SHURAI 41
41
Josef nou Veo vei Me Paola Peiyu
1Po ahai thailo Pharaoh veo hai teitheli mekou nou Nail rei pe hinou la-a bua mue. 2Rei sühisü nou hrübo veishoyu chokü anai ngaopa hiphao hinou pou toua bue. 3Süthaisü choke kukhe hrüshi khaokhaoyu anai-a rei pe hinou pa araitao phihi nou ngao-a bue. 4Hrüshi khaokhaoyu choke anai taonou hrübo veishoyu choke anai taoye kai-a zhaoloure. Süthaisü Pharaoh sü kaishure. 5Puhnou zhi dakhailou me kukheli mupu khaie. Thoube veishoyu rouko anai sü routhoufü ali hinou paopae. 6Süthaisü teikhai teiro ashinou ve soushi khaitouyu thou loumoa thoubah taoyu rouko anai-a füli hinou paopae ngaoe. 7Thoubah buyu rouko taonou thouche roukotao sü kai-a zhaoloure. Pharaoh nou kaihshuloua haisü mekou baie tea süloure. 8Shohnasü kushu puhsü levea shore, südonou Ejipt hi larü rümai ae tsüsümai hrülai kuloua puhvei me sü paongaore ana maili noua puhvei me sü paola peilou hore.
9Süthaisü veo pai polayu nanou veo hisü paoe, “Enou vah soumah khaitouyu nasü zhou Enou ne hi paopa laire. 10Nenou Eye ae raokhao khaoyu peichana hi raroua ahaiye reihmai peikhowo ki hukha hi pothou peie. 11Zhoukheili ahai nou me chükhi mue alia me sü qo kukue. 12Reihmai peikhowo vei qila Ebriamai ali Eye koa bue. Ahai vei me sü puh hi paongao peie alia sütao vei qo sü puhnou paola peie. 13Puhnou paola peiyu bütoua Eye sü avahbuh hi pothou dakhai peie alia raokhao khaoyu peichana louzü rai nou daothare.”
14Veo nou mai seiho Josef ye sü hukhaki hinou thashoa kupoa vere. Puhnou mümai sai-a sabanü daloua veo hisü talou daore. 15Veo nou puh hisü paoe, “Enou meli mue ana sünavei qo sü maili noua ahi paola peilou hore. Me muyu vei qo hai ne paola veishoe tea Enou süe.”
16Josef nou veo hisü chila peie, “Veowo, Enou paola peilou hoe, ana Ramai nou ne hisü kaozü hinou paola peilai.”
17Süthaisü veo nou Josef hi puhvei me sü haibüwe tea paore, “Amekou nou Esü Nail reipe hinou la-a bue, 18ae hrübo veishoyu choke anai rei hinou ngaopa pou toua bue. 19Süthaisü hrüshi khaokhaoyu choke kukhe anai-a ngaopakhaie. Enou Ejipt teidei hi sütao büa hrüshiyu choke ali-a ngaokhai mohie. 20Chokü hrüshi khaokhaoyu sütao nou choke hrübo veitao sü kai-a zhaoloure, 21ana maili noua choke sütao nou hrübo veishoyu choke anai zhaoloure touyu sülou hoe, daiolouzü choke sütao hai chua leh khihao-a hrüki khaokhao-a bubaie. Süthaisü Esü kaishure. 22Pua Enou zhilouyu phaki, meli mu dakhaie alia amekou sünou routhoufü ali hinou rouko anai thou veishoa paopae. 23Süthaisü teikhai teiro ashinou vuhwua thoubah taoyu rouko anai paopa-a ngaoe. 24Ana thoubah taoyu taonou touche taosü kai-a zhaoloure. Avei mesü larü rümai ae tsüsü maitao hi paongaoe ana puletao maili noua sütao vei qo sü ahi paola peilou hore.”
25Süthaisü Josef nou veo hisü paoe, “Nevei me ahai khinou qo zhoa baie, Ramai nou soulaiyu vah taosü ne hi paongaowe. 26Choke hrübo veiyu anai hai po anai paowe, alia rouko anai hai-a po anai paoa baie. Haihaisü qo raia baie. 27Na-a payu choke hrükikhao khaoyutao ae teikhai teiro ashi nou dai-a thoubah tao-a buyu rouko anai taosü po anai tokaa laiyue. 28Enou ne hi paoyu büa Ramai nou soure vahtao sü ne hi pongaowe. 29Ejipt teidei hisü po anai topha sholai. 30Süna thailo hai po anai tokaalai, alia savashoa tophayu po anai taosü ngai-a bailai, daiolouzü tokaayu sünanou teidei nasü soushi showulai. 31Tokaa velai sünanou shiyu hai teile ali hi vashoa tophayu nasü ngai bailai. 32Nenou me mu dakhaiyu nasü Ramai nou souvu zülai tea teile dadewure alia sünasü teile jüta thai palai touyu pongaowe.
