Oblíbené biblické verše z Xu̱ju̱n xi y'ét'a Mateo̱ 27

Sdílet

Nkú ma nga chu̱ba̱ jan 'yún kikjintáya Jesu nga éhe̱n kinchja̱. B'i̱ kitsú: —Eli, Eli, ¿lema sabactani̱? —kui éi̱n xi tsuhu̱ ra̱: Ji Nti̱a̱na̱, ji Nti̱a̱na̱, ¿á kan'e nga mahaní?

Nk'ie nga b'a̱ kamoo̱, kitiyájen najyun xi tje̱nchja a̱nte xi 'yún nkjúhu̱n ni̱nku̱. Jo tsitju. Kik'aha̱ ra̱ nk'aha̱ santaha kintee̱. Ko̱ chón kama ko̱ tsakjan na̱xi̱u̱. Tsix'á tsjóho̱ ani̱ma̱ ko̱ j'áíya ngáha̱ ra̱ nkjin xu̱ta̱ k'ien xi kis'ejihi̱n Nti̱a̱ná.

A̱s'a̱i ta̱ 'yúhún kikjintáya ngáha Jesu ko̱ k'ien.

Nda̱ jun k'aku̱ ko̱ já jun xi tíi̱ncha kunntá Jesu, nk'ie nga kikie chóo̱n ko̱ ngayjee̱ ni xi tímoo̱, tu̱ xí i̱ncha kitsankjúhún ko̱ b'a̱ i̱ncha kitsú: —Kju̱axi̱ kjáíhin nga kui nda̱i̱ xi Ntíhi̱ Nti̱a̱ná.

Chu̱ba̱ te jo nga ni̱stjiu̱n kis'e jyun ngayjee̱ a̱sunntee̱ santa nkúhu nga tsichu chu̱ba̱ jan nga ngixuu̱n.

B'a̱ kitsú Pilato̱: —¿Ko̱ mí xi ts'ihi̱n Jesu xi 'mi Cristo̱? B'a̱ i̱ncha kitsú tente xu̱ta̱: —¡Kas'et'a kruu̱! B'a̱há ta̱ kitsú ngáha Pilato̱: —Tu̱nga, ¿mí ni ch'on tjíhin xi kits'ín ndo̱? Tu̱nga tu̱ sahá 'yún i̱ncha kikjintáya sa xu̱to̱: —¡Kas'et'a kruu̱!