Oblíbené biblické verše z Matama 6

Sdílet

ngono ude Yahwe Ndzimu uwo nge moyo uwo wose nenge meya iyo yose ne simba lilo lose.

Uadiye bana babo, ulebeleke nge kwawo uligele mu ng'umba iyo ne uyenda mu zila ne ulilele pasi ne umuka.

Ngono matama iyawa andinokupa mu zhuba lino agale mu moyo uwo.

“Ihwa iwe Iziraela, Yahwe Ndzimu wedu ndi Yahwe bang'ompela

Uasungilile mu tjiazha tjitjo ili ikumbuludzo abe lutjwayo pakati kwe mesho awo.

Ngono uakwale mu makwasayile e nkoba we ng'umba iyo nemu mazhalilo e nkoba we nzi.”

Utje Yahwe Ndzimu uwo, ubashingile utune nge zina labo.”

“Ngono kowoti Yahwe Ndzimu uwo bekulonga mu shango yabakatuna kuna botate benyu, kuna Abhurahama ne kuna Isaki ne kuna Jakubo kukupa iyo ne mizi mikulu yayo yakanaka yawusakabaka, ng'umba dzizhele zwithu zose zwakanaka zwausakalonga mudzili ne matshime akatshiwa kale, awusakatsha ne mizhambi ne mitoba yawusakadzikila, ngono uti uja uguta, ipapo ube ne njele usitongo kangang'wa Yahwe ibo bakakudusa mu shango ye Egipiti, bekudusa mu ng'umba ye busungwa.

Eyi ndiyo milayo Yahwe Ndzimu wenyu yabakandidwa kuti ndimudiye iyo kuti muyilondolodze mu shango yamunoyenda kuyitola, kuti utje Yahwe Ndzimu uwo, iwe ne nkololo uwo ne zwizekugwana zwizo nge kulondolodza milayo yabo yose mu mazhuba wose butjilo gugo nekuti mazhuba awo apaphidziwe.

Ngono muthame tjakatambunuka ne tjakalulwama mu mesho a Yahwe kuti ndizo kumuyendile zubuyanana nenge kuti mungine mutole shango iyeyi yakanaka Yahwe yabakatuna kuyipa bobatategulu benyu

ngoti Yahwe Ndzimu wenyu upakati kwenyu Ndzimu una fupa, kugwadzamoyo kwa Yahwe Ndzimu wenyu kusitongo dwa kumuhwila bebe bemulobesa kudwa mu shango.

“Musitongo tobela midzimu mimwe, midzimu ye bathu bakakupoteleka

Musitongo buya mukalika Yahwe Ndzimu wenyu sekwa makabalika ku Masa.