33“Chuo südonou tsüsüyu ae tsüpfüyu maiye doloua teidei haina panou kholo. 34Peipha peire buhdumai kukhe maia nenou doloua po anai hi thou valaiyu zha angou hinou zha ali poa jükhailo. 35Tophayu po anai hinou thoudzü teitei pojüloua sütaosü panou kholo. 36Thoudzü taosü Ejipt hi vedaore takaayu po anai taohi poa zhipeire donou pokhailo. Sükulouzü maikhe mai khütha laimoe.”
Josef panou Ejipt hi Teidei Khowo Souyu
37Veo alia puhvei kilai maitao nou Josef nou paoyu sü kaore tea poloure. 38Veo nou kilai maitao hisü paoe, “Ramai rako nou koa buyu Josef haina büa maikukhe Etao hrohi ngaolou hoe.” 39Südonou veo nou Josef hi paoe, “Ramai nou haitao teitei ne hi ngaopeie, südonou nejü nou hasüyu ae tsüveiyu maikukhe ngaolou hoe. 40Neye panou ateidei kholai alia avei mai hrülai nou nevei kharochi zülai, avei vebuh hi E likhinou ne jünou dua bailai. 41Zhukhaio, Enou neye panou Ejipt teidei teitei hi peikhowo soure donou dopeiwure.” 42Süthaisü veo nou puhvei sheesaoyu bahtoukha nasü phaloua Josef bahtou hi thoupeire, alia jüjüsa zao ali puhye zaopeie alia sana tou ali pokou puh tehi toupeie. 43Veo vei rheiluki ahai chena hi panou ngaopa buloure alia reihmaitao nou puhjü railoua “Ludu vaipeio! Nakou khoukhülo” tea rihsha-a tae. Sükua Josef ye sü Ejipt teidei khore donou dopeire. 44Süthaisü veo nou puh hi paoe, “E Pharaoh veowe - Ejipt teidei hi maili-a panou nedo loumoa bakha khalai moe ae phika kalai moe.” 45Veo nou Josef ye sü Zaphenath Paneah tea Ejipt mai zhih nou sapeire alia Heliopolis nuhdu hi napao Potiphera nahpai Asenath sü puhki khapeire.
46Josef nou Ejipt hi veo vei vah talou souyu kisü puh hai po shirou pare. Puhnou veo vei vahbu thaokhaia Ejipt teidei teitei taho sühao zhutare. 47Tophayu po anai hisü chamou alao veia valoue, 48alia sütao teitei sü Josef nou khaloua nuhdu hinou pojü khailoue. Nuhlih kisü dou buyu buh-buh hi thou pojü khailoue. 49Thou sü poulea rei hi vaonai büa chosha louhoa Josef nou pojü khailoure.
50Tokaayu teile ve mojünou Josef ye sü nahpoutu ahai Asenath nou napeie. 51Josef nou paoe, “Ramai nou Eye panou avei veahoyu teitei ae apuo kikhamai hrülaiye ngailoue.” Südonou puh nahpoutu narai na zhih sü Manasseh tea sapeie. 52Puh nahpoutu ahai chena zhih sü Ephraim tea saloue, daiolouzü Ramai nou Eye veahoa buyu teidei hinou nahmai peie.
53Ejipt teidei hi po anai vashoa tophayu teile sü akhai soure. 54Alia tokaa laiyu po anai nasü Josef nou paoyu büa chuo takou daore. Teidei kukhe teitei hia tokaa shore ana Ejipt teidei hiolouzü thoudzü hamoe. 55Ejipt mainou toure halouyu kisü veo hinou ve thou peio tea khore, ana veo nou Josef hinou kholo alia puhnou paoyu büa soulo tea paopeie. 56Teidei teitei hisü tokaayu hai shishoa veyu phaki Josef nou thouki teitei sü houpeia Ejipt mai hrülai hisü zhopeie. 57Buh liki tokaa shishoyu thaifüa deiphao holo hailo hrüyu mai hrülai nou tave Josef hinou thou hüpfüe.
