠܒܵܬ݇ܪܵܐ، ܘܒܸܬ ܕܵܐܹܪ ܘܟܵܪܹܒ ܥܲܠ ܩܵܘܠܵܐ ܕܩܘܼܕܫܵܐ، ܘܒܸܬ ܥܵܒܹܕ. ܘܒܸܬ ܕܵܐܹܪ ܘܒܸܬ ܡܲܣܸܡ ܒܵܠܵܐ ܥܲܠ ܐܵܢܝܼ ܕܫܵܒ݂ܩܝܼ ܩܵܘܠܵܐ ܩܲܕܝܼܫܵܐ. 31ܘܚܲܝܠܵܘܵܬܹ̈ܐ ܡܸܢܹܗ ܒܸܬ ܩܵܝܡܝܼ، ܘܒܸܬ ܫܵܚܡܝܼ ܡܲܩܕܫܵܐ ܕܥܘܼܫܢܵܐ، ܘܒܸܬ ܡܲܟܠܝܼ ܕܸܒ݂ܚܵܐ ܕܐܲܡܝܼܢܵܐ، ܘܒܸܬ ܡܲܬܒ݂ܝܼ ܛܲܢܦܘܼܬܵܐ ܡܲܚܪܸܒ݂ܵܢܬܵܐ. 32ܘܠܐܵܢܝܼ ܕܥܵܒ݂ܕܝܼ ܪܲܫܝܼܥܘܼܬܵܐ ܥܲܠ ܩܵܘܠܵܐ ܒܸܬ ܡܲܩܠܸܒ ܠܛܲܡܐܘܼܬܵܐ ܒܚܲܒܪܹ̈ܐ ܟ̰ܘܼܥܝܹ̈ܐ، ܐܝܼܢܵܐ ܥܲܡܵܐ ܝܵܕܥܵܢܹ̈ܐ ܕܐܲܠܵܗܹܗ ܒܸܬ ܚܲܠܸܢܝܼ ܘܒܸܬ ܥܵܒ݂ܕܝܼ ܐܲܝܟ݂ ܕܒܵܣܡܵܐ ܠܲܝܗܝ. 33ܘܚܲܟܝܼܡܹ̈ܐ ܕܥܲܡܵܐ ܒܸܬ ܡܲܦܪܸܡܝܼ ܠܪܵܒܵܐ، ܘܒܸܬ ܢܵܦܠܝܼ ܒܣܲܝܦܵܐ ܘܒܠܵܗܵܐ، ܒܓܵܠܘܼܬܵܐ ܘܒܣܠܵܒܬܵܐ، ܩܵܐ ܝܵܘܡܵܢܹ̈ܐ. 34ܘܟܲܕ ܢܵܦܠܝܼ ܒܸܬ ܦܵܝܫܝܼ ܗܘܼܝܸܪܹܐ ܗܵܝܲܪܬܵܐ ܚܲܕ݇ܟ̰ܵܐ، ܘܒܸܬ ܦܵܝܫܝܼ ܙܘܼܘܸܓܹܐ ܥܲܠܲܝܗܝ ܪܵܒܵܐ ܒܡܲܫܦܲܪ̈ܝܵܬܹܐ. 35ܘܡ̣ܢ ܦܲܪ̈ܡܝܼܵܢܹܐ ܒܸܬ ܢܵܦܠܝܼ، ܕܦܵܝܫܝܼ ܨܘܼܪܸܦܹܐ، ܘܕܘܼܟ݂ܝܹܐ، ܘܡܘܼܚܘܸܪܹܐ ܗܲܠ ܚܲܪܬܵܐ ܕܙܲܒ݂ܢܹ̈ܐ، ܣܵܒܵܒ ܗܹܫ ܒܸܬ ܐܵܬܝܵܐ ܒܥܕܵܢܵܐ ܪܫܝܼܡܬܵܐ.
