Oblíbené biblické verše z A-pûn Awang 17

Sdílet

Abram gi, chyungxe zànwut 99 zân bo é hkûn, haû Yhûmsîng Garai gi, yhang lé htoq shit mù, “Ngò gi, Wum-o a-tsam dìk shoq bò Sû Garai Gasang nghut lhê; Ngá é hí má, mara hûn jang a bo é za sô nyì àq.

Nang lé gi, Abram ga lo râ a nghut; náng é myìng gi, Abraham ga berâ nghut lhê; hkâsu mù gâ le, Ngò gi, nang lé byù myû myo myô é îwa dùt nhâng bê nghut lhê.

Ngò gi, náng é Garai Gasang le, náng é htâng má nyi lé lô râ nghut é náng é awùt ashîn pê é Garai Gasang le kut nyî râ nghû, nàng eq náng é htâng má nyi lé lô râ pyàt bán myo myo nghut é náng é awùt ashín pé eq Ngá é gyoro má, ahtum abyùq dangshikaq nghut é, Ngá é dangshikaq lé to râ nghut lhê.

“Nàng eq tô é Ngá é dangshikaq gi, shí dông nghut bê: Nàng gi, byù myû myo myô é îwa dùt râ nghut lhê.

Haú hkûn, Garai Gasang gi, “Nghut kôlhang, náng é yhûmsîng myhí Sara gi, nang lé yùqzo rayùq hkû byi râ nghut mù, nàng gi, yhang lé Isak nghû myìng myhíng byi ra râ nghut lhê. Yhâng mai nyi lé lô râ nghut é yhâng é awùt ashîn pê é matú, ahtum abyùq é dangshikaq nghut nyî râ dông, Ngò gi, yhang eq, Ngá é dangshikaq tô to râ nghut lhê.

Ngò gi, ahkuî nàng byù bíng kut nyi é jang, Hkanan mau gón shî lé, ahtum abyùq sing yù râ matú, nàng eq náng htâng má nyi lé lô râ nghut é náng é awùt ashîn pé lé byi râ nghut lhê; Ngò gi, yhángmòq é Garai Gasang dùt râ nghut lhê.” ga taî ri.

Abraham gi, myòqdong ngóm gòp luî, wuì uchyang, yhânggùng yhang, “Rashô zan é yùqgè rayùq gi, yùqzo wó shirâ lhú? Sara gi, chyungxe zànwut 90 zàn má zoshâng wó hkû shirâ lhú?” ga taî ri.

Garai Gasang, Abraham lé xoq taî é gi, “Náng é yhûmsîng myhí Sarai lé, nàng, Sarai nghû a ge wùt lo; yhâng é myìng lé gi, Sara nghû berâ nghut lhê.

Núngmòq gi, ahpyo-kuq hpyit é hkam yù râ dùt lhê; haû gi, núngmòq eq Ngá é gyoro mâ é dangshikaq masàt alhô agàn dùt râ nghut lhê.

Nghut kôlhang, Ngò gi, náng é matú, sâ-nhik shí nám lé Sara hkû byi râ nghut é Isak eq, Ngá é dangshikaq to râ nghut lhê.” ga taî ri.

Núngmòq é pyàt bán hkangmó mâ é yùqzo hkangmó gi, núngmòq é yhûm má hku é bang nghut nghut, núngmòq é awùt ashín a nghut é za, ngun èq wui hpyit yu é bang nghut nghut, hku htâng shit nyí nghut jáng, ahpyo-kuq hpyit ra râ nghut lhê. Yhûmsing é yhûm má hku é sû nghut nghut, yhûmsing é ngun èq wui yu é sû nghut nghut, ahpyo-kuq hpyit é hkam yù ra râ nghut lhê. Núngmòq é gùngsho má, Ngò tô é Ngá é dangshikaq gi, ahtum abyùq é dangshikaq dùt râ nghut lhê.