Právě zvoleno:
SHURAI 41: POUMBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 41
41
Josef nou Veo vei Me Paola Peiyu
1Po ahai thailo Pharaoh veo hai teitheli mekou nou Nail rei pe hinou la-a bua mue. 2Rei sühisü nou hrübo veishoyu chokü anai ngaopa hiphao hinou pou toua bue. 3Süthaisü choke kukhe hrüshi khaokhaoyu anai-a rei pe hinou pa araitao phihi nou ngao-a bue. 4Hrüshi khaokhaoyu choke anai taonou hrübo veishoyu choke anai taoye kai-a zhaoloure. Süthaisü Pharaoh sü kaishure. 5Puhnou zhi dakhailou me kukheli mupu khaie. Thoube veishoyu rouko anai sü routhoufü ali hinou paopae. 6Süthaisü teikhai teiro ashinou ve soushi khaitouyu thou loumoa thoubah taoyu rouko anai-a füli hinou paopae ngaoe. 7Thoubah buyu rouko taonou thouche roukotao sü kai-a zhaoloure. Pharaoh nou kaihshuloua haisü mekou baie tea süloure. 8Shohnasü kushu puhsü levea shore, südonou Ejipt hi larü rümai ae tsüsümai hrülai kuloua puhvei me sü paongaore ana maili noua puhvei me sü paola peilou hore.
9Süthaisü veo pai polayu nanou veo hisü paoe, “Enou vah soumah khaitouyu nasü zhou Enou ne hi paopa laire. 10Nenou Eye ae raokhao khaoyu peichana hi raroua ahaiye reihmai peikhowo ki hukha hi pothou peie. 11Zhoukheili ahai nou me chükhi mue alia me sü qo kukue. 12Reihmai peikhowo vei qila Ebriamai ali Eye koa bue. Ahai vei me sü puh hi paongao peie alia sütao vei qo sü puhnou paola peie. 13Puhnou paola peiyu bütoua Eye sü avahbuh hi pothou dakhai peie alia raokhao khaoyu peichana louzü rai nou daothare.”
14Veo nou mai seiho Josef ye sü hukhaki hinou thashoa kupoa vere. Puhnou mümai sai-a sabanü daloua veo hisü talou daore. 15Veo nou puh hisü paoe, “Enou meli mue ana sünavei qo sü maili noua ahi paola peilou hore. Me muyu vei qo hai ne paola veishoe tea Enou süe.”
16Josef nou veo hisü chila peie, “Veowo, Enou paola peilou hoe, ana Ramai nou ne hisü kaozü hinou paola peilai.”
17Süthaisü veo nou Josef hi puhvei me sü haibüwe tea paore, “Amekou nou Esü Nail reipe hinou la-a bue, 18ae hrübo veishoyu choke anai rei hinou ngaopa pou toua bue. 19Süthaisü hrüshi khaokhaoyu choke kukhe anai-a ngaopakhaie. Enou Ejipt teidei hi sütao büa hrüshiyu choke ali-a ngaokhai mohie. 20Chokü hrüshi khaokhaoyu sütao nou choke hrübo veitao sü kai-a zhaoloure, 21ana maili noua choke sütao nou hrübo veishoyu choke anai zhaoloure touyu sülou hoe, daiolouzü choke sütao hai chua leh khihao-a hrüki khaokhao-a bubaie. Süthaisü Esü kaishure. 22Pua Enou zhilouyu phaki, meli mu dakhaie alia amekou sünou routhoufü ali hinou rouko anai thou veishoa paopae. 23Süthaisü teikhai teiro ashinou vuhwua thoubah taoyu rouko anai paopa-a ngaoe. 24Ana thoubah taoyu taonou touche taosü kai-a zhaoloure. Avei mesü larü rümai ae tsüsü maitao hi paongaoe ana puletao maili noua sütao vei qo sü ahi paola peilou hore.”
25Süthaisü Josef nou veo hisü paoe, “Nevei me ahai khinou qo zhoa baie, Ramai nou soulaiyu vah taosü ne hi paongaowe. 26Choke hrübo veiyu anai hai po anai paowe, alia rouko anai hai-a po anai paoa baie. Haihaisü qo raia baie. 27Na-a payu choke hrükikhao khaoyutao ae teikhai teiro ashi nou dai-a thoubah tao-a buyu rouko anai taosü po anai tokaa laiyue. 28Enou ne hi paoyu büa Ramai nou soure vahtao sü ne hi pongaowe. 29Ejipt teidei hisü po anai topha sholai. 30Süna thailo hai po anai tokaalai, alia savashoa tophayu po anai taosü ngai-a bailai, daiolouzü tokaayu sünanou teidei nasü soushi showulai. 31Tokaa velai sünanou shiyu hai teile ali hi vashoa tophayu nasü ngai bailai. 32Nenou me mu dakhaiyu nasü Ramai nou souvu zülai tea teile dadewure alia sünasü teile jüta thai palai touyu pongaowe.
