Oblíbené biblické verše z Matiyu, echî 18

Sdílet

Kpe bhaghé eji nji ane á kumí á sî ábháe na ásá, ka mbiŋ amé, mme n di áfo na ábho.”

“Deê ń sə́ré ên m kpê bəre kpe bhaghé ebhú nji ane ábháe mba á tóbha Obhasi á kumí ka eji á kâm sê á góre Obhasi a yim ejûm a karé ábho, Ńsé omé ka ósô a kí yim ńjə́ne a karé ábho.

Jisos a bhîŋ mmonche a gyími ábho ka ochî. A sə́re mân ábho se, “Deê ń sə́ré ên bəre nne nnyo á ka yóŋé ḿbə́ŋé eye, a joé jáé noŋ nnyi mmonche, á bhó yen otúi Obhasi bhúghí-bhúghí.

Məŋê ên mân sê nne nnyo a faŋê a chíŋi ntem ka otúi Obhasi a ri yê nnyo á ko biji se kpe ejûm yê á ka fáp noŋ mmonche ntʉ́ghi nnyó.

Kpe énê nnyo á fi ntʉ́ghi mmon nnyó a kâk ka biji ka mbiŋ amé, a fiî ə̂m áno.”

“Deê ń sə́ré ên bəre kpe jen nji ó səre ên ka nsi nnyi sê nne a kâ yîm áno, nâ noŋ á kí ko fə́ne ka ósô. Nji ó kam ên sê nne a yim áno, nâ noŋ á kí ko ka ósô.

Jisos mân se, “Nâ noŋ Ńsé omé ka ósô a kí yim na ên ájoé ó bhó ri ên atem nsôn na ḿbə́ŋé fép ka obhí mbi á yími ên.”

“Kpe énê nnyo á choe mmonche ntʉ́ghi nnyó a yíghi ḿbə́ŋé nnyi a kíi na mme, é nôp é chîŋ á kô ekpatə́m í ntáé isú á bhôp ntʉ́ghi nne ányo ka ntuŋ, á bhî ka aya.

“Kére ên kpá nchot nnyí. É kó sê nne owəné yót a fôn nsam i mbúi érôn, kən mbúi yə́t a tân. Ó kere ên sê nne nnyó a kí yim nan? A ri a maghé mbi ngá ka eji édî a jí wom nnyi a táne áno.