36ܘܒܸܬ ܥܵܒܹܕ ܐܲܝܟ݂ ܨܸܒ݂ܝܵܢܹܗ ܡܲܠܟܵܐ، ܘܒܸܬ ܡܲܪܸܡ ܠܵܗ̇ ܓܵܢܹܗ، ܘܒܸܬ ܓܲܪܘܸܣ ܠܵܗ̇ ܓܵܢܹܗ ܥܲܠ ܟܠ ܐܲܠܵܗܵܐ، ܘܥܲܠ ܐܲܠܵܗܵܐ ܕܐܲܠܵܗܹ̈ܐ ܒܸܬ ܗܲܡܙܸܡ ܡܸܢܕܝܼܵܢܹ̈ܐ ܥܓ̰ܝܼܒܹ̈ܐ، ܘܒܸܬ ܡܲܢܬܹܐ ܗܲܠ ܕܬܵܝܡܵܐ ܟܲܪܒܵܐ، ܣܵܒܵܒ ܡܘܿܕܝܼ ܕܩܛܝܼܥܬܵܐ ܝܠܵܗ̇ ܒܸܬ ܦܵܝܫܵܐ ܥܒ݂ܝܼܕܬܵܐ. 37ܘܥܲܠ ܐܲܠܵܗܹ̈ܐ ܕܒܵܒܵܘܵܬܹ̈ܗ ܠܹܐ ܬܲܚܡܸܢ، ܝܲܢ ܥܲܠ ܫܲܗܘܲܬܬܵܐ ܕܒܲܟ݂ܬܵܬܹ̈ܐ، ܝܲܢ ܥܲܠ ܟܠܲܝܗܝ ܐܲܠܵܗܹ̈ܐ ܠܹܐ ܬܲܚܡܸܢ، ܣܵܒܵܒ ܥܲܠ ܟܠ ܒܸܬ ܓܲܪܘܸܣ ܠܵܗ̇ ܓܵܢܹܗ. 38ܘܠܐܲܠܵܗܵܐ ܕܩܲܠܥܵܬܹ̈ܐ ܒܕܘܼܟܬܲܝܗܝ ܒܸܬ ܡܝܲܩܸܪ، ܘܠܐܲܠܵܗܵܐ ܕܠܵܐ ܩܲܡ ܝܵܕܥܝܼ ܠܹܗ ܒܵܒܵܘܵܬܹ̈ܗ ܒܸܬ ܥܵܒܹܕ ܐܝܼܩܵܪܵܐ، ܒܕܲܗܒ݂ܵܐ ܘܒܣܹܐܡܵܐ ܘܒܟܹܐܦܹ̈ܐ ܡܵܪܹܐ ܛܝܼܡܵܐ، ܘܒܡܸܢܕܝܼܵܢܹ̈ܐ ܫܲܗܘܸܬܵܢܹ̈ܐ. 39ܘܒܸܬ ܡܵܚܹܐ ܠܗܲܨܵܪܹ̈ܐ ܥܲܫܝܼܢܹ̈ܐ ܒܗܵܝܲܪܬܵܐ ܕܐܲܠܵܗܵܐ ܢܘܼܟ݂ܪܵܝܵܐ. ܡ̇ܢ ܕܡܲܕܸܥ ܐܸܠܹܗ ܒܸܬ ܡܲܙܝܸܕ ܐܸܠܹܗ ܐܝܼܩܵܪܵܐ، ܘܒܸܬ ܝܲܗ݇ܒܸܠ ܠܹܗ ܫܘܼܠܛܵܢܵܐ ܥܲܠ ܪܵܒܵܐ، ܘܐܲܪܥܵܐ ܒܸܬ ܦܲܠܸܥ ܐܸܠܹܗ ܒܛܝܼܡܵܐ.
