1 TESALONIKA 3
3
1 #
Yunir 17.15
Jumonü küyimki isanü marümkhukde akamkhea, isa zangrü Athen ching lapü mulongkhit, 2tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi, 3junangde sheshe harü thsünübo hode matrütshih. Ha isa shihcham labeah de nüsa küdah thsüde mükheahlah. 4Küyimki nüsa lung isa lakhea, isa thsümüchibah de atannü thajung; nüsanü mükheahde ha dünjido. 5Ha dünkheaknü, küyimki inü marümkhukde akamkhea, rükakirünü nüsa rükakide tüsho isa khisahkhi akeangkeang kambah de lümbah inü nüsa akin mükheahpü thiyikheah.
6 #
Yunir 18.5
Tüshe kheakü nüsa kilimnü nüsa akin tüsho amuzho yusheak atsü lubah Timothi isa kilim arü tüsho kamruhroro nüsanü isa muzhode lümkhitchoh tüsho isanü nüsa shorupü mulong dukkhi nangde isa shorupü künlah de thiyusheak jihdo. 7Jumonü keoniorübo, isa lümthsünü tüsho thsümüchi alala ching, nüsa akin hode nüsa dünkheak isa mulong shukheamdo; 8tümüde kheakü isa lah, tümütüsho nüsanü Atungpuh kheak düküngde zhiplah. 9Nüsa dünkheak isanü Thrünpuh miki asühde alümkhi alala thsungkheak isanü Thrünpuh miki makshe jihkhi tümü rhimokhukba? 10Isanü nüsa shorubah nüsa akin ching musuhdahkhi jihpü azhing ayin isanü khide mushude tamkhüntamnüchoh.
11Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang; 12tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang, 13junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.
Právě zvoleno:
1 TESALONIKA 3: YIMCBSI
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 TESALONIKA 3
3
1 #
Yunir 17.15
Jumonü küyimki isanü marümkhukde akamkhea, isa zangrü Athen ching lapü mulongkhit, 2tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi, 3junangde sheshe harü thsünübo hode matrütshih. Ha isa shihcham labeah de nüsa küdah thsüde mükheahlah. 4Küyimki nüsa lung isa lakhea, isa thsümüchibah de atannü thajung; nüsanü mükheahde ha dünjido. 5Ha dünkheaknü, küyimki inü marümkhukde akamkhea, rükakirünü nüsa rükakide tüsho isa khisahkhi akeangkeang kambah de lümbah inü nüsa akin mükheahpü thiyikheah.
6 #
Yunir 18.5
Tüshe kheakü nüsa kilimnü nüsa akin tüsho amuzho yusheak atsü lubah Timothi isa kilim arü tüsho kamruhroro nüsanü isa muzhode lümkhitchoh tüsho isanü nüsa shorupü mulong dukkhi nangde isa shorupü künlah de thiyusheak jihdo. 7Jumonü keoniorübo, isa lümthsünü tüsho thsümüchi alala ching, nüsa akin hode nüsa dünkheak isa mulong shukheamdo; 8tümüde kheakü isa lah, tümütüsho nüsanü Atungpuh kheak düküngde zhiplah. 9Nüsa dünkheak isanü Thrünpuh miki asühde alümkhi alala thsungkheak isanü Thrünpuh miki makshe jihkhi tümü rhimokhukba? 10Isanü nüsa shorubah nüsa akin ching musuhdahkhi jihpü azhing ayin isanü khide mushude tamkhüntamnüchoh.
11Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang; 12tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang, 13junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.