SHURAI 46
46
Jakob alia Puh Kikha Maitao nou Ejipt hi Tayu
1Jakob nou puhvei buyu na teitei tupfüloua tare, alia puhnou Beersheba hi koulouyu kisü, puhnou puh puo Isaak Ramai ye sühinou posheela peie. 2Ramai nou süzhou khei puhye “Jakob, Jakob” tea kuloure. Alia Jakob nou “Oe, E haihi bue” tea chila peie.
3Süthaisü Puhnou paoe, “E Ramaie, ne puo vei Ramaie, ne Ejipt hi tare ngaopiso, daiolouzü Enou neye sühinou tyahrü aduli soupeilai. 4Enou neye koa Ejipt hi sa-a tapeilai alia Enou neye sü buh haihi sa-a dakhai ve peilai. Josef bah hinou neye panou veishoa thailoulai.”
5Jakob nou Beersheba hinou tapare, alia puh nahmaitao nou puhye, puletao chapfü ae nahmaitao hrülaiye sü Ejipt hinou veo nou seive peiyu rheiluki hisü thouloure. 6Puletao vei kikhaorü ae Kanaan hinou ngaolouyu na teitei pfüa Ejipt hi hotare. Jakob nou puh tyaosholea hrülai, 7puh nahpoutu maitao, puh tyaonah maitao, ae puh nah naotumai hrülai saloua Ejipt hi kouhtare.
8Israel maitao nou Ejipt hi tayu puletao zhih sü Jakob nahpoutu naraio Reuben, 9alia Reuben nahpoutu maitao: Hanokh, Pallu, Hezron, Karmi. 10Simeon ae puh nahpoututao: Jemuel, Jamin, Ohad, Jachin, Zohar, ae Kanaan maipfüpai nahpoutu: 11Levi ae puh nahpoutu maitao: Gershon, Kohath ae Merari. 12Judah ae puh nahpoututao: Shelah, Perez, ae Zerah (Judah nahpoutu Er ae Onan hai Kanaan hinou thaire). Perez nahpoutu ahai: Hezron ae Hamul. 13Issakar ae puh nahpoutu Tola, Puah, Jashub ae Shimron. 14Zebulun ae puh nahpoutu maitao: Sered, Elon ae Jahleel. 15nahpoutu haitao hai nah naotupai Dinah koa Leah nou Mesopotamia hinou Jakob hi napeiyu maitaoe. Leah hinou naveyu tyaonah maitao hrülai sü shiasüe.
16Gad ae puh nahpoutu maitao: Zephon, Haggi, Shuni, Ezbon, Eri, Arod, ae Arili. 17Asher ae puh nahpoutu maitao: Imnah, Ishvah, Ishvi, Beriah, ae puletao tupai Serah. Beriah nahpoutu ahai: Heber ae Malkhiel. 18Mai kiarou haitao hai Laban nou puh nahpai Leah hi peiyu qilapai Zilpah hinou nalouyu Jakob nahmaitaoe.
19Jakob chapfü Rachel nou napeiyu nahpoutu ahaisü Josef ae Benjamin-e. 20Ejipt hinou Josef ye Heliopolis hi napao Potiphera nahpai Asenah nou napeiyu nahpoutu ahaisü Manasseh ae Ephraim-e. 21Benjamin nahpoutu maitao: Bela, Beker, Ashbel, Gera, Naaman, Ehi, Rosh, Muppim, Huppim ae Ard. 22Mai haitao kiadai hai Rachel hinou veyu Jakob vei tyaonah maitaoe.
23Dan ae puh nahpoutu Hushim. 24Naphtali ae puh nahpoutu Jahzeel, Guni, Jezer, ae Shillem. 25Mai haitao anai hai Laban nou puh nahpai Rachel hi peiyu qila pfüpai Bilhah hinou veyu Jakob nahmai taoe.
26Puh nahpoutu maitao vei chapfü loumoa Jakob tyaonah maitao khaikho nou Ejipt hi louyu sü mai rairoua-roue. 27Ejipt hinou Josef nou nahpoutu ahai naloue. Jakob kikhamai taonou Ejipt hi ve hrüyu mai hrülai hai mai rainai-e.
Jakob ae Puh Kikhamai nou Ejipt hinou Ve Hrüyu
28Jakob nou puhye Goshen hinou ve daopeio tea paore donou Judah sü raia Josef hi seitare. Puletao nou Goshen hi velouyu phaki, 29Josef nou rheiluki soudaloua puh puoye daore donou tare. Puhai puonah nou ve daolouyu kisü Josef nou kou puo ngu kholoua phasoli krare. 30Jakob nou Josef hisü paoe, “Chuo E thai-a nükhüre, daiolouzü E nezhuh ve ngaoloure alia ne chua hrihie touyu süloure.”
31Süthaisü Josef nou puh thaihou jürai maitao hi ae puh puo kikha maitao hisü paoe, “Kanaan hi buyu athaihou jürai maitao ae apuo kikha maitao hai ahi vere tea E taho veo hi paopei laihie. 32Neletao hai zhaotu kia zhaokhoyu mai baie alia kikhaorü ae na teitei nou koa haihi veloure tea Enou puh hi paopeilai. 33Veo nou neletaoye kuloua neletao daivah souyu maie tea noulouzü, 34ne kilai Etao sü tai-a bukinou Epuo-paoh büa kikhaorü khoa hrüpayu maie tea paolo. Sükulouzü puhnou neletaoye panou Goshen hisü buwulai.” Josef nou haibüa paoyu hai daivanoue toulouzü Ejipt mainou kikhaorü khoyu maiye jüpa moe.