33“Chuo südonou tsüsüyu ae tsüpfüyu maiye doloua teidei haina panou kholo. 34Peipha peire buhdumai kukhe maia nenou doloua po anai hi thou valaiyu zha angou hinou zha ali poa jükhailo. 35Tophayu po anai hinou thoudzü teitei pojüloua sütaosü panou kholo. 36Thoudzü taosü Ejipt hi vedaore takaayu po anai taohi poa zhipeire donou pokhailo. Sükulouzü maikhe mai khütha laimoe.”
Josef panou Ejipt hi Teidei Khowo Souyu
37Veo alia puhvei kilai maitao nou Josef nou paoyu sü kaore tea poloure. 38Veo nou kilai maitao hisü paoe, “Ramai rako nou koa buyu Josef haina büa maikukhe Etao hrohi ngaolou hoe.” 39Südonou veo nou Josef hi paoe, “Ramai nou haitao teitei ne hi ngaopeie, südonou nejü nou hasüyu ae tsüveiyu maikukhe ngaolou hoe. 40Neye panou ateidei kholai alia avei mai hrülai nou nevei kharochi zülai, avei vebuh hi E likhinou ne jünou dua bailai. 41Zhukhaio, Enou neye panou Ejipt teidei teitei hi peikhowo soure donou dopeiwure.” 42Süthaisü veo nou puhvei sheesaoyu bahtoukha nasü phaloua Josef bahtou hi thoupeire, alia jüjüsa zao ali puhye zaopeie alia sana tou ali pokou puh tehi toupeie. 43Veo vei rheiluki ahai chena hi panou ngaopa buloure alia reihmaitao nou puhjü railoua “Ludu vaipeio! Nakou khoukhülo” tea rihsha-a tae. Sükua Josef ye sü Ejipt teidei khore donou dopeire. 44Süthaisü veo nou puh hi paoe, “E Pharaoh veowe - Ejipt teidei hi maili-a panou nedo loumoa bakha khalai moe ae phika kalai moe.” 45Veo nou Josef ye sü Zaphenath Paneah tea Ejipt mai zhih nou sapeire alia Heliopolis nuhdu hi napao Potiphera nahpai Asenath sü puhki khapeire.
46Josef nou Ejipt hi veo vei vah talou souyu kisü puh hai po shirou pare. Puhnou veo vei vahbu thaokhaia Ejipt teidei teitei taho sühao zhutare. 47Tophayu po anai hisü chamou alao veia valoue, 48alia sütao teitei sü Josef nou khaloua nuhdu hinou pojü khailoue. Nuhlih kisü dou buyu buh-buh hi thou pojü khailoue. 49Thou sü poulea rei hi vaonai büa chosha louhoa Josef nou pojü khailoure.
50Tokaayu teile ve mojünou Josef ye sü nahpoutu ahai Asenath nou napeie. 51Josef nou paoe, “Ramai nou Eye panou avei veahoyu teitei ae apuo kikhamai hrülaiye ngailoue.” Südonou puh nahpoutu narai na zhih sü Manasseh tea sapeie. 52Puh nahpoutu ahai chena zhih sü Ephraim tea saloue, daiolouzü Ramai nou Eye veahoa buyu teidei hinou nahmai peie.
53Ejipt teidei hi po anai vashoa tophayu teile sü akhai soure. 54Alia tokaa laiyu po anai nasü Josef nou paoyu büa chuo takou daore. Teidei kukhe teitei hia tokaa shore ana Ejipt teidei hiolouzü thoudzü hamoe. 55Ejipt mainou toure halouyu kisü veo hinou ve thou peio tea khore, ana veo nou Josef hinou kholo alia puhnou paoyu büa soulo tea paopeie. 56Teidei teitei hisü tokaayu hai shishoa veyu phaki Josef nou thouki teitei sü houpeia Ejipt mai hrülai hisü zhopeie. 57Buh liki tokaa shishoyu thaifüa deiphao holo hailo hrüyu mai hrülai nou tave Josef hinou thou hüpfüe.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.