2 TIMOTHI 2
2
Thiyuro Jisu Khrista Bonungrü
1Jumonü I tsah-a, Jisu Khrista kheak lakhi amüthsüm ching düküngang, 2tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang. 3Jisu Khrista bonungrü atsü nangde thsümütsü ching shihcham luang. 4Bonungrü shenü she püpü boto rhimo ching marahrungchoh, tümütüsho apinü nihbuh limthorü atorü asühshihpü mulongchoh. 5Jukthülahrü khülangnü thiyuzüng yande mazhihachihsho akuk kuthran müleangkhichoh. 6Mürangde awochakrü thulu thsürünü hi akhuhbe shihcham lubeah. 7Inü tümü thachonü lümakheahang, tümüde Atungpuhnü lüpdükhi ching nü kilim anikhitkhi mülüjihbah. 8David kheaknü atrükkhitkhi, ashe chingnü arhang kamlokhi Jisu Khrista lümkhitang. Ha I yo thiyusheakatsü, 9tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük. 10Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah. 11Athakhi ju thiyuro:
Isa api lung shea lasho, isa she api lung labah;
12 #
Mt 10.33; Lk 12.9 isanü arümsho, isa she api lung kiulongthsübah;
isanü api reanglosho, apinü she isa reanglobah;
13isa thiyuro mülachoki, api a thiyuro labah,
tümüde apinü aküdahnü amülim thsüpü mukuk.
Alungki Rhimorü
14Arü ki ha lümkhitshang, tüsho atsü thsüpü yungde, anirübo lang athsümünimbe yubo atsangachih bahkhipü Atungpuh mikinü thaang. 15Nü küdah thsüde tsülah dükhi khülang, machihde arhimorü tüsho thiyuro yu lungkide thsangyurü nangde Thrünpuh miki lang. 16Amükinrü yu thakhibo bahkhiang, tümüde junü mihtsürübo alü amükinrü yakli lim bebah, 17tüsho arü yubo mü nangde abubah. Arü bolung Hymenaea tüsho Phileta belah. 18Arünü thiyuro limro bahdo tüsho isa arhang kamlopü dünjiabahdo de athakhinü khürü akin thsümünimjihchoh. 19Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”
20Thüyam ato khülang ching suna tüsho shotoyinchi lang yung tüshe sang tüsho alo kukrukbo she lah, tüsho khürü adungto thsungkheak tüsho khürü mübanmukhiung thsungkheak lah. 21Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah. 22Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang. 23Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah. 24Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam, 25azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah, 26tüsho arübo ju api lümkhi rhimoshihpü ramkhi amünean zheang chingnü atsokhitbah.
Právě zvoleno:
2 TIMOTHI 2: YIMCBSI
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 TIMOTHI 2
2
Thiyuro Jisu Khrista Bonungrü
1Jumonü I tsah-a, Jisu Khrista kheak lakhi amüthsüm ching düküngang, 2tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang. 3Jisu Khrista bonungrü atsü nangde thsümütsü ching shihcham luang. 4Bonungrü shenü she püpü boto rhimo ching marahrungchoh, tümütüsho apinü nihbuh limthorü atorü asühshihpü mulongchoh. 5Jukthülahrü khülangnü thiyuzüng yande mazhihachihsho akuk kuthran müleangkhichoh. 6Mürangde awochakrü thulu thsürünü hi akhuhbe shihcham lubeah. 7Inü tümü thachonü lümakheahang, tümüde Atungpuhnü lüpdükhi ching nü kilim anikhitkhi mülüjihbah. 8David kheaknü atrükkhitkhi, ashe chingnü arhang kamlokhi Jisu Khrista lümkhitang. Ha I yo thiyusheakatsü, 9tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük. 10Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah. 11Athakhi ju thiyuro:
Isa api lung shea lasho, isa she api lung labah;
12 #
Mt 10.33; Lk 12.9 isanü arümsho, isa she api lung kiulongthsübah;
isanü api reanglosho, apinü she isa reanglobah;
13isa thiyuro mülachoki, api a thiyuro labah,
tümüde apinü aküdahnü amülim thsüpü mukuk.
Alungki Rhimorü
14Arü ki ha lümkhitshang, tüsho atsü thsüpü yungde, anirübo lang athsümünimbe yubo atsangachih bahkhipü Atungpuh mikinü thaang. 15Nü küdah thsüde tsülah dükhi khülang, machihde arhimorü tüsho thiyuro yu lungkide thsangyurü nangde Thrünpuh miki lang. 16Amükinrü yu thakhibo bahkhiang, tümüde junü mihtsürübo alü amükinrü yakli lim bebah, 17tüsho arü yubo mü nangde abubah. Arü bolung Hymenaea tüsho Phileta belah. 18Arünü thiyuro limro bahdo tüsho isa arhang kamlopü dünjiabahdo de athakhinü khürü akin thsümünimjihchoh. 19Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”
20Thüyam ato khülang ching suna tüsho shotoyinchi lang yung tüshe sang tüsho alo kukrukbo she lah, tüsho khürü adungto thsungkheak tüsho khürü mübanmukhiung thsungkheak lah. 21Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah. 22Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang. 23Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah. 24Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam, 25azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah, 26tüsho arübo ju api lümkhi rhimoshihpü ramkhi amünean zheang chingnü atsokhitbah.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.