Oblíbené biblické verše z Kufuluka 2

Sdílet

Ndzimu ukahwa kutshinda kwabo ngono Ndzimu ukakumbula tjidumano tjawo na Abhurahama na Isaki na Jakubo. Ndzimu ukalinga Baiziraela ukabayitila hanya.

Shule kwe tjibaka tjilefu, Mambo we Egipiti kafa. Baiziraela bakabe batjatshinda nge bulanda gwabo belila. Bakalilila Ndzimu ngekwe bulanda gwabo beti ubabhatshe.

Mwana kati akula, kantola kan'yisa ku nkololokadzi wa Faro ngono iye kantola kanthama nkololo uwe. Kantumila eti Mushe ngoti wakati, “Ndakan'dusa mu vula.”

Nkololokadzi wa Faro kabe ebadwa eti, “Tola mwana iwoyu undilelele iye, ndowokupa mbhayilo uwo.” Ndizo nkadzi iwoyo katola mwana kanlela.

Nkololokadzi wa Faro kazha kuwongula mu gwizi, ngono balandakadzi babe bakabe beyenda mu phili dzago. Iye kabona itundu pakati kwe shanga dze gwizi ngono katuma nlandakadzi uwe kunotjitola.

Mu limwe zhuba Mushe atjikula, kabhuda kayenda ku bathu bakanyi kukwe ngono kabona nshingo unolema wabanokombeledzwa. Kabona N'egipiti eloba Nhebheru, mmwe we bakanyi kukwe. Mushe kalinga yeno na yeno, kati asina waanobona kabulaya N'egipiti kansumbika mu nsetje.