EFISIA 3
3
Khiungkerü thsungkheak Paul Rhimo
1Ha thsungkheaknü, I Paul, nüsa khiungkerü dünkheak Jisu Khrista aramrü– 2nüsa thsungkheak Thrünpuh amüthsüm rhimopü I kilim jihkhi nüsanü sodo de lümlah, 3ju inü akhihkhüh thrütkhi amikheak akhiukkhi I kilim huhkhi aramyu lah. 4#Kol 1.26,27Küyimki nüsanü ha khebanü Khrista aramyu ching I lümkhi nüsanü amükheahbah, 5ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah; 6junangde khiungkerü ju rukhüh yamrüplurüp lurü, pang rukhüh ching kheyukrü, tüsho thiyusheak-atsü hode Jisu Khrista ching alokhikhi shihcham lurü ah.
7Api wu rhimokhinü I kilim jihkhi Thrünpuh amüthsüm thsambah yande I ha thiyusheak-atsü tankihrü kamshih. 8Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo, 9tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah; 10junangde borü hode yinmi kiulongthsübo ching yakzanshuhrübo tüsho thiyukhümsühmühbo ki Thrünpuh lümlung aphuaphu mükheahshihpü, 11ha isa Atungpuh Jisu Khrista hode akuk ngüshihkhi lün yo lümkhi yande, 12api kheak isa akin hode thüninde ayüpü mulong tokhi, tüsho mulongram lakheah. 13Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.
Khrista Amuzho
14Hamonü inü Abuh miki khukningchoh, 15shepü kilimnü yinmi ching tüsho alomi kheak yamkhün aban mung jia la, 16junangde api müretah lakhitbo yande pang lung ching api Me hode sühmüh lade nüsa düküngshihbah, 17tüsho junangde akin hode nüsa mulongbo ching Khrista labah; junangde nüsa amuzho ching aying chinyukde tüsho düküngde, 18wu lade, amüsührü alala lung rukhüh thsüde, Khrista amuzho atolim, ashanglim, achanglim, tüsho asüklim, 19tüsho mükheahmudu zhichoki Khrista amuzho mükheahpü labah, junangde Thrünpuh khiukdahkhinü nüsa mide akambah.
20Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim, 21borü ching tüsho isa Khrista ching lünbo alala kilim lünnü lün api müretahshang. Amen.
Právě zvoleno:
EFISIA 3: YIMCBSI
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EFISIA 3
3
Khiungkerü thsungkheak Paul Rhimo
1Ha thsungkheaknü, I Paul, nüsa khiungkerü dünkheak Jisu Khrista aramrü– 2nüsa thsungkheak Thrünpuh amüthsüm rhimopü I kilim jihkhi nüsanü sodo de lümlah, 3ju inü akhihkhüh thrütkhi amikheak akhiukkhi I kilim huhkhi aramyu lah. 4#Kol 1.26,27Küyimki nüsanü ha khebanü Khrista aramyu ching I lümkhi nüsanü amükheahbah, 5ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah; 6junangde khiungkerü ju rukhüh yamrüplurüp lurü, pang rukhüh ching kheyukrü, tüsho thiyusheak-atsü hode Jisu Khrista ching alokhikhi shihcham lurü ah.
7Api wu rhimokhinü I kilim jihkhi Thrünpuh amüthsüm thsambah yande I ha thiyusheak-atsü tankihrü kamshih. 8Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo, 9tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah; 10junangde borü hode yinmi kiulongthsübo ching yakzanshuhrübo tüsho thiyukhümsühmühbo ki Thrünpuh lümlung aphuaphu mükheahshihpü, 11ha isa Atungpuh Jisu Khrista hode akuk ngüshihkhi lün yo lümkhi yande, 12api kheak isa akin hode thüninde ayüpü mulong tokhi, tüsho mulongram lakheah. 13Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.
Khrista Amuzho
14Hamonü inü Abuh miki khukningchoh, 15shepü kilimnü yinmi ching tüsho alomi kheak yamkhün aban mung jia la, 16junangde api müretah lakhitbo yande pang lung ching api Me hode sühmüh lade nüsa düküngshihbah, 17tüsho junangde akin hode nüsa mulongbo ching Khrista labah; junangde nüsa amuzho ching aying chinyukde tüsho düküngde, 18wu lade, amüsührü alala lung rukhüh thsüde, Khrista amuzho atolim, ashanglim, achanglim, tüsho asüklim, 19tüsho mükheahmudu zhichoki Khrista amuzho mükheahpü labah, junangde Thrünpuh khiukdahkhinü nüsa mide akambah.
20Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim, 21borü ching tüsho isa Khrista ching lünbo alala kilim lünnü lün api müretahshang. Amen.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.