SHURAI 44
44
Pai Hayu
1Süthaisü Josef nou puh kikhahi peipha-apeio hisü kharochi haibüa peie, “Mai haitao vei lekhabvü hisü puletao nou pfülousü koute touso sü thoupeio alia puletao vei lekha hi lah kukuvei pousha sü thou dakhai peio. 2Alia avei shahu pai nasü nahkhana vei lekha pei hi puh vei pousha koa thoupeio.” Josef nou paoyu büa kilai nanou soupeie. 3Thainaisho shona sü puletaoye rheisüh koa seita peire. 4Puletao nou tapayu teile jüta thaisü Josef nou puh kilai hisü paoe, “Mai hotao thaisü ngouta khaio, alia neletao nou thaingou louyu phaki, puletao hisü ‘Neletao daisounou haveina thaosü hashi nou soupeiwe?’ tea noukhaio. 5Daidonou apaopu vei shahu pai nasü vaopoa tawe?#44.5 Larübvü ali hi Daidonou apaopu vei shahu pai nasü vaopoa tawe? touyu haina hai Hebrew Baibel hi loumoe. Pai sünanou apaopu sü poa kewe alia sünanou poa rako zhuwe. Neletao haibüa souyu hai soumah shore” tea paolo.
6Kilai nanou puletao thaingou louyu kisü puhnou chipao haitao hai puletao hi paoe. 7Puletao nou puh hisü chila peie, “Aduwo nenou haikua paoyu sü daitouwe? Etao nou sükuyu vahso ashi halia soukhai toumoe. 8Etao lekhabvü hinou ngaolouyu pousha taosü Kanaan hinou poa dakhai ve peie touyu süne-a süwe. Südonou kabüa nou Etao sü nevei paopu ki hinou puhvei shahu moa sana vaokhai laige? 9Etao mai tarali hinou sünasü ngaolouyu thaio sünaye southa bailai alia Etao kukhe maiye sü ne qila souloua bailai.”
10Puhnou paoe, “Neletao nou paoyu E-a ae touwe ana pai polouyu mai naye likhi panou aqila soua bailai, kukhe maitao louzü lahdo soua tawo.” 11Südonou puletao vei kousü thalasoua deiphi pokou lahkuku vei lekhasü hapaloua zhure. 12Josef vei kilai nanou tsükhana kou hinou anahkhana vei kou hi koute shoshonou zhukoure alia pai nasü Benjamin vei lekha hinou ngaoloure. 13Jürai maitao sünou levea puletao vei sabanü sü paipha-a nuhdu hisü dakhai pare.
14Judah alia chinamaitao nou Josef ki hi payu phaki, puh sü ki hi buhie. Puletao nou puhye peipfüa nakou khurüe. 15Josef nou puletao hisü paoe, “Neletao nou souyu vah haisü daie? E büyu maili hai prousou loua neletaoye phoupa lousüe touyu neletao nou sülou movu?”
16Judah nou chila peie, “Aduwo, Etao nou ne hi daichi paolai? Etao nou neye chaloure zü aliro hare. Ramai nou Etao vei mah sü phoupa ngaoloure. Nevei pai ngaolouyu mai sünathemoa Etao hrülai nou chuo nevei qila khaire.”
17Ana Josef nou paoe, “Moe! Enou sünatya sü soulai moe. Avei pai ngaolouyu mai süna likhei panou aqila soua bailai. Kukhe maitao louzü kaona-a alia vei-a neletao puo hisü dakhai tawo.”
Judah nou Benjamin donou Akho Souyu
18Judah nou Josef hi takouloua paoe, “Aduwo, zhuvea panou Eye chih paowo, ahi vamoyu soupeiso. Ne sü veo khihao baie. 19Aduwo nenou Etao hisü ‘Neletao puo moa chinamai kukhe buhae?’ tea noue. 20Etao nou chila peie, ‘Etao puo bue, puh sü chüloure, alia puhnou chüpayu thainou nalouyu Etao thaihou ali bue, ae süna jürai nasü thaire alia pfü ali hinou nayu nah sü puh likhu baire. Puh puo nou puhye alaosou leshi shoe.’ 21Aduwo nenou puhye sü haihi saveo zhulai tea paoe, 22alia sühisü Etao nou chila peie, ‘Nahtou nasü puoye thao-a talou shie, daiolouzü puhnou Etao puoye thaolouzü puhsü thai bailai. 23Süthaisü neletao thaihou anahkhana save molouzü neletaoye panou ahi talou laimoe tea nenou paoe.’