Právě zvoleno:
SHURAI 46: POUMBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 46
46
Jakob alia Puh Kikha Maitao nou Ejipt hi Tayu
1Jakob nou puhvei buyu na teitei tupfüloua tare, alia puhnou Beersheba hi koulouyu kisü, puhnou puh puo Isaak Ramai ye sühinou posheela peie. 2Ramai nou süzhou khei puhye “Jakob, Jakob” tea kuloure. Alia Jakob nou “Oe, E haihi bue” tea chila peie.
3Süthaisü Puhnou paoe, “E Ramaie, ne puo vei Ramaie, ne Ejipt hi tare ngaopiso, daiolouzü Enou neye sühinou tyahrü aduli soupeilai. 4Enou neye koa Ejipt hi sa-a tapeilai alia Enou neye sü buh haihi sa-a dakhai ve peilai. Josef bah hinou neye panou veishoa thailoulai.”
5Jakob nou Beersheba hinou tapare, alia puh nahmaitao nou puhye, puletao chapfü ae nahmaitao hrülaiye sü Ejipt hinou veo nou seive peiyu rheiluki hisü thouloure. 6Puletao vei kikhaorü ae Kanaan hinou ngaolouyu na teitei pfüa Ejipt hi hotare. Jakob nou puh tyaosholea hrülai, 7puh nahpoutu maitao, puh tyaonah maitao, ae puh nah naotumai hrülai saloua Ejipt hi kouhtare.
8Israel maitao nou Ejipt hi tayu puletao zhih sü Jakob nahpoutu naraio Reuben, 9alia Reuben nahpoutu maitao: Hanokh, Pallu, Hezron, Karmi. 10Simeon ae puh nahpoututao: Jemuel, Jamin, Ohad, Jachin, Zohar, ae Kanaan maipfüpai nahpoutu: 11Levi ae puh nahpoutu maitao: Gershon, Kohath ae Merari. 12Judah ae puh nahpoututao: Shelah, Perez, ae Zerah (Judah nahpoutu Er ae Onan hai Kanaan hinou thaire). Perez nahpoutu ahai: Hezron ae Hamul. 13Issakar ae puh nahpoutu Tola, Puah, Jashub ae Shimron. 14Zebulun ae puh nahpoutu maitao: Sered, Elon ae Jahleel. 15nahpoutu haitao hai nah naotupai Dinah koa Leah nou Mesopotamia hinou Jakob hi napeiyu maitaoe. Leah hinou naveyu tyaonah maitao hrülai sü shiasüe.
16Gad ae puh nahpoutu maitao: Zephon, Haggi, Shuni, Ezbon, Eri, Arod, ae Arili. 17Asher ae puh nahpoutu maitao: Imnah, Ishvah, Ishvi, Beriah, ae puletao tupai Serah. Beriah nahpoutu ahai: Heber ae Malkhiel. 18Mai kiarou haitao hai Laban nou puh nahpai Leah hi peiyu qilapai Zilpah hinou nalouyu Jakob nahmaitaoe.
19Jakob chapfü Rachel nou napeiyu nahpoutu ahaisü Josef ae Benjamin-e. 20Ejipt hinou Josef ye Heliopolis hi napao Potiphera nahpai Asenah nou napeiyu nahpoutu ahaisü Manasseh ae Ephraim-e. 21Benjamin nahpoutu maitao: Bela, Beker, Ashbel, Gera, Naaman, Ehi, Rosh, Muppim, Huppim ae Ard. 22Mai haitao kiadai hai Rachel hinou veyu Jakob vei tyaonah maitaoe.
23Dan ae puh nahpoutu Hushim. 24Naphtali ae puh nahpoutu Jahzeel, Guni, Jezer, ae Shillem. 25Mai haitao anai hai Laban nou puh nahpai Rachel hi peiyu qila pfüpai Bilhah hinou veyu Jakob nahmai taoe.
26Puh nahpoutu maitao vei chapfü loumoa Jakob tyaonah maitao khaikho nou Ejipt hi louyu sü mai rairoua-roue. 27Ejipt hinou Josef nou nahpoutu ahai naloue. Jakob kikhamai taonou Ejipt hi ve hrüyu mai hrülai hai mai rainai-e.
Jakob ae Puh Kikhamai nou Ejipt hinou Ve Hrüyu
28Jakob nou puhye Goshen hinou ve daopeio tea paore donou Judah sü raia Josef hi seitare. Puletao nou Goshen hi velouyu phaki, 29Josef nou rheiluki soudaloua puh puoye daore donou tare. Puhai puonah nou ve daolouyu kisü Josef nou kou puo ngu kholoua phasoli krare. 30Jakob nou Josef hisü paoe, “Chuo E thai-a nükhüre, daiolouzü E nezhuh ve ngaoloure alia ne chua hrihie touyu süloure.”
31Süthaisü Josef nou puh thaihou jürai maitao hi ae puh puo kikha maitao hisü paoe, “Kanaan hi buyu athaihou jürai maitao ae apuo kikha maitao hai ahi vere tea E taho veo hi paopei laihie. 32Neletao hai zhaotu kia zhaokhoyu mai baie alia kikhaorü ae na teitei nou koa haihi veloure tea Enou puh hi paopeilai. 33Veo nou neletaoye kuloua neletao daivah souyu maie tea noulouzü, 34ne kilai Etao sü tai-a bukinou Epuo-paoh büa kikhaorü khoa hrüpayu maie tea paolo. Sükulouzü puhnou neletaoye panou Goshen hisü buwulai.” Josef nou haibüa paoyu hai daivanoue toulouzü Ejipt mainou kikhaorü khoyu maiye jüpa moe.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.