Oblíbené biblické verše z Ruki 12

Sdílet

Ijadufuo jadua janika ijiege samua karinoefo. Ijadufuo maeje Ema ijiebuo Fari ige na maza ije ja naebe vierafeva na ijia una ruakono kiae.

Ijadufuo ja karina ire binobino uruke vierafevo ije aregaro amure urina Godido i ije mega fu ja samuagiakinu ifejiadufuo.

Jesu fu ijiege kuara areme una dakude e boeje kiae, E gure ja ire boeje binobino josukua iraraena kevo ije nika joe samuanamikinu oenoefo. Ijadufuo maeje ema bu oemarekinu karinoevo ije bu sinuome buone maeje bu zaraevo ijare ifejiaga bu karinoevo bakino kiae.

Ijadufuo ja oenoejo ije oe jone nika ire maeje bu izia naovo ije vierafenoefo. Ijadufuo maeje ire maeje jone boeje bu izia naovo ije oe jone budua bu ijia naodufuo.

Ro a uri izege a fivadufuo ije ireobo vierafenoekuva a izege one a fivako ije abe bio jiamado nijana fivakuma baki.

Areme Jesu fu urina e vua fuone fievo ije kuariana kiae, Jade maza boeje uri ire ja ikinu karivadufuo ijiakiro ugone ja sadufuo ije uruke vierafevo.

Ro igia fie, nigofo u jone boeje bu izege ireva ije Godi fune giana vierafei. Ijadufuo jade jumevo ijadufuo maeje ja Godido nidua ijia jaeje jaka e anuigi ro ume ije bume sibaneke anuigi.

Jesu fu ijiege kuaria areme kiae, E sibaneke gure ja vua none ige fievo ije jade jumevo. Ijadufuo maeje Asoe jone ije fu ja kiaga jare ire fuone boeje fu samuagiamo ije gue samuagiadufuo.

Ro kuke ni ume ije vierafefo. Buje bu uije okinu ro kanafuivo baki. Ro kuke bu are bu ire nadufuo ije bu baki rove fune Godire samuagiakinu ire vajiamo. Ijadufuoro jaeje jaka ume ijieki baki ro ja Godido nidua ijia jaka e anuigi bino.

Ro jade maza boeje uri dokiro ire ja idufuo ijadufuo karina vierafevo.

Ro ni kuke una vajoma ije vierafefo. Bu ivia ireva a giae ro isuome a una vaga fune saere. Rove Godi vajoma ije fuka uria samuagiame. Ro una ema ije jaeje ja ire kusare ijieki baki ijadufuo Godi ja fuka maza boeje samuagiakinu ifejiamo. Ijadufuo ni Godi ma vierafekinu karinoefo.

Ro igia fie, ire boeje ja mauike nuriete sauina renoevo ije rade buka una samadireke.