24“Etao nou ki hi dakhai ve ne kilai Etao puo daoyu kisü, aduwo nenou paoyu teitei puh hi paopeie. 25Süthaisü puhnou Etao hisü ‘Dakhaiho touso hüpfülo’ tea lere. 26Etao nou chila peie, ‘Etao thaihou nahkhanatou koa panou sata louzü Etao-a talai, daiolouzü puhye koa tamolouzü mai honapu hi panou talou laimoe.’ 27Süthaisü ne kilai Etao puo nou Etao hi paoe, ‘Achapfü nou nahpoutu ahai napeie touyu neletao nou süwe. 28Alisü Eye thaowua tare, puhye sü rekhaona nou toulou laire, daiolouzü teile sühinou chu koute puhye ngaokhai more. 29Neletao nou hainaye sata-a hakinou ludu donou hadu hasoure toulouzü Esü chüyu thaifüa levea dopfüyu nanou pfüa thai bailai.’
30“Südonou chuo Enou ne kilai apuo hi khaiveyu kisü nahtou nasü koa laimore toulouzü, puhsü thai-a bailai. Puhvei hrirai sü nahtou haina hi phupa khaitoua baie. 31Puhnou nahpoutu haina Etao koa salai more touyu sülouyu thaio puhsü thai bailai, alia puh sü chüshoa peipaoyu thaifüa Etao nou puhle souvea peiyu sünanou pfüa puhsü athaimai kikou hota bailai. 32Südonou apuo hisü nahpoutu naye donou avei hrirai nou poa banda khaitoue. Enou nahpoutu nasü sa-a dakhai vemore toulouzü Enou süna vei chaa nasü pfülai tea apuo hisü paore. 33Südonou chuo ne kilai Eye panou nahpoutu na thaosoua nevei qila panou soua ne hi buwo, alia nahpoutu naye panou china maitao koa puo hisü panou dakhai tawo. 34nahpoutu nasü Etaoye koa tamoyu thaio kabüa Etao sü puoye ve daokhailai? Apuo hi hashi ve daore nasü E ngaopie.”
Právě zvoleno:
SHURAI 44: POUMBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 44
44
Pai Hayu
1Süthaisü Josef nou puh kikhahi peipha-apeio hisü kharochi haibüa peie, “Mai haitao vei lekhabvü hisü puletao nou pfülousü koute touso sü thoupeio alia puletao vei lekha hi lah kukuvei pousha sü thou dakhai peio. 2Alia avei shahu pai nasü nahkhana vei lekha pei hi puh vei pousha koa thoupeio.” Josef nou paoyu büa kilai nanou soupeie. 3Thainaisho shona sü puletaoye rheisüh koa seita peire. 4Puletao nou tapayu teile jüta thaisü Josef nou puh kilai hisü paoe, “Mai hotao thaisü ngouta khaio, alia neletao nou thaingou louyu phaki, puletao hisü ‘Neletao daisounou haveina thaosü hashi nou soupeiwe?’ tea noukhaio. 5Daidonou apaopu vei shahu pai nasü vaopoa tawe?#44.5 Larübvü ali hi Daidonou apaopu vei shahu pai nasü vaopoa tawe? touyu haina hai Hebrew Baibel hi loumoe. Pai sünanou apaopu sü poa kewe alia sünanou poa rako zhuwe. Neletao haibüa souyu hai soumah shore” tea paolo.
6Kilai nanou puletao thaingou louyu kisü puhnou chipao haitao hai puletao hi paoe. 7Puletao nou puh hisü chila peie, “Aduwo nenou haikua paoyu sü daitouwe? Etao nou sükuyu vahso ashi halia soukhai toumoe. 8Etao lekhabvü hinou ngaolouyu pousha taosü Kanaan hinou poa dakhai ve peie touyu süne-a süwe. Südonou kabüa nou Etao sü nevei paopu ki hinou puhvei shahu moa sana vaokhai laige? 9Etao mai tarali hinou sünasü ngaolouyu thaio sünaye southa bailai alia Etao kukhe maiye sü ne qila souloua bailai.”
