Oblíbené biblické verše z Matɨyui 12

Sdílet

Kɨrɨ' sarevɨdaa'nyɨ yɨhɨthɨvanɨge. Kotɨya marya'ne yɨrɨkerɨkɨ Gotɨyai yagaala gazaza yaasɨwa'na damaryadɨvɨsanna maryawɨbwaradengɨra. Sare' dare'nesɨ. Yune gɨmɨre yagaala dadɨnya dazahɨrɨvɨna Gotɨyai ‘A'mwe yɨda'maraangeigɨnyɨra,’ gɨthathelyɨ. Nabaai gɨmɨre yune yagaala dadɨnya sahɨrɨvɨna ‘A'mwe kayaa'nanyaigɨnyɨra,’ gɨthathelyɨ.”

Naawɨnaanyarɨdaa'nyaihi, a'mwe kayaa'nanyaihi mwaaihasa'na yagaala nawɨ'nya gatha'dara dɨpɨneihɨlaka! Sare' dare'nesɨ. A'mwere sɨmunya yunevɨ yawɨ'de daza maangevɨdaa'nyɨ dadelyɨ.

A'mwe nawɨ'nyai gamɨre sɨmunyavɨ yawɨta tewaanya wɨlawa'delyɨ. Sarevɨdaa'nyɨ yagaala yuna tewaanyabwina dadelyɨ. A'mwe kayaa'nanyai gamɨre sɨmunyavɨ yawɨta kayaa'nanya wɨla'delyɨ. Sarevɨdaa'nyɨ yagaala kayaa'nanyabwina dadelyɨ.

Sarevɨ yɨhɨthɨvanɨge. Kayaa'nanya yuyajɨ bɨrala saza dadɨvɨsajɨ Gotɨyai marasɨ'nadelyɨ. Kɨrɨ' Kurya Tewaanyarɨna yagaaibɨraizɨka dazare wagɨlya' marasɨ'nadei mɨ'.

Nabaai sarɨmɨ yawɨrangabɨneihɨlyɨ ‘Yɨsɨ' tewaanyɨkɨ,’ dɨpɨja' ‘Yɨ gamɨre yɨsɨla kɨnɨjɨ tewaanyangɨra,’ dɨpɨneihɨlyɨ. Nabaai ‘Yɨsɨ' kayaa'nanyɨkɨ,’ dɨpɨja' ‘Yɨ gamɨre yɨsɨla kɨnɨjɨ kayaa'nanyangɨ,’ dɨpɨneihɨlyɨ. Sare' dare'nesɨ. Yɨsɨlanna a'mwera wangadɨvɨ' yɨsɨlyangɨne yɨsɨkana yawɨ'dɨvɨkɨ. (Nabaai “Jizaazai tewaanyanna yadevɨdaa'nyɨ sahwai tewaanyalyɨreva.”)