Oblíbené biblické verše z Basumikilisi 7

Sdílet

Yahwe bakadwa Gidiyoni bakati, “Bathu baunabo banjisa kundili kuti ndilonge Bamidiyani mu maboko abo, kusiti pamwe Baiziraela bedwa bezwikudza beti, ‘Tazwitjidza ngekwedu.’

Ngono Yahwe bakadwa Gidiyoni bakati, “Nge balume bali mazana matatu (300) bakaswa ndowokusunungula ndikalonga Bamidiyani mu maboko awo. Letja bamwe bose babgwilile, mmwe ne mmwe kanyi kukwe.”

Ndizo ngweno zibisa bathu uti, ‘Iye unotja ngotetema ungashanduka kabhuda mu Dombo le Giliyadi.’ ” Ndizo kukashanduka bathu bali zwiwulu zwili makumi mabili ana zwibili (22 000), kukasala bali zwiwulu zwili gumi (10 000).

Koga Yahwe bakadwa Gidiyoni bakati, “Bathu batji banji kwazo, ubayise ku vula ndowobatapudza ikoko. Ha nditi, ‘Iwoyu wakafanila yenda nawe, ngaayende,’ koga ha nditi, ‘Iwoyu aazofanila yenda nawe,’ ngaasiyende.”

Ndizo Gidiyoni kadelusila bathu ku vula, ngono Yahwe bakadwa Gidiyoni bakati, “Uthubukanye banokaswa vula nge lilimi se mbgwa ne banothigama pasi be ng'wa vula.” Balume bali mazana matatu (300) bakang'wa vula nge maboko bekaswa se mbgwa, ngono bose koga bakang'wa vula bakathigama.