Oblíbené biblické verše z Salmos 34

Sdílet

Vaa iyo yatni Su'si ma ja sa'a ya ja jin kaku ñayii ka kuxii ka kunda'vi ini ma ja ñatuu‑ka na tnu'u kanu ini ka neva'a i ma.

Ni ndanduku sa Iya Tátnuni ma, te ni jiniso'o ya ja ni jiña'a sa ma, te ni sa'a ya ja ni kaku sa nuu ndaka ja ni yo yu'u sa ma.

Visi kua'a xeen tnundo'o tnuneni tná'a ñayii sa'a ja va'a ja ndaa ma, kovaa sa'a Su'si Iya Tátnuni ma ja vivii yanduu yandoso i nuu ndaka tnundo'o tnuneni yukan.

Jin kototnuni ni, te jin kuni ni ja va'a xeen ini Su'si o Iya Tátnuni ma. ¡Te naka va'a kúu ñayii kúkanu ini ya ma!

Ndaka ñayii ni ka ndanduku ya ma te maa in‑ni ya ka nde'ya i ma, te ni ka ndundijin nuu i ma, te lili yu'u lili nuu i kuan koo i, te masu nde ka kukan‑nuu i.

Te ñayii ka sa'a ja va'a ja ndaa ma, ora ka ndakune'e jajaa i Su'si ma, te niniso'o ya ja ka jiña'a i ya ma, te sa'a ya ja jin kaku i nuu ndaka tnundo'o tnuneni ka ndo'o ka tna'a i ma.

Vaa ángel jinukuechi nuu Iya Tátnuni ma chi ûni ndákonduu i jito vava'a i ñayii ka kandija ja ká'an ya ma, te ñatuu wa'a i tnu'u ja nawa sa'a ña'a suchi ñatuu kúnimani nuu ñayii ma.

Kakayata ni nuu ja u'vi ma, te nduku ni ja sa'a ni ja va'a ma. Nduku ni ja koo mani ni ji'in ndaka ñayii ma, te ndimaa sukan ko sa'a ni.

Te ko koto va'a ni yaa ni a, ja máko ka'an ni ja u'vi ma, te ko koto va'a ni ñií yu'u ni a, ja máko xnda'vi ni ñayii ma.

Vaa Su'si Iya Tátnuni ma chi nde'ya nde'ya‑ni ya nuu ka iyo ñayii ka sa'a ja va'a ja ndaa ma, te niniso'o ñukuun ya ja ka jikan‑ta'vi ka jikan‑ta'vi i nuu ya ma.

Jín ndututu ndaka o, te jín ndachiñu'u o ya, te ja jin ka'an jin kachi o ma kúu ja iya ka'nu xeen kúu ya.