40ܘܒܚܲܪܬܵܐ ܕܙܲܒ݂ܢܹ̈ܐ ܒܸܬ ܢܵܩܹܥ ܥܲܡܹܗ ܡܲܠܟܵܐ ܕܬܲܝܡܢܵܐ، ܘܒܸܬ ܐܵܬܹܐ ܐܲܝܟ݂ ܥܲܠܥܵܠܵܐ ܥܲܠܘܼܗܝ ܡܲܠܟܵܐ ܕܓܲܪܒܝܵܐ، ܒܡܲܪ̈ܟܒ݂ܵܬܹܐ، ܘܒܪ̈ܲܟܵܒܹܐ، ܘܒܓܵܡܝܼܹ̈ܐ ܪܵܒܵܐ، ܘܒܸܬ ܥܵܒܹܪ ܒܐܲܪ̈ܥܵܬܹܐ، ܘܒܸܬ ܫܵܦܹܟ݂ ܘܒܸܬ ܥܵܒܹܪ. 41ܘܒܸܬ ܥܵܒܹܪ ܒܐܲܪܥܵܐ ܕܫܘܼܒ݂ܚܵܐ، ܘܪܵܒܵܐ ܐܲܪ̈ܥܵܬܹܐ ܒܸܬ ܢܵܦܠܝܼ، ܐܝܼܢܵܐ ܐܲܢܹܐ ܒܸܬ ܦܵܝܫܝܼ ܦܘܼܨܝܹܐ ܡ̣ܢ ܐܝܼܕܹܗ: ܐܲܕܘܿܡ، ܘܡܘܼܐܵܒ݂، ܘܪܹܫܝܼܬܵܐ ܕܒܢܲܝ̈ ܥܲܡܘܿܢ. 42ܘܒܸܬ ܦܲܫܸܛ ܐܝܼܕܹܗ ܒܐܲܪ̈ܥܵܬܹܐ، ܘܐܲܪܥܵܐ ܕܡܸܨܪܹܝܢ ܠܹܐ ܦܵܝܫܵܐ ܦܘܼܨܝܼܬܵܐ. 43ܘܒܸܬ ܥܵܒܹܕ ܫܘܼܠܛܵܢܵܐ ܥܲܠ ܒܵܬܲܝ̈ ܓܲܙܵܐ ܕܕܲܗܒ݂ܵܐ ܘܣܹܐܡܵܐ، ܘܒܟܠܲܝܗܝ ܡܸܢܕܝܼܵܢܹ̈ܐ ܫܲܗܘܸܬܵܢܹ̈ܐ ܕܡܸܨܪܹܝܢ، ܘܠܹܘܒܵܝܹ̈ܐ ܘܟܘܼܫܵܝܹ̈ܐ ܒܸܬ ܬܵܒܥܝܼ ܐܸܠܹܗ. 44ܘܛܸܒܹ̈ܐ ܡ̣ܢ ܡܲܕܢܚܵܐ ܘܡ̣ܢ ܓܲܪܒܝܵܐ ܒܸܬ ܚܵܒ݂ܛܝܼ ܠܵܗ̇ ܥܲܠܘܼܗܝ، ܘܒܸܬ ܦܵܠܹܛ ܒܚܸܡܬܵܐ ܓܘܼܪܬܵܐ ܠܦܲܢܘܼܝܹܐ ܘܠܸܥܒ݂ܵܕܵܐ ܚܸܪܡܵܐ ܪܵܒܵܐ. 45ܘܒܸܬ ܢܵܨܹܒ݂ ܡܲܫܟܢܹ̈ܐ ܕܒܹܝܬ ܡܲܠܟܘܼܬܹܗ ܒܹܝܠ ܝܵܡܵܬܹ̈ܐ ܘܛܘܼܪܵܐ ܕܫܘܼܒ݂ܚܵܐ ܕܩܘܼܕܫܵܐ، ܘܒܸܬ ܐܵܬܹܐ ܗܲܠ ܚܲܪܬܹܗ، ܘܠܹܐ ܗܵܘܹܐ ܗܲܝܸܪܵܢܵܐ ܐܸܠܹܗ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation