SHURAI 39
39
Josef ae Potiphar Chapfü
1Chuo Josef ye sü Ishmael mainou Ejipt hi save Potiphar tea kuyu Pharaoh veo vei reihmai peikhowo bah hi zhothou peire. 2Mapao nou Josef ye koa salai peie, alia puhnou souyu vah teitei hisü souvi papeie. Puhsü puh paopu Ejipt puona ki hi bue. 3Josef ye Mapao nou koa zhopeie ae puhnou soupfüyu vah veishi panou veteloue touyu puhvei paopu nou zhingaoe. 4Potiphar nou ngaopushu reikhaloua puh kikha hi ae puhvei kini teitei Josef bah hi thaothou peire. 5Puhye panou hona kikha zhupeire donou thaothou peiyu thaifüa Mapao nou Josef vanou Ejipt puona kihikha ae puhvei abuna teitei hie shiha peie. 6Potiphar nou puhvei buna teitei zhupeire sü Josef bah hi thaothou peire, puhnou hatouyu deinou hakukhe halia chomore.
Josef hai pfüphao veie ae zhurao-a veishoe. 7Pha teile jütou thaisü, puh paopu chapfü nou puhye jüpaloua koa zülai khe tea kure. 8Ana puhnou moe tea haibüa honapai hi paoe, “Zhukhaio, Enou haihi buyu vanou avei paopu nou puhvei kikha halia zhumoa abah hi thaothou peie. 9Puhnou soupfüre khouko teitei sü abah hi thaothoukhai peie, neye likhei abah hi thaothou peimoyu baie, daiolouzü ne sü puh chapfüe. Kabüa nou Enou Ramai nghoujü hinou haibüyu mah sü soukhailai.” 10Honapai nou teithetsü Josef ye koa zülai tea kua buyuma puhnou aetou khaipei moe.
11Ana teitheli Josef nou vah soulai tea kikha talouyu phaki, kihi sü vahsou mai lia hare. 12Honapai nou Josef zao pailoua paoe, “Ahai koa zülai she.” Ana Josef nou puhvei zao nasü Potiphar chapfü bah hi thaokhaia kijü tupare. 13Honapai nou Josef vei zao thaokhaia tutayu ngaolou khaie, 14puhnou puh kilai maiye kuloua paoe, “Hina zhukhaio, achapu nou sa-a veyu Ebriamai puona nou Etaoye ngaophou more. Puhnou akikha louloua Eye sazülai tea Eye süre, ana Enou paichishoa raloure. 15Enou rayu pai süloua puhnou puhvei zao nasü haihi thaokhaia kijü tupa tare.”
16Puhcha nou kihi khaivemo koute honapai nou zao nasü puh hi khailoure. 17Süthaisü honapai nou puhcha hisü da-a nou paore, “Nenou saveyu Ebriamai qila puona nou akikha louloua Eye hao soupeilai toure. 18Ana Enou paichia raloukhaie puhvei zao haihi thaokhaiwua kijü tupa tare.”
19“Nevei qila haina nou haikua Eye souhao peiwe” tea paoyu chapfü vei chih süloukhaie, puhvei paopu Potiphar lekha sü meikei pare, 20alia Josef ye sü nüloua veo vei hukha maitao khaiyu hukhaki hisü thoukhaire. Sükua puhsü hukha ki hi bure. 21Ana Mapao nou Josef ye sü kozho peie ae puhye shiha peie, südonou hukhaki hi peikhowo nou puhye sü jüpa loure. 22Hukhaki khowo nou hukhaloumai hrülaiye sü Josef bah hi thaothou peia panou zhue, alia sühi vah souyu teitei hai Josef bah hi thaothou peie. 23Josef nou zhua buyu sütao hisü hukhaki khowo nou halia letsüyu hae, daiolouzü Mapao nou Josef ye salai peia puhnou souyu vah teitei hisü panou veteloue.
