Oblíbené biblické verše z EFESA 6

Sdílet

Zecawtamaw tatah Kaaning tei kaa dypaw carae cawh thi le saw khatah a cangpaw khah cang lytah uhtu sahlo, nawhnuinah sahlo, ma khazaw muinah hmingtuakhynah le cung lang letei a ungpaw thlawpaw pialuipaw thawtlungnah sahlo khah kaa dy hripaw a cang hi.

Taico, zezong maikaw letah nawpawnah le thlawchangnah a phingphing khei Thlawpaw letah thlawchang my lo. Ma lungpho hmo co a hrah la, mehpathai vytei cawtah thlawchang paria my lo.

Khazing a raedynah chaichi a tlingpaw khah a hrei la, ma pawsui co Setan reipasawhnah le dungkheinah khah naa dawcakhai khy he ceh.

Macawtaco Khazing a raedynah chaichi a tlingpaw cawh a hrei la, ma pawsui co ning achaw lypaw a va chua tihtah a dawcakhai khy he ceh ka, zezongpui naa tua khy tai zong tah na daw paria khy thlang he ceh.

Ma vytei taihei zingnah khah pho cawtah khei a lah la, ma pawsui co mehchaw lypaw Setan tei a ca kawnah pawhe melui hratah a cangpaw caitai khah naa chaiseh khy a. Lukhu cawtah pachahnah khah a khu la, Thlawpaw zyzi a cangpaw Khazing bia khah a lah my lo.

Mataico cyky tah a daw la, biahmuisui tesong khah naa te letah a song my lo. Mataico naa cacanghnaw a pachawngkhainah pho cawtah khei dingnah khah a lah la, arainah thawngchawbia taitah a va chuhpaw a maipacianah khah naa phe letah a pakong my lo.

A changnah letah co Abuipaw le a hmingtuakhynah thawtlungnah letah a cy pawtah ung my lo.

“Na no le na paw cizaw my lo,” tahpaw cawh biakangnah kha a peitlepaw biapeh a hmetaw caipaw a cang. Ma bia cawh naa nge caco, “Naa cawtah chah ka, aluicung lehei naa hringkhua a sy a.”

Naaning sawtei a cangpaw sahlo, naa no naa paw aa reinge my lo, ma cawh Abuipaw dupaw a cang. Zecawtamaw tatah no le paw reinge cawh ahmangpaw a cang.