Oblíbené biblické verše z Lukaš 19

Sdílet

Bo o Čhavo le Manušeskro avľa, hoj te rodel a te spasinel oda, so sas našado.“

a vičinenas: „Bachtalo hin oda kraľis, savo avel andro nav le Rajeskro! O smirom pro ňebos a e slava le Devleske!“

O Ježiš leske phenďa: „Adadžives avľa o spaseňje kale khereske, bo the ov hino o čhavo le Abrahamoskro.

Sar avľa o Ježiš pre oda than, dikhľa upre a phenďa leske: „Zacheus, av sigo tele, bo adadžives mušinav te ačhel andre tiro kher!“ Ov avľa sigo tele a radišagoha priiľa le Ježiš.

Ale o Zacheus ušťiľa a phenďa le Rajeske: „Jepaš mire barvaľipnastar, Rajeja, dav le čorenge, a te varekas andre varesoste občorarďom, dav leske pale štarval ajci.“

Ale varesave Farizeja, so sas maškar ola but nipi, leske phende: „Učiťeľina, dovaker tire učeňikenge!“ Ale ov lenge odphenďa: „Phenav tumenge, hoj te on ena čhit, o bara vičinena!“