Právě zvoleno:
SHURAI 39: POUMBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 39
39
Josef ae Potiphar Chapfü
1Chuo Josef ye sü Ishmael mainou Ejipt hi save Potiphar tea kuyu Pharaoh veo vei reihmai peikhowo bah hi zhothou peire. 2Mapao nou Josef ye koa salai peie, alia puhnou souyu vah teitei hisü souvi papeie. Puhsü puh paopu Ejipt puona ki hi bue. 3Josef ye Mapao nou koa zhopeie ae puhnou soupfüyu vah veishi panou veteloue touyu puhvei paopu nou zhingaoe. 4Potiphar nou ngaopushu reikhaloua puh kikha hi ae puhvei kini teitei Josef bah hi thaothou peire. 5Puhye panou hona kikha zhupeire donou thaothou peiyu thaifüa Mapao nou Josef vanou Ejipt puona kihikha ae puhvei abuna teitei hie shiha peie. 6Potiphar nou puhvei buna teitei zhupeire sü Josef bah hi thaothou peire, puhnou hatouyu deinou hakukhe halia chomore.
Josef hai pfüphao veie ae zhurao-a veishoe. 7Pha teile jütou thaisü, puh paopu chapfü nou puhye jüpaloua koa zülai khe tea kure. 8Ana puhnou moe tea haibüa honapai hi paoe, “Zhukhaio, Enou haihi buyu vanou avei paopu nou puhvei kikha halia zhumoa abah hi thaothou peie. 9Puhnou soupfüre khouko teitei sü abah hi thaothoukhai peie, neye likhei abah hi thaothou peimoyu baie, daiolouzü ne sü puh chapfüe. Kabüa nou Enou Ramai nghoujü hinou haibüyu mah sü soukhailai.” 10Honapai nou teithetsü Josef ye koa zülai tea kua buyuma puhnou aetou khaipei moe.
11Ana teitheli Josef nou vah soulai tea kikha talouyu phaki, kihi sü vahsou mai lia hare. 12Honapai nou Josef zao pailoua paoe, “Ahai koa zülai she.” Ana Josef nou puhvei zao nasü Potiphar chapfü bah hi thaokhaia kijü tupare. 13Honapai nou Josef vei zao thaokhaia tutayu ngaolou khaie, 14puhnou puh kilai maiye kuloua paoe, “Hina zhukhaio, achapu nou sa-a veyu Ebriamai puona nou Etaoye ngaophou more. Puhnou akikha louloua Eye sazülai tea Eye süre, ana Enou paichishoa raloure. 15Enou rayu pai süloua puhnou puhvei zao nasü haihi thaokhaia kijü tupa tare.”
16Puhcha nou kihi khaivemo koute honapai nou zao nasü puh hi khailoure. 17Süthaisü honapai nou puhcha hisü da-a nou paore, “Nenou saveyu Ebriamai qila puona nou akikha louloua Eye hao soupeilai toure. 18Ana Enou paichia raloukhaie puhvei zao haihi thaokhaiwua kijü tupa tare.”
19“Nevei qila haina nou haikua Eye souhao peiwe” tea paoyu chapfü vei chih süloukhaie, puhvei paopu Potiphar lekha sü meikei pare, 20alia Josef ye sü nüloua veo vei hukha maitao khaiyu hukhaki hisü thoukhaire. Sükua puhsü hukha ki hi bure. 21Ana Mapao nou Josef ye sü kozho peie ae puhye shiha peie, südonou hukhaki hi peikhowo nou puhye sü jüpa loure. 22Hukhaki khowo nou hukhaloumai hrülaiye sü Josef bah hi thaothou peia panou zhue, alia sühi vah souyu teitei hai Josef bah hi thaothou peie. 23Josef nou zhua buyu sütao hisü hukhaki khowo nou halia letsüyu hae, daiolouzü Mapao nou Josef ye salai peia puhnou souyu vah teitei hisü panou veteloue.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.