KOLOSI 2
2
1Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah, 2junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah. 3Api kheak lümlung tüsho mükheahmudu rahpung alala rama lah. 4Shenü she thiyu akenü nüsa mümülapyukshihpü inü ha thachoh. 5Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.
Khrista ching Suhdahkhi Rhangdung
6Jumonü nüsanü Atungpuh Jisu Khrista leangkhiang, junangde api kheak laang, 7aying chinyukde api kheak thrünkihde tüsho akin ching düküngde nüsa ki thsangyukhi nangde makshe jihkhi ching suhdahde laang.
8Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang. 9Tümüde api kheak abanathsangkhi Thrünpuh pangnü lachoh, 10tüsho thiyuzüng le thiyukhüm-sühmüh alala kurung aku labuh kheak nüsa rhangdung abanathsangkhi kamdo. 11Shih pang chingnü zuzu kamshihde Jisunü tsütabahkhi hode, khah mübede api lung nüsa tsütabah; 12#Rom 6.4tüsho baptikhi ching nüsa api lung kiuyuka bah, ju ching api ashe chingnü arhang kamloshihbuh Thrünpuh rhimo akin hode api lung nüsa she arhang kamloshih. 13#Efi 2.1-5Tüsho nüsa sherü neak tüsho shih tsütamübahkhi ching shea lakhea, Thrünpuhnü isa neakbo alala bahjihde api lung arhang lashih; 14#Efi 2.15isa mayede, isa azhihde thrüta lakhi yuzüngbo apinü nankhita bahjih; apinü ju sangkim kheak yümkihde lubah tsoabah. 15Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.
16 #
Rom 14.1-6
Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih. 17Harü ha arüpü lakhi alamme khülang lang ah; tüshe atsütsü jua Khrista ah. 18Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh 19#Efi 4.16tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.
Khrista Lung Shekhi tüsho Alakhi
20Khrista lung nüsa ha lomi yakliyakko ching shekheasho, nüsanü tümüde kheakü khiungde alomi yo nangde lacho le? Tümüde nüsanü hadürü yuzüngbo anicho, 21“Ha dürhimo, ha düthsüakheah, ha düqiu”? 22Rhimode harü alala dükheakpü thsülah, tümütüsho jurübo mihtsürü yukhüm tüsho thsangyukhibo kheak ningkihlah. 23Harü yuzüngbo ju arünü arochihde yunirübo kingaünkhi, arükchih azhihayih, tüsho pang thsümünimkhi ching a lümlung kheak ningkihkhi nangde lah, tüshe shihnü akünkhi danyukpü ching a tümü adungto müla.
Právě zvoleno:
KOLOSI 2: YIMCBSI
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
KOLOSI 2
2
1Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah, 2junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah. 3Api kheak lümlung tüsho mükheahmudu rahpung alala rama lah. 4Shenü she thiyu akenü nüsa mümülapyukshihpü inü ha thachoh. 5Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.
Khrista ching Suhdahkhi Rhangdung
6Jumonü nüsanü Atungpuh Jisu Khrista leangkhiang, junangde api kheak laang, 7aying chinyukde api kheak thrünkihde tüsho akin ching düküngde nüsa ki thsangyukhi nangde makshe jihkhi ching suhdahde laang.
8Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang. 9Tümüde api kheak abanathsangkhi Thrünpuh pangnü lachoh, 10tüsho thiyuzüng le thiyukhüm-sühmüh alala kurung aku labuh kheak nüsa rhangdung abanathsangkhi kamdo. 11Shih pang chingnü zuzu kamshihde Jisunü tsütabahkhi hode, khah mübede api lung nüsa tsütabah; 12#Rom 6.4tüsho baptikhi ching nüsa api lung kiuyuka bah, ju ching api ashe chingnü arhang kamloshihbuh Thrünpuh rhimo akin hode api lung nüsa she arhang kamloshih. 13#Efi 2.1-5Tüsho nüsa sherü neak tüsho shih tsütamübahkhi ching shea lakhea, Thrünpuhnü isa neakbo alala bahjihde api lung arhang lashih; 14#Efi 2.15isa mayede, isa azhihde thrüta lakhi yuzüngbo apinü nankhita bahjih; apinü ju sangkim kheak yümkihde lubah tsoabah. 15Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.
16 #
Rom 14.1-6
Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih. 17Harü ha arüpü lakhi alamme khülang lang ah; tüshe atsütsü jua Khrista ah. 18Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh 19#Efi 4.16tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.
Khrista Lung Shekhi tüsho Alakhi
20Khrista lung nüsa ha lomi yakliyakko ching shekheasho, nüsanü tümüde kheakü khiungde alomi yo nangde lacho le? Tümüde nüsanü hadürü yuzüngbo anicho, 21“Ha dürhimo, ha düthsüakheah, ha düqiu”? 22Rhimode harü alala dükheakpü thsülah, tümütüsho jurübo mihtsürü yukhüm tüsho thsangyukhibo kheak ningkihlah. 23Harü yuzüngbo ju arünü arochihde yunirübo kingaünkhi, arükchih azhihayih, tüsho pang thsümünimkhi ching a lümlung kheak ningkihkhi nangde lah, tüshe shihnü akünkhi danyukpü ching a tümü adungto müla.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.