10Puhnou paoe, “Neletao nou paoyu E-a ae touwe ana pai polouyu mai naye likhi panou aqila soua bailai, kukhe maitao louzü lahdo soua tawo.” 11Südonou puletao vei kousü thalasoua deiphi pokou lahkuku vei lekhasü hapaloua zhure. 12Josef vei kilai nanou tsükhana kou hinou anahkhana vei kou hi koute shoshonou zhukoure alia pai nasü Benjamin vei lekha hinou ngaoloure. 13Jürai maitao sünou levea puletao vei sabanü sü paipha-a nuhdu hisü dakhai pare.
14Judah alia chinamaitao nou Josef ki hi payu phaki, puh sü ki hi buhie. Puletao nou puhye peipfüa nakou khurüe. 15Josef nou puletao hisü paoe, “Neletao nou souyu vah haisü daie? E büyu maili hai prousou loua neletaoye phoupa lousüe touyu neletao nou sülou movu?”
16Judah nou chila peie, “Aduwo, Etao nou ne hi daichi paolai? Etao nou neye chaloure zü aliro hare. Ramai nou Etao vei mah sü phoupa ngaoloure. Nevei pai ngaolouyu mai sünathemoa Etao hrülai nou chuo nevei qila khaire.”
17Ana Josef nou paoe, “Moe! Enou sünatya sü soulai moe. Avei pai ngaolouyu mai süna likhei panou aqila soua bailai. Kukhe maitao louzü kaona-a alia vei-a neletao puo hisü dakhai tawo.”
Judah nou Benjamin donou Akho Souyu
18Judah nou Josef hi takouloua paoe, “Aduwo, zhuvea panou Eye chih paowo, ahi vamoyu soupeiso. Ne sü veo khihao baie. 19Aduwo nenou Etao hisü ‘Neletao puo moa chinamai kukhe buhae?’ tea noue. 20Etao nou chila peie, ‘Etao puo bue, puh sü chüloure, alia puhnou chüpayu thainou nalouyu Etao thaihou ali bue, ae süna jürai nasü thaire alia pfü ali hinou nayu nah sü puh likhu baire. Puh puo nou puhye alaosou leshi shoe.’ 21Aduwo nenou puhye sü haihi saveo zhulai tea paoe, 22alia sühisü Etao nou chila peie, ‘Nahtou nasü puoye thao-a talou shie, daiolouzü puhnou Etao puoye thaolouzü puhsü thai bailai. 23Süthaisü neletao thaihou anahkhana save molouzü neletaoye panou ahi talou laimoe tea nenou paoe.’
24“Etao nou ki hi dakhai ve ne kilai Etao puo daoyu kisü, aduwo nenou paoyu teitei puh hi paopeie. 25Süthaisü puhnou Etao hisü ‘Dakhaiho touso hüpfülo’ tea lere. 26Etao nou chila peie, ‘Etao thaihou nahkhanatou koa panou sata louzü Etao-a talai, daiolouzü puhye koa tamolouzü mai honapu hi panou talou laimoe.’ 27Süthaisü ne kilai Etao puo nou Etao hi paoe, ‘Achapfü nou nahpoutu ahai napeie touyu neletao nou süwe. 28Alisü Eye thaowua tare, puhye sü rekhaona nou toulou laire, daiolouzü teile sühinou chu koute puhye ngaokhai more. 29Neletao nou hainaye sata-a hakinou ludu donou hadu hasoure toulouzü Esü chüyu thaifüa levea dopfüyu nanou pfüa thai bailai.’
30“Südonou chuo Enou ne kilai apuo hi khaiveyu kisü nahtou nasü koa laimore toulouzü, puhsü thai-a bailai. Puhvei hrirai sü nahtou haina hi phupa khaitoua baie. 31Puhnou nahpoutu haina Etao koa salai more touyu sülouyu thaio puhsü thai bailai, alia puh sü chüshoa peipaoyu thaifüa Etao nou puhle souvea peiyu sünanou pfüa puhsü athaimai kikou hota bailai. 32Südonou apuo hisü nahpoutu naye donou avei hrirai nou poa banda khaitoue. Enou nahpoutu nasü sa-a dakhai vemore toulouzü Enou süna vei chaa nasü pfülai tea apuo hisü paore. 33Südonou chuo ne kilai Eye panou nahpoutu na thaosoua nevei qila panou soua ne hi buwo, alia nahpoutu naye panou china maitao koa puo hisü panou dakhai tawo. 34nahpoutu nasü Etaoye koa tamoyu thaio kabüa Etao sü puoye ve daokhailai? Apuo hi hashi ve daore nasü E ngaopie.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.